元気寿司 (大本型)

營業中

休息中

🍣 元氣壽司 Genki Sushi 「春節開運祭」第一彈.新一年要試新嘢！今次嚟到元氣壽司一次過試晒「春節開運祭」新出嘅四款壽司，過返個好年先 🥳.🍣 豪華滿載三文魚籽飯($28)四件青瓜卷上面放滿咗三文魚籽，最特別係上菜嘅時候，一掹開膠筒，成拃三文魚籽湧晒出嚟，財源滾滾來 💰 .🍣 炙燒吉祥富貴喜之次($16)喜知次魚係名貴嘅品種，烤魚就食得多，刺身就真係第一次試，估唔到有驚喜 😮 魚肉結實同埋充滿油脂，加上美味嘅隻燒香，再喺魚肉上面灑上少少海鹽，層次分明！🤤.🍣 平步青雲醬燒平貝($14)加上燒汁嘅平貝，口感特別，味道亦都唔錯。可惜同期有巨大M size帆立貝，所以呢個醬燒平貝相對上就有啲失色啦 🥹.🍣 年年有餘洋風北海道八爪魚軍艦（$14）八爪魚軍艦配上類似千島醬嘅洋風醬汁，所以一入口有一種食千島海鮮Pizza嘅感覺，鍾意濃味西洋日本風嘅朋友仔可以一試 😋.祝大家新年快樂，年頭好到年尾，元氣滿滿，食多啲好嘢，期待元氣壽司2月1日嘅「春節開運祭」第二彈 🤩

10月1號係國慶日公眾假期，由於唔使返工嘅關係，於是約朋友去油塘大本營嘅元氣食壽司😋😋由於本人好鍾意食拖羅同帆立貝，所以試咗佢哋新出嘅極尚大拖羅卷同炙燒明太子帆立貝，覺得非常之好食🤤🤤🤤另外仲有叫脆蒜炙燒大切三文魚同本鮪中拖羅，三文魚同中拖羅口感都非常好，依舊保持水準😋😋👍除了以上食物外，朋友也叫了佢嘅至愛，例如超巨大赤海蝦,芥辣八爪魚軍艦,蟹柳卷等😋😋我哋亦試咗壽喜燒和牛壽司，和牛嘅質素唔錯，值得一試😄由於我同朋友食量都唔細😅，又好鍾意食嘢🤣所以我哋一共叫咗15樣食物，全部都食晒🤣由於店內環境非常輕鬆，我哋一邊傾偈，一邊慢慢品嚐美食，感覺非常愉快😄我哋大約下午1:30入座，走嘅時候已經差唔多三點了😆

好多時候出去食午餐周圍都好多人，尤其是係好食嘅餐廳。所以有啲單位嘅餐廳其實好方便㗎。今日就嚟試吓元氣高速壽司。佢哋午餐超級抵食，有好多款選擇比到你。我鍾意食壽司亦都鍾意食烏冬，呢個午餐仲會有飲品。真係好抵食。好似呢一款壽司午餐咁，通常都係最常見嗰幾款。而家已經係自助點餐，食物送到你坐嘅面前。實在太方便啦。快快脆脆食完又得，慢慢坐低食吓又得。而且分店真係好多周圍都有。元氣壽司係我嘅午餐精選得閒都會去幫襯。

Overall the food is very satisfying and clean ,however  what I found was that my grape juice is a little parasite that looks like a spider which made me terrified .So be alert guys.

平日冇咩人，職員帶入卡位之後要求調坐吧枱，話3人或以上先可以坐卡位。明明當時有幾枱都兩人坐，唔係冇晒其他卡位，點解見後生就要求我地坐吧枱。講返野食。晏就有午後茶餐，面頭料冇出事，舊飯出晒事。舊飯好散好又好痴碟，以連鎖店黎講真係差到喊。

