佳佳餐廳

營業中

休息中

今日要去抽血，因為抽血前禁食，所以抽完血之後即刻去食返個肥肥地早餐，街市上邊好多選擇，一般都係32至$50，支持下小店。由細到大都鍾意食沙嗲牛肉米粉，早餐食特別豐富，呢度嘅米粉唔係細個食嗰啲，不過就好索湯，沙嗲汁都合格，牛肉份量就少咗啲，同埋有啲煙靭。不過我真係喜歡一個完整早餐嘅感覺，因為有煎蛋午餐肉同埋厚多士，咁就係食全餐，合格。最後當然要加埋杯熱奶茶啦！茶餐廳熱奶茶，茶味濃，奶可以再多啲。朋友真係食咗個雞扒麵，就咁望過去感覺就孤單咗啲。

而家好似轉咗名叫佳廚，沙嗲牛肉麵嘅精髓就係沙嗲，牛肉係冇沙嗲，仲要得三嚿牛肉，一嚿大，兩舊得一半，如果唔係落咗啲辣椒油，碗麵係清湯，清湯就嚟係冇味應該唔會再有下次了

叫咗份三文治，落單落啱，但嚟嘅時間整錯咗餡。同個阿姐講，佢話番我轉頭好用手掂，話人哋見到掂過會唔肯要喎！我費事拗，算數要咗佢，同呢啲人拗嚟都嘥氣！我冇預你整錯嘢原來仲諗住會俾第二個客架喎，講真就算我咬咗落口先知你都要換俾我啦吓？整錯嘢俾人仲大聲夾惡，趕客！俾錢嚟食嘢仲要一肚氣，以後唔會再幫襯！

作為大埔街坊，相信好多人都會嚟過大元邨平台搵食。呢到食店林立。絕對係搵食嘅好地方，而且價錢實惠。好多係附近做野嘅人午餐都會選擇嚟到呢到。今日去左佳佳到食午餐。首先點左個咸蛋肉餅飯。講真份量非常合理。肉餅食落唔會淨係得肥膏。肉餅肥瘦均勻。而且唔會過熟。食落口岩岩好。咸蛋亦都好香。一口白飯，一口肉餅。配合得岩岩好。之後就清清地食個白菜魚肉飯，魚肉唔會有碎骨。岩晒老人家同小朋友食。白菜仔亦都好爽甜。食得肉多都要食下菜。兩個人最後食左百零蚊鬆啲。價錢都算合理。味道同份量都對得起個價錢。

人生充滿驚喜，就連下午茶也不例外。一間外表普普通通的茶餐廳的下午茶原本以為都是一般炒粉麵飯多士三文治雞脾炸魚薯條等，卻竟然有驚喜。咸牛肉煎蛋包的麵包是英式表面有粉的那款麵包，咸牛肉煎蛋是先混好的咸牛肉和蛋然後再煎，味道不錯。韓式西多士其實就是以柚子醬作餡，西多士是全炸的，炸得透而不多油，切開西多士時柚子醬的香味散發出來，味道很夾，是一有驚喜的下午茶。

同事時有幫襯，但近日每次侍應外賣態度差劣(不同侍應)，時有遲到超過20分鐘，口氣極差，自己趕時間但會鬧你阻佢時間，惡言相向，純只因自己心情唔好而惡言相向，平白受了侍應的氣，幾影響心情，會建議同事不再幫襯

此店食品以平價取勝，不會有驚亦不會有喜。不過此店對待輪椅人士非常不友善，伙記的態度仍然可以接受，老闆的咀臉說話卻是令人感動⋯⋯感到想將他移動。事源某日下午時間，客人也不見得很多，但通道還是有點窄，在移開椅子埋怨了一句「咁窄點過呀？」被回『過唔到就咪過。』我愕然怎會有人如此說話，說「過唔到又點幫襯呀？」回答是『唔希罕，你走啦！』我立時感到被侮辱，但平日與伙記們相處不錯，還望有人說一句協助一下。得到的是『他是老闆。』這事發生了一年多，從此我不再踏足佳佳，連帶附近的食肆也光顧少了。今天因為要找外賣資訊，偶遇上這一欄才叫作吐一口嗚氣。

