低調高手大街小食

營業中

休息中

可能係全香港最好食嘅格仔餅（$20）🧇外脆內軟之餘，食得到每一啖都有牛油味、花生醬香、粒粒砂糖嘅口感🥰🥰🥰.Probably the best egg waffle($20) in Hong Kong🧇Crispy on the outside and soft on the inside. Every bite you eat has the taste of butter, peanut butter and sugar 🥰🥰🥰

難得嚟到筲箕灣，就試吓傳聞中嘅低調高手雞蛋仔啦，一去到其實就麻麻哋想食㗎啦，完全係因為見到已經有10幾人喺度等緊，真係令人有啲卻步。估唔到下晝去買都會咁多人，但係難得一場黎到就試吓啦。叫咗一個原味雞蛋仔，同埋夾餅。雞蛋仔都真係同出邊嘅好唔同好鬆脆，蛋有蛋味。我老公叫咗個夾餅，佢就讚不絕口，覺得牛油同花生醬配合得啱啱好啊，但係佢話食晒兩件又有啲漏。不過好味嘅雞蛋仔果然價錢都係同其他嘅唔同。好在佢嘅質素都真係唔同好多高一個層次咁就錢都覺得比得值既。👍

放假想試下新野 就去左一個我想去好耐嘅地方掃街 - 東大街🤣 (真係第一次去🤫)出門之前仲特登bookmark左幾間啲人大力推介嘅 諗住食到攬住個肚走🤭男友係雞蛋仔控 所以低調高手就自然係我地嘅必食之一🤤一直聽聞低調高手嘅雞蛋仔係超好食 今日一試之後發現……好似有啲期望太高🙈🎀原味雞蛋仔🎀 $20對我黎講一個可以稱為好食嘅雞蛋仔 除左要夠熱之外 應該係要外脆內軟 要夠蛋香 呢間嘅雞蛋仔就似乎名過於實☹ 佢係即叫即整 入口係脆嘅 但就略嫌唔夠軟熟 無嗰種軟綿綿嘅口感 蛋香亦唔算好飽滿 即係唔可以話唔好食 但未至於啲人講嘅到咁好食🤔 反正係唔會再encore嗰種🤔.🎀黃金格仔餅🎀 $30呢個係比佢嘅咸蛋吸引左 不過食左一啖就有啲後悔😥 唔知係佢咸蛋太多定煉奶太少 淨係覺得好咸 冇左格仔餅應有嘅味道 餅皮亦有啲啲硬 (我地已經算係即拎即食) 睇黎格仔餅都係甜食先係最好味😭.總括而言 我覺得佢嘅口感唔算太合我心意 可能因為對佢太有期望 所以失望更大☹ 加上呢個價錢黎講 性價比就有啲低☹ 下次都係留肚食其他野🙊

記得好幾年前第一次試, 覺得驚為天人! 其實比起雞蛋仔, 我更鍾意格仔餅! 低調高手又真係製作得好出色! 之後無話成日食, 可能1年都係食到3-4次咁, 但已經再搵唔返個種感覺啦! 有d住東大街既朋友們都同樣覺得佢既水準差左d! 加上如果要排好耐...就真係無咩心機等啦!  當然我認為20幾蚊食到哩個質素, 加上唔係成日有得食, 都仍然係好正! 但少不免慨嘆啦!

街坊小食，低調高手雞蛋仔，每次行過見人流比較多，週末來的時候排隊時間比較長，差不多要等20分鐘，不用多說，雞蛋仔有蛋香，個人覺得帶點雲呢拿味道，焗的時間剛剛好，不會太軟，十分脆口顏色金黃。此店有咸旦雞蛋仔，卡路里十分邪惡，但本人覺得有點太重口味，不太適合下午茶。另外本人推介此店格仔餅，另一種香港特色小食，加上花生醬，黃油，砂糖及煉奶滋味十足 , 味道亦十分配合，價錢跟雞蛋仔一樣所以性價比更高。

山長水遠嚟到筲箕灣，食過午餐，梗係唔會錯過低調高手嘅格仔餅啦！雖然排噻隊，天氣又濕又熱，我同friend都唔介意等下。叫咗奶漿走糖的格仔（唸住食少啲糖），我地就企係一邊，邊傾偈邊等。過咗唔耐，就等到我地嘅格仔餅啦！本小姐眼光犀利，雖然一邊要望住friend講也，一邊要望著格仔餅食，本小姐係注意都格仔身嘅顏色有少少不均勻。除此之外，味道和口感一切都係perfection! 一口咬落去，個外身係脆嘅，仲有滿口都係格仔餅嘅香味，再加上煉奶同花生醬的香味，簡直就是天下無敵！

去開筲箕灣嗰邊行山，當然要去嗰邊掃下街，試下呢間好出名嘅黃店! 為咗保持食物水準，食物係即叫即整，店員仲提我最好3分鐘內進食。1) 格仔餅外脆內軟，又有咬囗，好有蛋香味，花生醬加埋溶咗嘅牛油真係好正，因為同朋友開心share一半，食完好想再食多件😝買嘅時候店員都好細心，會主動詢問食客要唔要將格仔餅切開兩份，再用兩個袋分開另上，可以同朋友分享，又可以留肚試下其他小食!2) 黃金雞蛋仔咸味雞蛋仔都幾有驚喜，咬落好鬆脆，一樣外脆內軟，每粒雞蛋仔有一半都係咸蛋黃，好香咸蛋黃味，食落又唔會好漏，5分鐘KO！🤤👍🏻

