元札幌拉麵 (悅來坊)

營業中

休息中

悅來坊一直都有好多食肆，我哋今日就嚟到人都幾多下嘅拉麵店，睇吓佢點解咁受歡迎。你只係同朋友三個人一齊嚟食拉麵，所以我哋都嗌左四個小菜，有糖心蛋、廣島燒、牛舌和餃子。呢個就係朋友叫嘅溫泉玉子牛肉丼飯，因為係一個套餐，所以會有茶碗蒸同埋味增湯，我睇到都覺得超級吸引，所以都算幾抵食，性價比高。小菜來講佢個牛舌真係超級正，好有口感，而且好有燒烤嘅味道，真係好推介。拉麵來講，我鍾意佢麵條嘅硬度，唔會太晏亦都唔會太軟。而且佢嘅份量都啱啱好，加埋啲小菜真係飽。又滿足又開心。湯底來講，你睇佢全部都係奶白色，就知道好重未，啲面都掛到湯水嘅味道，所以整體來講真係不錯，不枉一試。

有冇試過同朋友決定食咩個陣，一個想食麵但另一個想食飯呢？今次介紹嘅拉麵店就滿足到你地同時想食麵同飯嘅願望喇👍🏻因為佢嘅menu除左有拉麵外，仲有日式定食添㗎。不過今次我同男朋友一致想食拉麵，如果食過飯嘅可以留個comments比我知好唔好食啦❤️🔻地獄拉麵評分：6.5/10價錢：$72 湯底小小辣，成碗麵黎講兩隻溏心蛋相對出色，而叉燒都夠大塊🔻香蔥拉麵評分：6.5/10價錢：$72一碗價錢只係七字頭嘅拉麵賣少見少☺️而且仲要勁多蔥，滿足晒「蔥控」嘅願望；店內播住90年代流行粵語金曲，食落仲有少少香港本土嘅風味添*上述價錢要另收加一📍元札幌拉麵 (荃灣)荃灣荃華街3號悅來坊B1樓B121號舖

今日陪朋友去左荃灣千色個頭買野，上網搵到呢個商場幾多野行同埋有唔同既野食，所以就過左黎食啦。落到地庫，見到有啲已經食過既連鎖店，跟住呢間拉麵店夾住係中間，裝修幾靚，又幾似日本居酒屋既樣，就入左去食。因為唔算太肚餓，怕浪費既關係，我地叫左一份78蚊既set同兩款小食share。先講拉麵，呢款ankake拉麵既湯底比較深色，但係又唔會過咸，之前無試過，幾特別。拉麵底煮得幾彈牙，都唔會有鹼水味。糖心蛋煮得剛好，蛋黃唔會熟過龍，而且都夠味。叉燒有少少乾，但係都幾大塊下。配料既海帶同竹筍都比得幾多，唔錯唔錯。餃子因為佢話係自家製，所以就叫左黎試試。餡料感覺幾新鮮，啲菜仲係爽脆既。燒鯖魚好好食！煎得夠香，而且肉厚，魚肚位既魚油滲出黎好香！不過略嫌落得唔夠多鹽。燒雞腎都幾正，燒到脆脆地，完全唔會有腥味。不過同鯖魚有同一個問題，唔夠多鹽！兩款小食如果都有多少少鹽就真係perfect！

嚟到荃灣玩，當然唔少得去尋找美食，而小弟本身係一個「日本仔」，所以就帶同行朋友去左食「家鄉菜」！呢間拉麵鋪好有居酒屋嘅味到，所以入面好有日本嘅氣氛。午餐Set拉麵 （叉燒拉麵&雜錦拉麵）日本啲叉燒同我地燒味舖食到嘅唔同，呢款叉燒除左係大舊好多外，仲會有啲日式嘅醬油味係入面滲出來，但係好多時啲醬油味會好濃，掩蓋左本身嘅肉味。而佢呢間鋪頭嘅醬油味就唔會太濃，食落會有五花腩嘅肉味，拉麵嘅湯底唔會太過濃味，拉麵嘅麵底都好彈牙；雜錦拉麵除左有叉燒，仲有豬軟骨，個豬軟骨蚊到好林，真係有入口即熔嘅感覺。咖哩飯日式嘅咖哩飯普遍都係以甜為主導，而呢款就加反少少辣味係入面，令到咖哩飯唔會因為淨係得甜味而變到好怪。另外，咖哩入面亦都有肉同埋薯仔，唔會淨係得咖哩嘅汁。小食薯仔沙律本身我係薯仔愛好者嘅關係，對於薯仔嘅食品都好講究，呢款沙律唔同於一般沙律就咁以薯蓉就整，入面都會有一舊舊薯仔係入面，會好有口感，而且亦都有粟米同係入面，唔會搞到淨係得薯仔味。串燒我地兩個就叫左紫薯、牛舌以及雞軟骨串燒。呢三款串燒都燒得唔錯，唔會燒過左龍，食到有啲碳燒出嚟嘅味道。用料方面，牛舌都係一啲比較厚身嘅肉，食落係爽口之餘，仲要充

