來多碗車仔麵 (上海街)

營業中

休息中

星期日去旺角買完禮物, 之後係附近搵左餐廳食車仔面。店鋪採用開放式廚房, 首先係門口排隊, 落左單後就入去搵位座。店鋪提供多款餸選擇, 麵底除左常見款式, 還有瀨粉, 十分特別。我哋叫左五餸麵, 揀左油麵, 湯底飲落清甜, 魷魚爽口彈牙, 蘿蔔清甜入味又無渣, 豬大腸滷得幾入味, 完全唔肥膩, 牛腩炆入味又夠淋。另外牛筋軟淰入味, 食落嫩滑冇腥味, 牛柏葉爽脆可口。店鋪仲會提供秘製辣醬, 配搭車仔麵食十分惹味。鐘意食竦既人一定要黎試呀。

香港真係有好多好食既車仔麵，今日朋友帶我試下呢間來多碗車仔麵，又多款式又好食，最正就係加埋個魔鬼辣醬，真係惹味得黎又夠哂辣牛柏葉、牛腩、鳳爪、麵筋、豬腸米線$70魷魚、牛柏葉、豬腸、鳳爪、魚皮餃 、牛肚 米粉 $80米線同米粉都唔錯，湯底濃郁，牛肚、豬腸、鳳爪最出色，入味得黎又唔會太咸秘汁雞翼 $22秘製鮮豬手 $32雞翼同豬手都好正，豬手炆得林身，雞翼個鹵水味好出色腐乳通菜 $13蠔油生菜 $13清清地加菜都係$13蚊，好抵食又新鮮檸檬可樂 $13凍檸茶 $9飲品選擇都好多

旺角不嬲都有好多唔同嘅美食今日同朋友喺附近睇完戲就諗吓食啲平平哋嘅嘢，車仔麵其實亦一個非常好嘅選擇，而家天氣咁凍車仔麵食完真係暖笠笠！就決定同朋友食呢一間喺網上評價都好似幾好記車仔麵餐廳，午市嘅時候原來都幾多人，好彩我哋兩個都搵到個位，如果唔係都有排等🤣🤣佢嘅冬菇炆得非常入味，本身個人就非常鍾意食冬菇，亦都鍾意佢同車仔麵嘅配搭，佢嘅冬菇都幾有咬口，鍾意食冬菇嘅朋友不能夠錯過👏🏻雞翼都做得好好食，好入味，而且唔會太細隻，每一份有兩件，見到隔籬枱有其他顧客直頭叫四隻，所以都特登叫你試吓，我覺得都不過不失，水準都唔差！👏🏻佢嘅米粉都唔會話煮得太淋，整體都係有咬口同埋爽身，因為好怕出去食車仔麵嘅麵條會係太淋，影響成個口感，餐廳喺時間控制上做得唔錯👏🏻 糖心蛋亦都令我哋非常有驚喜，咬落去嘅時候佢香濃嘅蛋漿慢慢流出來，呢一個效果要時間控制得非常好先可以做到，而且味道真係唔錯，好多餸只係需要$10，整體上我哋都覺得抵食嘅，而且味道同埋質素上亦都可以合乎佢本身嘅價格👏🏻豬腸亦都係我其中一樣去車仔麵餐廳必要嘅內臟之一，餐廳喺清洗嘅時候做得非常乾淨，絕對唔會有任何奇怪嘅味道，所以我哋都覺得味道好，豬腸本身

今日我和朋友去了這餐廳吃車仔麵。叫了6餸車仔麵：麻辣雞腎，台灣黑椒腸，魚皮餃，牛丸，鮮竹蝦條，獅子狗，麵底選了米粉。麻辣雞腎經過精心處理，口感滑嫩，有嚼勁，辣度適中。台灣黑椒腸充滿香氣，肉質鮮嫩，咬下去時感受到汁液四溢。魚皮餃內餡多樣化，口感獨特。牛丸肉質鮮嫩，彈性十足。鮮竹蝦條是一道將蝦仁與竹筍搭配的創新小吃，蝦條外脆內嫩，鮮味十足，清新口感讓人一口接著一口。獅子狗又幾彈牙。車仔麵有這麼多餸真的是非常豐富。牛腩，蘿蔔，牛丸，雞翼，生菜車仔麵：牛腩肉質軟嫩，經過長時間燉煮後，吸收湯汁的精華，吃起來既有嚼勁又不失滑嫩口感，非常入味。蘿蔔釋放出甜味，與牛腩的肉汁相互融合，形成了恰到好處的清甜感。牛丸彈性十足，咬下去感受到肉汁鮮美。雞翼的外皮 crispy，內部多汁。生菜的清新口感為整道菜增添了一個清爽的元素，平衡了其它食材的油膩感。車仔麵作為底部的主角，車仔麵吸收了周圍食材的湯汁，非常入味，是絕佳的搭配。