我記得這間店很久以前是有粥和腸粉供應，後來像是粥品師傅走了，因請不到師傅，所以有好一段時間沒有粥和腸粉吃，不過最近似乎有轉機，再次供應粥品，當然再試一試新師傅的手勢。是次點了炸兩、蝦米腸、白粥及碎牛粥，相比之下，蝦米腸變得出色，皮薄夠滑，蝦米亦香；而炸兩以乎有點強差人意，首先是完全連刀，估計是因為那條油炸鬼又淋又韌，所以切不開；白粥和牛肉粥都似乎加了味噌，因為吃後非常口渴。總結，不是不好吃，只是跟外面的粥品店一樣不好吃。今天在香港要吃到好的粥品和腸粉，特別是炸兩，真是非常困難。

我自己就覺得呢間餐廳麻麻哋，地方油笠笠，阿姐嘅服務OK！重點係我阿爸好鍾意同啲阿姐傾計！所以佢好鍾意嚟呢度食飯！Ok fine 不過見到我阿媽黑面囉同埋價錢同酒家差唔多，但就慳咗+1。奇味雞煲同出邊食嘅係爭小小，雞件都算滑，煲仔上到好惹味！啤酒唔夠凍！佐酒小食 味道唔錯！西檸汁豬扒酸酸甜甜幾開胃。西蘭花帶子都選材料充足豐富，味道偏淡所以比較健康。其他幾個小菜都算係不過不失，我最鍾意嘅魚香茄子用碟上就比較油，同埋奇怪唔夠熱！跟住最尾嗰個回鍋肉，我以為似上海嘅味道原來唔係！杯凍奶茶係唔錯嘅，茶餐廳風味。

又係大埔食晚餐，今次去左佳佳，正常茶餐廳，有碟頭飯有小菜，今次就同朋友叫小菜食，八珍豆腐煲同炸鮮魷，叫埋支獅威，味道就一般般啦，不過勝在夠平，同三五知己叫餸飲下酒傾計都唔錯

本來我食過一次晚飯覺得有啲怪同埋唔係好抵食，食物又冇乜特別，但係一家人五個人雞煲、火鍋、小菜、買單要差唔多＄1000，呢度來講有啲貴。但係有次喺平台見到我阿爸坐喺度等外賣，過去打招呼問佢食乜嘢嘅時候，佢話下午茶食粥好抵。原來真係有寫到半價，粥同埋腸粉都有，果然係老人家捧場嘅最好。佢哋可以慳返好多錢。我今日有啲唔舒服就一於食碗艇仔粥試吓，味道係清淡。然後就梗係要配油炸鬼啦！油炸鬼雖然凍冰冰，但係同啲粥一齊食熱辣辣，兩個夾埋就啱啦！沙嗲牛肉腸一般般啦！炒麵同炒米粉加勁多甜醬辣醬好好食。價錢真係時光倒流，一定要繼續支持小店，造福更多老人家受惠。

2018年1月9日 ， 我同中學同學打邊爐，叫左個雞煲食，我地3個人，我同學話，呢間餐廳係老字號，仲話兩年前，起度食果個雞煲，好好味，但今次就3個人都覺得一般。本人個人意見（7百幾3個人，ok貴)（還有餐廳係其一，其二好關位師傅)

今天到富善邨探訪家人，時間太晚故此決定不煮飯，出去吃。家人帶到附近冬菇亭的一間叫『佳佳』茶餐廳。說是食物便靚正。我們叫了兩個小菜，一個是『雪菜肉絲炒米』和『時菜炒牛肉飯』。兩個飯都跟湯但不跟飲品。首先說說『雪菜肉絲炒米』，這是我吃過最好吃的雪菜肉絲炒米，一點也不為過。因為雪菜和肉絲都很足，同時又能炒到很有蒦氣。絕對回因為此菜回頭！！！另外『時菜炒牛肉飯』則比較普通，牛肉樣子看起來跟豬肉分別不大。正常茶餐廳素質。可以接受。入座約晚上7時半，餐廳內不算多人。家人說星期六日很多人在這打邊爐。下次可以試一下！備註/缺點：：：：餐具欠乾淨。需要自己再用熱多洗得仔細些才放心進食！！