來發火鍋小館

營業中

休息中

👍🏻二人套餐 $288 太子新開無耐新派港式火鍋店，主打招牌椰子雞鍋同煲仔飯二人套餐比起散嗌抵食好多，包括雞鍋、煲仔飯、時令蔬菜湯底二選一，我地揀咗海南椰子雞鍋，另一款係胡椒豬肚雞鍋，份量係半隻雞採用自家農場走地雞，食得出真係新鮮，雞皮爽彈，肉質有彈性，雞鮮味突出椰子湯好鮮甜，椰子香都幾明顯，清清地飲落好舒服，呢個連阿媽都大讚🤣半隻雞份量真係足料，加埋套餐煲仔飯同份菜，兩個人食都真係夠飽😎唔夠食亦可以散嗌火鍋配料打邊爐，或者嗌四人餐味道：7/10性價比：8/10-👍🏻土魷蒸肉餅煲仔飯 (跟餐)套餐包一煲煲仔飯，同散嗌嘅份量係一樣嘅肉餅豬肉味好香，有適量嘅肥膏啱啱好又唔會焗到乾晒，口感爽彈，加上土魷鮮味十足，塊肉餅堅好食🥹🤤！飯粒粒粒分明，唔會太濕太乾，不過飯焦就唔係好多味道：9/10性價比：-/10-👍🏻窩蛋牛肉煲仔飯 $88另外散嗌多一煲煲仔飯，用嘅係鮮牛肉而唔係免治牛，牛味好濃幾有驚喜😙有少少筋要咬下但不至於韌，都算嫩滑不過隻蛋就稍為焗到熟咗少少，唔係好夠蛋汁撈飯味道：8/10性價比：8/10-👍🏻炸鮮蝦丸 $48另外又嗌咗份小食，蝦丸新鮮手打唔係急凍貨，大大粒即叫即炸熱辣辣脆卜卜

今次放咗工同朋友去太子打邊爐，叫咗個$488嘅套餐，套餐裏面包括有胡椒豬肚雞煲煲（半隻），手切美國雪花肥牛，雜菜拼盤，炸鮮墨魚丸，窩蛋牛肉煲仔飯胡椒豬肚雞煲，充滿濃濃胡椒味，而且裏面都有好多雞件同豬肚，未打邊爐之前，小編同朋友已經飲咗兩碗湯，其實湯底真係好重要❗️手切美國雪花肥牛，牛肉紋好靚☺️，而且牛肉味都好重 😉，打邊爐一流炸鮮墨魚丸，小編極力推介，真心超好味，好足料，好彈牙食完雞煲之後，就去食煲仔飯- 窩蛋牛肉煲仔飯，d飯粒粒分明，側邊仲有飯焦，打完個邊爐再食煲仔飯，飽度上心口，so yummy

太子新開左間好新穎嘅火鍋店，採用不鏽鋼枱櫈，夏天入嚟坐低即刻涼浸浸，冬天應該墊吓會好啲🤣✅二人餐$288🔸海南椰子雞鍋雞肉嘅份量都幾多吓，水滾之後放雞肉入鍋大約等5分鐘就食得，之後記得要熄火，唔係啲雞會變老，好彩店員細心提我地🤣雞肉幾滑，仲有雞腎同雞腸，平時椰子雞好少有，中意食內臟就會覺得幾開心😆🔸來發師父飯(臘味粒）補多$10可以揀臘味粒煲仔飯，最鍾意食臘味😍煲仔飯飯粒分明，調味做得幾好👍🏻除咗有臘腸臘肉仲有潤腸同炸芋頭，個人覺得如果走潤腸會好啲🤣臘味好入味，飯夠香，會想再食嘅煲仔飯🍚✅來發卜卜蜆煲$98二個人食2人餐已經好飽，好彩份量唔算好多，入面有兩款size嘅卜卜蜆🐻總結煲仔飯好驚喜，推薦🌟💛好味指數:4.5/5 💜回頭指數:4.7/5📍來發火鍋小館 (太子)太子大南街14-16號大智樓地下A&B號舖

今日經過太子見到來發開咗間新嘅分店好多精選二人或者四人嘅套餐所以我哋三個人就嚟試一試叫咗個$488嘅套餐有一個打邊爐湯底（揀咗胡椒雞）可選一個牛肉或者豚肉（最後選咗牛肉）小食揀咗個炸墨魚丸可自選一個煲仔飯(揀咗個臘腸雞煲仔飯）另外再叫咗一個小食(炸蝦丸）炸蝦丸同炸墨魚丸好有驚喜超好味，又彈牙一啲都唔油膩湯底胡椒雞都好好味牛肉尚算過得去係個煲仔飯太多飯焦但係整體嚟講可以再嚟今日係閑日全場都爆滿😲所以一定要book枱

🥢 二人餐 二人餐包咗火鍋湯底、雜菜拼盤同明火煲仔飯，我哋揀選左海南椰子雞鍋，湯底香甜、幾香椰子味，而且蔬菜都好新鮮同掛湯，雞件都好足料，略嫌有少少多雞骨，但整體味道都幾好。明火煲仔飯方面，我哋揀咗土魷肉餅飯，份量都超級足料，絕對啱二人食有餘，肉餅都唔薄、幾有咬口，略嫌有少少肥，但整體味道都唔錯，仲有焦香飯焦。🍲 卜卜蜆煲卜卜蜆煲係呢餐嘅MVP，蜆肉幾新鮮，幾重芫茜同指椒味，口感都幾唔錯、幾爽口，而且鹹鹹辣辣，好快就食完~

係太子大南街見到間新開好靚既火鍋店就去試下啦。D裝修設計好新穎好有特式，用哂不銹鋼枱櫈，打卡一流仲有好多打卡位可以影。餐廳環境舒服空間感十足，唔會覺得逼。叫左個二人套餐$288，湯底2選1揀左胡椒豬肚雞半隻，雞係另上，D雞好鮮甜。湯底胡椒味好重好正，入面有好多豬肚添。煲仔飯揀左來發師父飯(臘味粒)，有''來發''2個字應該係招牌菜掛，哇一試就覺得超好食，好香既臘味，有D炸芋頭粒，最正係有脆卜卜既飯焦。套餐仲包左份蔬菜拼盤好新鮮，D粟米好甜。我地3個人食所以再散叫左美國雪花牛肉$238好新鮮牛味重，淥幾下食得好淋呀。炸鮮墨魚丸$48係新鮮手打嫁唔係急凍貨，即炸熱辣辣好脆口，食到好多墨魚好彈牙爽口。芝士獅子狗$68入面D芝士正到丫。 最後食稻庭烏冬吸哂啲湯底精華好入味好滑。野飲叫左手打檸檬茶，第一次飲好好飲，好飲過茶餐廳檸檬茶。叫左咁多野食食到好飽，依間火鍋店食物新鮮好好味環境又好，仲有好多野食未試，下次一定要再試下其他野！ 

叫左個二人餐，有半隻椰子雞同一個煲仔飯👍🏻兩樣都勁足料👍🏻煲仔飯仲勁香，雞滑，臘腸香，有飯蕉。姐姐勁好，我地岀去拎醬料都唔記得電話銀包放咗喺枱面，拎完返埋位竟然見到姐姐企左喺我哋枱幫我哋望實