依家雞蛋仔格仔餅店喺地鐵站旁邊，交通超級方便，而且好顯眼嘅位置，唔使擔心搵唔到，佢陣陣蛋香氣，每次行過都要食返一件，我鍾意佢嘅格仔餅，外脆內軟而且醬料十足，唔會好多空氣感，我好滿意，雖然等候嘅時間有啲耐，但係都值得嘅！

夜晚喺東大街食完嘢，走去搭地鐵去到地鐵站口見到低調高手大街小食，聽講好出名成日都大排長龍，但呢次見到冇乜人排隊可能臨收工所以就要試吓，今次買咗雞蛋仔同格仔餅先食雞蛋仔外脆內軟充滿雞蛋既香味，好似雞緊啱啱出爐既蛋卷咁，但裡面又軟諗諗，雖然價錢比一般貴但都值得一試，因為太香即刻食咗唔記得影相，但格仔餅就外賣攞左返屋企食，外賣轉左新包裝，牛油花生醬煉奶同糖都獨立包裝，味道可以隨個人喜好搽落格餅，格餅亦充滿蛋香，真係木極力推介

講到雞蛋仔店，應該冇咩人唔識低調高手大街小食，係筲箕灣都做左好多年，愈做愈紅，牆上貼左明星都黎幫襯既合照，好受歡迎，最近仲多左搓手液同紙巾放左係籃上比客人用，幾細心－－－－－－原味雞蛋仔 $20 4.5/5原來已經加到$20一底，我真係太耐冇去食🙈雞蛋仔夠乾身，過一陣食都唔會腍哂，紙袋冇比蒸氣搞到濕淰淰，雞蛋仔邊位做得好脆，好似係緊薄脆咁，但內裏質感幾鬆軟，蛋味香，仲會有少少煙煙韌韌，保持一貫水準，真係唔錯🤤

As a big lover of HK style egg waffle, I travelled all the way to SKW to try this mini local shop. I came here on Sunday night at 9pm and there were 5 people ahead of me waiting for egg waffle! Then I know it must be good especially theres a line waiting on a sunday night for snacks! After I waited for 15 mins, I got a fresh and crispy egg waffle! I like the texture of it, half slow and half crispy in each egg! Its really good, and I would recommend to any egg waffle lovers out there!

今日行完山，落返去遠近馳名嘅東大街，見到一間雞蛋仔舖排晒長龍，當然唔執輸，我哋淨係叫咗個原味雞蛋仔，等左差唔多20分鐘，終於有得食。貴又唔算貴，不過就等得耐啲囉，但始終係值回票價！雞蛋仔外脆內暖，蛋漿好滑，唔會好似其他咁食到成口粉，麵粉同雞蛋嘅比例調校得啱啱好，同朋友share食咗一底之後發現唔夠喉，又要再排多20分鐘買過另一底食。當時我哋食嘅時候仲要醫護半價，真係良心商店！

行完山落返筲箕灣想食下野，最多野食應該係東大街，經過低調高手大街小食的攤位竟然得一個人等緊，緊係過去啦🤣平時人龍真係好長，係呢區真係好受歡迎，主力賣雞蛋仔同格仔餅，今次去見多左好多口味，有咸蛋黃tim🤪.原味雞蛋仔 $19 9/10原來買兩底會平$1，原價$20，新鮮雞蛋仔整好之後會用吹風機吹一陣先比客人，色澤金黃色，咬開雞蛋仔，有一半係空心，所以呢邊係特別脆口，而另一邊幾軟熟，蛋香味重，唔油膩，食到最後都係脆🤤

雞蛋仔蛋味固然重要，但對我而言我更看重的是脆脆的口感！很多地方的雞蛋仔整顆太飽滿，感覺好像吃蛋糕仔一樣，這裡的雞蛋仔雖然沒有很多花巧的口味，但一個原味已經足夠回味無窮！每一份即叫即製的雞蛋仔一拿到手會有香濃蛋香，入口就好像咬餅乾一樣很脆口，就算慢慢吃到最後一顆都不會軟掉，果然是低調的雞蛋仔高手！

#200507不能保持低調的高手🤘🏿 黃色的傳統街頭小食💛.重要的事說三次❗️❗️❗️#justeat_黃店 #黃色經濟圈 #黃店.即叫即製熱辣辣💛外脆內軟充滿蛋香氣🤩鹹蛋黃鹹香與雞蛋香甜互相配合💁🏿‍♀️毫無違和感🙂鹹蛋黃份量不少 亦有起沙的感覺👍🏿入面真才實料 全無空心😎粒粒飽滿 口感十足🤤兩人些牙大滿足‼️期待下次再試更邪惡的格仔餅🤣..📍#低調高手大街小食 (筲箕灣)筲箕灣東大街76A號B3號舖地下#justeat_筲箕灣 #justeat_港式 #街頭小食#bestfoodhongkong #hkig #hk #hkfood #hkfoodie#hkfoodporn #Food #fotdhk #igfood #igfoodie #foodpics #foodlover #foodie #foodstagram #topfoodnewshk #懲罰黃店 #bewater #黃店地圖 #支持小店 #良心小店