佳坊

💕佳坊💕同朋友係荃灣搵地方食飯聚會呢間真心必推睇餐牌價錢都親民叫咗三款主菜 五個配菜 食得好滿足 份量大碟 味道超岩口味侍應都好有服務 會介紹食物5個人埋單先$1200左右好滿意嘅晚餐食飯時段都坐爆9成位高質店鋪😍#########################💙海鮮豬骨煲💙超級大煲足料惹味有三舊大筒骨 湯底有豬骨胡椒味海鮮有蟹 蝦 花甲 樣樣新鮮好食相當滿意 仲有其他配菜有粟米 白蘿蔔 菇類夠哂甘多個人食 之後叫小小配料已經足夠💙酥炸蠔餅💙好耐無食過香港有甘酥脆惹味嘅蠔餅完全不厚粉 好鬆化蠔仔夠大粒 夠鮮份量超級大碟 必食推薦😋😋💙手撕雞💙呢個手撕雞都好出色雞皮系脆嘅 肉質一絲絲有啲似大陸食嘅燒雞味甘做得幾出色 夠味 送酒下飯一流每次去都會食👍******************************整體野食都超級滿意好味另外欣賞夠哂大碟同親民價錢環境適合聚會談心 傾幾耐都得份量每碟都好大碟味道都十分好食 會keep住幫襯…查看更多

兩個麻甩佬收工係荃灣揾飯食，自不然就去左三坡坊睇下食乜好，見天氣有啲涼，就入去佳坊食個鍋暖下個人。昅一昅個餐牌見到牛雜鍋就決定要佢，個鍋來到真係份量十足，牛膀牛腸牛肚樣樣齊，仲相當入味，蘿蔔仲好冧好甜，一邊食一邊隊啤真係麻甩佬既天堂。個鍋兩個人食真係唔係點需要加其他菜，我哋加碟肥牛，一碟菜同一個麵，食完都飽到上心口。…查看更多

食飯時間周圍都好多人諗住隨心揀一間老闆熱情推薦我哋入去試一試咁就試吓啦！！！服務都幾好 枱面有一碗熱水俾我哋洗餐具有好多煲類產品都好吸引不過唔係好肚餓所以今次選擇試吓佢哋嘅小炒豉油皇中蝦火候十足非常惹味雖然係中蝦但係都唔會好細隻感覺都幾新鮮 肉質紮實😋味道方面唔會好似出面咁鹹豉油反而有帶少少甜味驚喜係蝦頭嘅膏都好好味油鹽水浸大硯抵食 大大盤好多隻硯個油鹽水都幾出色 個湯可以就咁飲仲有好多粉絲墊底吸哂滿滿既湯汁😍😍椒鹽墨魚頭粒粒都炸到金黃色外面嗰粉唔會好厚 炸得好酥脆而且入面粒墨魚頭大大粒好彈牙真係真材實料👍🏻👍🏻👍🏻估唔到啲小炒幾出色下次要試埋雞煲先得！…查看更多

😃E間嘢自從過年前開張果時試過之後就定時定侯都要嚟，原因係佢D小菜真係價錢平、碟頭大、夠鑊氣，勁惹味😋，近呢十年八年周圍食嘅經驗，佢嘅😍*椒鹽白飯魚*真係可以講得話係［四區之冠］，冠係冠絕荃、屯、元、天，所以一試就上癮，每隔一兩個星期就心掛掛，要出嚟止下咳先得🤤！而*小炒皇*就足料又大碟🤩，招牌*豬筒骨胡椒雞腳鍋*分量都唔小嘢，一鍋足夠三、四人食！連隨意叫一個鹹檸七都比佢嚇親！😱原來係用個幾有特色嘅方形玻璃樽載著🥳，幾靚之餘真係一D都唔隨意，個supersize都應該足夠二人享用😂！家陣咁嘅時勢又要好食、又要經濟、仲要食得安全，睇怕都非佢莫屬喇！我每次嚟都鍾意坐門口，戶外枱，空氣好D，開陽D，咁就唔怕呼吸都變吸毒(病毒)啦！😁…查看更多

8個人去食，叫左個海鮮豬骨胡椒煲，好正，好足料，另外一個雞煲，啲雞都好味，唔太咸，又唔會得骨頭，再叫左啲小食椒鹽墨魚咀，咖哩黃金牛腩，芥末牛柳粒都好正，出面比較少機會食到。由於大家都好肚餓，食到一半都覺得值得推介，所以食左先補返影相上黎share。員工服務態度幾好，又會主動推介食物，另外為左8個人傾計方便，安排左個好舒適的房仔，夠曬私隱，可以高談闊論。最後又啤酒汽水，人頭都係200頭，但食到超飽，下次會再食！…查看更多