元気寿司 (愉景新城)

營業中

休息中

星期一難得放假，加上訓到自然醒真係好難得咁享受，所以好晏先食早餐。不過到了四五點就自然感覺到肚餓。經過平時要排成個鐘先有得食元氣，今日仲要唔洗排隊食過遲來的午餐先。我地17:05入座，因為係平日所以17:30前仲有午餐之選可以order。分店係用手機QR code落單好方便，如果電話無電都可以向分店借用電話。午餐之選有5款選擇由50-60幾左右包括一個小食，壽司及熱食。每一個午餐之選都可以追加食品一個包括手卷三文魚頭湯等等。呢個可以滿足大食的我。

琴晚因為有事做，所以提早少少食飯，5點半前元氣仲有午餐，小朋友又鍾意食壽司，就入去食了。叫咗4 份，每份有壽司一碟，烏東/蕎麥麵/燉蛋 選一，同埋小食，再加12蚊可以追加手卷。成枱都係，大滿足。

❣小兄妹至愛💗元気高速線❣今個暑假小兄妺最鍾意去嘅地方就係嚟元気高速線邊玩邊食滿足所有慾望🥰小兄妹喺度可以自己揸主意，想叫咩都可以自己用手提落單💗仲由佢哋至愛嘅元気高速線列車送餐💗從來都未見過佢哋咁齊心一齊分工合作你一碟我一碟咁樣拎落嚟🥰今次我哋食下午茶💗唔經唔覺張枱已經滿滿的🥰全部都係我哋最鍾意食嘅😛哥哥最鍾意厚燒玉子💗外厚厚厚嘅玉子燒包住飯團.甜甜的🥰另外仲有熱辣辣嘅芝士薯條😍濃郁嘅芝士醬汁配上熱辣辣嘅薯條真係一試愛上😘熟蝦壽司同埋炸蝦卷🍣都係哥哥嘅最愛💗哥哥真係好鍾意食蝦😛妹妹最鍾意嘅就係日式海鮮燉蛋🥰食到底就係妹妹嘅最愛嘅蟹柳💗當然唔少得粟米蟹柳福袋💗粟米同蟹柳真係小朋友同大人都鍾意🥰熱辣辣嘅薯條妹妹一樣都好鍾意食🥰妹妹就鍾意明太子薯條💗大家睇吓妹妹個樣幾滿足🥰去到最後我哋通常都會食個竹輪卷湯烏冬💗因為小兄妹佢哋真係好花心🥰鍾意樣樣食啲食飯又食烏冬🥰最最最後壓軸一定唔少得食甜品la😍迷你泡芙裏面嘅忌廉有少少凍食落似雪糕所以小兄妹佢哋每次都一定會叫🥰同埋焦糖布甸💗其實呢個係我最鍾意食😆小兄妹食咗面頭甜甜嗰一陣下面嘅布甸就會比我食😛不得不提元気嘅服務真係非常貼心🥰有BB櫈同埋小童餐

估唔到我做左會員之後，每次出街都會留意返元氣壽司嘅分店，今晚去到荃灣一個幾大個商場叫做愉景新城。入邊打造到成為一個家庭樂嘅親子天地，有個好大嘅迷宮同玩具草地俾小朋友玩，一家人可以坐喺度傾下偈小朋友放電必然之選。個活動入邊最殊勝嘅地方就係，遊樂場附近都會，有餐廳食肆林立滿部，噉所以呢中間玩嘅時候，你係可以有時間充足地畀你選擇去邊間食店度。元氣壽司就坐正係一個角落頭位，你可以望曬兩邊商場內嘅中庭。呢間鋪頭好細心門口仲有好多拍別的車嘅位，分好曬位置畀你哋所以，我哋就帶埋小朋友去，食呢間鋪因為門口有得泊車非常貼心方便唔使搦住啲嘢阻住個舖面。基本上，野食間間都差唔多呢間都唔差嘅。職員都好細心見到有小朋友都會問我哋要唔要逼等，同埋畀啲餐具佢哋都好願意好留意好有耐性噉服侍我哋。記得而家嘅元氣壽司佢哋已經轉咗手機落單唔會再有個平板電腦畀你落單，所以記得帶手提電話同埋叉足電。佢哋嘅上菜方式同其他一樣都係有火車頭高速線，記得認住火車頭，所以小朋友先至可以多一個綽頭多一個娛樂。最後食完嘢嘅時候佢哋仲會送咗份模型，畀小朋友玩，搞到之後非常之咁開心，好感謝你哋。

今日行程都幾緊密，下午去完迪士尼，夜晚再帶小朋友來愉景新城地下個室內遊樂場玩一陣就去食元氣🍙🍱！每次食日本菜，最唔小得一定係刺身（我真係好鐘意食🤣）。不過個人吾鐘意食魚子，所以比哂朋友食，帶子幾新鮮，好甜，不過蝦就有小小梅。海膽好甜，不過如果多d會開心d 🤣珍寶帶子壽司，一大啖肉，鮮甜好味👍👍其他壽司就冇乜特別，但都算新鮮既！勁鐘意日式鹽燒三文魚/鯖魚，唧d檸檬汁，簡直係完美組合，當然一定要燒到外皮香脆啦！ 不過第一次叫魚鮫，好多肉，又滑，冇骨，最緊要係一d都唔腥！食日本野叫燒魚真係冇得輸！蒸蛋，都幾滑，蒸蛋用既高湯都幾好味！三文魚頭湯，又係魚😂 但個湯好好飲，平時好怕有d麵豉湯好鹽，佢又啱啱好喎，白羅白都幾入味，有驚喜😋

