元札幌拉麵 (悅來坊)

營業中

休息中

大窩口荃灣嗰邊選擇唔算多，悅來坊嗰邊就比較多嘢揀，今次就試吓一間好似日式居酒屋嘅拉麵店。裏面維修情況都做得比較好，而且客人會獲得每人一個獨立包裝口罩，亦會提供酒精搓手液。北海道櫻花蝦拉麵$88+$6紫菜櫻花蝦充滿鹹香有口感，拉麵方面還有一隻糖心蛋，加錢要買紫菜成個面好豐富，湯底味道香濃但係唔會太鹹，啲面質都好彈牙。富士山可樂$24可樂$12前者包裝同埋味道都好得意，可以試吓喎！平時都好少見有得買！北海道南瓜炸薯餅$18南瓜就有兩件，都幾大件，味道都香，可以加埋啲沙律醬就惹味啲。

好耐無落街食飯了，今日就近近地係附近食個晚飯。 好耐無行過商場，雖然商場靜左好多，不過都好，小點人。 店鋪係二樓，一間小角位，門前有一個大多拉A夢，係一個拍照位。入去座底竟然有驚喜位就係竟然每位入來客人都會送上一個口罩，幾貼心，讚睇睇餐單先，如下: 拉麵款都不少，樣樣都想試下，最後試左個最邪惡嘅牛油拉麵。 大大塊牛油係面，來到等慢慢溶化，令湯底更濃味，充滿牛油香，湯底中等，面係正常拉麵，不粗不幼。 跟餐可以加28蚊，有四只餃子，自家製，不過不失，味道不錯。 最後叫左串燒雞翼來試下，幾香口，燒得剛好，不會太乾，就是比較細隻。 希望盡快大家都可以輕輕鬆鬆出街食飯

今日放半日假約左朋友出黎行街食飯，諗住去荃灣行下。係大窩口站落左車，大概行10分鐘就去到悅來坊。因為都仲好早，係個商場行左陣。大概6點大家都行到有d肚餓，所以就係商場搵嘢食。望望下個食肆牌，發現有一間應該大家都鐘意食既，就係拉麵!所以就去左”元札幌拉麵”門面有一個好大既多啦A夢，好多小朋友行過都例牌同佢影張相，代表性十足。店舖內既裝修都好有特色，好有日本居酒屋既感覺當我地坐低左，每人獲派一個口罩!!!真係良心食肆。食物既款式唔算好多，但係好似樣樣都想食我地叫左豬軟骨拉麵，地獄叉燒拉麵，冷胡麻醬菠菜同埋日式炸雞。兩碗拉麵嘅味道都唔錯，拉麵有彈性，湯底嘅味道都非常香濃。豬軟骨好大條，軟硬度適中，而且好彈牙好有口感。鍾意食辣嘅朋友一定要試吓地獄叉燒拉麵!冷菠菜好好味，再配合埋胡麻醬同埋木魚，非常開胃。作為前菜嘅佢簡直係無得輸最後就係日式炸雞，呢樣小食我非常滿意。炸雞炸得好香口好趣脆，肉質鮮嫩而且仲有肉汁，仲好熱辣辣，送拉麵一流！價錢方面都好親密民，兩個人食都係$200左右。而且地點都算係方便，食完仲可以喺附近嘅商場四圍行吓，附近都好多嘢行如果下次再同朋友出開黎荃灣，一定會再帶朋友黎試吓呢間拉

去開荃灣嘅朋友應該對悅來坊唔陌生，不論由荃灣或大窩口行去都頗方便👍🏻今日又同朋友去咗悅來坊食飯，撰咗地庫依間拉麵店先睇店舖都有啲日式嘅感覺，坐落位置都好闊落，衛生良好👍🏻餐牌有唔同拉麵嘅選擇，可以撰湯底(味噌、醬油同鹽味）同麵嘅粗幼度。如果個日肚餓仲有唔同小食選擇😆我點咗地獄拉麵(因為係辣味，所以無得再撰湯底)，而朋友點咗豬軟骨拉麵(味噌湯底)。雖然係地獄拉麵，但係辣味唔會太強，唔會辣到去地獄😂普通粗幼度嘅麵食落軟硬度啱啱好👍🏻👍🏻，叉燒不過大失，但個蛋好好味，半熟狀態，配埋個湯就一級棒啦！拉麵仲有啲海帶、洋蔥同筍做配料，大家可以跟據個人喜好，睇下要唔要落單時走一啲配料！試咗朋友個味噌湯底，味道係偏濃嘅。如果你想試啲淡啲嘅湯底，建議可以點鹽味湯底😝整體我都幾滿意依一餐，值得推薦

