佳記餐廳

營業中

休息中

到西環逛逛，看看科士街的石牆樹，悠閑的在附近走了一個圈，之後吃個下午茶。附近的餐廳顧客也不多，隨便入咗一間，吃咗一個好耐都冇品嚐的炸醬撈麵，港式炸醬撈麵都算係經典麵食，有佢獨特的地方，稍為微辣甜甜帶紅色的汁醬混合肉絲，放在彈牙的撈麵上，佳記餐廳這個出品味道也不錯。脆香吉列魚柳伴薯條 外皮炸得不錯，看上去好脆口但內裡的魚肉還在出水，薯條也脆身。奶茶就帶點苦，食物是可以的，但餐具就有點不潔，要更換，這會影響客人的食慾，希望有改善。

大年初二，我們一行六人在堅尼地城附近搵下午茶地方，只係打算隨便搵間醫肚，冇想過會遇到香港第一卑劣餐廳。到了這間餐廳，我哋本來想搵三張比較近嘅枱坐，怎料門口那一位男侍應，一入門口就呼呼學學叫我哋坐低，仲細細聲講粗口，但係俾我哋其中一個人聽到，展開駡戰，其中一個女侍應更大聲疾呼喺度鬧客。隨即我哋全部人決定離開！ 呢啲服務質素卑劣，連基本做人態度同禮貌都冇嘅餐廳，唔明點解，要講粗口鬧啲客，生意好好就閂埋對門啦！ 唔好開啦！ 呢啲垃圾員工，不知所謂嘅餐廳，疫情唔好！千祈唔好乞政府一個仙救濟，浪費我哋納稅人啲錢！

剛搬嚟附近第一次幫襯，叫咗買外賣拎走，好普通嘅意粉，等咗二十分鐘未見，我禮貌地問一問收銀阿姐：「唔該可唔可以跟一跟，等咗好耐」點知佢黑面兼惡：「我地咁多外賣單，你d一單半單我唔會同你跟，自己企返出門口等！」我完全估唔到問下可唔可以睇睇，佢態度差到咁，當下即刻話唔會再嚟，佢仲大大聲：「你唔幫襯咪唔好嚟走囉！」語氣大聲兼好惡，嚇親我小朋友，請著呢d員工真係三生有幸，趕客拎客嚟出氣，茶記周圍都有，咁嘅態度真係一次冇回頭

佳記餐廳，也有不少分店，普遍味道也欠佳，只是大多位置方便，西環的分店，巴士站就在前方，人來人往的大街，剛好下車，便與朋友進去，吃過下午茶聊天。以茶餐廳來論，空間寬敞，但略嫌偏暗，同時感覺欠缺衞生。我點了一份豬扒飽 + 熱檸茶$35，熱檸茶一般水準，除非是特別的西冷紅茶，否則每家茶餐廳也是差不多。豬扒飽，以吉列方式炸，但欠缺香脆，如果能夠脆一點，則更為理想，飽與配料則一般水準，千島醬多加一些，應該更為美味。朋友所點的炸醬麵+熱咖啡，也是普通水準。

今日佛誕，原本唔知會唔會諗住去食食齋入咗階地諗住食個快餐，入到你叫野嗰侍應極度唔會應你，兩個人食嘢，一個落完單，佢就啤住我朋友，原來佢喺心裏面問緊我朋友食乜嘢，我哋未有察覺到！跟住叫咗一個羅漢齋飯，一個比極生炒牛肉飯走牛肉，佢哋攞咗一碟蛋炒飯出嚟，一粒菜都冇，亦冇美極嘅顏色，有一個侍應就話呢排啲菜貴，叫佢換過一條，轉頭佢攞出嚟只係加咗啲美極，我問佢點解冇菜，侍應去廚房傾左兩句，出嚟同我哋講係冇菜㗎喎。明明個餐牌上面張相係有菜，再俾佢睇，佢第三次先至攞咗一碟有菜嘅炒飯出嚟。之後再發現個羅漢齋麵有支燒燶咗嘅牙籤，真係以後都唔會再幫襯！

平時係呢間食tea就食得多，因為貪佢既奶茶算好飲，但我好少係度食晚餐，同個fd入去試下先我地叫左涼瓜肉碎煎蛋角-唔太食到有肉碎，涼瓜又唔夠甘味味道偏鹹，剩係食到蛋味同鹹味😢魚柳蝦球伴西蘭花-魚柳係班球黎，嫩口夠滑，蝦球夠大，係西蘭花煮得太淋，味道唔錯👌🏻芝麻蒜香骨-炸得好脆口，蒜味食得出，但唔知點解食唔出肉味，麻麻地😢以上餸菜+10$會變做套餐，會多左湯+飯+飲品70$左右一個餸，大大碟，整體黎講算中規中矩，唔太差，價錢平民

因為今日有個同事將會離職就同佢去左公司附近覓食行行下見到“西環佳記”見到都幾乾淨，燈光耀眼裏面都有唔少人食緊飯直覺話我知應該唔會好伏一入去就有人問我地幾多位(我地三人)然後就比左個卡位我地坐坐落唔算太迫，正常size坐兩個都還可以跟住我地三人不約而同就嗌左同一個鐵板餐期間d 個伙記同我地吹水，都幾funny等左唔洗一分鐘就上左個羅宋湯我諗佢應該都係煲定，都好正常飲落暖暖地，酸酸甜甜似係金寶湯d friend啦，唔會難飲入面有d西芹，紅蘿蔔既基本野再來就係甜餐包反而依個好好食，熱辣辣麵包夠軟熟，加埋牛油真係要比個讚！主菜上黎啦，當然係講緊個雜扒鐵板啦雖然已經無“jar jar”聲，已經預先幫你淋定係有少少失望不過入面D料仲係熱到要吹下先擺得入口要讚既係個薯菜！薯條新鮮炸起，外脆內軟，口感非常好菜有椰菜，甘荀，西蘭花預先較好味，有少少蒜味雞翼炸得好靚，金黃色無燶豬扒唔似落左鬆肉粉，雖然無乜豬味，不過唔韌，有咬口，唔差既！牛扒無乜根，都係唔韌，正常野啦最後睇杯凍檸茶就知道依間係著重健康既餐廳明明我冇嗌少甜竟然無乜甜味，偏酸仲無乜茶味添成餐飯我覺得中規中矩以依個價位黎講無得要求咁多架啦食得飽，

