元気寿司 (荃灣廣場)

營業中

休息中

中秋節放早 唸住食下壽司🤤🤤原來lee間係用新幹線送餐 無迴轉壽司🤣🤣5:30前仲有下午茶餐Tim👍🏻👍🏻平時返工真係無咩機會食到下午茶餐😭下午茶餐大約有六款選擇 $62or$50 per set😆😆我叫左一個下午茶餐有：三件炸蝦反卷、兩件加州卷、一件三文魚壽司、一個迷你烏冬、三條紫菜味炸多春魚 total$50❤️❤️好扺啊🤤🤤❤️ 炸多春魚好好食 好脆 有d似和風紫菜shake shake 薯條味👍🏻❤️壽司就係正常味 唔冼多介紹🤣烏冬雖然咩配料都無 但佢既質感好好食好彈牙👍🏻😆$14 我最鐘意食火焰壽司 好香好好食🤤🤤燒𧐢壽司$10 好好食啊 燒過香口好多🤤炸芝士年糕$20幾蚊 3件 不用多講 很好吃😆每次食完壽司都一定食返件千層蛋糕🤤好夠凍 一層層好滿足🤤見佢有抹茶味 但係暫停供應 好想試啊😭😭

自從呢間元氣整左高速線, 凡星期五六日都好多人, 見今晚平日唔多人, 又試下玩先.平板電腦點食物, 方便又唔會漏, 而且分好類別, 好容易搵.不過稍差既係一次祗可以點7項, 比較少, 好快要送左單再點.點左一堆等左一陣, 面前既火車已經將食物送到面前, 好快. 途中無其他人掂到, 感覺夠衛生.一次最多係放4碟, 自己拎左落黎, 按個掣火車就會返番去廚房果邊.玉子壽司, 腐皮壽司呢D都夠新鮮, 無放到乾晒.三文魚魚脂都幾豐富, 口感軟滑, 幾新鮮.芝士蟹棒, 蟹棒夠軟腍, 面果D芝士味好濃.蟹子沙律壽司, 蟹子比較少, 沙律就多D, 食落好爽口清新.

星期日下午去荃灣廣場行街，入了元氣壽司醫肚餓，可能太耐沒來了，坐下來才發現已經不是迴轉壽司了！我們用枱上的tablet order了壽司後,壽司不是人手送過來的，而是由子彈火車送過來，很有新鮮感，雖然這做法在東京一些迴轉壽司店都已採用，但在香港還好像是首次看到呢，未知元氣以外，還有没有其他壽司店都是這樣做！相信這玩意會吸引到小朋友嚷著爸媽帶他們過來食壽司！而且店內可選的食物也不只壽司還有甜品蛋糕呢！至於元氣壽司的食材味道就..........屬一般吧！没有太大的驚喜！當然價錢亦不算昂貴.

有期待去試一試高速線，手機5:50㩒飛，7:05就有得食，尚算OK。高速線點餐尚算方便，點菜介面清楚易明，火車送壽司，感覺很算新鮮，但有幾點我有點不喜歡：- 高速線每客壽司都係一隻碟，可能是為免拗數，你叫十件大滿足，佢就用十隻碟俾十件壽司你，搞到一枱都係碟，真係啲好唔方便，侍應又唔幫你收碟，我初時以為埋單時佢會數碟，但原來最後又唔使數去買埋單，希望下次可以收碟啦。- 自動化雖然好，但冇咗侍應serve你，加上一碟碟散開咁來，啲葱花/芝麻緊到來已經散晒。平時通常order一碟就好多件，壽司有排得靚，感覺滿足啲，而家好似少一從QA咁。- 見到有個高速線限定嘅迷你鰻魚飯，身為鰻魚控嘅我好有期望，＄30我諗應該會比三件大滿足鰻魚壽司多，點知送到黎真係迷你得好緊要，鰻魚仲少過一件＄10大滿足嘅鰻魚壽司，飯底仲要係凍嘅，有期望之後失望，我係唔會再食架啦元氣比我感覺，質素/新鮮程度有時都係一間間，呢間60分啦

每逢星期三嘅Aeon減價日, 去荃灣找朋友lunch已成為必備節目. 在地庫亂逛時留意到很久沒吃的元氣壽司, 朋友lunch時間寶貴, 貼心的我當然立刻拿枱斟定杯靚綠茶等吧.奇怪, 怎麼沒有壽司在迴轉壽司帶上的？原來整個格局都改了! 就是跟我很多年前在東京吃的一間高質價廉100yen壽司店一樣, 迴轉帶改成三層食物輸送帶, 壽司會以一架可愛"列車"送到相關的"目的地", 拿了碟後按一按正在貶的元氣公仔button就能"送"列車回廚房. 當年已經覺得這設計非常聰明, 有Gimmick之餘亦減少壽司暴露於空氣中的時間.一部Pad大家都可以輪流order, 我盡量避免生冷食物, order幾款卷物, 火炙壽司元氣卷加州卷卷物好足料黑椒火炙三文魚原本只叫一碟一人一件, 因為塊三文魚很滑, 又叫多一碟火炙三文魚腩厚切三文魚腩, 整塊蓋得到壽司飯, 加上一抹Mayo碰上微辣椒油, 一口一件, 充滿火炙過的香味芝士煙肉烏冬除了湯烏冬還有fushion西式的芝士煙肉烏冬, 烏冬口感煙韌, 每一啖烏冬都是芝味滿足, 煙肉粒很香口.

