佳記餐廳

營業中

休息中

近期熱爆港鐵亞姐好厚多士都不禁令我食下午茶都要點一個厚多士黎食，點了的西多士一上檯見到放在多士面上的牛油正被熱力熱溶，多士厚度足足有成兩吋厚名符其實係厚多士，切開中間充滿花生醬咬一口的確好味，厚多輕都係要新鮮熱鬧才好味。

繼上次試完蕃茄牛肉通粉後，今次再黎試另一款早餐套餐包括:火腿素鮑魚通粉，牛油餐包配煎雙蛋，香濃咖啡。今次值得一讚是煎雙蛋，雙蛋白邊沒有燶而且蛋黃仍是流流的配以牛油包一絕。而火腿素鮑魚通粉的素鮑魚有咬感不似一般的素鮑魚，好味。

早餐點了西式套餐，餐包括: 火腿炒滑蛋，牛油豬仔包，最值得一讚是鮮茄濃湯牛肉通粉，湯底有濃濃的蕃茄味且有鮮蕃茄，牛肉多且滑嫰。要求侍應把牛油豬仔包烘底，侍應也因應要求烘底且沒有燶底，好味道!

最近游泳後都喜歡在這裡下午茶，一來因為游泳後已是午後，另一原因是這裡人客不多又近下車地點。這裡的卡位比其他茶餐廳多，環境也很清潔。雖然我們來到都是他們的晚餐時間，樓面上只得一至兩位侍應，但下單和出餐也很快。我喜歡它的肉醬意粉，雖然肉不算多，但是它的蕃茄味香濃，又焗得恰到好處。我很怕那些過乾的肉醬意粉。份量它在下午茶當中算多的，如果不是游泳後，相信不會吃得完。縱使它是區內比較貴的茶餐廳，也是值得一再支持的。

在下行到邊食到邊，今日行開堅尼地城，看看有甚麼好吃。甫一下車，就給對面的麗斯餐廳所吸引，於是在下想找出它的食評，可是還未找到，便轉身看看身邊的佳記餐廳，於是二話不說的行到入面。還未進入之前，看到其門面甚具吸引，似乎是新裝修新開張似的。當在下坐下來之後，一邊看餐牌有甚麼吃，一邊看看其樓面。入內裝修還是漂亮，兩間店舖打通，感覺上地方大了，空間多了，前後坐位間較窄，而且坐椅的背較低，不過尚算舒適。今次沒有為餐牌拍照，只是看看而言。而在下的右手邊有個蕃茄湯通粉，但是在下想未必吃得飽，因此在下叫了一個瑤柱馬蹄蒸肉餅飯午餐，內有湯和茶。先來的是紅湯，紅湯內的饀料尚算多，味道和一般茶仔的無異，當中的辣味足夠，只是沒有見到辣椒。不過在下嫌紅蘿蔔不夠多，味道可以的。而主菜的菜與飯分開上，不至於汁溜在飯上。在下吃這肉餅飯時，瑤柱被做到絲絲瑤柱，鋪在肉餅上，而馬蹄不夠爽蒸得太淋，加上肉餅不夠結實，肉質鬆散，令口感大減，令在下有點失望。相至於凍奶茶，在下覺得糖水多了一點，掩蓋了茶味，加上奶亦是多了一點，如果兩者可以少一點的話，相信茶味就會出現。而這間茶仔的凍飲需要加三個大洋，還可以接受的。整體上味道不是太難吃

今年伊始，就發生了一件憾事：一位至親離開了我們。還記得親人病重住院時對我們說，康復出院後，一定要到住處附近的＜佳記＞吃咖喱牛腩飯。那願望，最終沒辦法實現。親人離去的那晚上，我們到了＜佳記＞，完成其未了的心願，也親自嘗嘗這飯，到底有怎樣的美味能勾住人心。那一頓飯，大家都吃得很安靜 ...今晚下課後來到西環尾，本來想光顧的＜順景＞休息，只好到經營到深夜的＜佳記＞。來此用膳，不用考慮就點了咖喱牛腩飯；看了看今晚的中式套餐，選了2號餐 - 節瓜粉絲蝦球煲。東西上桌後，才記得在＜佳記＞吃飯，件頭是最不用擔心的；原本想以輕食解決的夜食，竟變成一頓重量級晚飯。然而「大件」之外，還要「好食」，不然這份量就不是「大滿足」而是「好煩惱」了。蝦球煲，一看就知不對路了。不知是否套餐「整定」的緣故，節瓜都變黃了。（不需還疑是否手機的照相功能，無法過濾現場的偏黃燈光：事實上是很黃！）吃節瓜不是求爽，但煮到這程度已腍得幾乎不能入口了。粉絲雖未至於煮糊，但也吸水過龍了。至於蝦，下了不少，但其咬感是經人工處理而不是天然的新鮮。＜佳記＞弄出如此水準，不合格。當然，她是不至於用喊臉對待的，全因「保底」的咖喱牛腩飯。飯餸分上