XO醬勝瓜雲耳煮牛柳粒🥩勝瓜同雲耳蔬菜類冇乜特別反而洋蔥配菜仲好食過個主菜🤣牛柳粒冇乜口感XO醬不是太XO醬一般有碗中湯配送Um.....不會encore 之感叫咗個星洲炒米茶餐廳來講呢個星洲炒米算淡味，可能大廚唔記得落鹽鑊氣都可以另外覺得🥚蛋唔夠多三碟入面這碟蕃茄海鮮焗意粉最為好食同最有睇頭番茄醬酸酸甜甜非常之開胃海鮮都算多有兩大隻帶子蝦🦐都好食如果有埋芝士就更加好埋單$198三人同行平均六十多元都幾抵食架

The restaurant is pretty good! Waiter speaks English pretty well and food are done pretty fast! However they are cash only so before you go make sure you have enough cash around to pay for your bill. Overall, I think it’s a pretty decent Hong Kong cafe style food restaurant

今天外出工作經過西環。到了中午時份，天色開始轉暗就打算找間食店坐下吃午餐以防下大雨。見附近只有一間「佳記餐廳」立刻入去。餐廳的內部環境觀感幾好。不過，光線就不太光猛。侍應生的待客態度友善和有禮。整個餐上枱時間需要八分鐘左右。我點了香茅豬扒飯，羅宋湯及熱奶茶。香茅豬扒飯有香茅豬扒，椰菜，紅蘿蔔及白飯。整碟飯放上枱，都已經放涼了，賣相幾好。豬扒有三大塊，厚切的。還有它是酥炸的，放了香茅，辣椒及蒜粒在豬扒面上。肉質鬆軟，肉味道不太咸。口感也豐富，而且還幾惹味。白飯的質感尚算可以，略帶點粗嚡。加上，豉油汁的味道也好，用來拌飯食也幾好。羅宋湯有紅蘿蔔，椰菜，洋葱及青椒，十分之足料。湯的味道有蕃茄的酸味。不過，味道有偏淡，而且十分油膩。熱奶茶，暖暖地。紅茶和淡奶的比例不適中，奶味濃，味道帶點甜。總括而言，香茅豬扒的味道和口味不俗。羅宋湯的味道有些淡。熱奶茶偏重奶味，故甜了少少。

平時食開佳記，但發覺越來越差，服務態度也越來越差，要乜無乜；今日食午餐時，居然有工人係度整櫃，非常嘈吵，叫了個午餐，但居然話無例湯送，因為個煲壞左，但價錢無變，照收你$47...個煲壞左，咁不如唔好開鋪啦！由於我地幾位朋友食飯，個個都比大紙，想叫佢分開收，佢態度勁差，話無波...唔得閒理你地，你地比全數我，自己搞掂！其實你禮貌少少講，我地會諒解同明白，但態度差成咁仲要黑面，想點呢？今次真係非常受氣！永遠唔會再食呢間店....希望佢生意...真係可以興隆啦。

話明茶記服務差就預左 出餐慢都算 價錢又要學高檔餐廳收得咁貴 但係出尼既野真係太差、叫個海南雞飯 骨頭同膚仲多個肉 難食無味都算 仲要咁多骨 真係想問返佢地餐廳咩野叫海南雞飯 仲要學人收成70蚊 價錢比一般餐廳高 但係質素真係差幾個級囉 中一次伏以後都唔會再去！

今早去西環，細佬話去佳記食早餐，之前在旺角分店都食過下午茶……價錢並不便宜。今早都係食最普通的A~火腿通粉餐，要奶走，但都好甜，吾好飲，多士吾去皮冇乜牛油，又吾夠熱辣辣麻麻地……通粉就一般般，份量就夠……今日呢間好多人，三十元一個早餐，價錢ok嘅，服務一般，我細佬佢地食沙爹牛麵個餐，都係一般，本來話想另外叫出爐菠蘿包，但呢間冇整麵包廚房，整體上呢間啲嘢食都好似比翠華差啲，見第二區都有應該吾會太差，但原來都吾間間好食。

七月中開始在堅尼地城番工，老公接我收工後通常會在呢處食嘢，一星期約兩至三次，第一次食干炒牛河夠乾身又香、鉄板肉C炒面又脆又夠香口，琴晚食左炒牛肉粒好惹味，咕嚕肉炸🉐️夠脆包住D酸汁啱啱好，我一個人都會嚟食員工態度有善、笑容親切😊所以我地鍾意呢處（已經係我地既飯堂嚕)🤗🤗🤗

昨日去食中午飯，真是差到不能再差，XO薯仔雞球飯，雞無味，還有雪味，飯味又差，食到有反胃的感覺，樓上美心都好過佢，我d同事原來黎過食個佢都話唔會再黎食，我食咗一半以經食唔落，以後都不會再梨