來荃灣行吓宜家傢俬，首先要醫下個肚先，梗係食我最鍾意嘅元氣壽司。呢度座位唔多，繁忙嘅時間最好早啲嚟搵位。今日食咗經常保持水準嘅加州卷、三文魚壽司及牛肉薯餅。加州卷嘅蟹籽咬落去卜卜聲，係好新鮮嘅。三文魚壽司嘅三文魚幾肥美。牛肉薯餅入面嘅牛肉蓉，好有牛肉嘅香味，鬆脆嘅吉列外層裏面係香軟嘅薯蓉，真係好好味。

愉城新開嘅元氣壽司🍣平日都好多人等位，食物質素就同其他嘅店差不多，不過佢上菜真係好快，加上佢地以宜家「壽司火車」嘅設計傳餐，取代左回轉壽司帶嘅方法，變相會減少浪費，同保持到食物新鮮度，不過我坐左去order枱，所以無得玩下架新幹線。大家不妨去試下啦

成個愉景新城最多人排既餐廳就係元氣 😂但佢拎飛system好好，10個號碼前系統會打俾你叫你返去等，所以等緊幾十個果陣可以盡情去行街👏🏻👏🏻今晚坐既係order枱，冇得係迴轉帶自己拎，但相對位置好闊落，仲見到店員好俾心機擺好啲位 ☺️上圖見到單上QR code係用黎手機點餐，仲有wifi提供，隨時可以睇返自己張單，環保又方便 😊今期做緊大滿足碟碟$10，以上全部$10有交易，最鐘意係下面果隻脆蒜長鰭吞拿魚，超超超超超超超超好味！三文魚小卷非常麻麻地，好乾，三文魚味又唔出，$17四舊，不建議食。。。另外想介紹嘅係佢哋新款設計嘅壽司碟，食完夠壽司就會見到碟底寫住好精境嘅金句。🤣

元氣真係愈來愈有趣，落單連tablet都唔提供比客人，要客人自己用電話落單，好麻煩，如果有客人無用智能電話就無得食？ 下午茶相對抵食，牛油帶子好好食。但個薯餅就唔得，又唔熱，又唔好食，無口感。其他ok, 當然，$50的價錢咁多野食，係好抵既

元氣其實都係咁樣既quality架啦所以都唔算話特別好味或者唔好味不過感覺佢地新幹線個芝士烏冬越黎越縮水⋯唔知係我記錯定點啦感覺上以前都冇咁細碗，同埋煙肉得個幾片咁，不過個sauce係真係ok好食既然後感覺呢間d燒三文魚好多黑椒同埋灑得幾靚😂我鍾意黑椒所以真係呢度比個good佢。不過隔離個黑椒蠔就普通啦，$10件不過不失咁啦不過其實呢間服務感覺上都有待加強，2個人都比坐大台然後後面四個人既要繼續等位咁樣呢度真係唔係好明解⋯加埋明明過多一分鐘左右就有迴轉台兩個位⋯

係附近番工，有時想食元氣卷就黎食元氣！呢間好高科技，要用自己電話落單，如果係無上網功能既電話人黎到，點算好？呢間分店既元氣卷係好食過我係粉嶺食個間，三文魚皮夠爽口，牛油果正，總之，就心心眼好好食！仲會叫個烏冬配雜菜天婦羅，我鐘意食！撞岩8折會員感謝日就會排長龍。

環境:多人等位但裡面坐就不迫。坐得舒服。平時去食sushi好怕隻手一郁撞到隔離，好彩哩到冇哩個問題。服務K食物：OK, 幾好食既。但叫ice cream, 火車冇送埋spoon 來，要另叫人拎！唯一chocolate cake 吾好食。非常討厭只可用自己电話二維碼order！老人家不懂上網/眼Mon Mon , 甘点order?小朋友又冇电話，又点order?其他地方有歺廳I pad order 未幾好，一家大細都用到！加上以前港X mtx要我用二維碼scan d 野，一按入点知整壞左部电話。二來我电話本身冇乜电，仲要用來選食物点歺。。。嘿。

始終作為連鎖店，食物就不作特別詳細介紹了。今次反而想講下用餐體驗。作為GENKI粉絲，見證住佢既進化。由迴轉、普通落單，到有高速線用平板落單，一直都用好自助既形式。今次愉景新城既新店，採用掃二維碼落單。暫時只有愉景新城同黃埔分店做緊。入座時只要跟職員指示，開QR code scanner/ 元気APP掃描單上既二維碼，就可以輕鬆係電話落單。方便程度同係平版落單差不多。上菜速度都幾快～比起迴轉壽司，用高速線運送食物，大大減低食物曝露係空氣既時間。新鮮好多👍🏻．by VIN用餐體驗分數: 9/10