住家菜 (柯士甸道)

營業中

休息中

配菜多，餸少好多洋蔥，好多大粒 garlic雞已切成小件好salty 涼瓜好苦，食唔落口排骨又係細件價錢太貴Sauce 太多，份量太少，一個人兩個餸都唔係好多嘢食我起馬洗咗嗰涼瓜排骨三次 D sauce 都太傑

是晚收工同男友嚟住家菜晚餐，慰勞辛勤工作的我們坐低飲啖茶之後就開始點菜喇！我地點咗鮑魚雞粒竹筒飯、紅燒豆腐煲、菇菌炒翠玉瓜同埋一煲好正嘅不加味精老火湯！最先上嘅就係我地最鍾意飲嘅老火湯啦，裡面有豬骨同埋雞腳，很有骨膠原，女士最愛！啲湯很清，好好飲！結果我地每人飲咗兩大碗，好飽～鮑魚雞粒竹筒飯變咗碟上，都幾有趣，以為送錯咗其他菜式俾我地～另外兩款餸都不過不失嘅！總之係好豐富嘅一餐，有機會再嚟幫襯過！

住家菜 (English name: Home Feel) is a place I've been to a lot in the past as it's located in Causeway Bay.  Serving dishes that you'd probably find in any typical Chinese family home at  reasonable prices, it was something I ate at for that taste of home. Boyfriend went to it once with me and he agreed. The food was good, not spectacular but at least had the feeling of home.Much to our surprise when we saw this in Tsim Sha Tsui! I had no idea they had a branch. So, we decided to just eat here for

對住家菜一直好有信心, 由利舞台開始差唔多一個星期食幾次一路都有支持！有一排冇去尖沙咀分店，今晚本來好期待，但係就失望而回！以前平日晚上都坐到枱貼枱，今晚有卡位坐而且大概6成滿都有啲意外。例湯西洋菜豬骨湯個煲好辣手、啲湯出曬煙，但入口唔係好夠熱！是晩推介蒸沙巴魚蒸得過熟，如同食雞肉。金銀蒜開邊蒸海虎蝦啲蒜蓉同粉絲好味但蝦肉偏梅同有隻蝦頭臭咗、金銀蛋娃娃菜冇味完全同白焯冇分別。唔知係主廚休息定係轉咗手呢？

食得太多西餐今晚要食返啲中式嘢，中和下！鹹魚茸煎肉餅 - 份量好大，外面煎得好脆好香口，真心每一啖都食到鹹魚嘅香味，用嚟送飯一流！金沙蚧肉西蘭花 - 金沙嘅意思應該就係鹹蛋黃嘅意思，佢用咗金沙炒蛋白，成碟菜好香好開胃！雖然鹹蛋黃好高膽固醇，但我同我朋友都青晒成碟菜！住家老火湯 - 平時出街飲湯好怕啲湯味精好重，不過呢度主打唔落味精，飲完之後完全唔覺得口乾，咁證明佢真係冇落味精！個湯好足料，係冇落味精嘅情況底下都唔明白點解佢可以咁有味！總括，尖沙咀來講都唔算貴嘅小菜，份量同味道都好好！

#bunny去尖沙咀 #bunny食中菜 1) 蜜味蒜子砵砵雞煲 $78 🐓 一上菜熱辣辣滋滋聲，色香味俱全。份量非常多，雞件好惹味，又唔會死咸。蒜子炆到「林」哂，非常入味。呢個價錢真係算貼地！ ❤️❤️❤️❤️❤️❤️❤️❤️8/10 2) 鮑魚雞粒竹筒飯 $85 竹筒飯又好多唔同做法，由於民俗文化背景不同、口味差異、以及當地盛產食材等諸多因素，在不同地區製作竹筒飯所包的餡料種類變化很多，口味都不盡相同。但殊途同歸，好味的竹筒飯都一定要有一個共同特點，就係飯要同竹筒一齊燒一齊煮，米飯先會吸收到竹筒香。但呢度的竹筒飯我懷疑應該只係分開煮，竹筒只係container同gimmick, 所以有d 失望。未上菜時佢地甚至問過我地介唔介意碟上，我心諗咁我點解唔叫炒飯算...其次問題係鮑魚粒唔係好多，雞粒就大大件。不過當炒飯食其實唔差，好惹味，所以都合格，係同期望有落差姐。 ❤️❤️❤️❤️❤️5/103) 柱貝魚湯雜茶煲 $78首先又係要讚份量非常多，湯底都算清甜，整體對得住價錢！ ❤️❤️❤️❤️❤️❤️❤️7/10呢間店菜式非常多，同埋望其他人點既菜賣相都幾好，都會encore 試其他菜式！重點在尖沙咀區，價錢尚算幾平民！環境幾