最近悅來坊果邊行間，就去左入面搵野食，發現都開左好多唔同既野食行過一間食日本拉麵既, 望落啲裝潢都好傳統日式FEEL, 出面仲有好大隻多啦A夢，於是就比佢吸引左入去，啲座位都有啲似日本街頭既拉麵店風格，一入到去店員會幫你遞上日本茶，服務態度都幾好，有別於平時拉麵店自助風格。menu睇落都有唔少野食，除左日本拉麵之外仲有飯食套餐可以選擇，而我地分別揀左元拉麵同牛脷溫泉蛋飯元拉麵主要有叉燒同埋荀，可以話係最經典嘅一款拉麵，叉燒屬於半肥瘦，好軟腍，都幾大片，湯底就係豬骨湯，味道幾濃郁，而呢到嘅麵質可以按個人喜好選擇軟硬度，我就揀左適中，可以KEEP到彈牙嘅口感，掛湯力不錯。 牛脷溫泉蛋飯方面啲牛脷煮得好腍 好易入口同埋都幾入味，明顯有醬料俺製過，而且有一定厚度，食落口感幾豐富，而一隻溫泉蛋撈咁大碗飯都算足夠。由於呢個係套餐關係，會有埋前菜沙律、麵豉湯同茶碗蒸，個茶碗蒸入面有加冬茹同魚板，啲蛋都蒸得幾滑，食落仲有好清香嘅雞湯味，幾好食。

今日同朋友行荃灣，行完千色行下熊貓，行到咁上下開始肚餓，突然想食拉面，知道panda有層好多野食，就落左去搵，搵到呢間元札幌拉面。門口有隻叮噹，好得意！大家見到佢就知道無行錯，好易搵！人都算多，好彩啲staff手腳快，好快就幫我地執好枱，唔洗等好耐就有得入座。入而都好靚，柔和既黃燈，巧C伏，有啲日本拉面店既feel。睇下menu，呢到都好多選擇，有飯有麵有小食。不過呢到叫得元札幌拉面，就緊係叫拉面食啦！最後我同朋友就叫左個叉燒拉面同螃蟹拉面。第一啖試下佢個湯底先，一試不得了！食到好濃厚既豬骨湯味，好有層次，夠油夠味唔會稀，完全唔似出面普通鋪頭個啲加水湯底。除左個靚湯底，塊叉燒成隻手板咁大，睇見見興奮！螃蟹拉面就不過不失，我都係中意食叉燒多啲。最開心既食，而家凡惠顧元札幌拉面，送每人一個口罩！好親民！抵讚！

今日我和朋友來到宇晴軒商場裡的「元札幌拉麵」用餐。我們選了「松＋梅＋竹＋菊」套餐$198，分別包兩個主食和兩個小食，二人餐的價格來說尚算個宜，餐牌也有很多選擇，而且沒有加一服務費。海鮮拉麵：麵身硬度適中，有咀嚼感，配餸方面有一個青口和兩隻鮮蝦配合野菜，湯底是味噌湯，這可突顯海鮮的鮮甜。溫泉蛋牛肉飯：推薦。飯是分開上，這更突顯牛肉肉質的鬆軟，溫泉蛋與牛肉汁混在一起十分配搭，很適合送飯。串燒雞翼：有鎖著肉汁，但不是太特別炒魷魚鬚：彈牙有咬口，燒得剛剛好，不會太燶，蒜香味重。縱觀而言，我認為今餐質素不過不失。雖然不算太特別，但也值得一試再試。