平安夜請咗假 係荃灣周圍行吓 海之戀又開咗新超市 行完就周圍搵食 見琴呢間午餐CP值唔錯！午餐叫拉麵可以加一個小食再送嘢飲！🥣麵豉湯加薯仔沙律🍜叉燒拉麵鍾意食肉嘅男朋友叫咗叉燒拉麵，叉燒份量唔少，而且唔會太薄身，滿足晒食肉獸！而且湯底都好濃郁，面身質地軟硬適中！🍜雜錦拉麵另外貪心嘅我就咩都想試，所以叫咗有叉燒、豬軟骨、蟹棒、流心蛋嘅拉麵！最驚喜係豬軟骨，炆到好淋！🍛細咖喱飯另外午餐套餐拉麵嘅小食可以叫咖喱飯，啱晒大食嘅人，而且咖喱亦都好足料好濃味！🍢🍢🍢烤牛舌、雞軟骨、甜番薯另外我哋都叫咗唔同嘅小食試吓！個人認為呢間餐廳嘅燒物好有水準！牛舌係厚身牛舌，所以好有口感，大推！

同男朋友食過呢間餐廳2次因為對佢ga蟹子沙律同茶碗蒸好有回憶蟹子沙律大大碟一d都唔吝嗇，而且好睇又好食我張相影得麻麻地，實物係大碟而拉麵同飯ga份量都唔少套餐仲有湯，沙律同茶碟蒸茶碗蒸都係不得了咁好味，岩我口味拉麵都好多選擇，飯類都會有限定ga款式店內都會播放日本音樂當日去都有日本人去食，感覺好似去左東京咁2次食都係食到抱住個大南瓜離開，都值得食，下次會再去

今晚同朋友食日式拉麵🍜 見佢除咗有拉麵 小食同串燒嘅款式都幾多 就每樣要少少試吓先😛蟹籽沙律 $25 價錢超平😯 份量超多😯 味道都唔錯 有好多青瓜絲蟹柳絲蟹籽 麻醬唔會太多 食落都尚算清新☺️Ankake拉麵其實似係元拉麵🍜 多咗糖心蛋 糖心蛋簡直係拉麵嘅精髓 所以一定係要加嘅😍😍 但要Ankake拉麵就附送左半隻😙 糖心效果好滿意 味淋同醬油嘅比例啱啱好😋 拉麵比較粗身都幾爽口 食到最後都唔會話太淋👍 味噌湯底都好濃郁 食晒一碗都幾飽🤣我哋仲叫咗啲串燒食😎 牛舌串燒一流 厚度適中 充滿牛香 燒起仲有啲油花 好食🤤 榨少少檸檬多啲變化 就清新啲😛見到店主推介個牌有 塩燒五花腩 見到都流口水🤤 總共有五至六塊 $48 真係有出邊串燒店幾水準 甚至更好😎 帶少少脂肪 燒到嗰邊脆身 帶香烤味😋 入口都幾鬆軟 豚肉唔會話太鞋口 黑椒再加少少檸檬汁可以中和左個油膩感😛

