你好！茶飯

營業中

休息中

天氣凍凍地，今晚食咗煲仔飯和羊腩煲。櫻花蝦臘腸肉餅煲仔飯 $68煲仔細細，臘腸和肉餅嘅份量都好足，味道不錯，而且有飯焦，不過飯比較硬同乾身。雙冬枝竹黑草羊腩煲 $138（送白飯一碗和生菜一碟）羊腩係蒙古黑草羊，配菜都好齊全，有枝竹、馬蹄、冬菇、冬筍、仲有甘蔗添（不過甘蔗好似多咗啲）。冇預期之下個羊腩煲幾好食，最主要係個羊腩同埋啲配菜都好入味，羊腩和枝竹都好腍，羊腩細細件，大部份都冇骨，不過就唔係件件都有皮，仲有一碟生菜和白飯，抵食。另外半價加購蜜香芭樂烏龍茶 $19同香水檸檬茉莉綠茶$14.5，味道清新，配呢啲濃味食物啱啱好☺️

平時叫外賣米線叫X仔叫到悶，見有新餐廳就試吓，叫完之後諗住上OpenRice睇吓食評，點知咁多負評，仲有少少擔心，所以上嚟寫返個食評俾佢。叫咗一個老壇酸菜魚米線，湯米線有分開裝，都幾夠熱，酸菜魚個味道好平衡，酸味麻味都夠，雖然佢冇得揀幾多辣，但對於我唔係好食到辣嘅人啱啱好，幾惹味魚塊都有幾多件，幾滑下，仲有啲配菜木耳、腐竹、豆腐卜等等，不過米線份量比較少，女仔食就啱啱夠飽，男仔可能要再加其他嘢食。再加咗一份滷水蛋，同埋一杯炭燒烏龍茶，都OK 。

個炸豬扒D炸粉又厚又淋曬，完全冇嚟味道，仲話係招牌豬扒個炸菜配菜一樣冇嚟味道。其實個地方裝修唔錯、坐得舒服、服務員態度ok, 但D咁嘅食物質素真係倒米，之前啱啱開張好多人排隊，今日lunch hour去大把吉位，似乎冇回頭客係有原因嘅

外賣叫咗一份鹽酥雞排配葱油拌麵(9折咗$79.40)所謂鹽酥雞排凍哂唔在講，嗰份葱油拌麵仲激，啲麵凍哂黏埋一舊完全拌唔到。如果無折用原價$86俾呢啲咁嘅質素會唔會太過分呀？

新開個時太多人幫襯，唔想排隊等，等到人氣已過就去試下啦！咁我就點左個牛肉麵及香水檸檬小農紅茶。蘿蔔，麵條，湯底好一般，至於牛肉好老，完全失望，應該無下次。檸檬茶一般。

我今日夜晚諗著同屋企人試下新餐廳叫個肉燥飯嚟食 但係因為我哋本身有少少野唔食（ps:本人唔係咁鍾意食蔥）當時叫嘅時候都有明確注明表示走蔥！但係啱啱返到屋企滿心欣喜諗著開飯 發現冇走蔥 同埋唔到係外賣哥哥打瀉 定係包得唔得唔好 雖然係一件好少嘅事 但係如果我有食物過敏同時又發生同樣問題 真係會對個別人士造成影響 希望可以留意多一下！

同阿仔撐枱腳，由海濱長廊散步到頌安邨的你好！茶飯試吓新嘢先😊哦，原來賣點係台灣嘢食😋不過見到個碼頭烤魚好似好吸引🤩再加埋店員努力推介，就試吓啦🤤冇幾耐，店員捧上一鍋滿滿材料的蕃茄魚煱放在枱上，原來個電爐已經設計好安裝在枱下，在枱面食魚煱時很方便👍以無線搖控便可調交火力，好正！食物方面，海鱸魚要脆有脆，要滑有滑，好味道🤤其他配料超級豐富：豆卞、枝竹、雲耳、大豆牙、紅薯粉、蓮藕、薯仔、白蘿蔔、洋蔥、大量蕃茄。好滿足哦😄

岩岩買左個個外賣KT5 嘉義雞肉飯 $60🥜呢個真係伏到爆爆爆爆爆！叫嘉義雞肉飯一向高風險，已經ready好可能係乾爭爭，一堆無味雞絲，一打開，完全係呆晒！係玻璃䇜！完全理解唔到，果堆生菜，加埋好似嘔吐物嘅䇜，咁諗住照試下味，可能樣唔掂姐，完全唔似醃過嘅雞，嘔心口感加無味嘅䇜同雞啊，應該仲差過醫院糊仔😢😢😢😢😢😢😢KT2 鹽酥雞扒煎蛋肉燥飯 $62🥜相對地正常南投四季春（凍）+$2南投碳燒烏龍茶（凍）+$2🥜又無標明有糖，如果係就落備註，double嬲😡🤬