好少過嚟西環呢頭,諗住快快趣趣同拍擋攪點個午餐,跟住做埋啲私事. 行過見到有間茶記裝修幾光鮮又有啲人幫襯,入去試試啦.下晝通常都係食個午餐,記得選擇係有五個既,有中式,有港式,有意粉,有湯粉,其實佢提供既選擇係幾多既.拍擋要咗個紅棗蒸雞.我就要咗個咖哩豬扒.通常一間茶記,有咖哩就試佢個咖哩,一試就知有幾多料.送到嚟,份量都OK喎,飯好似都幾多,咖哩個色就普普通通啦,好味先係皇道!!!!一試,唔.......好在豬扒都好似幾多,一試..............先講咖哩,比差既好,比普通既普通.即係點?顏色係有既,但沒層次,沒特色,不用再試.我想講既反而係豬扒.送到埋嚟,見到,嘩,好似好大碟頭咁.但係再睇清楚,原來一半既"豬扒"係骨唻既.睇到呢度都真係火都嚟,加加埋埋即係一塊豬扒都唔夠.另一樣係,啲豬扒係預早做定,ok,做定唔緊要,但都keep住暖佢啦,熱都唔熱,塊豬扒又硬.同行拍檔吃咗個紅棗蒸雞,意見係唔同浪費quota.啲雞翼得雪味,師傅,做多一兩個步驟,去咗啲雪味佢啦.總括唻講,感覺已經中咗伏,大家睇到張單,差不多成40蚊一個人,咁既出品,一次半次就算啦.再冇下次.

十月下旬‧晴什麼才是一個好吃的脆豬？這裡脆豬的做得包熱，吃起來表面微脆。牛油塗得很多，練奶卻偏少，勝在不很甜，但膩。不算很好，但已吃得過。配上一杯熱咖啡，很是不錯。

叫左咖哩羊扒, 咖哩完全冇咖哩味, 羊扒一個字就是肥膩.牛尾煲D牛尾硬+冇肉.裝修之前小炒仲有D花款, 裝修之後就得果幾個送, 而且都加曬價.5好吃+加價, 以後都5去啦~~~

個日落好大雨，爸爸同我食中午於是揀佐間佳記餐廳一坐低都觉得几舒服，伙计送上两碗汤味道唔错，有好正ge猪骨，有莲藕，值得一赞！爸爸order佐個33$咖喱牛腩飯，距話唔會再幫襯……由于唔是我食，所以唔知味道究竟點……我就要佐個瑞士雞翼捞面餐，有庵列同包兼饮品，盛惠40$分量足，亦有3个鸡翼！食完个面已经无肚食晒庵列，个包就咬佐啖。不过火腿同蛋葛味道岩好中和佐，唔会好咸同好淡D面都ok，公仔面几弹牙，唔会冧D瑞士鸡翼就得个外表好似好好食甘但是入面就唔入味，连我竟然都食得出觉得鸡翼唔新鲜。奶茶唔错，都是用个只“黑白淡奶”但是雞翼比我留低太差ge印象，所以比“喊面”

住西環好幾年，第一次走進來吃，純粹先被多選擇的餐牌吸引兩個人坐卡位，幾舒服，最怕有些餐廳的卡位梳化陳舊，一坐就整個人「陷」下去的感覺一坐下就先送上兩碗中湯，有紅蘿蔔，幾香幾好飲我點了芝士海蝦伊麵，女友點了咖哩羊架配飯芝士海蝦伊麵︰似白汁多過芝士，味道偏淡伊麵太水，有種開水過冷河的生水味…唯一值得一讚的是海蝦都有幾多粒，而且新鮮彈牙咖哩羊架配飯份量很大，咖哩汁夠香羊架三大件，煎得香口，熟成度剛剛好還附上咖啡薯仔一大舊，羊架下仲有一堆薯蓉配白飯一大碟，正，女友食到我都心郁郁食左唔少兼唔洗加一西環食飯又多左個好選擇!

