佳佳甜品

營業中

休息中

每次晚飯後路經佐敦, 心思思想食糖水,就必定想起 佳佳由排隊,轉為攞飛已有一段時間9點嚟到,已人頭湧湧,遊客,本地客都有等了約20分鐘,終於可以點餐QR code 點餐付款後,先有得食食了太多次薑汁湯丸,今次轉食其他木瓜雪耳 木瓜雪耳份量適中, 味清甜, 感覺好滋潤花生糯米麥米粥非常足料, 滿滿金黃色, 都幾吸引, 好飽肚, 甜一些就更好白果薏米腐竹腐竹味濃, 薏米及白果, 軟綿綿有咬口,甜度適中本來想食 蛋花馬蹄露, 可惜已售罄只好下次再食

有外國朋友嚟香港探我，想帶佢哋食啲地道嘢，又唔想食得太Heavy，就膽粗粗問佢哋要唔要試吓食糖水。佢哋又OK喎，見呢間Google評分都好高分吓，而且好多人推介，又有米芝蓮，就帶佢哋嚟試試。一去到唔夠八點已經人山人海，好多人拎咗飛等緊位，我都即刻拎張。好在啲人嚟得快都去得快，大概四、五個字就有位可以入去坐。入面落單係用手機App嘅，落完要自己出去櫃台比咗錢先會整比你。我哋去到無晒楊枝甘露，就叫咗芝麻糊加湯圓，核桃杏仁糊同埋椰汁紫糯米。先講芝麻糊，入口非常順滑，香氣十足，甜度適中，大家一致認為係最好食嘅一碗。加埋芝麻湯圓都好夾，不過湯圓略嫌細粒同皮厚咗少少，餡料唔多。我平時唔食中式糖水，紅豆沙嗰啲都唔太食，所以見到核桃杏仁糊都有少少卻步。我試咗一啖，係淡淡哋有啲堅果嘅味道，甜度唔太高，意外地接受到，可能熱食都比較好食。紫糯米我就無緣試佢啦，不過朋友話覺得好食，有食晒，咁睇嚟都唔會差得去邊。我哋三碗嘢埋單都係唔洗100蚊，認真抵食，唔怪得咁旺場啦。下次如果去開佐敦都會再嚟碰吓運氣睇吓食唔食到楊枝甘露～

米芝蓮佳佳甜品🍮，大陸人多，門口排長龍，但都去得快，等10分鐘，坐埋位QR code落order，可上網俾埋錢一條龍，叫咗凍椰香紫米露加湯丸三粒（$41），紫米露幾有口感，甜味適中，有粟米🌽同大西米，湯丸Q口，係芝麻味，我雖然唔食薑都可入口

呢間唔使介紹都知好出名，平時都勁多人等位同等外賣，夜左去介好多款都 sold out😅今次早左9:30pm 去到，仲買到心心念念既楊枝甘露🤤咁順手買埋個黑芝麻糊俾屋企老闆。楊枝甘露 入面芒果大大粒，都有4粒左右，但可能芒果唔當造？🤔芒果味對比上次淡左啲啲同柚子味冇之前咁出黑芝麻糊黑芝麻糊磨得好幼細，入口唔會鞋，味道好香而唔會太甜，感覺幾健康

佳佳甜品作為一家悠久歷史的老字號餐廳,擅長製作各種傳統中式甜品。其中,冰糖燉木瓜無疑是他們的招牌菜。這道甜品色澤金黃,木瓜瓣飽滿肥美,散發著陣陣清甜香氣。入口即可感受到木瓜的濃郁果香,搭配著冰糖所帶來的微微甜膩,口感恰到好處,讓人回味無窮。冰糖的加入不僅提升了整體的甜度,也讓木瓜完全軟化,入口即化,入口即化。而木瓜本身還含有豐富的維生素A和纖維素,具有清熱解毒的功效,堪稱是一道營養兼美味的養生佳品。在悶熱的夏日,來一碗清爽可口的冰糖木瓜糖水,既能消暑解渴,又能滿足味蕾,實在是一舉兩得。值得一試的傳統好滋味!

