住家飯

營業中

休息中

今日唔知點解好想食西多士,所以將lunch拖到tea time先去食野,2條友係屯門搵搵下搵到宜間,門口明明係放下午茶牌,但好得意入面個個都係打邊爐,冇錯 tea time打邊爐,我一心想搵西多士所以我唔理睇返下午茶,佢西多士唔係普通野,都有5款選擇我見到芝士咸牛肉西多士咁古怪,冇理由唔試佢一試,認真好神奇地好夾,以前食過芝士火腿,沙爹牛西多士,我反而覺得芝士咸牛肉係3個入面最夾朋友仔就叫左個迷你日式鐵板炒烏冬(肥牛),說好的迷你呢,宜個係正常份量囉,勁大碟,仲要係好食,唔係死咸,又多料,之後呀仲有試新野,天生冒險王,叫左2杯跟餐飲品,1杯係奶茶紅豆冰,另1杯係忌廉泡泡阿華田,佢地係QR code 落單,有得揀走甜小冰,奶茶紅豆冰可能相對多見d,但忌廉泡泡阿華田睇個名都知係小朋友殺手啦,一黎到白雪雪好開心下次一定試埋佢個邊爐同小菜先,門口寫冇加味精,唔怪得3點幾去都搞到員工用膳都讓位俾我地,平日都咁full

置樂不嬲都有好多小店可以揀，尼一間小店的特色就係推好似係屋企食住家飯的味道，出街食飯都想食得健康D，同埋，價錢都好抵食。打邊爐的食材和湯底，果然都係原汁原味，我叫左蕃茄薯仔湯和沙嗲湯底。蕃茄薯仔湯底係見到有好多件大大塊的蕃茄和薯仔，無味精，酸酸甜甜，沙嗲湯底滾下滾下，就已經香飄飄，兩款湯底味道都是十分濃郁！可見在湯底方面落足心機😋😋肉類方面，雖然只係得豬肉、牛肉和雞肉三款可選，但係都係厚切，唔係好薄，一盤已經等於平時食開既3、4盤，大家最好都係逐盤逐盤叫！每樣一盤已經好夠飽，而且，肉類都係無醃製過，唔洗擔心有太過咸的問題。蔬菜和丸的選擇都有10幾款可以揀，仲有魷魚🦑和牛柏葉好岩沙嗲湯底。

家陣出街打個邊爐🍲閒閒地都二三百蚊/位，最近洗突咗少少，今次就慳慳地揀咗間小店食個9️⃣0️⃣分鐘火鍋放題。🥘無味精湯底 ($128/位，+$10/位轉鴛鴦湯，免加一及醬料費）湯底叫咗🥥椰子雞湯同🍅蕃茄薯仔湯，蕃茄湯超濃😍而椰子雞湯就淡淡嘅清甜，呢家餐廳標榜無味精湯底，食完返到屋企真係冇口渴👍 出色啵❗️牛肉🐮同豬肉🐷質素唔錯，但今次Yummy推介嘅係雞🐤，平時打邊爐d雞肉多數麻麻，但今次d雞又鮮又滑，煮到尾都仲好食😍😍 大推🔥配料方面有好多款，有唔同款嘅丸、水餃、牛柏葉、水魷🦑等，而且唔似出面嗰d咁有雪味。蔬菜有4-5款，當日嘅菠菜🥬同娃娃菜仲幾鮮。另外邊爐當然唔少得紫菜響鈴、炸魚皮同山根啦‼️ 配合埋蕃茄薯仔湯不得了‼️😋 其實仲有烏冬同即食麵，想像到同湯底好夾，可惜已經食唔落啦🤣🧃飲品多款係必須的，不過冇諗過呢個價錢連啤酒🍺都係任飲。 認真今次呢個慳家之選CP值幾高⏫😋

