元気寿司 (九龍行)

營業中

休息中

Lunch比較少人食，我friend 又請食飯咁好死，緊係大叫特叫，食左好多個火炙三文魚，開心死元氣水準真係唔錯，連瑣式壽司店可以做到咁既水準！而且壽司價錢都叫做平民價，大家小康平民都可以食到，我最鐘意食佢個火炙三文魚，玉子又叫左幾份只係個千層蛋糕個雪櫃太凍啦，都結左冰壽司真係冇可挑剔，鰻魚手卷係好食，但如果做到無骨就奶lu元氣真係每次想食sushi就會諗到既地方，希望佢可以keep住呢個質地啦！！

最近同女朋友拍拖時發現呢間應該新開無耐既元氣，位於九龍行上面，隔離係油麻地地鐵站而前面就係巴士站，位置真係非常就腳！近排食過銅鑼灣，旺角既元氣都覺得質素有下降既跡象，可能人太多顧唔到質素，所以有D失望，但呢間元氣樣樣都做到應有既水準。呢間既質素無論係食物新鮮度同服務都好好，店員姐姐係充滿笑容地帶位，真心欣賞。三文魚腩刺身一客6件，件件肥美而唔會過分油膩。時令秋刀魚非常大件，魚味超重，上面有薑粒中和番魚既味道，我自己就好鐘意。最有趣既係因為我係一開門就入去，呢個WASABI波波真係好得意，唔講以為係綠茶雪糕！

1個人19:30左右黎到唔洗點等位，5分鐘左右攪掂。服務員非常有禮貌，入座時幫我拉埋櫈。依間係高速線所以上檯速度一定快，好好玩。食物算新鮮，牛肉薯餅熱辣辣，海膽壽司ok無怪味，衛生算正常。因為太好玩嘅關係一個人叫多左份量，食到飽晒。食食下中途男朋友打黎話叫我外賣比佢，係點單個部機㩒左店員協助，即時有人幫忙比埋外賣紙同筆我寫，落好單服務員仲好貼心話我知5-10分鐘就可以啦，到時間又提我出櫃面比錢嘅時候拎，服務一流，如果知佢叫咩名一定表揚佢依個好評係比佢嘅謝謝你

元氣近年來開既分店都係高速線，食客覺得得意，又可以慳番啲人手，仲快啲添，絕對係一舉三得！今日黎到九龍行既元氣高速線，因為係假期，都等左大概二十分鐘先有位。由細個食元氣到而家都好中意食既粟米壽司，其實就係粟米溝沙律既壽司，雖然粟米既份量越黎越小，不過都係咁中意食❤️芝士年糕賣相唔太討好，但都幾多芝士，同埋煙煙韌韌，食唔停口啊！軟殻蟹手卷，每次必叫！熱辣辣炸起既軟殻蟹又香又脆口，再加埋蟹籽沙律醬，好正我覺得元氣算係現時連鎖迴轉壽司性價比最高既，所以都成日好多人排隊記得可以用apps攞定位啊！

元氣都可以寫一餐，因為見到裝壽司隻碟好污糟。全碟都痴笠笠。唔衛生，唔開胃。似乎之前放過好多野，亦有可能冇洗過都唔一定。不過除此之外，其他環節都尚可以的。餐廳是在油麻地區，對比其他新幹缐，明顯少好多排隊人潮。內裡有卡位，同以往的一字排開位置，呢間卡位數量比較多，好坐。同樣是以 pad 落單，火車送餐。但望見頭先果碟北寄貝 （左二），如果係以前迴轉就一定唔會揀，而家變左火車送餐，其實有冇得退貨？壽司新鮮度都唔錯油甘魚肥美赤貝新鮮爽囗榮螺就冇乜味道，如同嚼爉。蟹柳卷，D紫菜淋曬，絕對唔係新鮮造的，果六粒仔都幾難啃。中華沙律，好味又大碟。最後仲試左新款甜品，宇治金時沙冰，遠望仲以為係西蘭花，食落綠茶味濃都唔錯。芝士蛋糕正，但隻匙羮又係有污積，到底點洗架😩！

我成日都食元氣今日夜晚唔知食乜，見到有高速線一個人食飯最岩地方都乾淨闊落，都幾多人排隊我最鐘意食吞拿魚$26 魚腩簡直係我最愛今日叫左碟蝦刺身，但黎到見到有點黑色可以滅得走然後個伴碟又反哂咁其實不如唔使擺喇之前去APM果間食，見到佢地連碟都一pet pet 印同濕，在facebook 投訴左幾次而家黎到油麻地都碟刺身又咁樣我諗其實每間分店個廚房既整潔同埋衛生，真係要再執下先好。

星期五晚上，這家分店10:15最後落單時間，10:30需要離座。在旺角只有這家和朗豪坊可以選擇，以排隊時間來考慮的話，一定是近油麻地這家九龍行分店，一般2人的話，15分鐘內就可以。元氣•高速線在電子屏幕落好單，這個可愛的拇指熊就會告訴已經成功落單，可以安心咁沖茶軟殼蟹手卷（4/5分）紫菜胞卜卜包著酥脆而不油膩的軟殼蟹👍🏼因為有沙津醬在裡面，可以令口感更豐富，不用多沾醬油。燒三文魚（4/5分）如圖所示，份量夠，皮肉比例好，表面一層油花令整碟視覺效果更佳，美味！油甘魚$10（5/5分）同樣夠大件，魚味較濃郁。魚油本比三文魚多，夠新鮮。三文魚腩（3/5分）相對腩位不夠，但仍不錯。吞拿魚（2/5分）新鮮但沒有魚味。上菜速度很快，高速線👍🏼👍🏼👍🏼兩人埋單$324，正常消費。少少個人觀感意見，希望不要合拼壽司送上，因為食元氣某程度是想大吃，吃完之後看到一整棟碟子感覺更滿足，更能減壓

呢間分店都好大，而且平時晚上成日都唔洗等位，今日經過就不如食個下午茶啦14:30，$50 蚊有個湯烏冬份量正常，仲有從高速列車送出黎的炸多春魚，我本生唔係太LIKE 食呢個，但套餐配就食少少啦，有壽司(炸蝦卷、加州卷、三文魚) 真係幾抵食，而且都夠飽，再次經開又食下午茶先只限星期一至五14:30-17:00好似。因為冇咩人出食物都幾快，又靜靜地食下野唔錯~