姐姐介紹，在外面看到很多人等位，拿到5人票後，也等上半小時。等待期間，看到𥚃面很多‘米芝連’的掛牆奬項，心裡極期待！在上一層坐下後，用Q R掃碼下單，我們的甜品很快來了，但是我們沒有一個是滿意的，真是平平無奇，芝麻糊冇芝麻味，又稀，蕃薯糖水太甜，杏仁露冇杏仁味，椰香紫米露又冇椰香！其實‘米芝連’是否代表不好味道的意思呢？

位於佐敦站 B1 出口 大街旁邊💛相當方便 就算行去尖沙咀都唔遠係附近行完街就可以黎食番碗糖水🚶係一間老舖 但好似幾年前翻新過🤔設計簡潔 燈光明亮 可以用QR CODE落單🙆🏻值得一提 落完單要盡快去比錢 電子支付 現金都得今次食左熱既蕃薯糖水 同 薑汁湯圓🍡兩款既薑汁味都好出 食完好溫曖 驅寒一流😊蕃薯好軟好淋 仲有甜味👍🏻湯圓 一共有八粒 皮薄夠芝蔴味 幾好食！方便指數: 4/5 環境指數: 4/5美味指數: 4.5/5回頭指數: 4/5地址: 佐敦寧波街29號地舖

想食傳統中式糖水一定會稔起佳佳甜品，未去到門口已經見到一大堆人企喺外面等位，當中大部分都係遊客。為左唔想等位我哋當然決定外賣買返屋企食😆門口已經貼左個QR code叫客人自行落單，呢個位就真係值得讚，好多時長龍店買外賣都會落錯單漏單等等，但係自己落單就可以避免發生呢啲情況。講返野食，當晚我哋叫咗一個楊枝甘露、一個核桃糊，雖然就貼住左連續幾年米芝連推薦，但我同朋友都認為味道認真好麻麻。而且份量呢亦都偏少（雖然價錢以而家嘅物價加上佢嘅名氣黎講算平）楊枝甘露$40、核桃糊$30（+$8 叫左湯圓）先講朋友嘅楊枝甘露，一打開個外賣碗大約得7-8成滿，味道無咩特別，佢就話最好味係啲西米比較煙靭。我當楊枝甘露唔算最傳統嘅甜品唔可以作準，但我呢個核桃糊（見圖）可以用「驚嚇」黎形容。味道比較淡之餘，質地好似食緊泡沫咁稀，如果呢個係米芝連水平我稔成班評審都要返去檢討下。

個人唔鍾意杰撻撻嘅芝麻糊，因為食幾啖就好膩，佳佳嘅芝麻糊稀稠程度適中，米漿同芝麻漿比例剛剛好，保留芝麻香氣之餘又唔會太膩，啱我口味😋 薑汁蕃薯嘅薑味超濃，因為特選老薑加上金黃蕃薯，亦係好味之選👍If you have a sweet tooth, you cannot miss Kaikai Dessert in Jordan HK. Black Sesame Paste and Ginger juice with Sweet Potato are the highest recommended items.

好耐以前曾經帶過外地朋友去試吓中式糖水，以前佳佳未有米芝蓮推介嘅年代，服務同糖水都還好，今時今日紅咗，所有嘢都唔同晒，無論糖水質素，員工服務態度，甚至連落order嘅程序都好唔 friendly！用QR code落咗單，仲要走埋去 cashier 埋咗張單先會出糖水，呢個流程令到坐閣樓上面嘅客走上走落，而且用信用卡找數，仲講明要收2% charge，食肆嚟講都真係第一次見😟！ 員工（包括樓面同 cashier 全部西口西面，態度好唔友善🙄）糖水品質方面，當日揀咗5個熱糖水，加2個凍甜品，或者因為我哋被安排要坐上閣，所有熱糖水上到枱都已經唔熱，只係得返微暖嘅溫度，味道亦無層次 😥總而言之，以後都唔會再幫襯，更加唔會介紹俾嚟香港旅遊嘅外國朋友！ #米芝蓮推介不可信系列