今日心血來潮相約左朋友去尖沙咀這間老字號中式餐廳食午飯、未有訂檯，原先被安排坐較入面既一張四人檯，倘算寬躺。我地一坐底感覺冷氣風大，侍應亦相當體貼安排我地坐近窗邊卡位，立即溫暖窩心❤️我二話不說當然要睇下午餐有咩好食，各式餸菜都好傳統，相當豐富。我本身鍾情牛肉，所以點左一個野味小菜 中式牛柳🐮我朋友就點左個是日午餐 XO漿墨魚球🦑 每套餐都貼心跟老火湯及窩心甜品👏🏻現時好少餐廳送甜品，值得推介。先黎個是日老火湯 紅蘿蔔🥕豬骨湯讓我地品嚐，滾熱辣既老火湯，味濃清潤，滋味甘香，有種家既感覺🤤 接著主菜上枱，中式牛柳色澤均勻，傳來陣陣觀香，外觀亦見心思有朵蘭花襯托，更顯矜貴。估不到第一口已經令我難忘，肉質鮮嫩多汁不在話下，每件牛柳兩邊有經細心呵護煎香，使肉汁被鎖住，牛柳就唔再硬賓賓，實在煙韌，大部分餐廳未必做到！隨後XO漿墨魚球亦黎到，喜出望外既係墨魚球新鮮嫩口，有青瓜襯上，與XO漿非常匹配，簡直perfect matched👍🏻 口感美味清新。兩道午餐都攞滿分💯，係飯聚不二之選。之後一讚既係甜品，中式杏汁西米露，本身夠熱暖胃，杏汁味道溫和易入口，西米夠林身，粒粒飽滿，使我遠道來訪也值得。服務

出黎做野之後好少可以番屋企食飯，反而出街又可以食住家飯。今日同朋友聚餐，揀左黎佐敦食呢間住家菜。一湯、六餸。餐牌一目了然。今日老火湯係沙蔘玉竹猴頭菇湯，味道清清地，又足料，果然係無味精靚湯，健康之選。鹹魚蒸肉餅，鹹度剛好啊，而且唔太多肥肉，正！雜菜有西蘭花、芥蘭仲有啲粉絲。麻油雞！鎮江小排骨，酸甜可口，軟骨位有咬口。雞球唔係球狀既，因為去左骨。大大條龍躉！好多肉。最後有糖水送，唔太甜，啱曬我口味！

搜尋到這間無味精食店，剛巧有飯聚，就揀定這間，一行4人，安排坐窗邊卡位，可以望到街景，菜牌就是一張A4紙，小菜、飯、麵和湯已分類，一目了然。阿嫲雞，訂位時員工已問是否要預留，於是訂了半隻，上枱時見到賣相一般，微暖，肉質偏淋，有豉油味和麻香，吃過後沒有留下深刻印象。琵琶豆腐，上碟時見到沒有冒煙，但放入口時，原來是燙口的，剛炸好很熱，這個雖然是炸的菜式，但入口又會有清淡的感覺。鮮什果咕嚕肉，水果有提子，火龍果，菠蘿，還有洋蔥和蕃茄仔，肉和蔬果的比例各佔一半，酸甜醬汁的味道調得適中。豆豉鯪魚油麥菜，這個沒什麼特別，就像是在家自己炒的菜一樣。老火湯是青紅蘿蔔豬骨湯，一煲55元，可以有8碗，煲內見到湯料很足，而且真是沒有味精，不過朋友們就不喜歡青蘿蔔的味道太強蓋過紅蘿蔔的甜味。飯後有糖水送，杏汁西米露，杏汁味都香，但西米過淋，而且上枱唔夠熱，不過是送的，沒有什麼要求。菜式真是無味精，有住家感覺，而且都算是經濟抵食。

因為我哋屋企有好少開伙 真係想食下家常便飯就會黎依間食😅強調大碟冇味精 家的感覺🏩🧡💛.💟咸魚煎肉餅呢個絕對係住家菜嘅名物鹹魚撈埋豬肉 攪勻佢🐷之後再放入平底鑊度煎🍳佢唔會整到好厚 薄薄地慢火煎 煎到脆卜卜 無晒油😙食落去好香口仲有淡淡嘅鹹魚味🐠🐟每次去住家菜都必點！🙋‍♀🙋‍♀.❎柚子西檸雞呢個我第一次食 用成塊雞扒點啲炸粉🥩🥩放落油鑊度炸 再淋上柚子西檸汁🍋呢個炸粉用得太多 感覺有啲肥膩😅🐥🐥雞嘅質感還好 唔夠滑個汁幾高質酸酸甜甜.💟鮑魚雞粒竹筒飯呢個又係住家菜必點 勁大桶🤤其實可視範圍入面都塞滿曬飯😵所以要用隻羹but入面啲飯嚟食應該夠一家四口食👩‍👩‍👧‍👦鮑魚同雞有大量其實類似酒樓食開啲荷葉飯🍛🍛唔好炒得偏鹹 亦唔會乾 超好食👍👍不過真係太多食唔曬👻👻.🎀住家菜🎀尖沙咀柯士甸道122號麗斯中心地下高層