呢間餐廳做緊優惠，打邊爐任食任飲之外，仲要係免左一，免醬料費，真係好抵食😚.首先就係先食雞煲，食完再加湯打邊爐，這間的雞煲醬汁勁野味唔會太鹹，小麻小辣，越食越停唔到口，煲内望落有半隻雞力，而雞件切得正好，size岩岩好，雞肉煮過後仍然很嫩滑，好正！而且配料有洋蔥、蔥頭、蒜頭都唔少，入哂味👍🏻加入奶白色嘅湯，繼續打邊爐🍲.任食配料區有粉麵、唔同嘅丸類同埋腸仔、仲有響鈴、魷魚芋絲等等，真係好有住家飯嘅味道啊👅

人地Lunch食兩餸飯午市套餐我就眾目睽睽之下火鍋呀唔該🤣一眼就見到火鍋任食全日供應滿足心血來潮想打邊爐嘅我☺️名副其實「窩心味道 • 健康滋味」◂ ◂ ◂ ◂ ◂ ✐☡ ▸ ▸ ▸ ▸ ▸↬ 火鍋湯底 ↫可揀兩食款式湯底或淨火鍋湯底多款選擇下揀咗鴛鴦鍋(每人+$ 𝟏𝟎)湯底非常足料而且飲落堅無味精🤩▸ 椰子雞湯坦白講好味過母親大人煲嘅只因料真多(媽媽別生氣😚)奶白色超多椰子🥥越煲越濃郁味道好～清甜忍唔住係咁飲🤤▸ 韓式芝士泡菜湯除咗多泡菜仲有唔少豆腐一開始唔覺得辣有少少酸但越食越顯辣似泡菜鍋辣度唔會好嗆又辣得過癮🌶️其他湯底▸ 可兩食：酸菜魚 / 麻辣雞煲▸ 淨火鍋：日式壽喜燒湯 / 芫荽皮蛋豆腐湯 / 地獄麻辣鍋 / 香濃沙嗲湯 / 蕃茄薯仔湯 ↬ 肉類 ↫ 用QR Code落單只有豬牛雞三款每款每碟份量唔少▸ 豚肉油脂唔多肉質軟嫩無臭豬味▸ 肥牛油花平均肉質爽滑牛味唔錯▸ 滑雞肥膏唔多淥耐咗肉質都唔太老 各款醬料及以下類別係雪櫃自取↬ 丸/炸物類 ↫ ▸ 魚腐本人表示好食超索湯🤍▸ 魚蛋魚味好濃、墨丸、貢丸、芝士丸、蟹籽丸等多款選擇，但可惜無牛丸▸ 魚皮餃、餃子▸ 廚師腸、芝士腸

👦🏻👧🏻第二次嚟到屯門食「住家飯」，呢度食物講明係無味精，咁就食得放心🥰 我地叫咗晚市二人套餐$188，有兩款任選小菜🥘、兩個住家湯🥣、兩碗白飯🍚同兩杯飲品🥤。見到隔離枱打邊爐🍲，原來佢地依架有任飲任食火鍋，下次嚟試下先。青紅蘿蔔粟米南北杏蜜棗豬骨湯味道清甜，湯入面有青紅蘿蔔🥕同豬肉🐷，煲湯豬肉一啲都唔鞋👍🏻菠羅咕嚕肉 份量多，咕嚕肉大大件，外皮薄身微脆，內裏豬肉好厚肉🐖，咬落去有口感同鬆軟。是日蒸魚蒸魚size兩個人食啱啱好🐟，蒸既時間剛好，魚肉同魚骨輕易分離，魚肉好滑身，魚腩位無腥味，清洗得好乾淨👍🏻凍菊花蜜 +$3凍利賓立 +$3📍 住家飯 (屯門)屯門青海圍8號屯景大廈地下C號舖

