元気寿司 (荃灣廣場)

營業中

休息中

表弟放假同佢去食火車壽司，個人來講覺得好無謂，但係就可以吸引到好多小朋友～魚鮫個位係魚頭下面，煎得幾香，仲有d肉汁，而且肉質都幾鮮嫩。三文魚手卷裏面嘅三文魚睇落非常唔新鮮，同埋佢係俾咗三文魚腩而唔係三文魚，最後叫佢換左。三文魚嘅口感一半，好唔肥美，咁有啲「鞋」。最憎啲手卷得面果層有刺身，又貴又唔好食。成個午餐最好食嘅係呢個燉蛋，用咗蟹柳、冬菇蒸，每一啖蛋都有冬菇嘅香味蟹柳嘅甜味。帆立貝壽司好大粒，咬落去有淡淡的鮮味，不過一粒都要成＄20左右，太貴了！甜蝦壽司有三隻細嘅甜蝦，相比其他同等價錢嘅會係中等size既甜蝦，估唔到屬於貴價嘅元氣壽司用料咁唔靚！雖然食落去唔係特別差，但係甜蝦嘅size實在令人太失望。總覺得佢地既食材唔係好令，質素同爭鮮差唔多。

毋需過多介紹，每個人心中都有關於元氣壽司的完美餐單。唯想推薦一樣高速限定菜品「醬油三文魚迷你丼」三文魚粒不算大，但有一定的厚度和油度，用迷你版的勺子滿滿地舀一勺放入口中，能給味蕾帶來剛剛好的滿足感。素來鍾情於三文魚的你，可絕對不能錯過！

早前受邀參加會員試食活動，先到先得，當然就要快手報名啦去到坐底就有得食，好快手下，仲有d活動搞下氣氛，氣氛係唔錯嘅⋯⋯但食物質素方面有少少遜預期魚生方面，池魚、油甘魚腩、夏之極上卷係新加菜式，因為預先做好，有d不新鮮。。。食落口感還可極上卷卷物放入青瓜配料，加上魚生，入口也清新玉子比以往的有特色，會印上其標誌及店名，入口鬆軟帶甜飲品選擇了元氣特飲，外觀並不討好。。其味道也不錯，配上椰子雪糕，味道不致過甜，椰子味重，愛椰香的也是不錯之選最後的朱古力慕絲，整個也是濃濃的朱古力，起碼會有點過甜，幸好中間有點檸檬䈮篛舖底，甜中帶酸，去掉膩感整體試食質素也比平時光顧質素較為遜色一點，但服務質素也保持水準

依家有幾間元氣都轉咗做用車仔係路軌嗰度送壽司 已經冇咗回轉呢回事啦我最鍾意嘅始終都係海膽墨魚軍艦 佢嘅海膽好鮮甜 有時都會腥腥地 我係睇嚟彩數啦墨魚就好爽口彈牙 加埋海膽嘅味道簡直一流另一個成日叫嘅就係軟殼蟹卷物軟殼蟹炸到啱啱好唔會好油 加埋佢嘅蛋黃醬/ 沙律醬真係幾好食

閒日黎到荃灣廣場 都算多人等位等左10分鐘到就可以入座了一場黎到高速線 當然要試下高速線既限定啦吞拿魚蓉好正大大舊星期一至五 2:30-5:30 仲有下午茶食好抵食架小食一流 第1次食。。因為平時散叫都少叫小食今次個下午茶有 所以叫下叫了一客多春魚 一客炸魷魚好香口 好好味 又脆我最愛既甜品 朱古力蛋糕蛋糕面凍凍的 有濃濃既朱古力外層入面仲有一層層分明既朱古力蛋糕同朱古力mosse..口感好豐富 推介荃廣廣場呢間店內座位多 空間感大 坐得好舒服架

特快列車壽司係日本好早就有，估唔到宜家香港都有，除左新鮮d, 仲冇咁浪費三文魚腩壽司，唔係咁新鮮，仲有d send send 地牛肋骨壽司，入好味，牛肉都唔老，好食朱古力蛋糕好鬆化，濃濃既朱古力加埋cream, 值情系口入面溶化呢個雪糕，已經想食好耐，每次去都冇貨今次終於有。佢係米味既雪糕，好特別，真係有米味仲食到一粒粒米

舊年唔知幾時開始, 元氣部份分店引入左新幹線送食物既玩意, 原本要排隊既元氣更加排上加排.今日同個客傾完野仲早, 記得荃灣呢間分店有呢個玩意, 一於就黎玩下先. 未到晚飯時間, 所以人唔多, 唔洗排就入得.元氣已經進步左平板點菜, 與時並進, 食品種類其實一樣.點左野食, 等左一輪, 其待以久既玩意就到喇, 一部高速既新幹線突然停響眼前, 幾過引, 不過一車得4碟. 黎左幾轉之後, 其實又覺得無咩野, 玩過一次就夠.野食都係要左大路野, 特別D有炸蝦卷連頭, 覺我元氣由開頭到現在既炸蝦都有一定水準, 無退步. 炸蝦仍然好脆, 唔油膩, 蝦爽口.八爪魚壽司, 呢個八爪魚成隻上, 新鮮鮮甜, 煙韌有咬口, 但唔會韌到咬唔開, 唔錯.

