佐賀燒肉谷 (創紀之城五期(apm))

營業中

休息中

冇諗過APM 5樓有間唔平既日本燒烤食！！lunch 都係$98起！$188 就可以食A5和牛！仲有自助區！ 75分鐘仼食！本身沒抱有太大期望，畢竟咁平。叫左最平兩個餐，$98(豬肉和雞)和$118(全牛)，試試水溫！就咁望份量和質量都不錯，除了豬頸肉，四塊只有一塊完整，其他都好似切頭切尾。自助區有熟食、沙律、雪糕、飲品，種類尚可。熟食外觀有待改善，不過味道不錯。沙律很多選擇，鷹嘴豆，牛油生菜，紅腰豆，粟米等等另外有得拎菇，秋葵，紫薯燒附送麵豉湯可以更好，太水，冇乜味道。另外白飯任裝，又有好多配料，木魚碎，紫菜，醬料等等，自制牛肉飯都得。甜品區有雪糕機，個人認為雪糕配料，有8款糖，1款石頭朱古力，唔講以為自己去左夾糖，唔係好岩配雪糕。另外有大福，鰹魚燒等等，唔太吸引。環境清潔，見到有房同卡位幾靚，如果同親朋戚友有得坐會更舒服，抽煙做得幾好，冇太大煙，食完噴小小香水就可以蓋過燒肉味。當時2點幾唔係好多人，over 左75分鐘都冇人趕。總結: 抵食⭐️⭐️⭐️⭐️/5，最後埋單加一 $237.6，食得好飽。咁平既餐$118 啲牛肉都唔錯，下次再去就會食$188 ，試下佢個A4和牛

🅵🅾🅾🅳🍖 Lv. 3 澳洲和牛海鮮放題 💖 $518 （小童$318）依加可以做緊四人同行一人免費的優惠❣️揀Lv.3同Lv.4嘅套餐仲可以免費任飲日本清酒、梅酒同生啤🍶🍻餐廳提供嘅日本清酒同梅酒，口感輕盈，搭配燒肉真係一流！生啤清爽得嚟又可以解膩！🥩 澳洲和牛和牛質素極高，油花分佈均勻，燒完之後外脆內嫩，肉汁四溢，食落真係好幸福！每一口都係享受，肉食者一定會中意😝😝🦐 新鮮海鮮選擇多，鮮蝦、扇貝都好正，簡單燒下就好鮮味！特別係扇貝，燒完之後海味濃郁，口感滑滑，食完真係想再來一份👍🏻🍚 配餐選擇餐廳仲有各式小菜同紫菜飯，搭配燒肉一流。甜品方面仲有雪糕、燒棉花、燒香蕉等特色甜品可供選擇🥰

同班食肉獸去觀塘搵食，試咗「佐賀燒肉谷」嘅「LV3澳洲和牛海鮮放題」加「韓日祭」主題，燒肉控大滿足！任飲日本清酒×SAPPORO生啤，仲有日韓豚五花Battle，抵食到癲～ ✨ LV3澳洲和牛海鮮放題套餐 一坐低先送「天梯形頭盤」打卡超吸睛！煙燻壺漬封門柳必試，燻香滲透肉紋超濃牛味；澳洲和牛肉眼芯油花靚到反光，燒到微焦入口即溶🤤 厚燒牛舌爽脆爆肉汁，炭火赤雞燒皮脆肉嫩帶炭香～海鮮控必搶大海老（超大隻！）、肥嘟嘟生蠔、原條魷魚筒燒到脆卜卜，128款食物真係要帶多個胃！ ✨「韓日祭」凡叫LV3套餐即送日韓豚五花拼盤！ -「韓式厚切豬五花」：肥瘦層次分明，包生菜+蒜片+青陽辣椒，蘸韓式辣醬超惹味，重口味之選！ -「日式薄切豚五花」：輕燒到微卷，配抹茶鹽同柚子鹽超清新，中和油膩感～ ❤️重點係以上牛豚任加，食極唔厭！ 燒肉食到中場，發現自助區仲有勁多寶藏食物！✨ 紫菜飯飯粒黏度啱啱好，包住燒和牛食，口感層次大爆發～ ✨ 蔬菜×菌菇生菜、翠玉瓜、菠蘿、金針菇、杏鮑菇、燒菠蘿樣樣都有得食！平衡油膩感🌿

