元気寿司 (馬鞍山廣場)

營業中

休息中

落雨天決定黎元氣食下午茶用電話app拎定位就唔洗等太耐啦下午茶餐牌有五個壽司餐 睇自己鍾意食咩決定啦選擇唔多 不過實有樣野岩既我地一人叫左一個餐呢小食有沙律 炸多春魚 同埋玉米天婦羅三個人一人叫一樣 可以食曬而主食我叫左有芥末八爪魚同辣味三文魚既壽司盛C 再配埋個烏冬 份量岩岩好不過如果唔夠食既話 仲可以跟餐加多件手卷呢

耐唔耐就想食元氣 好似飯堂咁價錢同質量成正價比呢!不過今日碟炸墨魚咀就有啲油平時食嘅時候都好好食!!如果放工夜晚想食7點就要早少少用app拎定飛啦如果唔係等太耐就會餓親呢~

午飯時想食日本野，放是猶疑去元氣定板長，感覺同事想去元氣多啲，於是就選了元氣。起初選呢個餐，以為會好飽，原來真係好「親子」，每樣都細細份。不過，食完都好飽。有前菜，在炎熱的夏天，食落感覺好舒服。炸多春魚，超出想像，有wasabi 味，新鮮炸起，所以我試了人生第一次將多春魚整條（連頭）食落肚。魚生飯，正常水準；燉蛋，剛煮好，好熱，但咸左少少；烏冬都係一樣，咸左少少。刺身只有三件，再多一啲就好😁不過，本身已要$88，仲要加一，整體比以前貴左好多，呢個價錢的午餐，馬鞍山新港城附近，仲有好多選擇呢！

前幾日食完元氣壽司，今日忍唔住同朋友再黎食，因為真係好掛住佢既厚切灸燒帆立貝。黎到既時間係下午茶，所以梗係叫好抵食既下午茶，叫左三個下午茶餐。日式燉蛋配炸多春魚、玉米天婦羅、蟹柳粟米沙律、炸墨魚咀同埋厚切灸燒帆立貝。🤤 🤤蟹柳粟米沙律真係唔多掂，下次一定唔會再叫，D 菜一食落口好似剛剛係冰箱攞出黎咁，而且又無沙律醬勁難食，食左一半就已經放棄左。玉米天婦羅、炸多春魚同炸墨魚咀比想像中好味好多，可以一試。

講起迴轉壽司我諗好多人都會諗起元氣，因為元氣壽司款式好多，而且又保持到水準，難怪佢可以愈開愈多分店。今日星期日就黎到馬鞍山既分店，大約 5 點幾入到去坐低，好彩早左食如果唔係起碼要排 30 幾 40 人先有得食。叫左日式燉蛋、炸軟殼蟹手卷、炸蝦卷、灸燒黑椒三文魚、灸燒帆立貝、筋子。🤤 🤤 🤤日式燉蛋係咁多間壽司店黎講真係首屈一指十分出色，暫時黎講未有一間壽司店可以取替到。炸蝦卷係元氣獨有既其中一款壽司，用壽司飯包住香脆既吉列蝦，重加上一層蟹籽，真係無得頂。灸燒黑椒三文魚同灸燒帆立貝，厚切之剩重肉質好肥美。

馬鞍山元氣不嬲都排長龍！次次都會一早用app拎定位先去食！星期六日要食更加係難上加難，兩百個位我都等過，真係返屋企瞓一陣先出都唔驚過咗龍多人食點餐紙先會出動～最鐘意自己寫單～嗌咗唔係好多野食，不過今次真係有啲嬲！最愛嘅筋子無平時新鮮，眼睇都唔係一粒粒飽滿嘅小泡，短期內都唔會再食筋子！卷物最愛一定係元氣卷，每次嚟都必食！軍艦方面紫菜一嚟已嚟淋晒，😕😕平日食水準好好多！