之前去過銅鑼灣分店覺得幾好味，今次嚟到佐敦分店。比起銅鑼灣舒服同大，座位頗多，格局似酒樓。侍應有禮貌，唔會太chur你點菜。4個人，點咗老火湯、豆腐魚腩煲、上湯浸時菜（揀咗娃娃菜）同沙拉骨加3碗白飯。豆腐幾滑，魚腩有3-4塊，味道不過不失。時蔬味道剛好，唔會太鹹。沙拉骨比較失望，肉質較鞋，唔太值得點。老火湯大大煲，夠足料，煲底好多材料，$55真係超值。飲得出唔係味精湯，有屋企湯嘅味道。埋單每人一條紅衫魚有找，今時今日，仲想點 xD 超值啦 ～

柯士甸道樓上住家菜住家湯享負盛名50就係50鮮嫩小黃魚當然是人工養殖的但好好味用甜豆板非常重要沒有什麼鮮味的白滑魚肉如畫龍點精咁配搭好到出奇50元這個午飯真想不到神來之作餐後有一個腐竹意米糖水雖然係稍稀稀地但在此30多度攝氏的中午還是令人受用窩心住家菜重要的就係不放味精和那種媽媽煮飯的原始心店內就滿媽咪級的女工友做到無停手男師傅都出晒力好博殺50 元又送大碗多料老火湯合理的肉骨頭多多菜干做到午飯座無虛席最後連我個雙人門口位都要搭枱

通常食冇味精嘅住家菜，大家諗嘅都係喺屋企🏠。估唔到原來外出食飯都可以食到冇味精嘅住家菜！今次同屋企一班人食飯，因為唔想煮到身水身汗，就揀嚟呢度食番餐撚手小菜！呢度嘅小菜選擇非常多，而份量都非常足料，材料搭配亦得宜，味道就梗係一食落口就感受到每道菜都真材實料，絕無味精唔油膩！想知我哋食咗乜嘢餸，就留意下面介紹啦😉而格局方面，為迎合不同客人組合，佢哋有2人枱、4人卡位、同埋有幾張大圓枱，方便大家庭晚飯聚聚。此外佢哋亦有做午餐，分量足料價錢又相宜，大家不妨去開尖沙咀柯士甸道附近可以walk in 試吓，不過小弟建議大家如果大顆人食晚飯就最好提前預約唷☺️

住家菜這個名字已經好吸引人啦！再看看這店是標榜沒有味精👍🏻剛好我們選在平日聚會又沒有限時，大家可以慢慢食又傾下計！如果大家食阿嫲雞一定要訂位時要訂，要不然當場叫就沒有了！我本身想叫蜆介鯪魚球、脆香琵琶豆腐⋯⋯可惜已經賣曬😭😭咁我哋叫咗阿嫲雞半隻、鮮腐竹蝦乾浸時蔬、鐵板鳳陽豆腐、油泡花枝片、鐵板蒜爆牛柳粒、蚧子黃金蝦、鮑魚雞粒竹筒飯、紅豆沙（送）⋯果然標榜冇味精，我哋食完完全冇口渴嘅感覺！非常好👍🏻而且服務亦都好好負責我們枱嘅店員哥哥經常幫我地斟茶👍🏻👍🏻價錢非常實惠又好味👍🏻

外出工作多年，總會想起細個媽媽煮既味道，糖醋排骨、蒸魚、一雞兩味，諗起媽媽既味道就很想返家吃飯😙😙是日晚上與友人來到「住家菜」，由店名可見，「住家菜」主打無味精、無添加，媽媽煮既撚手小菜，而且主打既湯更係一大特色😎😎是晚點了紅蘿蔔清湯、糖醋排骨及黃金蝦，簡單兩碟小菜，勝過街外五光十色既菜餚😌😌糖醋排骨，有別於傳統中式餐廳，「住家菜」並沒有選擇大大舊排骨，改以細細件煮制，肉排雖然細件，但變相醬汁濃稠，配上白飯一口，非常難忘🤪🤪黃金蝦，咸蛋黃碎混合大大隻大蝦，極邪惡菜式，非常脆口咸香，亦無雪味，同樣配搭白飯一流🥰🥰整體感覺很像返到家裡吃了媽媽煮既菜，滿有溫暖既感覺，平日吃得外賣多，改想吃媽媽煮既菜同湯，「住家菜」會是我選擇😚😚😚