低調高手大街小食

營業中

休息中

🥚🧇餐廳名: 低調高手大街小食地區: 筲箕灣評語:朱粒雞蛋仔 HK$38 - 即叫即整 趁熱食 熱辣辣好脆口 冇燶 朱古力分佈平均 每粒都有 雖然話(苦)其實唔算好苦 只係唔係牛奶朱古力咁甜 少少蓋過左蛋味 整體係唔錯結論: 小店下午一點鐘開門前已經有小龍排緊隊 如果開門前等 買完等30分鐘左右就有 開門後有一大班人係度買+等+食 呢間都叫做唔錯既雞蛋仔 英文舖名都港式味道 下次會試埋格仔餅環境衛生: 🌕🌕🌕🌗🌑食物味道: 🌕🌕🌕🌕🌗服務態度: 🌕🌕🌕🌕🌗@master_low_key_food_shop#低調高手大街小食#筲箕灣美食 #筲箕灣#雞蛋仔 #朱古力雞蛋仔#香港 #餐廳 #情侶餐廳 #情侶飲食 #幫你食 #coupleeat #helpyoueat #eatanddrink #hongkong

第一次食嘅時候我記得個格仔餅同雞蛋仔麻麻地,一啲都唔脆,到第二次嘅時候食格仔餅,就好好食,外表好脆,內裏好鬆軟,煙韌.一年後再返嚟食,今次第三次,平日下午用whatsapp預先下單,點咗一份黃金格仔餅,去到舖頭見到都好多人排隊,而我格仔餅就一早ready.但係一攞上手有啲失望,因為個格仔餅已經好冧.都係有蛋香味嘅,裏面都係煙韌,軟熟,不過外皮就真係差好多.所以唔知點解呢一間,水準咁飄忽,都唔敢再試

由小食店剛開幕的時候，我已經開始食呢度嘅雞蛋仔和格仔餅。當時店舖仲未開始出名，由老闆哥哥親手炮製。記得當時舖頭出面仲放咗一首詩，內容大概係講舖頭有幾低調，高手在民間。除咗出品好食，老闆都幾幽默🤣去到附近肚餓，當然會買一底過口癮。喜歡這裏的朱古力雞蛋仔，朱古力粒分布均勻又足料，而且可可味濃，與甜味平衡。裏面仲加上榛子粒，味道有幾分似繽紛樂。我最鍾意呢度雞蛋仔嘅口感，外脆內軟，雞蛋仔蜂巢網格位都烤得卜卜脆，加上有少少甜味，好似咬緊脆糖，好特別。小貼士：小食店出邊多人排隊，店舖依家喺網上外賣平台有外賣自取選擇，喺app嗌定係攞就唔使等啦🚀 另外，我都會揀唔要膠袋，等容易啲保持口感乾脆😋

今日終於嚟到呢間筲箕灣好出名售賣雞蛋仔同格仔餅嘅舖頭原味雞蛋仔；售價24大元，一啲都唔便宜門口企满人等，足足等咗廾分鐘先有，睇包装，都算粒粒飽滿。到返屋企食，已經凍咗，同無咁脆，但是口感唔錯，而且唔係好甜，相信買咗即刻食，會更加好味

下午四點左右到 前面有十幾張單等了又等 味道卻令人失望✨原味雞蛋仔雞蛋仔 略嫌唔夠蛋漿 外層乾脆 内心位面積較小 外脆內軟效果唔明顯 蛋香略淡 整體黎講好普通✨ 原味格仔餅經典口味 要左全多 即係乜都要多格仔餅只係微脆軟身 差左好多配料有牛油 花生醬 煉奶 砂糖落得夠重手 花生醬味道最突出 配搭簡單唔花巧 原味絕對係首選總結：食物質素下降 差左好多作為人龍店 等候時間好長 環境普通 服務可以 價錢還好以今次食物水平 經過可以一試但唔值得特登去 唔值得等太耐