今日咁啱要去頌安嗰度攞啲嘢，咁就去左呢間食叫左個「蒜泥白肉」、蔥油雞、牛肉麵同珍珠鮮奶。「蒜泥白肉」同expect嘅唔同，啲蒜泥偏熟左好多，白肉係鞋嘅。蔥油雞就OK，隻雞夠滑嘅，係啲刀功有待改善（啲雞有啲連埋一齊😹）。個牛肉麵就個麵OK，啲牛睇落應該偏韌，但係食落又幾腍，蘿蔔都係好腍好入味。（好多蚊仔😹）（同埋其實我等位嗰時比幾個老人家插左隊，唯一比較唔分氣嘅係佢哋會有得啲人插隊，明明係我攞飛先反而安排啲插隊嘅人入座先）

呢間新開張，成日排哂隊，一直都想試下，經過見到門口少咗人排就試下，分別叫咗個鹽酥雞排飯同埋豬排飯，醃嘅味道算正常，但鹽酥雞排好細舊，連女仔食都唔夠飽-.-而塊豬排呢又薄又乾，而家食豬肉乾咩？啲飯雖然用珍珠米，但煮到好硬好乾真係好難食，好耐未試過咁難食嘅嘢，通常啲餐廳都係初時保持水準，之後就keep 唔住每況愈下，而家新開都咁嘅垃圾水準真係少有，$60蚊一個飯唔係平，大家真係唔洗去試，唔好哂錢，絕對無下次。

呢排幾間台灣餐廳接住開張，上次外賣台式鳳梨香腸蛋炒飯，古早味新竹炒米粉味道同份量都幾好，套餐包飲品，可能午餐時間繁忙店員態度一般。今次再叫台式鳳梨香腸蛋炒飯，改基隆海鮮闊佬炒飯，晚餐只有散叫不包飲品，都未到晚市時段人流唔多，不過等候時間仲多，反而店員態度十分客氣。總的來說，一間味道不錯嘅台灣食店，炒飯真係幾好味，但價錢偏貴，相信早餐和下午茶餐會比較抵食，服務待改善，不過勝在餐牌選擇多，可以由得你慢慢揀。

堂食又食過，外賣又叫過，味道好普通，不值這個價錢及對不起呢個價錢，但值得一提職員全體態度都好差，叫佢又扮聽唔到，落單又要比返職員人呼喝，整個過程都好差既經歷，如果不想勞氣，食之前好好唸清楚

外賣個個星期唔夠人手新開到而家外賣都係要等成45分鐘先有原本野食幾好食但好似開始差今日外賣啲嘢凍哂又漏左個包冇比再係咁唔想再幫襯仲有見住廚房佬係餐廳外食緊煙噴住煙咁入返去廚房大佬呀你係都食埋先返去啦你大模大樣咁係商場噴住煙入返廚房見到都唔開胃

早餐 叫咗豬扒早餐 個炒蛋唔係冇味係有D怪味豬扒正常野 肉算軟亦唔會好咸 都係一般茶餐廳凍肉豬扒個凍檸茶少甜少冰落單起 催幾次都話沖緊 最後40分鐘先到問點解 佢地話茶膽未沖好 咁最好你一早同我講轉好立克阿華田啦 同埋明明仲等緊茶膽點解同我講話沖緊呢？ 我見好多枱都有催 之後嚟咗檸茶 冰並冇少 仲係成半杯冰 茶勁澀勁難飲 我飲唔夠一半放棄咗其實一間茶餐廳開門前要做足早市準備 準備不足經理一早會有意識 而且要同店員溝通好 茶唔ready就要叫店員提醒食客落單時可能要等得耐同埋考慮其他飲品我諗新開係亂d 但我都唔建議呢排去呢間食 仲要拎飛等位 大家想去食既話有定心理準備好D

晚餐時間二人大約等了20分鐘左右價錢也是略貴晚上是沒有套餐晚上二人合共吃了$240左右牛肉麵可媲美台灣湯底非常濃郁，炸墨魚丸也是好吃但是小菜沙茶牛肉有少許靭口小食手抓餅還可以接受