觀塘 | 佐賀燒肉谷 我好鍾意食燒肉放題，因為選擇多，價錢又實際，唔膽心無錢比😂 當然都要選擇高質，呢間燒肉放題就完全係我心頭好，所以想食燒肉放題都會去拜訪下佢，食翻夠本先走😌 近近地今日就出觀塘APM，夠晒放便就腳，附近仲可以SHOPPING，店內環境絕對受貼，地方夠晒大，有卡位，空間感十足，坐得好舒服💫 餐廳做緊韓日祭主題美食🌟 有韓式及日式風味豚五花，叫齊兩樣包你滿足😌 依家叫LV3或以上級別套餐，頭盤隨即送日韓風味豚五花拼盤，日韓醬料更可無限追加，韓式厚切豬五花，日式薄切豚五花, 連韓式人參雞湯、「韓式炸雞配芝士及辣醬、煙肉炸薯波以及御好燒都有💫 我地就叫左LV4日本A4和牛海鮮放題套餐，可免費暢欲日本清酒及SAPPORO生啤🍻 同埋贈送日本佐賀的A4和牛盒盛 LV4 非常豐富，一個價錢已經可以食到6款來自日本佐賀的A4和牛部位 包括和牛三角嫩肌、和牛薄炙牛肋肉、和牛角切、和牛肩胛、和牛小排、和牛牛肋條，仲可以無限享用多款海鮮, 如似大海老、生蠔、原條魷魚等等😌 其他小吃熟食等有成140種食物選擇, 過嚟記得留肚🫶🫶 📍全線 ： 佐賀燒肉谷

我自己特別鍾意食海鮮🦐，而我朋友就比較鍾意食肉🐮，尤其係和牛。今次我哋搵到一間高質放題餐廳，可以滿足晒我哋嘅願望，就係佐賀燒肉谷。我叫咗日本A4和牛海鮮放題套餐，坐低無耐，就送上咗….📍日本佐賀A4和牛盒盛，裡面有六款和牛部位（例如和牛肋肉、和牛小排等），和牛油花分布均勻，入口時口感真係好正，令人一試難忘。😍最重要食過好食係可以無限追加，而且質素始終如一，唔會淨係得第一批靚。六款和牛入面，👍🏻我最推介 和牛肩胛同埋 和牛小排。.除咗和牛，餐廳嘅海鮮選擇都唔少，而且質素幾好👍🏻.📍大蝦🦐處理得幾細心，有修剪過，燒過嘅蝦有獨特香氣，入口爽脆彈牙，鮮味十足.📍鹽燒白鱔🐟依個真驚喜，無諗過放題會有咁高質嘅白鱔，佢新鮮無泥味，師傅已經去咗九成以上骨，食落啖啖肉，鹽燒可以保留魚肉嘅原汁原味，加上燒出嚟嘅脆皮真係好正，追加左幾次🤭🫣.📍燒蠔🦪估唔到放題都有咁大隻蠔，肉質鮮嫩，口感滑順，每一口都充滿海洋嘅鮮味。.📍個餐仲包左日本清酒同SAPPORO生啤，正！🍺.除咗以上提及嘅，餐牌仲有成140種食物可供選擇，真係胃就得一個，樣樣都想食🤣，另外，見到餐廳今期仲做緊韓日祭主題美食，各式日韓口味的五花肉配不

已經黎过好多次，佐賀谷既封門柳真係無得頂，秘利蘋果燒肉醬配味付紫菜，加上七彩芝麻，櫻花蝦，木魚碎既珍珠米飯真係好正。+$38 有清酒任飲，呢隻嘖酒都唔係好竹梅果種好薄身既，性價比一流，絕對會再黎