🍜星期六中午時間約左好朋友一齊睇戲，睇戲前經過來多碗車仔面，好想食車仔麵就坐低醫左個肚先。🍜呢度係先排隊同廚房伙記點餸，然後俾錢，跟住就可以自行去搵位坐。🍜呢度真係好多餸，由兩餸麵到10餸都叫得。🍜面底都好多選擇，竟然有瀨粉，真係好少見。今次叫咗一碗餸河粉同五餸米粉，都係$64起。🍜五餸米粉：有牛腩、牛筋、豬紅，金菇、魚蛋。牛筋同牛腩炆得好入味又軟腍；咖喱魚蛋爽口彈牙；豬紅唔會腥；湯底啱啱好，唔會太鹹。🍜五餸河粉：有蘿蔔、雞翼尖、豬腸，冬菇、通菜。蘿蔔炆得最入味；豬腸清理得乾淨；冬菇切開都大大粒；通菜就灼得啱啱好。兩碗麵麵底亦都非常之大碗，食完一定夠飽。🍜秘製雞翼：炆得好入味，雞翼又大大隻，有五隻咁多添。🍜嘢飲就叫咗一支豆漿🥛同樽裝可樂🍺🍜鋪入面牆身貼住幾幅壁畫，都係舊時嘅上海街街景，幾特別！真係呢啲後街先搵到啲地道嘅香港美食。

今天約了老公到旺角吃晚飯。經過這間叫做來多碗的車仔麵，餐牌大大個，清晰列齊所有可選的車仔餸！選擇的確多，花多眼亂，上至主食，下至小食也有，價錢也很親民。我和老公分別都點了六餸的車仔麵！大胃王老公還另外點了兩款小食和一碟油菜。先說小食，辣水魷是必點的，辣得很過癮，水魷彈牙爽口，值得一試。豬手也老得非常入味，很腍，豬皮很有彈性。我點的是六餸車仔麵，當中我比較欣賞它的咖喱魚蛋，魚蛋味道很香，口感很彈牙，咖喱亦很入味。豬大腸也是我最愛，滷水醬汁充分滲透在豬大腸中，豬大腸也很乾淨，沒有異味。我最怕吃到太硬的牛筋，但這間車仔麵舖所炆的牛筋卻炆得很淋很入味，不錯！這碗是老公點的六餸車仔麵，他最欣賞是豬耳仔，很爽口呢。這裏的蔥花是可以大方地任你加；另外見到枱面也有秘製的魔鬼辣醬，喜歡吃特辣的朋友，一定要試吓！

今日好開心去咗上海街附近嘅一間車仔麵，真係老字號，而且好有香港特色，而且呢度食物質素好高，服務都好好，好難得可以響市區搵到間咁高質素嘅車仔麵，真係要來食返碗車仔麵呀，而且好快都會等位，所以真係好受歡迎啊，而且呢度嘅車仔麵真係最好食嘅，因為佢性價比好高，價錢經濟實惠，配菜又多，我真係好推介佢哋嘅三餸車仔麵，裏面嘅蘿蔔又好味又林，牛腩都炆得好好呀，而且仲有配埋咖喱魷魚咖喱魚蛋，真係我嘅至愛，而且仲可以揀魔鬼辣汁，真係好頂癮，那得來好好食，又唔會好難入口，加埋杯凍檸茶，真係完美嘅配搭啊，而且凍檸茶都係大大杯，可以媲美上出面市區沖嘅檸檬茶，而且佢哋嘅冬菇都好香呀，好好食，出面都搵唔到一間咁好食嘅車仔麵呀，而且我哋仲叫咗個蠔油菜心，真係唔錯啊

跑完步好肚餓就黎左呢度食車仔麵，貪佢可以叫五個餸，可以食到飽一飽。呢度係order 俾左錢先，叫左粗麵配腩肉，蘿蔔，響鈴，午餐肉同埋牛筋。佢啲腩肉炆到好入味，肥瘦適中；蘿蔔幾甜同好大舊，份量幾多；響鈴索左啲湯汁，一定點都會好食😋午餐肉估唔到都有兩大塊；牛筋好淋好易咬開😍😍另一碗就叫左油麵配通菜，魷魚，咖哩魚蛋，紅腸，豆卜。魷魚份量都幾多同新鮮，咖哩魚蛋幾唔錯，夠彈牙，紅腸同豆卜正常。秘汁雞翼有四大隻，全部忟到好淋☺️☺️估唔到呢度的凍檸樂係用樽裝可樂😍😍跑完步梗係要飲可樂先得。因太口渴關係，再叫多左枝豆漿，佢唔會太甜，幾好飲。