我同老公都唔食生嘢，我地只會去元氣食壽司，因為佢多熟食之餘，冇咩魚腥味同埋馬鞍山不嬲都被人叫做美食沙漠，呢間元氣係呢到叫美食咖喇不過等位係超耐，12點準時用app攞位，都要12:30先入到去。

呢間馬鞍山元氣已經食過好多次，以前確實唔差，一向都多人等位，去得都預左早少少或預多少少時間等位，但有次真係好離譜，講明要迴轉枱，佢地侍應竟然安排2張唔同飛既人3對3坐同一張迴轉枱，本人係其中一張飛，d位坐2對2都ok, 但2班唔識既6人坐埋一齊(平時都照入4)，咁咪好迫(識就話坐到迫一迫啫，真係郁吓都好迫)，仲要點計迴轉碟? 好奇怪既安排，之後個侍應hold 住呢2張飛唔入，俾左後面1家4口2大1細1手抱b入去坐，安排超級差，完全唔係先到先得，只按侍應心情定先後，餐廳仲要好多食物成日冇貨，例如海膽壽司，次次都冇，之後有次終於食到，但勁唔生鮮，由原本橙色變為橙灰，見到都唔想食只可說品質愈來愈差

我本身係元氣會員，今日同屋企人食，打算食六點半，諗住無咩人食。搭車果時已經係會員apps 拎定飛😅點知去到過佐…好彩職員話唔過十分鐘都比我排返後補🤣不過我六點三去到門口已經有人排隊…仲要係平日…好難想像假日或公眾假期會點樣🙄我地坐回轉抬，但眼見回轉帶既壽司都唔太新鮮，所以就改落order.... 叫佐幾碟野都好普通的三文魚，卷物同手卷但都要等起碼十五分鐘😪😪😪不過好彩黎果時飯都暖暖的。枱面既疆係任食的。不過我地果個位附近都無曬…職員完全無check 過? 叫佢拎盒新黎，完全唔新鮮的，好難食🙄🙄熱水唔夠熱，茶又沉曬底…之後芥茉勁水唔知想點…又啖又水…好嘔心😌最後因為太迫又嘈，我地好快食完就走了。今次食佐接近三百蚊，都送佐張二十蚊現金券比我下次用，仲可以會員儲分當錢用。不過下次如果有其實分店都盡量唔會去馬鞍山，因為實在真係太多人了……

係誇張咗嘅，馬鞍山近來已開咗唔少嘅食肆，好多都唔錯。不過元氣一定係長期都好多人排，所以通常都係拎咗飛、留低電話，然後去行街，直到有電話通知先返返去入座。入座之後，就係沖茶同叫嘢食嘅時候～呢啲嘅綠茶粉係可以買架，大約$38一包，返屋企慢慢沖又得。火炙係我嘅最愛，佢有種燒烤嘅感覺，口感又再多一個層次。所以第一round係叫咗好多炙燒嘅壽司，有三文魚、帆立貝、等等⋯當然唔少得甜蝦啦～仲有廣島蠔添～ 辣味三文魚軍艦都係必選之一。仲有叫咗個小食。仲有好甜嘅三文魚刺身～最後就食咗個甜品-- 日式芝士蛋糕！佢係極有雪糕感覺嘅芝士蛋糕，無試過喺其他地方食過呢隻口感，而且價錢公道～ 有時係為咗食甜品先走入黎咋。呢個真係必食推介埋單～$350，不過會員優惠有折，今次有張75折優惠，結果200尾有找抵呀！