壽司同人生一樣，黎緊乜，點知！但係有時黎左岩自己既，自己都未必岩人既，其實我唔係好識食高級魚生 omakase 果類 😂 唔多識分咩係正咩係唔正 (除左拖羅) 😂 好味就係好味，普通壽司加啲醬都好正，又平又好味以下都係我會叫既野食，壽司界黎講元氣係我首選之一 🤤——————————————————————#帆立貝牛油燒壽司 $17#炸蝦櫻花卷 $22#三文魚壽司 $14#灸燒黑椒三文魚壽司 $14#小柱帶子壽司 $19#醋鯖魚壽司 $15#蒲燒鰻魚芝士卷 $14#灸燒帆立貝壽司 $17——————————————————————#元氣壽司——————————————————————#EatLaBaby日式#EatLaBaby推介#EatLaBaby窮食

好耐冇去過迴轉壽司店食壽司。咁岩去到荃灣地鐵附近又想食下日本野，果頭冇乜壽司店，找到元氣，便試試看。估不到的，原來這間用的不是迴轉車軌而用了這個新幹缐運載壽司。不錯的設計！加分！所點的壽司不多，主打自己愛吃的三文魚。水準正常不過不失。反而芥末八爪魚很鮮，水準以上！

公眾假期差不多每個餐廳都排隊，見到元氣沒有人排便入去光顧。原來這是一間有高速火車運送壽司的元氣分店，第一次見所以覺得很新奇！每個座位都有電子屏幕自助下單，指示清晰，容易使用。下單後數分鐘壽司便有高速火車運送到你座位前！ 要在特定時間下拿下壽司，不然會有火車鳴響的聲音催促你！都幾尷尬壽司質素比其他分店遜色，榮螺較小。香蔥吞拿魚壽司還可以，都有魚香。蟹膏松葉蟹棒： 蟹棒和相中的差太遠了吧！相中的是一件大蟹棒，面前的是數條蟹棒絲堆成的儘管體積一樣，賣相也令人失望吧燒牛肋骨壽司： 如圖⋯燒得有點過火⋯牛肉有點老鏗魚配柚子胡椒：算是比較特別的一款！ 愛魚刺身之人可以一試。荃灣此分店唯一特色是有高速火車，但若食物質素不再提高，我想大人們吃過後都不會再光顧了。

今日嚟到荃灣約朋友食飯, 過年期間其實開嘅鋪頭都唔多，朋友抵得諗話提早嚟呢間壽司店等位，等咗成個鐘頭終於有位。呢間鋪頭 將壽司送到客人枱面嘅方法十分特別 係有一架日本新幹線小火車，將幾碟壽司一次過車到去客人檯面 附近 ，客人攞咗之後就可以禁制將架車送走， 新奇，好玩，得意又有特色。 比較有特色嘅係三色刺身 ，三文魚厚切， 鮮味 ，北寄貝大塊得嚟好有咬口， 刺身蝦相當之大隻， 非常新鮮鮮甜， 有口感 。另外要讚好嘅係 蟹子壽司 ，啲蟹子好大粒好新鮮， 賣相亦都十分之靚， 不枉等咗成個鐘頭先有得食。

心血來潮，去呢度玩吓「列車服務」。食物質素差不多，炸墨魚咀三文魚鮫三文魚湯味道良好。赤海蝦刺身新鮮牛油赤海蝦壽司也不錯。只是環境比較差：店內播放的音樂太大聲，店內亦多「高談闊論」的人，感覺比較嘈

取得號碼，要等好耐，好多人都好堅持，等佐一個鐘多啲，終於安排入座，點佐寿司好快到，真係高速，果然有效率，三文魚寿司件三文魚好冰凍，唔錯。服務員態度一般，無笑容，我order佐三魚頭湯，服務員將三文魚頭湯送到來枱面就走佐，唔會同你講係乜野嚟，咁都得，算吧，又唔係坐好耐，西食飽就走。

來到火車壽司店，我都覺我火車其實係主打。不過我都喜愛食呢度既軟就軟殼蟹手卷，喜愛炸得夠香脆，絕無油味道，入口啖啖蟹味，以呢個價位，真係超值既。另一款就係腐皮壽司，但今次麻麻地，好似吾夠挺身，要改善下。

高速線元氣有些限定，最喜歡呢個呑拿魚蓉飯，一個人也可以去吃返個飽呢個吞拿魚蓉飯賣相吸引入口大大啖拖羅嘅魚蓉，好香魚鮮味道，又滑又軟林，白飯暖暖的，好好味，加埋醬油和Washabi, 真係大滿是

每次到元氣食壽司，我都會食好多不同類型既款式，但我一定會食最後既甜品，就係芝士蛋糕喇。可能係食完壽司飽飽地既關係，後後甜品食番酸酸甜甜既芝士蛋糕實真係一流，味道濃濃地，好香既芝士味，入口即溶，回味無窮。

午餐來過高速線，高速依飽肚先來大滿足，天婦羅蝦壽司隻蝦大隻厚肉，香脆外層，蝦肉爽兼彈牙，蝦味濃，飯份量剛剛好再吃吞拿魚蓉壽司，飯中有青瓜夾住，好清甜不滯呑拿魚好香好鮮味，入口好正，大喜歡針魚壽司係新嘢，炸左的針魚有少少囗感，尾部靱少少，肉身就都滑口，不錯，中間d綠色粉咸咸地，幾得意