晏晝去咗旺角上海街(來多碗車仔麵)，店舖牆上壁畫，訴說出香港印象和地道美食。店舖車仔餸款式數之不盡.....…👍👍還有店舖秘制魔鬼辣超....超辣超“正”溫馨提示食得辣先好呀！心多多嗌咗一碗........🍜🍜❣️八餸麵牛腩/豬皮/牛筋/豬腸/麵筋/豬耳/豬紅💥牛腩~鮮嫩入味💥豬皮~“索”滿濃湯味道💥牛筋~口感煙韌，咀嚼中散發鮮味💥豬耳~脆嫩爽口，咀嚼時帶有韌性，别有風味。💥豬紅~鮮嫩滑潤，口感細膩❣️秘製鮮豬手肉質鮮嫩軟腍，外皮煙韌配上香濃醬汁好入味😋😋😋骨膠原豐富❣️必食辣魷魚肉質彈嫩，帶有微辣與香料的層次感，口感爽脆yummy❣️豬腸鴨血豬腸嫩滑，咀嚼時彈牙，散發著自然的肉香；鴨血則滑順柔嫩，吸收了湯汁的精華，味道鮮明

剛剛經過上海街被這裏的牆畫吸引了，進來吃個車仔麵。這家餐廳應該提供了多種辣度的車仔麵,以滿足不同食客的口味偏好。對於喜愛吃辣的人來說,他們可以選擇較為刺激的勁辣版本,體驗更豐富的口感和口味層次，可以滿足更多食客的需求。不同的辣度選擇不僅使這道經典小吃更加適合個人喜好!今次我點了七餸麵，味道不錯，粗麵彈牙，很滿足的一餐。

收工嚟到旺角呢間懷舊車仔麵——來多碗車仔麵🍜食完原來有幾間分店 店內有啲插畫 好有舊式香港風情🇭🇰有多款麵底同配料選擇 排隊嗌完餸之後就可以搵位入座啦 最驚喜既係竟然有瀨粉！🤩真係好少麵檔會有 所以我就揀左瀨粉 +豬皮 雞翼尖 牛筋 紫菜 溏心蛋 仿鮑片 黑椒台灣腸本身冇諗住嗌咁多餸 但見有我鐘意食既鮑片同台灣腸就忍唔住嗌埋😂😂同行朋友就食左河粉+牛筋 豬紅 雞翼尖 菜肉餃 魷魚 豬血同牛筋都好入味湯底本身有腩汁 另外有沙嗲 微辣同魔鬼辣醬俾客人自己加 梗係要試佢個秘製辣醬 真係辣得好過癮🌶️小食試左三款，台灣麻辣鴨血勁推介👍🏻上枱已經聞到好香食車仔面點少得飲品 有支裝普通豆漿同黑豆漿 都係$9枝 幾抵食嘅車仔麵 值得一試📍來多碗車仔麵 (上海街) (旺角)旺角上海街441號友榮大廈地舖

今日同朋友去旺角行街睇戲食晚飯，我朋友提議去食車仔麵，佢話附近有間舊港式嘅車仔麵店舖，仲可以自選配料，由一麵選二餸到一麵選十餸，好食又抵食。 這間車仔麵店叫來多碗車仔麵，位於旺角上海街441號友榮大廈地舖， 港鐵油麻地站A1 出口，行幾分鐘就到，非常方便，我朋友仲話必須介紹我一定要落這間麵店嘅秘製辣醬來食，就更超好食。這間車仔麵店先係門口排隊，唔使睇餐牌，睇到門口同牆上擺放餐牌和食物照片，淨餸真係非常多，有45款淨餸，款款餸菜都好吸引，自選麵底都有10款，仲有7款特色小食及8款跟餐飲品，入到店舖就同店員講選擇要咩麵底要咩餸，揀好要唔要芫茜蔥，就可以攞埋碗車仔麵上枱，坐低後就叫埋小食同飲品，非常方便快捷。這間店舖嘅環境都唔錯，簡潔舒適夠晒光猛，枱凳整齊，坐得都令人舒服，枱上見到一張餐牌寫住我係魔鬼辣醬係超辣㗎，請你慢慢加我嚟食啦，我就攞咗少少秘製辣醬來試，味道香而不太辣，非常惹味，同車仔餸好夾。@ 一麵8餸車仔麵 (米線)淨餸有牛柏葉、牛筋、牛肚、豬手、豬腸、魷魚、生菜、蘿蔔，牛柏葉口感爽脆，牛筋炆得好入味又腍滑，牛肚咬落入味香爐，豬手炆得好淋好入味，豬腸夠肥乾淨又入味，魷魚好爽口好味道

