元気寿司 (愉景新城)

營業中

休息中

今次去到愉景新城元氣壽司，等了八張枱，大約15分鐘左右。每次都必點炸雞翼，雖然加了價去到$28兩隻，但還是必點的，皮脆肉嫩。今次三文魚太薄切了😆厚一點可以嗎，透光呢今次送的玩具不錯

咁第一次嚟到荃灣愉景新城呢一間元氣，都真係幾多人排隊等位，其實本身就同阿仔嚟呢度影熊貓，跟住去埋玩具反斗城～唔記得咗拎飛先，老公就最鍾意食元氣～跟住都等咗成差唔多一個鐘，唔知算得耐定係都唔耐，咁都好食嘅，不過建議下次真係要提早拎飛食咗個青瓜卷蟹柳卷同埋有個茶碗蒸蛋比阿仔食佢超鍾意食（因為甜好好味）趕急俾阿仔食，所以影得樣衰咗少少，炸蝦卷好食啦，同埋呢老公都叫咗好多卷物，咁仲有係嗌咗個海膽軍艦～咁唔知係咪都當做時期幾好食嘅好新鮮鮮甜。老公埋單佢話三百幾蚊，今日都食得比較多嘢。

經過元気見到有開心果甜品，即刻入去幫襯順便試一試。但原來可以就咁外賣個甜品。⭐️濃厚生朱古力【開心果味】 $23呢個生朱古力分別混入白朱古力+忌廉+開心果醬整成。圖片只供參考又要出現，現實係蛋撻既大細，底層係朱古力海綿蛋糕，生朱古力質感幾rich幾順滑，有少少章住章住咁。因為佢唔係芝士蛋糕，所以唔會係creamy口感。開心果味濃郁，一入口就感受到，開心果控表示收貨，最後一提，既然係朱古力就預左係幾甜既。

我幾鐘意食開心果蛋糕🍰，發現元氣壽司出左“期間限定”，就約埋婆婆一齊食晏就。松葉蟹龍蝦濃湯拌烏冬🍜檸茶食到舐舐脷😋，烏冬軟滑彈牙配上濃郁嘅龍蝦🦞濃湯及鮮甜味美嘅松葉蟹，🦀將烏冬撈埋一齊食， 每一啖都滿載鮮味。濃厚生朱古力 – 開心果味🍰如果鐘意食開心果一定要試，一入口充斥住滿滿既開心果味，真係好好味😍，美中不足係有啲細過，不夠過癮。檸茶勁古惑😜，啲壽司食晒啲餸，靜返啲飯比我，仲要係到偷笑😝。📌元気寿司📍荃灣青山公路 - 荃灣段398號愉景新城1樓1027號舖

🚩荃灣愉景新城🚩6月份有季節限定甜品同全新塔斯曼尼亞「三文灸魚祭」，採用澳洲優質炰污染水域既三文魚去整唔同款式的壽司😀🍣極品厚切三文魚腩 （增量20%）$13🐟柚子胡椒鰈魚壽司 $16🐚帆立貝壽司$18🍤炸蝦卷 $26🦐赤海蝦壽司 $13🐠油甘魚壽司$19🦐甜蝦壽司$19🐚赤貝壽司$20🦐赤海蝦蟹膏$15🍟黑松露暑條$22🍧甜品 🇯🇵(日本直送)濃厚抺茶提拉米蘇 $22都幾好食，需要佢一拎出黎都係偏硬少少，因為係雪櫃拎出黎🍫北海道特濃朱古力蛋糕$22係生朱古力蛋糕, 食落似朱古力，朱古力控既可以試一試😋😋😋📍 元気寿司 (荃灣)🗺️荃灣青山公路荃灣段398號愉景新城一樓1027號舖

