元気寿司

營業中

休息中

前晚係旺角放工  就想食小小好野慰勞下自己咁我就簡左元氣黎食我入到去叫左個拉面同天婦羅蝦手卷 仲有幾件壽司食完覺得幾好食 同埋d壽司都幾新鮮最後一百蚊左右圭單都算幾抵

小朋友很喜歡吃壽司，約中午十二時都有位不用等便來吃午餐。👍🏻有高速列車玩，小朋友喜歡。大部分食物都來得快。電子點單挺方便。👎🏻食物欠新鮮，質素愈來愈差。食物賣相欠佳。食物比以前細件。叫了茶碗蒸等了很久。

依家元氣壽司好多間有高速線列車，想要咩就嗌咩，好方便！不過唔係間間都有部平板電腦比你落單，就好似旺角東呢間分店，你入座後，佢會比一個QRcode你，用手機一嘟就可以用你手機落單！又幾方便！有時候唔知食咩，元氣就係必選飯堂😂雖然元氣卷今次外貌唔太好，但都好新鮮。三文魚，油甘魚同帆立貝都好厚身同新鮮。炸魚皮好脆口，不過略嫌太油，好似比平時炸物更油。炸軟殼蟹雖然都係好油，但好好味！今次蟹肉多咗，好juicy！📍元気寿司旺角太子道西193號新世紀廣場5樓505A號舖．．環境分數：8/10食物分數：8/10Encore分數：8/10

好耐都冇食元氣喇！今日經過moko hall 見咗啲口痕想食返幾件壽司，於是上網search就搵到嚟呢間元氣呢度嘅元氣高速線嚟嘅但係同出面其他高速事唔同嘅係佢要用手機dl個app落嚟點落order我覺得呢度啲海膽墨魚嘅醬比出面平時食開嘅濃味，真係唔錯幾好食 三文魚就唔得啦好瘦 幾乎睇唔到啲白條紋嘅脂肪 炸天婦羅蝦好大件好香脆 啱啱炸起仲好熱 但係 唔知係咪因為有天婦羅蝦熱嘅關係 舊壽司飯會好易散，最後我係分開咁食佢地甜蝦壽司我覺得佢嗰啲甜蝦有啲細條，不過味道都幾鮮甜都ok最後嘅甜蝦卷 甜蝦卷係 入面有啲 青瓜絲同埋蟹柳葉問題就post咗一大堆細 甜蝦同埋 蟹子 呢個配搭又幾好食

一排無黎元氣，高速線連ipad都無埋！變手機QR code上網落單，非常方便！又有一個鐘free wifi，不過唔好處係好似每加夠6樣野就要send一send張單先。夜晚8點幾，好多期間限定都已經無晒，不過普通野都夠食既。特別推薦：灸燒長鰭吞拿魚配柚子胡椒、灸燒帆立貝、柚子胡椒醬油漬吞拿魚同脆蒜油甘魚。基本上真係每次都會嗌，之前食油甘魚唔係脆蒜既、個脆蒜唔會辣但又好香同有口感，正呀除返開一個人$129，但食到勁飽！

去完旅行返黎第一餐要食壽司，梗係黎呢間！赤海蝦係我至愛，蝦肉彈牙，幾鮮甜；長鰭吞拿魚口感軟滑，加埋微辛醬及香滑沙律醬，好味；最後要食埋爽脆螺片，咁就了結心事！哈哈！

自從出左高速列車每月總要食上幾次因為到處都有分店價錢合理質素又高·今日經過太子知道新店剛開二話不說就吃了～·<赤海蝦>每次都必叫🤤蝦肉彈牙鮮甜·<甜蝦>跟名一樣夠曬鮮甜🤩·<炸蝦卷>一隻大蝦分三件炸得剛好夠香脆·<芥末八爪魚>芥末味夠曬重八爪魚略嫌腥即刻有點失望😞·<灸燒黑椒蠔>必叫必叫必叫明明唔好生蠔😂但食過一次之後每次都一定order黑椒襯托出生蠔鮮味再加上有少許沙律醬真係好好好味呀💯·<竹輪卷湯烏冬>食完壽司之後必食返個烏冬咁先至最完美超喜歡他們的清湯還有爽滑彈牙烏冬🤗·<總結>大致上所有壽司質素不錯想便便地食下壽司既話呢間岩曬你😀如果係會員就預先透過Apps拎籌唔洗企係度傻痴痴地等😜

下午茶時間去咗元氣食壽司,由於呢一間冇下午茶只有散叫嚟食. 今日人流唔算多唔使等位就可以入到去喇,落單之後啲嘢食好快送到 天婦羅炸蝦好大嚿好好食，不過炸粉厚左小小； 我最鍾意嘅係佢嘅海膽墨魚壽司要食兩碟先皮夠皮 筋子同吞拿魚蓉好鮮甜,魚香係口入面慢慢滲出嚟，回味無窮 唯一彈既係蠔壽司既口感差左小小 可能因為平時都係食生蠔多食唔慣熟蠔