食完咁冰凍嘅雪糕後, 就向住小師妹屋企出發! 不經不覺就喺小師妹屋企過左兩粒鐘, 望下時間已經九點幾, 師傅就已經肚餓到不得了, 於是向小師妹告別後, 就同師妹去食晚飯; 西環到底有咩好食? 有咩選擇呢? 坦白講師傅想離開呢區先食晚飯, 但礙於真係好肚餓, 加上見到呢間茶餐廳, 由外面望入去都叫幾乾淨, 於是就決定入去醫肚!坐底後就睇下有咩想食先, 餐牌選擇並唔算多, 師傅好唔容易先揀到食咩, 就係黑椒雜扒飯, 又係呢味? 冇錯就係呢味, 而師妹就揀左西炒飯, 餐飲就係兩杯凍檸茶! 明明話有餐湯送, 細問之下係送晒, 師傅當下覺得有少少搵笨添, 九點幾就送晒? 再諗深一層西環區冇計啦!唔使等好耐就有得食, 黑椒雜扒飯賣相一般, 一味夠黑, 而西炒飯嘅賣相反而討好; 師傅先講下黑椒雜扒飯, 黑椒汁比較杰, 唔香唔辣唔惹味, 用黎撈飯都唔會開胃; 而雜扒有煙肉, 腸仔, 豬扒同雞扒, 煙肉好肥, 因為煙肉冇咩點煎過, 師傅懷疑真係冇煎過, 所以入口較十分油膩, 唔得; 腸仔反而有煎, 入口香同爽, 味道唔咸, 幾好味喎; 至於豬扒較瘦, 肉身未算好韌, 一般啦; 而雞扒可以話係全碟最差,

11月15日, 呢間野好近呀比屋企, 但係我地都係冇食過佢~ 今朝一早我地決定去行山, 因為就腳所以就間黎呢到食一個登山前既早餐!::: 雪菜肉絲米粉餐 + 凍檸茶 ::: $ 22跟餐有餐包同火腿omelette, 雪菜肉絲米米粉有d碎, 但材料味道都足~ 火腿omelette唔油, 仲落左蔥花添! 凍檸茶都很不錯~::: 沙爹牛肉公仔麵餐 + 熱奶茶 ::: $ 20想讚下個沙爹牛麵, 色水幾好, 唔會太清湯底, 沙爹仲比其他茶餐廳濃d, 所以食到公仔麵都滲入到沙爹味~ 牛肉係好淋嗰隻, 不過味道頗鮮同份量算多~ 同其他西環茶餐廳比呢個叫中上~呢間野其實已經易手過好多次~ 不過到佳記既時候明顯穩定咗陣腳. 雖然周邊眾多街坊茶餐廳, 但佳記明顯係走翠華個隻中產路線. 地方光鮮闊落, 冷氣強大仲有幾部plasma電視! 收得貴少少絕對合情合理, 可喜既係食物質素都幾好!

今晚叫左個海南雞飯食...從未見過有餐廳會上埋雞pat pat 俾客雞皮厚少肉...雞無味...衰過白切雞...只係清蒸雞黃油飯只係"油飯"...嘔仲有叫左個西蘭花鮮魷炒蝦球西蘭花..."淋"的鮮魷...切都無切咁滯...差唔多係原條上凍飲叫佢少冰變少甜...要去你諗你

做完運動肚餓, 見呢間茶餐廳裝修都ok, 就走左入去入到去d伙記係會同你講"歡迎光臨", 港式茶餐廳中真係比較少見 叫了星州炒米~$24, 下午茶黎講份量都ok, 同埋有蝦有火腿都算係足料! 同埋唔係好油~另外仲有金菇肥牛炆伊麵, 食左兩啖, 都唔差!總括黎講都唔錯, 只少以價錢黎講都可以接受啦!