芝士鹹牛肉西多士($35) + 鹹牛肉炒蛋菠蘿包($32) + 豐盛茶餐 - 五香肉丁米線+ 瑞士雞脾($40) (下午茶/包餐茶/轉奶茶紅豆冰另+$8）屯門牛帶我去呢度食下午茶，話大份又抵食💛用QR code落單方便，侍應服務勤快；以一個街坊茶餐廳下午茶嚟講，大份料多，連埋餐飲$30-$40，價錢都幾親民！西多士本身已經邪惡，仲要配芝士鹹牛肉兼成吋厚大大件，正🤟🏻鹹牛肉炒蛋菠蘿包，大大個好似burger咁，外層夠脆身，蛋牛鹹香澎拜，配菠蘿包幾夾👌🏻五香肉丁米線+ 瑞士雞脾(可選炸脾)，大堆頭，夠晒飽肚👌🏻餐茶奶茶紅豆冰，奶茶夠滑零澀味，紅豆夠綿👌🏻睇牆上menu見晚市有$148任飲任食火鍋(無味精湯底)120分鐘，或$168揀麻辣雞煲/酸菜魚又得，免加一免醬料費，啤酒都可以任飲🍺午市再平啲火鍋$128任飲任食90分鐘；百物騰貴下，唔太高要求嘅話係食得過👌🏿

超級平價火鍋之選，其他地方都好難搵到咁既質素，餐廳環境好親切住家，窩心味道。另外，呢間餐廳主打無味精火鍋，真係好似番左屋企咁，貼晒鋪頭名主題《住家飯》服務方面都很好，order既野好快送到。我地叫左沙爹湯底＋椰子鍋湯底，沙爹湯幾好味，好香濃沙爹味，重點係有加到花生碎！抵讚！椰子湯裡面真係有嫩口既椰子果肉，並唔係用黎煲湯果種老椰子。任飲飲品都有好多種，全部係晒雪櫃自己拎任食配料櫃上面有菜，蛋，烏冬，公仔麵等等， 醬料調配區都係埋呢度，下面有大量丸類選擇，仲有午餐肉，水餃魚皮餃。另一個區域有響鈴、魚皮、任點既火鍋料有幾款，分別有牛肉，豚肉同雞肉。

以往打邊爐都因為湯底味精太強，搞到食完好口渴。屯門街坊推介一間主打冇味精住家飯，除咗有小菜、碟頭飯，仲有任食火鍋。湯底有蕃茄、椰子雞、韓式泡菜、沙嗲湯底等等。兩個人揀咗鴛鴦鍋，一清一濃，可以試吓不同口味。沙嗲及椰子雞湯，堅係冇味精，沙嗲湯底非常濃郁，有大量花生調味。椰子雞湯椰香味濃，放入雞件，入口鮮甜。三款肉類用QR code 落單，豬肉片俾牛肉更勝一籌。其他配料可以到凍櫃自取，推介佢哋自己包嘅手工餃子，係自家製好健康。另外午餐肉係厚切，一d 都唔孤寒。仲有大量不同款式罐裝飲品任飲。餐廳好多街坊幫襯，主打家常菜，價錢實惠。下次有機會一定要試吓小菜同埋住家靚湯😜

📍住家飯🍲任飲任食火鍋（90分鐘） $158/位同朋友揀左麻辣雞煲再打邊爐，先講雞煲，可以揀辣度，試左少辣～等左一陣就有得食，賣相算唔錯喎！雞既數量幾多，每件都有比麻辣醬汁包圍，肉質可以，同時肉唔會亁柴咁🤓雞翼同雞髀位都有，麻辣既味道正合我口味，啱曬我呢啲無辣不歡既人😋配料方面都唔講得少，有栗子🌰、豆卜、洋蔥、生菜等等，好足料啊！😍整體味道辣辣地，幾惹味！食到咁上下，就可以開始打邊爐！🤩火鍋配料既種類繁多，多達40多樣～大多肉類、丸類，味道同其他餐廳食既差唔多，但個人較推薦牛柏葉同韭菜餃🥟牛柏葉比較新鮮，冇乜雪味～淥完之後仲係爽口彈牙😎連朋友都夾左幾round！另外韭菜餃都唔錯，個皮幾薄身，仲有蝦粒，幾有口感😙肉類方面，特級肥牛、豚肉片同滑雞件都係可以任食～📍 住家飯 (屯門)屯門青海圍8號屯景大廈地下C號舖#屯門 #住家飯 #雞煲 #打邊爐 #火鍋