同女朋友行街街，食好耐未食過嘅元氣壽司。餐廳光猛闊落，點菜要download個app用自己電話點，連ipad都可以慳返喇。而且每次點餸數量有限，要分多次點單。炸蝦卷連頭($36)一向都係炸蝦卷fans，今次有埋個頭梗係試下啦。果然冇令我失望，一貫咁脆口又鮮味。吞拿魚腩($26一件)大大塊，油份充足但都唔係我嘅至愛三文魚腩($10一件)三文魚果種獨特嘅味道真係特別出色赤海蝦($10一件)爽口彈牙，每次食壽司必叫油甘魚($10一件)新鮮，睇顏色都分辨到炙燒帆立貝($17一件)帆立貝刺身軟淋淋，但炙燒咗之後會挺身啲，加埋芝士更加香口。

做了會員之後第一次用app拿籌，不用企在門口排隊，超正！星期六徬晚，需要提早大約1小時拿飛，大約5個號碼左右就會電話通知你差不多有位。男朋友熱愛元氣，有時工作忙碌都會去食餐盡慶的，特別會選高速線，電腦落單，5分鐘內就會有食物。這次沒有拍照，只能用文字表達食評：三文魚壽司、煙三文魚壽司🍣魚生新鮮平價而不欺場，有油光。帆立貝壽司帆立貝大舊，食到裡面的條紋，不像一般放題咁「膠」。軟殼蟹手卷這次放了大約5分鐘先食，紫菜立即變軟，非常影響口感，建議各位立即食用。軟殼蟹份量剛好，亦夠酥脆，配上沙律醬可去油膩感。稍有建議，壽司飯有時過於鬆散，只有一個師傅做，好急。欣賞元氣集團式經營，有系統之餘亦不斷進步。以青瓜沙律來說，永遠青瓜切的厚度和大小均一樣，而且亦越來越電子化。

之前食開尖沙咀嗰間，今日人在旺角MOKO，諗住食個lunch，應該唔會有大問題，點知就岀事。一坐低已經feel到冇咩冷氣，個職員咩都冇講就走，自己睇先知要用自己部電話落單。仲要架高速車嚟到，係冇制禁走。睇住隔離枱客未攞曬啲嘢就走返入去第一轉落單，篤完六樣嘢已經唔俾再落算，跟住等咗15分鐘，嚟咗一樣，之後就冇嚟過。咁大家決定落住第二轉等，十分鐘後，第二轉嘅其中一樣有得食。最後坐低咗成個鐘，嗌咗四轉，每轉嚟得一樣！！再等多十幾分鐘，終於嚟返齊啲嘢！集團式嘅嘢，食物質素同味道都已經冇咩分別，但係咁嘅環境同服務，真係唔會再去！

唔知係咪因為呢間舖用咗列車直送取代迴轉壽司，搞到食客一定要等到師傅跟單整好先有得食，結果大家都猛催單，師傅忙到連招牌元氣卷都走埋樣。三文魚攤咗喺舊飯上面而非包實舊飯，飯入面嘅材料條長條短撐哂出嚟。雖然味道冇特別差咗，但連招牌壽司都搞成咁，肯肯地反映出師傅唔多妥！究竟係列車直送令師傳做嘢唔就手，效率同質素下降，定係純粹態度求其、手勢差？但無論如何，舊招牌壽司嘅賣相令人超驚訝。。。

又到happy Friday, 熱天氣最好就係食壽司，轉左高速缐送餐快左，食得更盡情！落單點了八爪魚壽司，爽囗多汁；辛辣吞魚，辣醬配沙律醬，惹味又帶點甜滑感，吞拿魚肉軟腍，入口有融掉感覺；赤海蝦比以前細隻左少許，肉質爽甜，兩啖食晒！仲有食左螺肉作前菜，冰涼感十足！

當Wifi 駁唔到，電話又收唔多到，職員話幫唔到時，有d被搵笨的味道When Wifi service is bad, mobile signal is poor, the water is helpless... Feeling Ben

元氣壽司自從陸續將迴轉轉成高速線之後，很多食客都已經習慣了用平板電腦落單。只是，平板電腦還不足夠節省成本，更進一步的是連維護平板電腦的費用也省回，最好的方法就是「用者自備」，食客自己用手機落單。不知這間是不是元氣系列的第一間以手機落單的分店，但猜想很快會替換全線的平板了。至於在香港食肆裡第一次遇到手機落單的，我卻是在上星期去銅鑼灣的某放題，已率先棄用剔紙order而改用食客自己手機落單。做法簡單，掃描單上的QR code就能連結上網頁，就可以在自己的手機下單。掃描後就會出以下的樣子：左先生覺得，迴轉壽司有很多時浪費了食材，不論對這地球或是對店方都是一種浪費，所以高速線是比較好的，有人order才出貨，比起傳統迴轉轉了一段時間就得丟掉好。而減少平板電腦的使用，自己用回自己的手機，除了較衛生外，我覺得也可減少對電子產品的需求。比較推介的是大滿足系列的皇帝蟹柳：熱食方面有即炸的三文魚皮，十分香脆軍艦方面，我覺得紫菜比起其他如始創中心和朗豪坊分店來得脆：甜品是抹茶千層蛋糕，十分滑，內餡有紅豆，以$19來說很抵吃。衛生方面，不說明，看官可以自己看。店方似乎有需要做好一點。