佳記餐廳

營業中

休息中

📍佳記脆皮菠蘿包是很受歡迎的港式點心，外皮酥脆，內裡柔軟，通常帶有淡淡的奶香和菠蘿味。有見及此，今日去探店💪🏻［食後感］📝❤️外層的脆皮與內裡的鬆軟形成鮮明對比，讓人回味無窮。🩵新鮮出爐的菠蘿包散發出誘人的香氣，讓人一口接一口。🧡雖然有一定的甜度，但搭配鬆軟的麵包，整體口感不會過於膩口。💛吃完後，會感到心滿意足，簡直是茶點的絕佳選擇。總體來說，佳記脆皮菠蘿包是一種讓人享受的美食，你都可以考慮吓在悠閒的下午茶時間品嘗😘

坐低4分鐘，舉手無人應，企埋一邊傾計，睇到我舉手扮睇唔到，比500找續，黑口黑面，早市同晚市都係咁，個個唔願做等出糧，所以唔好怪市道差，係自己伙計一手做成以後都唔會再光顧

舉手好多次叫落單，大聲嗌埋，但都係當你透明睇你唔到，真係好似唔憂做咁，飲食業唔好成日係度呻，好多原因都係自己造成，講真如果唔係嗰排麥當勞裝修中，我都唔會走去幫襯，哩種服務態度真係一次過就算。

員工態度相越嚟越惡劣！食物質素越嚟越差！唔係朋友誤入雷區，蛇咬都唔會有下次！奉勸各位，依間嘢諗清諗楚先好入！嘢食差零服務，可以一間垃圾茶餐廳去形容。總之，入得去食。要預咗中伏！完

咸魚雞粒炒飯沒有一粒咸魚茸.炒飯上枱沒有以往的香味便撥看一下,發現整碟只見到雞粒,卻沒有咸魚粒. 跟以往多次吃过的足料炒飯不同,而且根本沒有咸魚香味.我們就是因以前在這裏的咸魚雞粒炒飯的咸魚足料,才奔着再來的。所以找女經理投訴,要求更換或加番材料,多個員工當我哋隐形,連續找了3.4人,找到一位似乎比較高級一點的女經理.追問兩三次後,最後態度愛理不理,態度極差...並強詞夺理說咸魚雞粒炒飯不一定會見咸魚,只會有一點點咸魚香味.唔會再有下次今時今日咁嘅服務態度要不得....

想頹頹地食下連鎖茶餐廳，佳記餐廳都係一個好選擇，有自家麵包又有各式各樣嘅菜色～海南雞飯💰HK$70連埋中湯，是日中湯係南瓜湯，味道香甜～海南雞好大碟，肉質嫩滑，點埋甜醬油更好味～鐵板西冷牛扒💰HK$118西冷牛扒簡咗要五成熟，配薯菜加黑椒汁！大大一塊牛扒，味道不過不失，係正常茶餐廳嘅水準～

今日經過佳記餐廳心血來潮諗住買個菠蘿包食，諗住用八達通比錢，我將八達通擺落八達通機，個收銀阿姐突然好粗暴咁推開我隻手，用好差態度話我「你咁鬼早擺落去做咩阿！」講還講唔好郁手郁腳咯，最後我走個陣仲要黑我面繼續話我，因為呢位阿姐，我之後一定唔會再幫襯，唔想比錢受氣！

吞拿魚吐司一上臺以為錯咗，點解吐司上 咁多黃色一粒粒，驟眼睇又似菠蘿粒，又似粟米粒。啊！原來係芝士粒，芝士真係幾足料，融化芝士上面再加啲芝士粒，賣相都幾靚。但係我覺得吞拿魚再多啲會更好。吐司 即焗熱辣辣，咬落外脆內軟，茶走茶底 不過不失，但係好似少咗練奶味，職員都很友善同勤快幫我加番。

女經理態度非常差無人包外賣我直頭企係入面等左成分鐘都無人理⋯想拎起杯茶放低張外賣飛走人個女經理大大聲同伙記講吾好比人行埋你呀我大聲點答佢我等左好耐有人望見都吾Pack外賣😡

🍽dinner set：金針雲耳牛柳煲好有鑊氣，唔係金針雲耳蒸雞嘅風味，味道係好惹味，配料有好多金針、雲耳，仲有洋蔥🧅，雲耳，蒜頭🧄，雜菇🍄，全都炒得好有鑊氣😊，易送飯，牛柳軟熟🐮，份量都多 😋中式湯：正常例湯味道，唔會水汪汪餐飲：茶走茶底 ok，唔會苦澀🍽瑤柱炸醬魚蛋撈麵撈麵口感有d 過淋，有鹼水味瑤柱炸醬都幾辣🌶️

完全無驚喜嘅餐廳，最慘個價錢同質數唔成正比。而且又量少，只屬一般偏差的茶餐廳。我在勁肚餓嘅時候，居然同我有以下驚喜！無下次！1/ 個咖喱味道非常之 Hea, 又唔香！2/ 其實得果兩件牛腩，薯仔都唔舍得比多舊總單價 $76，講真行遠少少嘅茶記平過佢十幾蚊。但一定比佢好食好多！

夠鐘食下午茶，近近地就揀間佳記食下啦入到去雖然冇乜招呼或服務但係感覺就好屋村嘅茶餐廳。簡簡單單嗌咗兩個餐，一個乾炒牛河一個海南雞飯🐥🐥🐥🐄🐄鍾意食乾炒牛河嘅都唔想食到咁油膩❤️❤️呢間乾炒牛河就啱晒你啦，炒得好有鑊氣嘅同時又乾乾地又唔會太油，食完隻碟唔會太油膩添👍🏻👍🏻👍🏻海南雞飯用椰漿飯，今次好好彩仲食到雞髀位添，雞肉嫩口，雞同飯嘅比例啱啱好，整體都唔錯❤️🥰🥰最後做嗌咗杯檸檬茶同埋檸檬水正常表現唔錯唔錯！👍🏻

叫左早餐約10分鐘 叫某位員工幫我查下份多士，腸旦有未 佢即刻覆話未有 有就會見到 鬼唔知你媽係女人吖 叫你去問下廚房 唔係叫你望吖 之後佢再追廚房有冇 我見廚房阿姐先執出嚟 佢唔問 根本係唔會出餐 重要駁咀話返你D人態度完全有問題 我以後都唔會再去🤬🤬🤬🤬🤬🤬🤬

明明望見我叫佢都唔過來，再揮手都唔來，咁樣做嘢都有人請（係扎馬尾肥肥哋嗰個），食物唔熱，凍檸茶紙咁薄，同佢講無檸檬味，可唔可以幫我加多塊檸檬，鬼咁無禮貌，仲話已經有4塊囉喎，但係4塊加埋都唔夠1cm, 真係無味喎，其實好多茶餐廳都係咁，切到有咁薄得咁薄，諗住慳啲檸檬，但係就流失哂啲檸檬汁，一啲常識都無！比你哋睇下所謂有4塊檸檬的檸檬茶！

成日會過嚟呢度買下午茶，食品唔錯，飲品就要茶走，覺得呢度杯茶幾好飲，但嚟買親茶走，10次有5次都錯俾熱奶茶！有無搞錯？茶記基本喎大佬！感覺唔係水吧錯，因為係有俾啱嘅時候。做茶記呢d係基本常識，錯一兩次都算，成日咁錯真係令人好嬲！今日奶茶癮起特登去佢哋度買杯茶走飲，返到屋企又見到係熱奶茶！嬲到呀！