琴日冇煮飯，所以就去間小店簡簡單單食個飯就算🤭就見到個火鍋仼食，又唔算太貴就一於去食🤤個到食物款色唔算好多，正正常常啦~以個價錢黎講已經好抵，雞牛豬仼食😆蔬菜同丸類都有好多🤩飲品都有好多選擇😋肥米揀左個沙嗲湯底同椰子雞湯湯底！沙嗲個個好正🤤好入味好濃，唔洗用邊爐醬料都得🤣食響零同公仔麵就入晒味👍🏻可以自製一個沙嗲牛肉麵🤣佢嘅豬肉片好好食🤭鍾意食佢嘅豬肉片！佢食嘅野同舖頭名真係幾夾🤣真係有食緊住家飯嘅感覺！同埋店員都好nice，冷氣位好凍就同我地講話不如調個冇咁凍嘅位🥰下次想試下佢嘅小菜😋因為食飯個陣睇到隔離枱嘅小菜又大份又吸引🤣#住家飯📍屯門青海圍8號屯景大廈地下C號舖

最近搬左去屯門，所以努力係度搵下唔同既餐廳解決三餐，發現呢間任食火鍋唔算貴，仲主打無味精湯底，有日式壽喜燒、地獄麻辣湯等等，就決定入去試一試啦。 🟥湯底可以選擇單一款湯底或者鴛鴦鍋，若果普通湯底唔夠滿足，都可以揀麻辣雞煲同酸菜魚架！ 今次我地就揀左蕃茄薯仔湯，裡面有濃郁既蕃茄味，入面仲有薯仔肉同蕃茄，夠晒真材實料。🟧肉類 有豚肉片、特級美國肥牛同滑雞件，每樣都肥瘦適中，唔錯🟨自助櫃除左叫肉，仲可以出去自助櫃果度夾丸類、腸仔、午餐肉同麵食，仲有炸魚皮，響鈴，山根等等，一定夠晒飽。🟩 飲品選擇都幾多，除咗普通汽水、啤酒之外，仲有茶、包裝支裝涼茶，咁就打邊爐都唔驚熱氣啦～

好少寫食評，今次忍唔住要寫，希望店主留意並改善。食物唔掂，肥牛好肥又韌、豚肉‘鞋‘、丸皺皮同蚧柳😫、好少少既係雞同生菜😄最大鑊係張櫈勁多漬🤢🤢🤢，真心希望店主留意因為店主對客人都幾有禮細心。

服務唔好第一次試過等外賣等半個鐘 未試過堂食，決定比多次機會試下堂食自己一個人去食 坐門口位凍到傻，冷氣風兜頭吹到正🧊凍到打冷震有吉檯，但唔比你轉… 因為要留比兩個人坐，但一直無人入黎…然後話你坐嗰張啦 「係呀對面一個人坐緊」wt… 張檯又唔係大話較細左冷氣，但d 風無細過…d 野食係好快凍，因為被冷氣吹凍，等你食得快d 😊呢個價錢又唔係平 約$60 個餐 食連鎖快餐仲舒服食物soso 真係普通，完全稱不上好食已叫朋友唔好幫襯

想在屯門找個地方吃午餐，於是便在網上找到了這間餐廳，寫評都說不錯，便宜又好吃，於是便試試。我們兩個人叫了一個雞煲火煱，當時是下午1點半左右時間，也算是繁忙時間，等了半小時才有雞煲送上枱，雞件本身已熟，所以我們馬上就吃了一件，超級無敵咸！！！雞件還是炸過，我從來未吃過雞煲入面的雞是會用粉炸過的🤢🤢外面餐廳的雞煲最多也是炒一炒/煎一煎，但不會用粉包裹着，但這間餐廳的雞煲味道不但咸，口感也不好吃。之後我們打邊爐，肥牛上桌已知不新鮮，那些丸類還是有點臭，像吃垃圾。雖然價錢是很便宜，但至少味道和質素也要公平合理吧。P.S餐具還有點髒。