上網book咗 星期日，一點鐘 去到， 等咗一陣位。我哋坐近門口第一張卡位，座位寬闊 舒服，我哋三個大人，各自叫咗(75分鐘) 定量餐，包自助bar，三個餐 :v1($98) v2($118)同v4($158)。嚟到三碟肉見份量都足夠，女士唔係好大食，十分足夠，肉質ok，尤其係牛舌，好味 嫩滑， 另外出面bar有不同嘅熱食、甜品雪糕、罐裝汽水飲品，亦有唔同嘅蔬菜類可以任夾，燒番薯同埋秋葵特別好味。 埋單連加一$411蚊，平均每人$137，cp值好高😋，同埋可能當日唔算多人，所以佢彈性處理， 冇sharply趕我哋走💓。侍應又有禮貌，服務質素高，值得嘉許👍🏻，有機會會再嚟。

已經係幾日前openrice book咗枱8個人，你正常都留枱安排人安排張大枱畀人啦，結果當日半個鐘前先打黎話冇大枱，要分開坐，分開2個6個咁坐，仲要中間隔咗條柱，分開坐，咁樣我book枱黎做咩啊個staff仲好意思話情人節多人食飯，一定係中午多人食飯啦，又係到話一張有人book咗12:15，一張啱有人坐咗，book咗唔留枱？？？隔咗一陣又話12:15人地no show，宜家你有位啦食唔食，真係多謝晒你喎啲食肆成日話經濟差生意唔好，你生意唔好都係你自己攞黎

呢間日本燒肉店真係值得推薦，食物質素一流，肉質新鮮，入口嫩滑，油脂分布均勻，每塊都充滿鮮味。服務態度親切，細心照顧客人需要，令人感覺賓至如歸。環境清潔企理，地方寬敞光猛，坐得舒服，無壓迫感。加上性價比極高，以呢個價錢可以享受到高質燒肉，真係物超所值，下次一定會再嚟！食物同服務一流，肉好新鮮，性價比好好，環境清潔，地方闊落光猛整齊 。

比其他集團嘅任食燒肉，地方更光明，坐位更闊落，收碟服務超快。食物方面，用其他相同價錢比出色。最主要嘅肉係滿意。要改善係甜品種類，任飲嘅酒就一般。最後，個點菜系統唔太好用。

今天來到APM佐賀食燒肉，地方雖然不大，但係座位寬闊舒適，店員服務態度非常非常好👍🏻！一來店員一邊逐一介紹牛肉種類，一邊幫我們燒肉，另一邊非常詳盡講解那款牛肉好味，真的要贊👍🏻👍🏻我們今日選擇了level 4,牛肉款式多，油脂分布平均肉質鮮味，還有鮑魚，魷魚，帶子，沙律吧，飲品選擇多，還有幾樣熱葷，Movenpick雪糕任食，都係一個唔錯的選擇，下次一定會再來！所有店員服務態度都一流，現今香港很少食肆會有這個服務！

任食仲有得再減每人100蚊,service 一流，和牛好好味又多選擇，個餐包咗啤酒，梅酒同sake,仲有movenpick 雪糕，可能星期三，坐得比較舒服亦都比較淨，可以慢慢享受食物

食LV4 A4和牛海鮮set~啲和牛都幾唔錯～不過今餐食得開心最主要係因為餐廳職員全部都好nice，見到佢地同其他客人嘅友善交流都好多，係香港壓力咁大嘅地方嚟講都好小有。

又返來食lv4晚餐好食，服務好食物有多種選擇牛就自己睇鍾意食邊隻啦海鮮都幾多嘢揀多春魚炸得好鮑魚／海螺都唔錯最鍾意隻白鱔唔識燒就問職員，佢哋會幫你搞無限添啤酒清酒梅酒happy

揀咗Level 4，俾想像中更好，店員好推介，更會介紹作少許指引，推介做會員。等我地可以用最優惠的金額，享有最多的選擇。牛肉好食，食物新鮮，店員態度好好，會再帶屋企人嚟食