突然好想回味一下日本嘅壽司🍣🍣元氣嘅高速火車送遞服務絕對係不二之選😬 自動落單 不消一會就火速送到芥辣八爪魚真係不得之了鮮甜有咬口嘅八爪魚 配上微微嘅芥辣 加上脆卜卜嘅紫菜 非常美味👍🏼👍海膽入口味濃鮮甜 份量佔左1/3 正😋尤魚爽水彈牙 配上少許豉油同芥辣 已經夠😋烏冬細細碗 麵質嫩滑 略嫌份量太少 食兩啖就無⋯

 今天我們一家夾到時候食晚飯。去了食元氣壽司。由於我早到的關係，成功坐在壽司輸送帶和4人特長卡位。座位很寬敞。我們前後點了三十多碟。碟碟都好好味。唯獨我不太喜歡飲用綠茶粉。還是喜歡直接沖泡綠茶的感覺。香煎惹味鵝肝必食項目。鵝肝表皮煎成金黃味美。入口香口，鵝肝油香四溢。一口芝士波外脆內軟，入口鬆化。適合1人1粒淺嚐，過多容易太飽。翠綠枝豆一碗枝豆青翠嫩甜，黃豆豆香清新。在我暴食完一輪肉食煎炸食物後的清泉。螺肉一碟螺肉爽口彈牙。適合當前菜，當涼伴菜蠻開胃。螺肉的獻汁有別於平價壽司店的味道。有芥末有咖哩味……說不準是哪單一調味。味道層次豐富。冬菇蟹柳燉蛋此款是我隻豬的心頭肉。每次都元氣必點之選。燉蛋滑溜，彷彿入口即融。冬菇香味滲透到燉蛋當中。只略嫌份量較少。蛋嘛……多少少份量都唔怕啦。海膽軍艦壽司海膽鮮甜味美，但與廣告版圖相比明顯份量少多了有點兒失望脆炸鮮甜軟殼蟹軟殼蟹肉經高温炸後內裡的蟹肉仍鮮甜嫩滑軟殼蟹夠香夠脆靚太推薦給愛吃香脆物的您。蘇炸吉蠔炸蠔的面包糠很蘇脆裡面的珍珠炸蠔也滑溜由於太好味的關係，照機都無法食先了。希望大家喜歡我簡單輕鬆的分享。

身為日本達人嘅小弟來說，其實迴轉SUSHI只係CHEAP嘢，大部分日本迴轉都係100YEN一，即係7蚊港幣。但係食元氣平均都要百幾，有時食都幾肉赤，不過好彩元氣嘅質素都幾晤錯，足以小弟解解思鄉情。HAHA 小弟一入去就發現左元氣改左做高速線，幾特別，唔錯。＊雖然日本已有左好耐＊坐低就發現好多特別推介都賣晒，令人失落。就就叫番啲普通嘢啦今次坐到卡，幾大，唔錯.燒三文魚係即燒嘅，新鮮得嚟又會暖暖地，又有少少魚油，好過食淨三文魚壽司。無頭甜蝦就麻麻地，無咩蝦味，要點鼓油先有味，而且同燒三文魚差不多價錢，總知叫其他試下啦。冬天淨食壽司凍凍地，叫個熱食就可以暖番啦。烏冬嘅湯甜甜地，烏冬就煙煙UM　UM野菜天婦羅係即炸嘅，不過就太細啦，而且油左少少，不過都幾香口。根子係小弟食開嘅ITEM，味道依舊，一粒粒的魚籽在口中爆出，非常有鮮味，完全唔洗加任何鼓油就已經好有鮮味。天氣卷也係小弟食開嘅ITEM，三文魚卷炸三文魚，味道好FRESH，也脆脆的，令人一叫再叫。今次嘅元氣之選也不錯，件件10蚊，價錢雖不平，但蝦很好味，好過無頭甜蝦好多。

