元朗冰室

今晚晚餐齊齊去咗間冰室，快靚正，亦平靚正。環境光猛，地方企理，座位唔少，有卡座或長排座位，坐得舒適。晚巿有很多選擇，有幾款招牌厚豬扒菜式、小菜、炒粉麵飯、套餐、常餐、小食都有得供應。禾味燒BB鴿 ($53)雖然細細隻，但相當多肉，皮燒得亮澤香口，肉嫩多汁，味道鹹香，唔駛點淮鹽都夠晒味。Double 厚豬扒飯追加辣肉醬（$69+$5）份量十足，兩大塊厚豬扒黃金香口，啖啖肉，充滿肉汁，果然係招牌菜，推介！辣肉醬都好值得追加，香辣惹味，用嚟撈飲一流，食多幾啖，正！胡椒豬肚雞 （$88）先呷啖湯，充滿胡椒香，辛辣暖胃，得！雞雖不算很嫩，但好有雞香；豬肚爽嫩入味，好味！仲有支竹、芹菜、白果、蒜頭等，豐富入味。二人小菜套餐 （$172）揀兩款小菜外，仲送油菜、白飯和熱飲，抵！有多款小菜選擇，點咗黑椒茄子牛仔骨煲，熱辣辣上枱，牛仔骨好惹味，辣辣地！仲有爆香咗嘅洋蔥、蒜子、紅椒、茄子等，鹹香惹味。梅菜蒸皖魚（+$15）即點即蒸，蒸得岩岩好，好嫩滑，伴着梅菜一齊食，最佳拍擋！灼菜心（$0/跟餐送）翠綠鮮嫩，份量都唔少，讚！抵食好食!…查看更多

約咗朋友交收網購戰利品，順便食埋飯先散，就去附近呢間冰室。趕住下午茶時段的尾巴，叫咗個奶油脆豬($33)，跟餐加凍飲只需$3。成隻手掌咁大嘅奶油脆豬，香甜味道，外脆內鬆，成為呢餐嘅餐前小食之一。門口寫住厚豬扒專門店，一系列厚豬扒配搭，可以跟飯/脆豬等，我地就叫咗厚切豬扒拼沙律 ($54)。豬扒成隻手掌咁大，佔領咗半隻碟。炸至金黃色，已調好味道，無需其他醬汁跟配。切開更加睇清楚佢嘅厚度尤如一部iphone，入口鬆化，果然有料到呀。餐飲加$5可以轉飲紅豆冰，實在太耐無飲過，又係回憶殺。叫份特餐 ($49)，選擇沙嗲牛肉麵，加$3轉出前一丁，另跟蒜蓉牛油多士及炒蛋。聽見坐附近枱嘅客都叫沙嗲牛肉麵，轉一丁有埋包麻油增加麻油香。丁麵一食就知分別，牛肉食唔到梳打粉醃味，個沙嗲湯底味道適中，係港式味道，加埋粟米粒，又另一番口感。估唔到冰室食物已經升呢去到有燒乳鴿食，仲要係BB鴿。禾味燒BB鴿 ($53)，已斬成四件，另有淮鹽點食。話明係BB鴿，肉唔會有好多，炸得皮脆肉嫩，拍得住酒樓出品。炒碟正菜，就蒜蓉炒菜心 ($50)，蒜味滿滿，菜心無渣。港式炒粉麵乃係茶記冰室之”要員”之一，晚市黎一碟星洲炒米($70)，跟凍飲都係加$3，份量相當對眼，上枱後未食已聞到咖喱嘅香味。材料有蝦，叉燒，火腿，蛋塊，洋蔥及紅椒等。炒得唔算好油，味道唔會過咸同食完會一口油。啜啖凍檸茶，正。全日免收加一，大眾化之選。…查看更多