好耐都無食過拉麵啦，今日同朋友行完街就食個Tea....餐廳過左午餐人流就吾會太多，坐得舒服。一入門口有個大叮噹！好可愛不過就無tea既，原來係4點落場，我地岩岩好未截單。。。嘻，好彩有lunch menu 我地點左自選三寶套餐，都好抵食，有拉麵，小食同飲品。。。豬軟骨拉麵🍜味噌湯豬軟骨有3大件，仲有粟米，海帶，溏心蛋。豬軟骨好入味，夠哂淋。重點個拉麵好好食！！無梘水味，好滑，Q彈吾淋，好好食😋小食點左南瓜🎃薯餅炸到好脆口，入面好多南瓜蓉，吾油好食Ankake拉麵🍜醬油湯有幾片豚肉，蛋，粟米同海帶。朋友話呢個醬油湯底超好食！佢差不多飲哂成碗湯😆蟹籽沙律🥗普通無乜好特別飲品佢會跟罐裝飲品既。整體泥講幾好食，環境坐得舒服，價錢都平。。

上星期放完工，同老婆喺荃灣行咗一陣，就去試呢間位於悅來坊地庫嘅拉麵店，平時經過好易俾佢門口隻多啦A夢吸引眼球，今次終於有機會正式入去試！門口大大隻多啦A夢餐牌 (種類唔算多唔算少)今次食咗兩味新野，原本嗰本Menu上面都無嘅1) 魚介叉燒蛤貝拉麵 ($88)魚介拉麵喺香港唔係咁多間舖頭有得食到，而我最重要係睇個湯底夠唔夠濃郁，所以碗麵嚟到一定要飲兩啖先，呢間都算整得相當唔錯，飲落幾足料。另外要講一講塊叉燒真係好大塊，差唔多成隻碗咁大舊。蛤貝有幾粒，老婆食食下，食剩一粒俾我...老婆鍾意食溏心蛋，食拉麵無溏心蛋唔得，加錢叫多一隻。2) 北海道芝士忌廉炸雞飯 ($73)呢個Set其實幾抵食，73蚊除咗有碟飯，沙律，茶碗蒸，麵豉湯。炸雞有4塊，肉質幾靚，唔似落咗好多粉，師傅手勢唔錯。茶碗蒸不過不失呢間野好大機會再encore，店員服務態度幾好，最緊要係抵食，一碗麵+一碟飯已經食到飽晒。

今日放日肚餓趕緊搵間嘢食醫醫肚！心情欠佳，所以想搵間輕鬆點嘅鋪頭眼見呢間鋪比較放鬆 裝修亦帶有日本味道仲有我兒時最愛睇嘅多拉A夢，令我覺得十分有熟悉感坐低叫咗拉麵及幾份小食⋯⋯元札榥拉麵、牛舌串燒、蟹籽沙律同大阪燒一個唔小心叫太多！不過食唔哂可以打包！呢到有波子汽水，其他林林種種特色飲料！基於病病地⋯⋯無得飲！元札榥拉麵份量好多，一來到有點怕食唔哂叉燒大大塊，肥瘦適中 幾好食不過我比較愛吃唔健康的叉燒哈哈哈湯底也很濃郁！不小心就飲哂成碗！牛舌串燒極好食！牛味很濃，加上是串燒令牛舌更加惹味！很同樣亦是很大塊加上不薄身，對於沒有標榜”厚切”的呢個牛舌串燒實在算是厚！呢個我必定回頭翻吃！而蟹籽沙律醬很多，不怕吃到一半沒有醬要”生”食沙津！菜絲亦很生鮮，每條都切得很幼吃下口很舒服同易入口！到大阪燒我已經有點飽，結果一來又是很大個⋯⋯內陷吃得出有章魚粒！很驚喜！而表面的木魚亦很多！我很中意食木魚！

門口有隻好大既多啦A夢！咁cute得唔得架😍入面有12生肖系列既figure添！啲燈籠令到成個環境好有feel💚第一碗係地獄拉麵，係餐牌上有三個辣椒，但係個人食落就覺得唔太辣所以鍾意食辣既朋友可以加多d七味粉，令到個湯底更香更辣。另外，個溏心蛋煮得岩岩好，而且拉麵既硬度適中，因為可以預先揀定軟硬度。第二碗就係牛油拉麵，我見佢係廚師推介所以就嗌左啦。上菜既速度好快，等左冇耐一碗熱辣辣既拉麵就來左啦。牛油拉麵顧名思義就係有大大塊鮮牛油係碗麵上面。鮮牛油既香味加上叉燒，粟米同昆布係個唔錯既配搭。食既時候可以輕輕搞下塊牛油等佢溶溶地先。之後先開始食麵，d牛油就會好似芝士咁同d麵撈埋左，好濃味。最後我地仲叫左個北海道南瓜薯餅，塊薯餅外脆內軟，熱辣辣又香噴噴，南瓜肉好甜，又唔多渣，食落一d都唔油膩，仲有沙律醬可以點，值得推介！