行開悅來 有啲肚餓 就黎食下日本野 喺門口見佢都幾有格調 再望menu又好抵喎 所以二話不說就走左入去我同呀媽2個人就叫左2set拉麵套餐 一個價錢都包好多野 一個主食 即係麵啦 再加一個小食同一罐汽水 我就中意特別少少 所以就食牛油拉麵 試左一啖佢原本嘅湯底 幾濃豬骨味 下一步就將大大嚿牛油溶化喺個湯入面 即時成件事唔同晒😱💕 佢地選用牛油好香濃 成個湯都充滿住牛油香氣 質感變得好滑 連帶啲拉麵都又彈又滑 得又唔會太滯 perfect 😘小食方面 如果好肚餓可以揀個迷你咖喱飯 食落都幾香咖 用左珍珠米 幾彈口 而我勁欣賞嘅係南瓜炸薯餅 估唔到2樣野加埋又幾夾 同埋佢南瓜蓉磨得好幼細 好滑 炸出黎質感軟滑 外脆內軟 熱辣辣 真係食過番尋味💕 下次要試埋佢嘅炸豆腐🤪

今日夜晚放工要去悅來坊買野 B1層其實有好多間唔同風味特式的食肆 上次食完炸雞 今次都繼續想食日式野 所以就黎左元札幌食日式拉麵🍝門面氣氛光暗度想營造日式居酒屋的感覺 店面唔算大 但係都整整齊齊幾好 唔會話好迫坐低睇左Menu 有拉麵 定食同埋小食拉麵都有超過十種選擇 湯底同麵質都可以自己調節 有自主度 而定食都有六種 配返沙律 麵豉湯 主食 同茶碗蒸 最後同友人決定叫一個拉麵同定食share 叫左元拉麵 $68 同埋溫泉蛋牛肉飯$75定食份量okay! 個沙律幾有驚喜 係落左沙律醋而唔係沙律醬 健康d 👍🏻 溫泉蛋牛肉飯撈埋汁都夠送飯 拉麵份量唔少 食完都幾飽 麵質唔錯 湯底唔算好濃味 唔會話要一路食一路飲水 總括黎講 想食下日式野又想飽肚的話 可以試🤪

上午去完仁濟睇醫生，剛好是星期三，去Aeon 超市特價星期三掃一掃貨先。在熊貓底層一樓有不少食肆，見到這間元札幌拉麵中午時段顧客多是中學生或者帶著幼兒的家長， 可以一試。雖然不懂日文，但猜得出湯底應該是用豬骨雞肉長時間烹調出來的，所以得出來香濃的白湯。我點了一個自選拉麵套餐，牛油拉麵配串燒雞翼，飲品要可樂。另外，朋友點了A餐元拉麵配自家製手工餃子。兩碗拉麵送上來材料是一樣的，只是我的多了一塊牛油。除了兩塊肉外，配菜有海帶、洋蔥、芽菜、粟米粒和筍片。湯底濃郁，我的加了牛油， 我把牛油放在匙羹上， 把麵沾來食，更加香濃。如果食得更重味的人，可以加生蒜、胡椒粉、七味粉等等。麵剛送上來的時候比較硬但是越食越淋，這樣挺好，不用因放久了，麵條因熱湯變淋而不想食。這個拉麵比味x拉麵好食。其次， 我欣賞他的小食。 手工餃子， 皮薄餡靚， 外皮煎到金黃色， 包著入面椰菜肉碎餡料， 只要輕輕點了醬油，提升餃子的味道。另外，我點的是串燒雞翼， 兩隻雞翼開邊用竹籤串起， 使雞翼受熱均勻， 而且可以確保雞翼可以全熟。 金黃色的雞翼賣相非常討好， 雞翼沒有醃過， 可以因自己的喜好添加，檸檬汁、生蒜、胡椒粉、七味粉

諗住睇到OpenRice 幾高評價 比人厄左入去食八十八蚊一碗茶記質素 湯底味精死咸 劣質冰鮮肉 唔新鮮 仲要成浸油溢味 面質係絕對同你嚮茶記四十幾蚊一碗見到既完全一樣收八十八一碗。真係食到一肚氣仲要同朋友一齊食大家一食都知道中左伏成餐尷尷尬尬勁勁勁勁勁勁勁勁勁勁勁勁勁勁勁勁勁勁勁勁勁勁勁勁勁勁勁勁勁勁難食難食難食難食

