住家菜 (已搬遷) 新店位置

三年多沒有開演唱會的化, 再一次講愛, 於是又來了紅館. 之前先來這裡晚餐. 尖東店還是第一次來. 晚市時間, 不用等位, 馬上入坐. 環境係比較鬆動, 跟利舞台差很遠, 舒服很多.來這裡, 都係好像回家吃飯一樣, 要了兩客湯, 再加兩道小菜.住家老火湯$12 x 2: 8分, 有水準, 有火候, 沒有味精的影子, 每次來也要來客老火湯. $12一客, 份量不少, 一個人飲其實已經好夠. 除非人多, 唔係的話也不用要一煲了.鎮江小排骨$42: 8分: 叫得做小排骨, 果然係比較小的, 細細的一件件, 咬口係麻麻, 不過都有肉的, 唔係剩骨, 又唔會大實, 鎮江醋幾入味, 不錯.粟米班塊$48: 8分: 文迪又讓我叫粟米班塊, 真高興. 班塊係即炸的, 熱辣辣, 又幾脆, 但係個粟米汁係稀了點, 感覺上係比較水汪汪的.餐後仲有馬蹄露送, 不太甜, 也有水準.食物價錢合理, 水準也幾好, 去紅館前的好去處.

I was delighted when I learnt about the opening of this shop in TST East. I went twice in 3 weeks..both disappointing.Service is excellent but food has got no taste. Comparing to the CWB shop, good thing is you don't hvae to line up. Down side is the taste is different. However, i would still consider this a "value choice" with a balance of $$, quality & service.

中式小菜, 的確好有住家feel, 裝修簡潔企理.晚市到, 叫一個老少平安, 一個咸魚蒸肉餅. 出奇的是, 叫小菜無白飯跟, 要自己另外叫, 但就有糖水送wo.老少平安, 只會係我返家鄉先食到菜式, 對我講, 呢款係好有特色又好味鄉下, 竟然係呢度食到, 好親切! 其實呢個菜係d豆腐加d菇,蝦米等蒸成, 簡單好味, 撈飯都好正ga.咸魚蒸肉餅, 都唔錯wo, 唔太多油, 咸味適中, 肉質唔會鞋, 好味呀.

兩次光顧皆是三四位朋友聚會。預先訂位會較穩陣，因為第二次光顧時已見長長的人龍。而且可以預訂熱門菜式如招牌雞及蒸魚。老火湯有屋企的感覺，生炒骨配上生果有新鮮感，招牌雞(忘了exact 名字)好好味，其他小菜每一道都很滿意，而且選擇很多。侍應態度一流，雖然見他們不停手做，仍會耐心解答客人對每一道菜色的問題。價錢非常經濟，有物超所值之感。每一位朋友都讚不絕口，一定會再去！

想嚟呢度食嘢好耐。差唔多自老銅謝斐道舊舖嗰時已想嚟，但每次去到無論舊定係利舞台新舖都係人山人海，冇耐性等咁耐...一知道响尖咀開咗第三間，就偕太座一遊...平均四五十大洋一碟冇味精添加小菜，實在係各位"無飯家庭"嘅恩物...鱆魚節瓜眉豆煲豬踭夠老火，的確冇乜落msg，喝得安心..招牌太嫲雞就大失所望。沙薑雞又唔係，豉油雞又唔似，四不像；雞又係雪藏貨。好後悔叫咗呢味，浪費個胃嘅quota..魚湯雜菜煲好清，蝦乾落得極重手，正...最精彩嘅係鹹魚蓉煎肉餅。顏色金黃，邊位煎得極脆，好香口；鹹魚味香之餘亦不過濃；size薄到好似thin crust pizza咁。跟太座講笑話第時外賣一碟番去屋企，睇波當snacks食，好過食薯片花生多多聲la ^_^...太太越食越過癮，仲話想叫多一兩碟餸。嘩...小弟實在已經捧住個肚，放過我la..

上星期小冰生日，我、熊貓、雅兒同佢慶祝，去試『住家菜』。地點：唔方便，係尖東帝國中心。食物：得！樣樣都幾好，冇野好難食。價錢：抵！四個人食四個+ 一個麵+ 一煲湯+ 免費糖水，只係食$380。服務：唔錯。我地帶個Cova Mango Dome去，佢地不單冇收我地切餅費，仲同我地講，如果我地訂位時講話係慶祝生日，佢地仲會送埋壽包添！招牌菜—阿雞：雅兒的comment是：『哇！好食，好食，好好食！』雖然有D誇，但真係幾好食！黃金蝦：匪夷所思地好食！我平時唔鍾意食炸野，因為怕好油膩，但喱個黃金蝦竟然唔算好油，食完隻碟底都冇乜油。南乳齋煲：我地幾個都唔係好鍾意喱碟，不過壽星女指定要叫的，佢話好好食，叫果個話好就得啦！沙鍋魚雲煲：幾好食！金菇肉鬆燴伊麵：唔鹹唔淡，味道好。不過可能食慣『干燒伊麵』，喱個麵比較濕，初初覺得怪怪地，但唔覺唔覺又會食完一碗又一碗。下次帶媽媽同老豆去食下至得！