平時一個月，大概有4-5次都會約朋友仔去元氣食tea,因為覺得佢幾抵又夠飽，點知一個月冇去，有d野大不如前😑我地2:15pm入到去，lunch menu已經收埋左，但佢明明寫坐lunch menu到2:30pm嫁嘛😂點解唔落得order喎💔跟著我地等tea set 啦，2點30幾分問佢有冇tea set menu,佢答我：「仲準備緊，如果你要menu其他人都會要。」小姐，tea time要tea set menu好正常，關其他人要唔要menu咩事，你又知人地要？或者人地唔要呢😂等啊....等，menu黎啦，張menu岩岩放落我手就問我係咪要落order，你都知我肚餓呢，但可以俾多少少時間我嗎？😑炸軟殼蟹，哩間曾經係我食過咁多間元氣最好食既炸軟殼蟹，仲次次必食，但琴日一試，大失所望😂😂炸墨魚咀，哩個之前炸得一般般，今次反而唔錯幾好食👍🏻三文魚湯，叫tea set 加$12就有啦Tea set (E)跟餐既烏冬另外再散叫左幾件壽司

520 冇咩安排 臨放工先決定食壽司用手機APP 拎左飛先 都要等成100 張枱左右唯有周圍行下街睇下野 等左差唔多一個鍾終於有新野試下新出既炸蝦壽司同咖喱奄列三文魚好食 下次會再叫見到旁邊既人叫左佢地新既甜品 個賣相睇落都幾正不過等得幾耐下 有時間會試試另外必點佢地既辣味三文魚,  蟹柳 同 帆立貝壽司

下午茶或者諗唔到食咩個陣就會行黎呢邊到食壽司壽司鋪呢到都有幾多選擇 但都慣左係到食 (可能係已經做左會員要儲下分)晚市大約6點黎食唔洗排就入得~~~過多陣已經開始要拎飛佢地新既蕃茄沙律醬炸蝦壽司同咖喱三文魚奄列壽司都好正!特別係個醬可惜做到31/5 就冇 期待佢新一輪既產品

元氣一向多人等位只有下午茶時段最少人友人喉嚨不適所以唔食熱氣野於是黎食壽司啦兩點半開始 叫左兩個48蚊既下午茶包三款野揀最中意可以一次過滿足幾個願望同一餐食到幾款野食 會開心過得一款先揀壽司set另外我配左烏冬同沙律友人配左蒸蛋 同炸雞塊 沙律細碗左少少 但麻醬同粟米夠多 食落唔錯不過只係蟹柳沙律 而唔係蟹子沙律壽司都保持一向水準 唔會一夾就散只係個烏冬略為寡左少少 不過麵質彈牙 唔錯既埋單每位48 另加一不過綠茶任飲 都坐得舒適

母親大人很愛吃元氣壽司, 所以間中我也會帶她來吃午餐。今天天氣稍涼, 但仍無損我倆吃壽司的興致。為免碰到人潮, 我們在11時半已到達, 由於剛開店沒多久, 人流不會太多, 用餐環境比較寧靜。每次必定會挑迴轉檯位置, 只因喜歡看著一碟碟壽司在眼前經過, 可以任意挑選的感覺。燒牛肋骨壽司: 牛肋骨肉很大片, 牛肉不會過肥或過瘦; 而且牛肉燒得剛好, 不會太乾, 配上甜甜的燒汁和京蔥絲, 好味👍帆立貝壽司: 帆立貝大得幾乎蓋過壽司飯! 它($17)跟板X的($12)只相距幾塊錢, 但帆立貝體積比板X的大一倍, 肉厚又鮮甜, 抵食炸蝦卷: 炸蝦很大隻, 飯的比例相對較少, 裡面有甜甜酸酸的沙律醬, 不錯三文魚壽司: 三文魚很肥美,有入口即溶感覺北寄貝壽司: 北寄貝新鮮亦大隻, 不錯炸蝦天婦羅壽司: 炸蝦大隻, 但一咬就滿口都是油, 很差三文魚湯: 有三文魚頭在內, 味道可以, 但非常油膩日式燉蛋: 很嫩滑, 內有蟹柳, 魚板和鮮冬菇片等配料, 很豐富牛肉薯餅: 熱辣辣, 香脆可口, 薯蓉夾住牛肉餡, 味道很好整體而言, 壽司中比較出色的有牛肋骨, 帆立貝和三文魚; 另外, 燉蛋和牛肉薯餅也值得