早前元氣開了條副線叫高速線，食的東西其實都是元氣出品的壽司不過重點是有火車仔送出食物，感覺得意。趁今日在荃灣就去看看是什麼境況都好。荃灣廣場元氣店已轉到地庫舖，在門口望入去見到一條又一條的"軌道"以及火車仔出出入入，這情境好攪笑。雖然等位的人是超超超級的多不過照樣排隊去吧。等下等下一等等了兩小時，餓到肚都凹了。坐下後興奮地研究這研究那，迴轉帶上沒有壽司轉來轉去，這裡是由客人負責落單，每個座位前都有一部電腦，有圖有字相當易用，如果有些配料或醬汁是不吃的話就要在電腦落單後另通知職員知道。看到車頭躲在廚房裡STANDBY，當有ORDER時它就奔出來。XD到站後火車會自動停下，客人取走食物後要襟一下路軌上的燈，之後它就會走返入去，火車是前後推進的形式。狂風掃落葉之下食食食，經典的有腐皮壽司﹑軟殼蟹手捲﹑蒸蛋(用會員免費券)﹑厚燒玉子壽司及榮螺壽司。高速線額外有一批特別款式食物，我勁推介是炸蝦卷連頭，元氣的炸蝦卷基本上是不可不吃的項目，而原條蝦相當大條，蝦肉仍有微暖，入口脆而不油，壽司旁沾滿好多紫菜碎，令白飯增添紫菜香味，很是好吃。另一款是炙燒芝士皇帝蟹柳，我覺得這款芝士味過太濃，我還是喜歡蟹柳

香港第一間用火車＂高速線＂運送食物嘅壽司店，我終於品嘗到，集新奇同好玩於一身嘅食肆，極受大人小朋友歡迎，但大家記住預先用apps攞飛，以減少輪侯時間。環境方面－座位尚算舒適整潔，而每個位都會有一部平板電腦自助落單，每次最多叫4碟食物，三條行車。食物方面－出菜快，可能廚房人手比較足，新鮮度ok，好過長期响迴轉帶滯留欠鮮度，不過唔講唔知，原來有d食物係＂高速線＂限定，如蔥吞拿魚腩新香卷、炙燒芝士熟蝦、槍魷魚、元氣特飲等等… 值得一試。拍照小貼示：如想拍火車照，最好叫左邊朋友點單，咁火車大頭就會拍得一清二楚。食物取落後，大家記住拍熄前面嘅燈，同埋唔好擾攘咁耐，以免影响同行食客出菜進度。

今次又用同小朋友搶位食元氣左上- 玻璃蝦壽司- 蝦肉creamy, 爽口左下- 海膽墨魚軍艦- 今次好彩, 分量好多, 海膽味不多, 但勝在墨魚彈牙右上- 醋鯖魚壽司- 平時少叫, 原來都幾原切, 醋味決淡, 加薑片增多口感及帶出魚香右下- 香草牛油極上玻璃蝦壽司- 尺寸比較大隻, 牛油及香草香不重, 但有輕微火炙過左上- 筋子壽司- 有少少腥, 但味濃郁, 比起飛魚子壽司更有口感左下- 北寄貝沙律軍艦- 沙律醬太多, 北寄貝雖爽口但味道淡右上- 炸蝦天婦羅壽司- 非即炸, 不熱, 但炸漿薄, 蝦肉爽右下- 玉子壽司- 大件夾抵食, 偏甜有架車不時出動, 多一種娛樂的感覺, 專車一出就只為你而出動, 高尚的感覺

元氣壽司應該每個人都吃過了吧 但高速線應該暫時只有1家喔所以高速線開通後 立刻去玩1下嘛!!高速線採用全自動的方法 從下單開始 就可以按桌子上的平板電腦
點選愛吃的餐點 每樣餐點都有附上照片的喔 所以絕對清晰的
而指示上也十分簡單 很適合大眾使用的喔點好要的餐點囉 就開始等待列車使到我們面前囉 真的很快 列車開過來了!!
乘著3盤壽司來囉 列車開到面前後就會停下來的
不要怕它不會突然開走啦 因為在你取完食物後 要按上方或下方的按鈕它才會開走的喔
就像你是車長1樣喔 好了 現在車可以開走囉 那列車就會回去總站囉
真的好好玩 哈哈新鮮感真的會讓人忍不住1直點喔 這樣的策略也算很成功喔
因為想多看到幾次列車 所以又點了幾盤 哈哈如果有小孩子在 1定會忍不住1直點下去喔來元氣1定要吃他們的厚燒玉子壽司 嫩滑的蛋蛋包著小小的飯量 正適合不愛吃飯的我們哈哈而且還可以1件件的點唷另外必點的當然是三文魚壽司 每次都可以吃掉好多盤新鮮的三文魚吃下去很鮮甜喔如果想吃多點三文魚的話 除了點刺身之外還可以吃花之戀喔 三文魚跟沙拉醬是絕配喔每1口都能吃到三文魚真的好幸福唷!!!傳統的迴轉壽司常常等不到自己愛吃的

一早未出發已經用apps拎位，去到點知過左2個號碼(到店已經係大半個鐘後), 都要等返少少時間先可入座個個黎無非都係為左條新幹線車，呢度個格局唔錯，有成4，5行，每行兩邊都各有3條路軌，所以呢度有成1x架車一開始當然係想逐樣點，逐樣出，點知每轉只可點4款，因為每架車只得4卡一睇價錢牌，無加價，好驚喜!!!點完唔洗1分鐘，已有壽司到，超快(一度懷疑每行都有職員獨立serve)食物質素都差不多，與其他分店一樣，算超值