我諗大家都對呢間香港小食店她熟悉了，因為真係長期都大排長龍，我當時係黃金雞蛋仔岩岩出時食過，當時很淋唔太她食，已經超過三年無再食呢間雞蛋仔。難得有機會經過+眼前一個人都無，做左佢地第一底雞蛋仔既顧客，都要再等15分鐘等到一點正先有得食。黃金雞蛋仔-hkd 36 , 係用左佢地原味既蛋漿再加入咸蛋黃而小店同時有朱古力味，蘋果味，原味同埋夾餅可以買，本身想二樣都買但會爆肥，最後克制買左一底返屋企分享算。一出爐係超熱同感覺到好脆身，但就無左以前濃濃既牛油香，應該係改左配方，攤左一陣先食一粒，好好味呀，係咸香咸香既味，雖然佢既牛油味轉弱但佢突出返主角咸蛋黃既味道而且都唔會再以前咁樣淋淋地唔熟咁了，超香脆，咁當然佢都唔會同到大澳個底碳燒雞蛋仔比，但感覺好似更岩香港人既口味我下次會考慮試埋其他味的@master_low_key_food_shop #eatwithvava_shshaukeiwan#eatwithvava_hkfood #eatwithvava_eggwaffle #eggwaffle #hkeggwaffle #雞蛋仔 #香港美食 #低調高手大街小食 #小店#foodie #sw

呢間店嘅雞蛋仔被譽為雞蛋仔界嘅天花板，好多年前試過一次，今日同朋友黎開筲箕灣，見唔洗排隊就買番底食下。即叫即整，特左大約15分鐘就有得食，係熱辣辣嘅，唔甜，外脆內軟，不過一底要$24就真係貴左d喇～

我特登嚟到筲箕灣試佢哋出名嘅雞蛋仔，因為聽說好多人都讚賞佢哋嘅味道😆。大概中午嘅時候到達，見到好多人都喺度排隊等，佢哋嘅雞蛋仔係即叫即整，叫完付錢後大概等待十分鐘就可以拎到😚😚。⭐️  雞蛋仔拎上手嘅時候，可以感受到雞蛋仔新鮮出爐，好熱呢😋😋。一咬入口，香氣四溢，有濃郁嘅蛋香味，外皮亦都煎得香脆。佢哋嘅雞蛋仔皮較為薄身，食落去有種像食餅乾嘅口感。內裡是空心嘅，所以整體上感覺比較輕盈，一口接一口😚，很快就會吃完。甜度方面並不過高，主要突出雞蛋的味道😆。🍄 總括嚟講我對佢哋的即叫即整方式感到欣賞😚。特別推薦給喜歡薄身、脆脆的雞蛋仔的你😆😆。📍 低調高手大街小食  Master Low-key Food Shop筲箕灣筲箕灣東大街76A號地下B3號舖Shop B3, G/F, 76A Shau Kei Wan Main Street East, Shau Kei Wan港鐵筲箕灣站 B1出口, 步行約1分鐘

個格仔餅，餅底厚又鬆軟，叫咗多醬，嗰種邪惡嘅感覺真係好難忘🤤打電話叫外賣自取，過咗15分鐘去現場拎，都要再等多半個鐘。呢一個質素，真係抵佢受歡迎程度咁高！雖然始終都係街邊小食檔，環境就冇得點講，但係舖頭做嘅嘢都係好簡單，最主要就係格仔餅同雞蛋仔！重精不重多！格仔餅係香港地道小食，可以整得到咁好食，其實好難得！以前我自己都做過小食店，自己整格仔餅，但其實真係要好識控制時間同埋部機，如果用炭燒嘅，更加講求廚師技巧😊所以呢個值得俾一個like

😁 適逢小編同朋友出沒筲箕灣，一齊掃街就必然㗎啦！既然大家都想食雞蛋仔，又想留肚試下其他嘢，就決定揀一款share食！🤗🧇 黃金雞蛋仔 😋😋😋😋😋雞蛋仔外脆內軟，每粒雞蛋仔都有淡淡咸蛋黃嘅味道，微微地又唔會太過龍，唔錯！份量約有兩個小編嘅手掌咁大🤲🏻，同朋友share食就啱啱好！下午茶 💵 約港幣$20/人💁🏻‍♀️ 輪候時間大約25分鐘，建議大家去東大街嘅時候，可以先去買雞蛋仔，然後去其他小店繼續掃食，再返去拎！咁就會慳啲時間啦～ 🙆🏻‍♀️ 最後，喜歡嘅話，歡迎follow @foodirectory.hk！

👉🏼原味雞蛋仔$24外脆蛋糕體蛋味全部交足貨俾你係回憶嘅味道唔會浪費卡路里 XD而家好難搵到一間雞蛋仔好食過佢啦但係缺點係貴同要排隊$24真係貴....不過而家物價又真係差唔多唉.......格仔餅就排嘅時間短一半左右食完好滿足不過我都係鍾意雞蛋仔多D建議黎掃街嘅話第一站係買咗高低手先再食住其他鋪半個鐘左右黎拎返就岩岩好講完😝味道：🌕🌕🌕🌕🌗CP：🌕🌕🌕🌕🌑--------------------

