又到食大閘蟹季節，呢間店舖記得上年幫朋友買過嚟食，佢話好多膏，好食，但我就未食過，琴日朋友再去咗呢度買嚟食，見佢影相出嚟好多膏，我見到就好想食，於是今日就嚟咗呢度買嚟食，入到去見到大閘蟹數量唔多，我就買咗一隻五両公，一隻五両乸嚟試吓，兩隻蟹都好足秤，包裝得好好，仲附送紫蘇葉同一包大閘蟹輔料禮包，正所謂農曆「九月圓臍十月尖」，呢段時間食乸係好食過公，今日隻乸係好多膏，多膏到我連佢個肺都搵唔到同埋啲膏真係好甘香，非常好食😋至於隻公相比冇咁多膏，白膏唔多，膏冇咁甘香，到下個月我必定會再嚟買公食。…查看更多