依間車仔麵係上海街，就喺信和過兩條街口就到，行完街想食碗麵都好方便。車仔麵應有嘅餸都齊晒之餘，仲有啲唔算常見嘅選擇。麵底選擇都好多種，而最令人驚喜就係……居然有瀨粉﹗﹗﹗而家好似越嚟越少見到瀨粉，至少我屋企同公司附近嘅茶記/麵店都無先，所以一見到已經唔洗諗，就決定喺瀨粉啦﹗入座之前要先決定好食咩再比錢，半自助嘅形式。本來只係打算要5個餸，因為放工之後去咗買嘢所以比較晏先食飯勁肚餓，但同店員講要咩餸果陣，啲餸就直接喺你面前，結果見到依樣好吸引，果樣又好似好正嘅時候，不經不覺就加到去八個餸。人生第一次，見到碗麵都覺得自己好似有啲誇張。例如本身我哋打算啲餸share一齊食，結果變成叫咗兩份嘅台灣黑椒腸。最後我果碗係瀨粉，加咗牛腩、生菜、溏心蛋、豆卜、咖哩魚蛋、台灣黑椒腸、金菇、響鈴。男朋友無我咁選擇困難，本身佢已經揀好要食咩，幾乎無改變。(其實佢都好多餸好豐富，只係放我隔離變得好似唔多咁XD)佢叫咗出前一丁，餸就有台灣黑椒腸、貢丸、漢堡扒、午餐肉、芝士腸、獅子狗卷。每樣餸嘅份量都唔少，就算男仔都好夠飽。同埋每樣都好好食，推薦加咖哩魚蛋，好入味，都幾辣下好過癮。因為叫咗牛腩所以主動幫我加咗腩汁

比起米線 我更鐘意食車仔麵 無論係味道 同 賣相 都比較港式而且每間既湯底都略帶不同 要係旺角鬧市屹立一d都唔容易入到去係先叫野食後座低 餸多眼亂 而且比一般既車仔麵店更多餸 好似麻辣鴨血 、雞腎、豬耳等叫左粗麵豬手 豬耳 腩肉 紫菜 通菜 蘿白 調味方面 有沙嗲 、微辣 同 魔鬼辣醬 我揀左沙嗲豬耳爽脆 同時食到滷水嘅味道 腩肉肥瘦適中 厚切肉汁豐富 豬手同蘿白炆得好淋好入味 食完飲可樂爽晒朋友叫瀨粉鮮枝竹 豆卜 牛筋 牛腩 韭菜 麻辣雞腎 枝竹 豆卜 都好入味麻辣雞腎爽口 辣辣地好惹味牛筋軟嫩 牛腩夠晒厚肉餐飲仲可以揀凍檸茶另外仲叫左份豬腸鴨血 $30 麻辣鴨血 十分入味 就咁食都好惹味豬腸係豬小腸 食落無咁肥 有咬口雖然係街頭小食 但食得好滿足

尼間車仔麵最大特色係，可以望住職員姨姨夾餸煮麵既過程。配料花多眼亂，每樣都好吸引。先揀麵底，後揀餸，再配調味料，飲品，再俾錢。之後自己隨便揀位坐。當日晚市，估唔到人流多，好多人食。揀左2碗餸，2款飲品。牛肚超入味，軟冧。豬腸份量多，冇臭味。肉類選擇多。素菜冬菇厚肉，同樣炆得入味。紫菜一大餅放入碗，好少鋪頭有尼個選擇。通菜爽脆。麵類款式比其他鋪頭多，竟然有瀨粉。重點係個湯底超濃郁唔太鹹，香噴噴。要腩汁/清湯都得。另一碗腩肉肥瘦均勻，一層層，肥肉位彈牙，肉冧，炆左好耐。牛筋大大件，口感完全唔韌。麵筋必點，吸哂湯汁，份量又多。而蘿蔔雖大塊，但冇渣，一樣吸湯一流。食完超滿足，又飽肚，坐得又舒服。唔錯既車仔麵選擇。