今日七月一日咁放假我就去啲筲箕灣東大街，諗住下午三點四點無咁多人去掃街。其實今日選擇去筲箕灣東大街都係因為呢間「低調高手大街小食」嘅雞蛋仔，太耐無食真係想食下。講真我由2008年開始係東大街打躉，由「高登炸雞」、「高登村姑」，見證住呢間「低調高手大街小食」雞蛋仔開舖。由當初，佢賣緊$12一底原味雞蛋仔。到呢定$24一底，足足升咗一倍！但我想講嘅係，今日肥老闆休息唔係度，一個中年光頭佬，加兩個廿歲細路仔企舖！咁一聽到就要等30分鐘一底雞蛋仔都痴孖筋！之後我叫個黃金雞蛋仔，頂！不知所謂，又燶又盛！$36我買個叉飯好過啦。肥老闆，希望你睇到，呢個雞蛋仔同你初開業果陣，真係唔同咗好多！錢唔係問題，請你做返以前嘅味道。 你咁難食真係遲早做唔住啦。

經開過去筲箕灣睇戲🎬醒起一直有間出名雞蛋仔、格仔餅小店一直MARK 左係 TO EAT LIST 都未食 見仲有開 就即刻去試😋今次我地得兩個人 只能點一份 （嗚 好想也把其他的都試 特別係雞蛋🥚仔要試真一家餐廳🍴、美食小店  當然要試一下他們原味 才能試到他們的真底子👍原味格仔餅 $24果然是即點即製的最好吃 熱騰騰～～ 他們的麵糊 做得好好吃😋 可以外微脆脆𥚃面的粉又不會過多 變成蛋糕一般😌格仔餅這樣才好吃～👍而且最重要‼️ 他們的餡足料～～ 最喜歡💕滿滿花生🥜～～滿滿的糖、煉奶等才對口～～～每一口都爆餡 又外微脆、咬下去鬆軟 滿足～～都是回憶的味道呢～～～ 香港小食店 除左燒賣魚蛋 更加吾少得雞蛋🥚仔格仔餅 是香港🇭🇰放學後的快樂呢～～～真想把他們的其他口味都試一遍～

//28 05 23 晴天🌞18:23 筲箕灣 東大街低調高手大街小食雞蛋仔由細食到大🤎佢係專屬香港人嘅街頭小食🇭🇰~~而且亦都佔據咗每個人童年回憶嘅一部分!!!(至少我係讀小學嘅時候 就已經開始接觸)當人大咗 越識食嗰陣發現雞蛋仔原來都分咗兩大派別✌🏻分別係👩🏻‍🍳；(1)卜卜脆、半空氣型(2)煙韌飽滿蛋糕型係近哩十年雞蛋仔出咗好多、好多唔同嘅口味🤤係買嘅時候 自己都會因為太多種類而揀到選擇困難症發作😂😂😂~~雖然每種味道都各有支持者但我最愛嘅始終都係原味+半空氣型✌🏻可能因為… 係細個累積落嚟嘅情意結🎀雞蛋仔現時開始逐漸全球化🌍(試過係唔同國家都見到有得買)好希望呢份專屬香港人嘅街頭小食🇭🇰無論將來去到邊一個地方🗺️ / 時代🕰️依然都會不斷延續落去啦!!!原味雞蛋仔 HKD$24———————————————————————即叫即整 新鮮出爐 包保暖笠笠食起嚟充滿濃郁 蛋香嘅味道甜度適中 粒粒口感外脆內軟 (係超級脆㗎~)而且每粒裏面都呈現一半空氣 一半蛋糕狀食起上嚟 雞蛋仔嘅酥脆感會更加突出即使一個人食晒成底 都唔會覺得膩———————————————————————

20-5-2023 (Sat)晏晝,同老公喺筲箕灣睇完展覽後,就走嚟筲箕灣食街搵幾間嘢食,搵到喇,老公喺呢間買先,佢買咗$36.00嘅蘋果雞蛋仔,我哋等咗好耐至有,喺公園搵個位坐低食先.熱騰騰就一定,食落,正常嘅脆口,微酸亦接受到,不過有啲位梅粉聚埋一齊,味道就怪咗.食完後,我哋又要多樣嘢,今之係$38.00嘅辣格仔餅,材料有辣肉腸片,黑胡椒同黃芥末.拎到嚟時嗅到好香黃芥末味,佢哋一開二,真係好.呢個同樣外脆,辣度來自辣肉腸片,夾有酸瓜嘅黃芥末醬好好味,成個都唔錯,不過如果將辣肉腸片改用普通腸片就啱晒我.抵食係 2.8分