是日約了朋友食飯，5時多，不用等位。較入位置，有個小角海景，店員說未準備好安排了四人坐位，3人用餐寬敞舒適，疫情下每人提供了口罩袋和消毒酒精，食得放心這店是高速線，即點餐後會用列車送到顧客枱號第一碟，點了帆立貝配柑橘汁，酸酸甜甜口味清新，帆立貝鮮又甜蜆麵豉湯，由店員送，相信是熱湯，不能經高速線送達，服務細心筋子是日推介，$12厚切鰻魚，上枱熱辣辣，鰻魚厚切大大件，食左好多碟是日限定等價，海老三點盛，熟蝦爽口，其餘兩款鮮味十足他他白魚天婦羅壽司，外脆魚肉嫩甜蝦蟹膏軍艦，甜蝦鮮甜，蟹膏味濃，好新鮮榮螺，爽脆鮮甜看看熟食明太子雞翼，雞翼肉嫩皮脆，扣分位在內裏的明太子，鬆鬆散散芝士龍蝦濃湯茶碗蛋，蛋嫩滑，找不到龍蝦肉，睇真menu，原來係"龍蝦濃湯"另外還點了多款壽司，不盡錄，所有壽司水準合格，碟碟新鮮最後，叫了日式芝士蛋糕和蜜瓜梳打配雪球，芝士蛋糕又香又濃芝士味蜜瓜梳打配雪球，飲品有哈蜜瓜味，雪糕大大球是次美中不足就是，原來續會優惠75折卷只限星期一至五使用，只用了$50折扣卷。環境、食物，服務，比其他分店優勝。

話說在油塘大本型嘅 元氣壽司 買外賣佢依家做緊8折，我先之買的，但估唔到最後無折事緣是咁的，我散叫著壽司來買，然後去cashier 買單，買果陣職員完全無提你無8折，我照比著錢，比完錢再問等幾耐，職員就話要15至20分鐘咁我就出去等，但無到1分鐘我即刻去問番職員做咩無折，佢話壽司盛先有折，咁我就即話要轉番壽司盛啦，職員就話要問下做著未，之後回覆當然話已大至做好啦，，但我前後1分鐘都無，咁快做好，又話要等15至20分鐘先有得拎外賣唔老實嘅職員，收錢時又無提起無折，，同1分鐘未到就話已做好壽司，咁做咩要覆15至20分鐘等呢嘢食就一般，，如無折我唔會買

既然晚餐冇得堂食，咁唯有買外賣啦😝，其實主要係比佢個外賣優惠吸引咗🤩，因為外賣自取有七折，真係好抵😍。買左2盆壽司食，2個人食剛剛好🥰。用手機📱係Apps落單，一個鐘頭就有得自取，好方便👍🏻🔻雜錦三文魚壽司盛 $59.9🔻全部都係三文魚🍣🤣，啲魚油好勁😋。一盒裏面有四件係火炙，分別係XO醬同潮州辣椒醬味😆。聽落去好似怪怪地，但係食落口係幾好食😋，出奇地係幾夾🤣。🔻經典壽司盛A $128.1🔻我推薦大家嘅係蒜蓉牛油火炙大蝦🍤，依件壽司真係食到返尋味🤤，充滿蒜蓉牛油嘅香味，配上清甜嘅大蝦，正👍🏻。仲有一款就係芝士蟹棒壽司，佢個芝士醬真係好Rich，好香濃，同個蟹棒好夾好好食😋。其他口味嘅壽司就唔再特別介紹啦，因為都係咁上下水準。

餐廳變咗電子化都未去幫襯，見佢有列車送食物咁得意，所以就入咗去試吓。全部落order都係電子化！我叫咗蔥三文魚壽司🍣佢真係整到好容。而且有三文魚味。之後食個炸芝士年糕，皮脆內暖，不錯。帆立貝都係必食之選！本身我唔係好鍾意食太生嘅刺身，所以佢有少少燒烤，唔太熟又唔太生，口感啱啱好！蟹膏蟹肉壽司又係必食嘅。因為蟹肉都有好多，蟹膏係提升成個鮮美，所以一齊食，超美味！綠茶🍵自助區係最好嘅！因為可以無限添飲

元氣嘅實力 相信大家都知每日不論邊間分店都要排一百張枱所以佢亦係我每月起碼食3-4次嘅壽司店食咁多次 我每次都會翻炒嘅係軟殻蟹手卷依到嘅軟殻蟹食吾厭 吾會太油 又keep到炸同脆 加埋入面沙律醬 真係世界級我每餐都食2舊！薄切三文魚腩近期高速限定強推 依件講真 入口 即 溶真係好正 加埋小小照燒汁同蔥花 成個口感層次超昇華另外我仲好推介栗米壽司 因為岀面真係食吾到咁香甜 而且佢沙律醬同栗米比例岩岩好仲有炙燒系列嘅三文魚 帆立貝 帶子 真係全部海鮮味道都好岀 好獨特而煙三文魚亦係我每次必叫 不過依個偏鹹 未必人人合適 但大家不仿一試 可能會愛上嫁

