影片
更多
2021-07-28
332 瀏覽
🍽傷心酸辣粉 @sourspicynoodle 今日一家三口簡簡單單去咗食傷心酸辣粉，平時通常食親都係是但要一碗酸辣粉食完就走，今日因為放假多時間所以可以慢慢嘆吓佢哋呢度嘅小食～🤍涼拌茄子（$25）本身我哋叫嘅時候，店員話冇晒茄子，但我哋以為冇得食嘅時候，佢又話可以即刻出去買，搞到我哋都覺得有啲唔好意思。不過好彩食到呢個茄子，製作速度非常之快之餘質素亦都唔錯。唔知道個茄子係咪煎過定係炸過，感覺外層有少少香脆，味道唔錯！🤍酸辣土豆絲（$25）呢個土豆絲可以選擇辣度，我哋叫咗小辣覺得啱啱好。佢嘅土豆絲做得幾爽口，啲醬汁通常都沉晒喺底，所以建議食嘅時候最好都係自己攪一攪先🤍地獄雞翼（$32）雖然個名叫地獄雞翼，不過食落又唔係話真係十分之辣，反而我覺得係有少少偏鹹，但係佢層皮亦都係十分之香脆好味，而且咬落去嘅雞肉都好入味！🤍滷香牛肚酸辣粉（$42）叫咗大辣，超級惹味，牛肚亦都煮得啱啱好，吸埋個湯底嘅酸辣味，真係邊食邊流口水！🤍煙燻排骨酸辣粉（$42）排骨有好香濃嘅煙熏味，即使浸左喺個湯底度一段時間都仲感覺得到，排骨本身偏乾身，咬起上嚟會有少少硬，不過絕對唔影響佢嘅味道🤍川香豬軟骨酸辣粉（$42
今日一家三口簡簡單單去咗食傷心酸辣粉，平時通常食親都係是但要一碗酸辣粉食完就走，今日因為放假多時間所以可以慢慢嘆吓佢哋呢度嘅小食～
🤍涼拌茄子（$25）
本身我哋叫嘅時候，店員話冇晒茄子，但我哋以為冇得食嘅時候，佢又話可以即刻出去買，搞到我哋都覺得有啲唔好意思。不過好彩食到呢個茄子，製作速度非常之快之餘質素亦都唔錯。唔知道個茄子係咪煎過定係炸過，感覺外層有少少香脆，味道唔錯！
🤍酸辣土豆絲（$25）
呢個土豆絲可以選擇辣度，我哋叫咗小辣覺得啱啱好。佢嘅土豆絲做得幾爽口，啲醬汁通常都沉晒喺底，所以建議食嘅時候最好都係自己攪一攪先
🤍地獄雞翼（$32）
雖然個名叫地獄雞翼，不過食落又唔係話真係十分之辣，反而我覺得係有少少偏鹹，但係佢層皮亦都係十分之香脆好味，而且咬落去嘅雞肉都好入味！
🤍滷香牛肚酸辣粉（$42）
叫咗大辣，超級惹味，牛肚亦都煮得啱啱好，吸埋個湯底嘅酸辣味，真係邊食邊流口水！
🤍煙燻排骨酸辣粉（$42）
排骨有好香濃嘅煙熏味，即使浸左喺個湯底度一段時間都仲感覺得到，排骨本身偏乾身，咬起上嚟會有少少硬，不過絕對唔影響佢嘅味道
🤍川香豬軟骨酸辣粉（$42）
豬軟骨既肉煮得好腍身，感覺上唔使點用力咬到已經可以吞到落肚，反而係個骨就相對上有啲咬口，同食開入口即溶嘅豬軟骨有少少分別
💰人均消費：約$70
📍觀塘康寧道42號C舖
張貼