有一日～係悅來坊經過嘅時候比隻超巨型多啦A夢吸引住🤣🤣於是見有啲肚餓就去咗食個下午茶啦😚入到去一睇就知個老闆係多啦A夢控門口已經有十二生肖嘅多啦A夢decoration迎接你🤣坐低左就叫左個 #北海道櫻花蝦拉麵 $88呢個拉麵on top放左唔少櫻花蝦通通加曬落原本個豚骨湯底到☺️麵既質地偏軟身，但都無流失到佢原有既彈性而且師傅將煮糖心蛋既時候會預埋湯底既溫度送到客人枱面就岩岩好💕另外我地仲叫左 #安格斯牛肉串 同埋 #牛舌串燒🐮串串都啖啖肉～而且多汁好味😋😋真係好難抗拒串燒嘅魅力😋尤其是係炭燒嗰隻！！好食既牛肉串只需要加少少鹽同黑胡椒都已經好味～呢度就係其中一間啦😚

係荃灣見完客想搵野食 係悅來坊行過呢間拉面店 見佢價錢幾平就入左尼食地獄拉面 $72一上枱聞落好香 個湯雖然無我想像中咁辣但同時有好濃郁噌湯味 辣同味噌既味係50/50 唔係得個辣字溏心蛋有足一隻 (平時好多間只係得半隻) 個蛋白好入味 唔錯叉燒拉面 $88好少見一碗拉面入面可以有 4 塊大叉燒 本身仲諗住 menu張相係只供參考每塊都大塊厚身 厚身得尼肉質軟腍 唔會韌而且好入味 呢個價錢食到呢個質素既叉燒 真係算唔話得豚骨湯底鮮味濃郁 令我幾喜出望外另外加 $28 要埋餃子皮夠薄 煎得香脆佢個涵入面仲有我最中意既菲菜 正~個拉面食到後半 發現調味架上面有蒜蓉即刻忍唔住加左好多落個湯度蒜味將個湯再提升左一個 level  好邪惡 中意重口味既人一定要加蒜!下次如果經過再尼食 一定會加杯 Suntory beer一杯只係 $38 真係幾抵~

依家熊貓比以前多左唔少餐廳，呢晚收工去左食元札幌拉麵。座位編排都算幾舒適，燈光暗暗地，有啲似去左居酒屋而唔係喺商場入面。Menu有拉麵有飯有小食，都算幾多選擇：因為本身個人黎講夜晚通常只食少量澱粉質，所以決定叫一個拉麵，再嗌小食share食～1️⃣ 元拉麵🍜 ($68)唔花巧，要左個最plain嘅元拉麵。每款拉麵都可以揀要咩湯底同麵嘅硬度，我地揀左味噌湯、硬麵條。幾香，份量都夠2個人分黎食，塊肉都唔細、幾滑，但略嫌個麵可以再硬身啲。2️⃣ 手包餃子🥟 ($32/$28加配)只要食拉麵就可以平少少加配餃子。煎得幾靚，餃子隻隻都夠晒飽滿，唔錯！3️⃣ 北海道南瓜炸薯餅 ($18)炸得香脆，香口，炸薯餅黎講算係正常發揮。4️⃣ 串燒雞翼 ($18)幾鍾意呢個雞翼，個皮燒得夠脆，幾香。而且個調味適中、唔會過鹽！🙆🏻‍♀️另外啲姐姐refill茶都夠快，值得一讚。最後每人大概$70，都幾抵食呀！

荃灣, 一個經常出沒的地方! Shopping 後醫醫肚! 天氣少涼, 來一碗熱呼呼拉麵最適合不過! 先來一客小食! 自家製手工餃子 $32! 粒粒飽滿, 餡料超豐富! 外皮薄而煎得香脆, 餡料多而實在, 蔥夠香, 調味恰到好處! 超讚! 雜錦拉麵 $82 ~ 豉油湯, 中度麵, 湯底味道唔會假, 仲幾好飲! 雜錦包括豬軟骨, 叉燒, 蟹柳, 粟米! 啱晒貪心而有選擇困難症的…北海道櫻花蝦拉麵 $88 ~ 鹽味湯, 中度麵, 湯底超級香及濃郁, 幼滑! 大量櫻花蝦, 又香又脆, 濃濃蝦味! 叉燒不太肥, 肉質軟滑不會嚡口, 肉質不會硬, 但又不失質感! 註: 麵質爽滑彈牙, 溫泉蛋做得好好, 糖心而入味!