地點坐落在悅來坊的地方，不算太顯眼，不過搭乘電梯後轉彎就到，很有日本居酒屋嘅感覺。餐牌上面選擇都好多，但係價錢唔貴。 溫泉蛋牛舌飯$75你會見到佢上面嘅牛舌係非常之厚身，而且食落去係好林，而且味道入面。另外值得一提嘅係本身裏面嘅飯份量都好多，仲有啲汁同埋溫泉蛋一齊食，如果細食真係要叫小飯。$28@4隻餃子（跟餐）表皮已經見到炸得脆脆的，口感好香口但係唔會過咸，口味適中，可以點上醬汁更加豐富。嚟到日本餐廳除咗可以飲茶之外都可以試吓啲日本特色嘅汽水，富士山可樂$24個顏色就好似富士山嘅顏色，甜味都ok，個味道幾特別可以一試。

鍾意食日本菜不能錯過！悅來坊裏面有一間「元札幌拉麵」，原來係荔枝角都有店！同埋都見到好多評論推介，所以就入去試一試。餐牌價錢適中，而且選擇豐富，可以自由選擇湯底及硬度，添加配料等豐儉由人。最後就決定試一試佢嘅牛油拉麵牛油拉麵$72+$6紫菜牛油配搭原本預設的味增湯底，味道即刻提升不少，口味香好多，而且上面嘅豚肉係比較厚身，口感同時都係幾嫩滑，加埋啲芽菜同埋海帶味道豐富。無酒精飲品的話都有好多日本飲品選擇，當中就揀咗白葡萄碳酸$24 果然日本嘢飲都係好飲啲！因為有啲掛住去日本旅行就食一個海鮮大阪燒$42感覺有少少似大阪燒版本嘅章魚燒，因為裏面有好多粒章魚，口感好豐富，而且醬汁分量亦十足。本身抱住中伏嘅心態我，點知口味超出預期⋯o(^▽^)o

拉麵怪又出動🤪🤪 平時都好少去大窩口悅來坊，原來開咗好多新嘅食店！呢間拉麵店吸引我地嘅係：門口有好大隻多啦A夢🤩🤩 真係好有童年回憶！睇返餐牌，有好多款拉麵，仲有少量定食～選擇困難症既我咩都想食，就order左雜錦拉麵🍜配料好豐富呢，叉燒、豬軟骨、蟹棒😍全部都係我鍾意食嘅！流心蛋亦好流心🤣🤣🤣 湯底係味增味，配合得唔錯！我哋慢慢食、傾吓計，店員好細心咁幫我地加水👍🏻 👍🏻食咗一半，我地叫咗啲小食🙃🙃呢個係鹽燒豬腩片😺😺😺 燒得好好味！！加少少檸檬汁，點埋我鍾意嘅沙律醬hehehe yumyum其他小食都OK✌🏻 有好多款俾你選擇！如果鍾意多啦A夢嘅，一於嚟打卡😹😹😹

呢日12點前已經做哂1日的工作，突然發覺早餐吃咗DD咁多，好肚餓吖，點算好呢？？由於啱啱喺大窝口，於是就醒起好耐未去過的悦來坊，以前去淨係同啲friend吃熊猫酒店的buffet，後來多啲多啲又慢慢多咗D鋪頭同食肆，咁就一於去啦，誰不知太耐未去過，盪失路添，兜入屋邨唔識行，要問人先行啱晒。發現地下同埋BI二層真係好多食肆，終於揀返我熟悉的拉麵，來到呢間元札幌拉麵店。餐牌好靚吖，亦都好多嘢吃，有單點小食，拉麵，飯，亦有套餐。睇睇吓覺得78蚊三寶套餐最抵。78蚊就有飯/麵，小食，飲品三樣。我的巨量午餐有1. 札幌螃蟹拉麵2. 串燒雞軟骨3. 一罐可樂仲加咗2樣小吃章魚燒和一串迷你甜薯當飯後甜品拉麵煙韌有彈性，蟹棒肉鲜甜，仲有玉米，豆芽及海帶，而雞軟骨有咬口，給了我一個充满能量的下午。