去寶琳做完嘢，想搵茶餐廳醫肚，咁就去咗新都城三期嘅元朗冰室，心心念念想食佢哋馳名嘅豬扒！我就叫左個厚豬扒拼沙律成，隻手掌咁大塊嘅豬扒，食落好鬆化，配埋秘制甜豉油，的確不錯，配埋沙律可以輕食一下，做下午茶啱晒！另外點左招牌沙嗲牛肉麵，沙嗲味幾香濃，有啲花生醬味，牛肉都幾軟腍，唔會好辣！奶油脆豬亦係必點之選，超巨型size嘅奶油脆豬，非常香脆，上面滿滿嘅煉奶，滋味滿分！最後我哋仲食埋BB乳鴿，熱辣辣炸起上枱，原隻免切，就咁食超滋味，皮脆肉嫩又多汁，好正！…查看更多

呢度最出名嘅厚切豬扒真係名不虛傳每款豬扒料理都做到極致，絕對係區內隱世良心出品✨🐷必食推薦▫️厚豬扒配司華力腸飯豬扒厚度足足有2cm！咬落肉質爽口彈牙，仲要係無骨設計啖啖肉好滿足😌▫️焗厚豬扒飯邪惡拉絲芝士＋開胃蕃茄蛋＋鑊氣炒飯底，三重享受！豬扒保持厚切口感，吸收醬汁後更juicy😋▫️龍仔荷葉臘腸蒸雞飯荷葉清香滲透每粒飯，臘腸油香融入嫩滑雞件份量足夠兩人分享，傳統風味十足！▫️枝竹羊腩煲❄️ 冬季限定羊肉炆到入口即化，枝竹吸盡濃郁醬汁搭配新鮮生菜平衡膩感～🍜沙嗲牛肉出前一丁濃郁沙嗲醬包裹嫩滑牛肉即食麵煮得剛好，湯底香濃唔會過鹹▫️蜜餞豚肉叉燒丼飯豚肉叉燒帶焦香蜜味，醬汁甜度剛好，撈飯一流！…查看更多

同班媽媽行完新都城三期，腳軟肚餓之際撞正呢間「元朗冰室」，一於入去歇腳醫肚！冰室光猛乾淨，卡位闊落，啱晒我哋一班師奶吹水打躉～今次試咗幾款招牌，真心抵食又足料，同大家分享下！🍜 沙嗲牛肉腸仔麵沙嗲汁香濃惹味，牛肉唔會韌仲幾滑身，加埋煎到脆邊嘅腸仔同埋彈牙丁麵，個湯飲到底先安樂！下午茶必選～🐷 馳名厚豬扒必點！真係厚切㗎，咬落去肉質鬆化又juicy，唔會乾爭爭，仲有微微蒜香，煎得啱啱好！配飯或者夾包都一流。🐟 魚柳配沙律塊魚柳炸到金黃酥脆，入面魚肉依然嫩滑，沙律醬撈住雜果同薯仔，清新解膩，怕熱氣嘅叫呢個就啱啦！🍞 奶油豬大大件烘到外脆內軟，滿滿嘅煉奶同牛油溶入包隙，甜而不漏，食完成個人都幸福晒～係邪惡但忍唔住口！🐦 乳鴿香脆馳名乳鴿皮脆肉嫩，用手拎住撕開食先過癮，鴿肉仲有肉汁滲出嚟，送啤酒仲正（不過我哋飲凍檸茶咋）！🍚 瑤柱蛋白炒飯炒飯乾身唔油，瑤柱絲同蛋白份量唔孤寒，食到淡淡鮮香，夠鑊氣！想食得清淡啲又唔想寡，叫呢個準冇錯～🍗 炸雞髀配薯條雞髀大隻到呢～炸皮脆卜卜，肉質嫩滑到離奇，點埋茄汁真係無得輸！薯條即炸熱辣辣，香脆到唔停口～✨元朗冰室✨#元朗冰室 #新都城美食 #港式冰室 #將軍澳搵食#媽媽放風日 #下午茶之選 #港女飲食日記 #冰室控 #豬扒控集合…查看更多