接完小朋友放學，仔仔主動話要食元氣壽司，基本上呢個係我哋嘅飯堂佢最鍾意食三文魚籽壽司脆卜卜 好過癮仲有每次必食嘅燒汁牛肉壽司，唔食生冷野必點，燒汁牛肉好入味，仲有香脆嘅脆脆係上面好夾依家限定嘅龍蝦湯拌烏冬，龍蝦湯好濃郁，值得一試，過一排就會冇同埋最近推出咗新嘅優惠，只要你係會員用手機app scan QR code落單，就會有壽司優惠，不過呢兩款都唔啱食，所以冇食到呢兩款，哈哈最後推薦埋大家食蔥香油甘魚，油甘魚好新鮮，好鮮味，必食推薦之一薯條都唔錯，熱辣辣出爐，新鮮炸起，要放一陣先食到，同埋啲芝士醬另上好細心最後埋單，$250 ，但係可以用coupon$50，都幾抵食

星期一至五部份分店會有下午茶餐，幾抵食，仲可以以優惠價加購刺身，當然小朋友好期待火車送餐的部份🚅。仔仔們必點既系烏冬，蟹柳卷，玉子壽司。不過餐牌都間中會有改動，近期我大愛既系吞拿魚蓉配辣油。我稱為親子餐廳既原因，其實因為最後比錢，店員會送小禮物比小朋友。同埋依家電話落單，如果電話無電，會有充電器及充電線可借。

🤗食咗好多間元氣，荃灣咁大個商場但元氣呢間鋪就比較細間， 疫情關係，每個客戶都會送一個口罩信封😷 但我個人就覺得比較浪費🤣🤣基本點餐一定要有魚生🍣值得推介係呢款雙色脆辣三文魚卷🍣 面頭鋪了一層 咗5式辣味粉 入面係脆卜卜嘅三文魚皮同三文魚，非常有口感再來我嘅至愛蟹肉蟹膏手卷😑 不過今次嘅手卷送到嚟嘅時候紫菜已經唔脆蟹子沙律壽司😆 面頭既紫菜都係唔脆本人我最鍾意wasabi🤣 我覺得應該要換個包裝， 一包份量太少🎈 整體服務都幾好但係環境就比較嘈雜✨ 衛生尚可， 一個人食咗80蚊左右都算實惠

很久很久沒吃過元氣了，因為好多時都會需要排長龍，難得遇到一間不用排隊的，友人提議入內回味一下。位置變得闊落，坐得都幾舒服，還記得以前既想坐迴轉座位又怕同旁邊陌生人手肘打架的時光。食物質素不錯，選擇都多價錢又平。炸物香脆可口；三文魚腩、油甘魚等甘香肥美；鰻魚啖啖油香；特別一點的有檯面上貼著的推介 -- “限時優惠，價值之選” -- 大赤貝，爽口鮮味。太久沒來，瘋狂掃吃，最後飽著肚子離開，不失為一個親民壽司之選。

去愉景新城想購買一些台式食品，不知是否時間太早還未開門啊。又是吃飯的時間，元氣壽司已有不少食客，忽然好想食他們的茶碗蒸。自助點餐後，芝士龍蝦濃湯茶碗蒸$23很快便送上，金黃色的面層很吸睛，蒸蛋滑嘟嘟，又有濃厚的芝士龍蝦湯味，這是我第一次嚐這個口味，很不錯。吞拿魚腩壽司$26/件，魚腩非常新鮮肥美，入口有魚的甘香。吉列炸蝦壽司$12/件 新鮮炸起的炸蝦外皮脆脆，蝦肉彈牙。廣島天婦羅蠔花卷$14/件，有漂亮的外型，內裡的蠔肉鮮美多汁，超好吃。軟殼蟹手卷$22/件 也是有著酥脆的軟殼蟹，今天的炸物全得超水準。

下午茶時間想食壽司我都會諗起元氣，60蚊左右一個餐，有壽司有小食，仲可以以平價追加其他野食。特別值得追加嘅我覺得係三文魚頭湯，好鮮味。其他食物亦都中規中矩，人均$100可以食飽。