《最後7日衝刺做會員》為咗做會員，近排食元氣既次數比較多，試咗幾樣之前未食過既野都值得推介下，今次仲搵到間背住個海食既分店。—————————————————————#明太子薯條 💰22呢款既薯條食落好似食緊薯格，炸得好脆，再配埋另上既明太子醬，夠曬濃味，個醬岩岩好點曬全部薯條。#辛辣香蔥吞拿魚 💰10望落好精緻，雖然話辛辣，壽司面的確有啲辣椒醬，仲見到有啲辣椒油滲埋落啲飯度，但食落唔算辣，因為加左蔥所以食落好香，吞拿魚仲有程入口即溶既感覺。#牛油果軟殼蟹卷 💰22依家先知唔係間間都有炸軟蟹（呢款小食真係我既大愛），唯有食住呢個卷先。食落唔會好油膩，牛油果都多小小仲正🤩#抹茶千層蛋糕 💰19呢個好抵食，呢款既抹茶唔會好濃茶味，中間仲有夾住啲紅豆蓉，有驚喜！預祝我快啲成功做到會員🙆🏻‍♀️

本身仲陽光普照，突然就風雲變色，下起大雨，所以我同公老選擇係商場閒逛，去左油塘元氣壽司享受一個悠閒既下午。油塘既元氣壽司已裝修變成高速線，（其實很懷念以前迴轉壽司既時候）新裝修後，多左卡位，環境更加舒適（唯獨近窗口個邊成日都無開放,浪費左美好既境觀了，好想撞到一次有開放，可以一路食一路感受油塘望出去既環境）不過食物既水準仍然無變，三文魚腩依然充滿油香，炸蝦卷香脆，味道多層次，仲有我最愛灸燒黑三文魚壽司，入口即溶軍艦紫菜亦係剛剛包好，無變軟身。食飽，飲番杯熱熱既綠茶，身心舒暢果然，元氣係有信心既保證，而且價錢合理，每次食完都會覺得好滿足，無可挑剔。一個滿足既下午。

今晚食下生冷野，當然你來這家日本餐廳啦，因為貪佢有火車直送餐服務，因為每當點一份餐，身邊就有一兩火車送上，睇得開心食得過癮，人氣之選當然係三文魚啦，呢度嘅三文魚出名新鮮大件又好味，咬落嘅時候有魚油味呢好重D肉好新鮮而啲飯呢就甜甜地感覺，真係令人一試難忘而其他飛魚子壽司放進口裏，有逼逼八八的聲音，感覺到裏邊有爆炸的感覺，我想言之幾新鮮。

呢間元氣裝修左一段時間，終於裝修完當然要幫襯下🍴位置寬敞了，又一間改用高速線的元氣，不過唔知點解我都係中意迴轉多d😪波士頓卷係每次黎到都必點之一👍外層鋪上海苔，入邊係芝士吞拿魚青瓜，芝士好濃郁，溶溶地芝士好惹味😋三文魚係本人必食之一，個人覺得寧願加多少少錢食三文魚腩，因為真係好肥美，食落魚脂味好香😋今次試下個灸燒黑椒三文魚，三文魚幾有魚香，配埋溶左既芝士同黑椒，口感豐富且惹味😋海膽魷魚又係本人必點之一爽口既魷魚配上鮮味既海膽，口感豐富😋而且魷魚既膠質令到個海膠味更持久，味道濃郁不過今次個紫菜淋身，影響個口感😪魷魚咁好食就試多個槍魷魚，食落好滑嫩爽口且鮮味😋不過友人覺得較腥，但本人就唔覺得😆最後就叫左高速線限定--柚子胡椒醬油漬吞拿魚，不過就較為失望柚子同胡椒味都冇乜，而且醬油味太濃掩蓋左吞拿魚既鮮味😪總括黎講:連鎖店日本壽司算係中上，價錢唔貴，值得間唔中幫襯下以解壽司之癮🍳🍴味道: 7/10👩👨服務: 6/10🏠💺環境: 7/10💰💸抵食: 7/10總消費: $113 (2人)

Happy Friday lunch 揀左元氣壽司，每人叫左個定食。我叫左個D餐。D餐有芝士薯餅，牛肉烏冬，灸燒三文魚迷你丼同埋半隻糖心蛋。每樣嘅份量唔算多，本身仲諗住可能會食唔飽，但係當你食晒每一樣野嘅時候，原來又OK喎。芝士薯餅，好多芝士，小心啲食。個三文魚丼唔錯喎，好似加大左三件灸熱三文魚壽司咁。個牛肉烏冬，正正常常啦，聽日牛肉有啲似吉野家嗰啲牛肉。總結：午餐定食唔平架，除非嗰日好想食元氣，如果唔係都唔會黎。