上星期六晚剛剛去過。剛到的時候，已聽到一個年輕的服務生跟一檯客人說：「我們為了控制成本，唯有…」語氣及表情都不太nice！到我們有位的時候（大約是八時四十五分），剛好給我們落單的便是那年輕服務生。我們兩人order 了一煲老火湯、一個泰式炒飯及鮮果咕噥肉。不知是否因著早前的遭遇，他的情緒有點氣的大聲的跟我們說：「兩位夠唔夠食？我們這裡如要re-order 便要等25 分鐘，你看我們這店子的價錢這麼平，要控制成本，只可坐1 小時15 分鐘…」那我便知道剛才那檯子的客人可能跟我們的遭遇一樣。他們的食物確係住家feel，但這麼的服務態度，是否要改善以賺取客人再次光顧？

銅鑼灣的總店已試過，依家公司樓下又開左間住家菜分店已一個月，今日終於排隊到試食佢啦～～一坐底，先唻大大碗花生雞腳老火湯，以後叫左一條蒸魚及咖哩雞客飯，包埋糖水都只不過係HK$35一客，加多十蚊仲比多碟大份油菜，尖東唻講簡直超值！坐位又夠舒服呢~~

聽說住家菜的餸菜健康,今日一行三人終於來到這裡試試.一坐下來,上了\"凍\"茶之後.就來了三碗今天的老火湯(沙參玉竹猴頭菇,甜甜地,幾好味).原來這裡是以人頭計,所以我們起碼要叫三個餐\. 我們選擇了1. 京都豬扒$35 (今天精選,所以平d,但份量少d) -- 冇肥膏, 都ok淋)2. 甜酸魚塊$52 -- 其實即是五柳魚,幾酸但係d魚好新鮮3. 三菇浸娃娃菜$52 -- 清清地又唔多油,好好食全部都包括一碗飯,碗湯同埋一碗糖水(今日是紫米露,唔係太甜, 好味)

公司在附近，新開張試試這間住家菜（銅鑼灣已試過），35蚊有老火湯，白飯及糖水，尖東邊度有呀！算有誠意的餐廳～～今日叫了咖哩雞，蒸魚及一碟油菜（加十蚊），油菜份量比麵舖大碟，魚及雞都幾好食，會再試！

前兩晚一行九人到尖東"住家菜"晚飯，多舒服！不用到銅纙灣那麼多人了，尖東還算是新店星期一至星期四都不會太多人(遲點就難講)。什麼"阿雞、南瓜排骨盅、老火湯"都不說了，誰都說了還說？今次我要提的是:"蚧子黃金蝦" - 本身蝦就好新鮮、做得香口、又不肥利。"御善豆腐" - 配飯吃一絕，現代老少平安。"柱貝蛋白肉崧竹筒飯" - 好味到不用食。"咸魚茸煎肉餅" - 雖是用咸魚做，但不會太咸又咸魚香，好正。

來得住家菜食飯！你我心中有數！食物一般都可以話係中上！一個星期有兩種服務，這就是我意料之外！！！其實食開銅鑼灣住家菜～服務都好OK不過尖沙咀返工，好遠喎！好彩終於等到佢係尖東開分店立刻試一試！兩次飯局，兩個結局？第一擊（31/7）2人飯局家常便飯，服務、食物水平、仲有係樓面給我o既熱誠我只有用掂！來形容............第二激（激氣個激）有了第一擊的信心就在當晚即時再訂6/8之6人之家常飯局訂了座，訂了菜再於當天下午電話作實8:30準時到達！眼前不是人山人海但座位竟然還未安排好問為何？樓面啞口無言，只叫我等下先再來一個高級職員只說不好意思就這樣！疑問一大堆！！！１）訂座並非要高人一等的享受，但最少也給我尊重一點的感覺！ 不要待客人到達後才拍?安排座位！２）如要走親民食肆，那就要待客真誠一點！ 不要給人眼高手低的感覺！於是我只問一句，你們現在可否立刻安排呢？答案都是：不好意思做人要爽快，本官決定即時轉換食肆一家人繼續開開心心飽餐一頓！綜合食評：食品真係幾好環境都幾OK招呼都唔太差抵食唔在講但敗在過度吹虛，講得自已service太好囉！令我對（住家菜）大打折扣！

來得住家菜食飯！你我心中有數！食物一般都可以話係中上！一個星期有兩種服務，這就是我意料之外！！！其實食開銅鑼灣住家菜～服務都好OK不過尖沙咀返工，好遠喎！好彩終於等到佢係尖東開分店立刻試一試！兩次飯局，兩個結局？第一擊（31/7）2人飯局家常便飯，服務、食物水平、仲有係樓面給我o既熱誠我只有用掂！來形容............第二激（激氣個激）有了第一擊的信心就在當晚即時再訂6/8之6人之家常飯局訂了座，訂了菜再於當天下午電話作實8:30準時到達！眼前不是人山人海但座位竟然還未安排好問為何？樓面啞口無言，只叫我等下先再來一個高級職員只說不好意思就這樣！疑問一大堆！！！１）訂座並非要高人一等的享受，但最少也給我尊重一點的感覺！ 不要待客人到達後才拍?安排座位！２）如要走親民食肆，那就要待客真誠一點！