疫情關係，很久都沒有吃壽司了。今天跟女朋友去了8咪半逛完IEKA，途經愉景新城，看到元氣壽司很多座位，便一起進去過一下口癮。很久沒來元氣壽司，才知道迴轉道軌已變成了送餐車，點餐也不再是人手，而是用QR Code點餐代替，十分先進，令我這個大鄉里真的大開眼界。本人十分喜愛它的炙燒類別！要了不下十件的炙燒三文魚壽司及炙燒吞拿魚壽司，刺身可口鮮甜，配搭面上的辣醬十分惹味。帆立貝壽司依舊爽滑鮮甜，北寄貝沒有甚麼特別，蒜味牛油帆立貝烏冬有三隻帆立貝，帆立貝十分大隻，湯水清甜，烏冬煮得剛好不會太淋，因為我很怕吃到太淋的烏冬。最後還叫了一個茶碗蒸，十分香滑，裏面配有冬菇、蟹柳、蜆肉等海鮮配料，十分推薦！換了新設備後，整體送餐速度有明顯的提升，值得一讚。

由銅鑼灣逛街回到荃灣的愉景新城，已經又累又餓經過這家元氣壽司，便進店打算吃幾碟壽司再繼續行程週日來到竟然完全不用排隊，生意真的有點糟糕位置用了紙板隔開，防止疫情擴散，但同時增加了不少私隱度，很滿意點了幾款壽司，包括了新推出的吞拿魚壽司三款及兩款火炙壽司等😁很快便由送運壽司列車送到😍是吃得出跟廉價壽司連鎖店品質上的分別，但吞拿魚竟然還是有根及刺呢😥有點少失望😭臨走時發現外賣的壽司盒非常化算，便買了一盒回家試食😉

由於有3張壽司心意卡年尾到期(因為之前外賣送漏咗補償翻🙄)，為咗唔好蝕比佢，所以就當下午茶食少少野，用咗去。老實講，🍣壽司味道係正常，都幾好食嘅，新出嘅汁燒油甘魚唔錯。另外，炙燒明太子三文魚丼幾的骰，味都ok，但牛油果得2片，而且食完都唔覺有明太子😅。不過成餐嘅重點嚟喇，就係衞生情況欠佳，首先我係無叫過有蟹籽嘅食品，而個食物兜上面就痴住咗2粒🤢，唔知第幾手留低，唔通無洗過......？第二，就係丼飯隻匙羹仔其實係有啲污漬嘅，不過無影到。另外，再睇下個地下，前面有隻筷子🥢喺地(利申唔係我跌)，另一邊又有啲食物碎...，真係不了。下午四點幾呢個時份，無乜客人，係咪應該做下簡單清潔呢？同時，餐廳唔多人，但我件蝦天婦羅壽司🍤遲遲都未嚟，連雞軟骨嚟埋，佢都未到，不過一追完，就秒速上咗，漏單吧？服務麻麻，但店員係有禮貌同helpful嘅。總括嚟講，對壽司味道無咩特別批評，保持一貫水準。但愉景新城呢家分店嘅衞生真係有大大改善嘅空間，希望佢唔好放棄食客啦🤭。我差唔多用哂目前嘅元氣積分，短期內應該都唔會食住了。

今日難得放假同朋友行街，買野，行得累又想座得舒服，就選擇左元氣，太耐冇來吃壽司了，今日放假好想叫了以下很多款壽司，玉子啦，芥辣八爪魚啦，厚燒玉子啦，甜蝦啦，三文魚啦， 炸蝦啦，蟹棒啦，蟹籽啦，筋子啦等等。可能太耐冇食覺得每款都幾好食咁，朋友們食得很開心，因為會係火車到飛出來送餐，佢地就係最期待送壽司來的一刻。另外我仲叫了2碗烏冬上面有獅子狗魚蛋，兩碗拉麵有叉燒幾粒粟米咁，太細碗了，如果份量多返d就會好了。