跟家人在旺角吃完晚飯後 散步到佐敦食糖水 去到見到門口好多人都想打退堂鼓但原來唔使等好耐就有位 不過食完就明白點解 其實佢糖水上得好快 大家好快就會食飽走人 所以佢返枱速度好快.現在佳佳已經係用QR code落單 不過比錢方法好少 好多人都要去返櫃位俾現金 .我們叫了5款糖水：寧波薑汁湯圓芝麻糊合桃露白果薏米腐竹芋茸蓮子西米露.湯圓係細粒嗰種 所以有好多粒 湯圓係好食嘅 薑汁糖水好夠薑😆 但係唔夠熱 個人覺得一大敗筆另外芝麻糊同合桃露都唔錯 感覺真係手工製作.總括嚟講如果去開附近都可以食 但如果要等好耐位就未必考慮了

琴晚買左佳佳甜品自取，去到係勁多人排隊，目測都有40個人。本身滿有期望，返到食只有失望。外賣盒好細，紅豆沙超水，椰汁西米露可以。差不多$40咁的質素，真系無下次了。而家賣的係人氣……

有無人好似我咁第一次幫襯佳佳😳聽足佢大名咁多年，連續九年獲米芝蓮推薦平日夜晚去幫襯多人到排到對面街🫨先用QR Code落單再出去比錢𓂅 芝麻糊湯丸 ᴴᴷᴰ 𝟹𝟻講真唔係好濃郁🫣 但非常順滑嘅芝麻糊少有地食過唔停口，勁快清曬～湯丸亦都幾細粒，印象唔係好深刻呢

佳佳甜品，由以前打孖的兩個舖位，都已經需要排隊，當時主打的都是傳統的中式品，成功都是因為用料十足，火候十足星期五的晚上 10 : 00 到達看見門外果然好多人排隊我是兩位，大約等咗半個小時便有枱，他們返枱率都幾快，入去需要同其他客人一齊坐，這個都冇所謂，最緊要好味今晚點了：合桃糊加番薯，仍舊水準，沒有失望同時點了紅豆沙溝芝麻湖，仍然感覺到紅豆沙那種起沙的感覺所以至今仍然那麼多人喜歡，最主要都是堅持到那份高質素的水準

佐敦 📌 【 佳佳甜品 】佐敦佐敦寧波街29號地舖印象中十幾年前喺佐敦返工，已經有【 佳佳甜品 】呢一間中式糖水舖。佢嘅選擇都有好多，綠豆沙、腐竹蛋、芝麻糊、合桃露、薑汁湯圓......etc 每一款糖水其實都好有質素，性價比高，記得以前大概 $20 蚊左右一碗，當然而家都加咗價，但在這個世代，算是很相宜 。【 佳佳甜品 】位於佐敦的老店，曾經搬三次。擁有接近四十年歷史，並無其他分店，本身佢就係一間小店，之後原區擴張就搬咗而家嘅地址，分上下兩層，由於太多人慕名而來，成日都見到排隊嘅人龍，人頭湧湧，所以而家我都係買外賣多。Crazy 真的很誇張耶 🤍 寧波薑汁湯圓 $26又咁講，論價錢，【 佳佳 】真係好抵食，論質素又真係好好，而我最鍾意就係佢個薑汁湯圓，以我縱橫咗糖水界咁多年，我都相信佢嘅薑汁湯圓係全香港最好味嘅。佢個薑汁係自家秘製，一定係足料烹調至可以咁入味，真係好薑辣；而芝麻湯圓又係自家製，湯圓皮係好很薄很軟糯，咬著QQ的，而芝麻餡料係唔會死甜，仲要係一碗有好多粒，性價比超高 🤍🖤🖤 芝麻糊 $27至於芝麻糊，【 佳佳 】芝麻糊本身芝麻味係好香濃，質感係絲滑； 不過個人口味就覺得