影片
營業時間
今日營業
11:30 - 22:00
星期一至日
11:30 - 22:00
公眾假期
11:30 - 22:00
以上資料只供參考, 請與餐廳確認詳情
黎開荷里活廣場如果要食野首選一定係食呢間！😋真系食極都唔會厭，份量都特別多好啱同人share😚🍽️用餐人數：2💸收加一服務費▪️自選乾鍋$38-可選四配菜（牛百葉$38｜雞軟骨$42｜萵筍$25｜蓮藕片$25）▪️白飯$12x2成道餸嘅用料非常豐富，一上枱就聞到陣陣嘅香辣味，即刻食指大動😋對於鍾意食辣又食唔到好辣嘅我黎講，佢地辣得啱啱好😋我地嗌嘅配料可以話係完全吸收到醬汁嘅精華，非常入味👍🏻⭐️❣️呢道餸本身係有花菜做底，除非你係特別鍾意食花菜，唔係可以唔洗特登嗌❣️通常嗌呢個我地都一定會要番碗白飯，不過佢地嘅白飯就真系貴🥲但係好味嘅
繼續閱讀
另外，服務態度都非常之差尤其係男經理和個子很高的女收銀員首先，全場冇笑容。第二，男經理唔識帶位，一時指你呢張枱，下一秒話一係個張枱。第三，問職員拎隻碗，佢西口西面拎俾你，好唔願做咁。
繼續閱讀
餐廳係一般茶餐廳嘅格局，但係都光潔明亮。酸菜魚午餐 $82雖然賣相同色澤唔係好吸引，但好彩食落味道符合預期。酸辣嘅味道比較重，湯有少少鹹，偏重口味。材料方面，魚片冇骨，偏爽滑。仲有啲萵筍、豆卜。薯粉，尚算豐富。整體味道雖然未算非常出色，但係都合格。
繼續閱讀
性價比高川菜-鑽石山元元酸菜魚去開荷里活，無咩心水食咩，經過見到呢間做緊優惠，有半價小菜，就諗住試吓啦😅點左尖椒皮蛋、香辣乾鍋、紅糖糍粑同埋半價黃金蝦😂尖椒皮蛋真係好辣🥵勁過出邊食，不過好惹味，蛋黃係流心；香辣乾鍋選左蓮藕、腐皮、豬腸，豬腸就炸得比較乾身，其他都唔錯；紅糖糍粑比較硬，好似未熟得哂咁🥺同埋有陣奶騷味，麻麻😒黃金蝦都好濃蛋黃味好足料，比較鹹😅半價就幾抵食，下次可以試吓酸菜魚😗
繼續閱讀
成間店服務態度最差就係個男經理 我同男朋友本身唔係好食辣 一心諗住放假黎食餐好 就諗住叫酸菜魚食點知黎到變左水煮魚 我地就問佢個男經理即話「印張單你睇 睇吓係咪你自己落錯先」然後就一手掉張單係我地枱呢度係掃碼點單 睇完張單的確係我地點錯 咁我地都幾唔開心個男經理仲要係後面話「哈哈，錯有錯着囉！」我地都硬住頭皮話，我地真係食唔到水煮魚，我地點錯唔好意思，問佢有無得換得到既男經理答覆係：「無架啦 放左落枱就無得換架啦 係你自己點架喎 唔關我事」其實我都唔係話你一定要換 始終係我哋點錯但食唔到辣就食唔到 無得換既話態度都可以好啲個感覺個男經理就係用一個非常輕佻既態度完全無理會客人感受 最後成餐飯都好唔愉快我地亦都因為㩒錯一個掣 又唔想浪費食物盡力食左大部分全香港有好多間食川菜老實講元元都唔係特別好食我就一定無下次
繼續閱讀
您可能會有興趣的...