但馬屋 (創紀之城五期(apm))

營業中

休息中

最近去咗觀塘創紀之城整野，之後就順便睇下有咩好食，畢竟自己好少機會嚟觀塘，所以都想睇下有咩好餐廳，係商場行左幾個圈後發現呢間餐廳都幾多人排隊。所以就睇下係食咩，原來係一人邊爐，有六十分鐘同九十分鐘兩個餐牌，重會細分係定量或者放題，定量就係食物份量固定食哂無得再添，而放題就不用解釋，不過定量都要 $79，咁梗係食 $109 放題啦。😆湯底有五種，我揀咗用甜豉油做湯底既甘露鍋，坐低無耐侍應就遞上肥牛同豚片，肥牛同豚片睇落肥瘦適中，肥牛同豚片淥完後，完全吸收了湯底既精華，所以唔洗配其他醬汁就咁食都已經好好味。除咗肥牛同豚片外，重有數十款食物供應，而且攞嘢食時一定要戴上口罩，衞生情況都幾好，而飲品方面有可樂、烏龍茶、蘋果汁、雜果賓治等等，而且仲有 Häagen-Dazs 雪糕添。😍係六十分鐘放題內，我食咗四碟肥牛，三碟豚片同其他瓜丸菜，真係超超超級飽，飽到我想死咁濟，埋單連加一都只係 $120 蚊，真係值回票價。😝

8點05分開始排隊 8點32分通知我9點30 last order 10點要離坐！我話ok！隔左2分鐘 走黎講話最快要9點先有台 你地只有1個鐘食 OK唔OK ？不如我問番你 你係咪應該8點就唔好派飛比我？遲過我黎後面個3個男仔你比距地入左先 我前面仲有一對情侶都入埋 你正常有4人台都比兩兩入坐喇嘛 ？等左咁耐先遲通知 離曬譜！你地間店都得葛了... 疫情下 都可以咁服務態度 真係巴閉！😤😤😤😤😤😤😤😤😤😤😤😤😤😤😤😤😤😤😤😤😤😤😤😤😤😤😤😤😤😤😤😤

今晚去咗觀塘APM商場4樓嘅「但馬屋」食放題，為咗唔想等太耐位，所以未夠6:00PM，已經到咗餐廳，用餐時間(依入坐時間計) 90分鐘這間放題提供一人一鍋，有5款湯底供客人選擇，我今次揀咗「美肌鍋」；放題則揀咗「澳洲產長期穀飼牛放題套餐 $199」，任食肉類有以下3款1️⃣ 澳洲產長期穀飼牛2️⃣ 嚴選牛肉3️⃣ 丹麥皇冠豚肉另外，火鍋配料及Häagen-Dazs雪糕可於自助吧自取任食總結：一人一鍋的確係一個賣點，讓食客可以放心享用美食，又可以揀自己鍾意嘅湯底價格💰：每位平均 $219 ($199 + 服務費$19.9)味道😋：OK

任食火鍋黎講 呢間質素唔錯 價錢又ok 所以晚市都好多人等！😮————————————————.🔶日本產黑毛和牛放題套餐 $289/位和牛質素不俗 有牛味同夠腍👍🏻唯一不滿是第二round既牛質素又較差但第三round又ok🤔配料個啲就正正常常特別推薦雞件同拉麵😝 每次必食！湯底就推介美肌鍋同麻辣藥膳鍋😙

心血來潮想打邊爐，但係因為疫情關係，就算係自己屋企人都唔係好想打埋同一個龍，所以揀咗一人邊爐黎打！其實都係自己安心啲！我哋揀咗一間未食過嘅但馬屋！我就揀咗個麻辣火鍋！屋企人又揀養生鍋同埋蕃茄喎，佢哋話都唔錯！食肉之前睇吓啲蔬菜先，都算多選擇！特別推介下佢個唔知係墨魚丸定花枝丸，唔錯！仲有冬瓜、南瓜、芋頭、等等都好好食，夠新鮮！而且免費任飲，所以食麻辣都冇所謂！至於牛方面，我哋冇叫到最平嗰個，揀咗160幾蚊嘅澳洲穀殼餵嘅牛！目測同其他叫最普通午餐嘅牛相比，確實已經比較好但係仲有進步空間！不過一分錢一分貨，我哋覺得呢個價格會比較抵食！不過同平時啲一人火鍋都有一個同樣嘅問題！就係啲牛嘅質素係會一碟比一碟下降！睇吓下面張相就知。不過順帶一提，佢哋啲黑臀肉都幾好食，不過溫馨提示一下，就係唔好落太耐，如果唔係會好鞋！最後記住記住食埋雪糕先走！不過啲侍應都會喺last order嘅時候提大家留番啲時間食雪糕。我哋覺得個焦糖脆脆好好食！

和朋友諗住去打邊爐，就排隊等位，點知佢叫人入座又唔係跟取飛時間，有啲2個人就俾4人枱，有d又唔係，唔知用咩做準則。我同朋友等左差唔多90分鐘，終於叫我個號碼，佢俾張大鍋枱我，我話我想要一人一爐，但個侍應好無禮貌咁答我話無wo，一人一爐有排等架，仲完全無理我地就行開左。我當時覺得好不被尊重，你安排唔到，其實都可以禮貌解釋，但唔係講句唔得仲要走左去，我真係覺得好過份。我仲要見到店內有早我十分鐘入座嘅兩人係坐4人一人一爐位。

我要食牛！打邊爐！我要食雪糕！今日約友人出觀塘行街，search 下附近有咩食先。雖然好少lunch 走去打邊爐，但真係忍唔住要放縱下自己了。入到但馬屋，我地選了$249任食黑毛和牛，穀飼牛，豚肉。侍應有提醒出去自助區取配料，電要戴上口罩，在場客人都有遵守～我選了麻辣湯底，友人選了蕃茄湯底，1人1鍋就更衛生更放心了。講番d牛牛先。首選：黑毛和牛，軟身有牛味，但每碟來到的口感都不一，要碰碰運氣了。其次係穀飼牛，牛味更濃但沒前者甘軟身。而豚肉就正常吧。任飲飲品方面，有各款汽水，茶，罐裝水都有。對我黎講，重頭戲當然係任食haagen dazs雪糕啦，共有4款口味，仲有我最中意的焦糖味！總括來說，食物質素ok，食得開心又安心。但侍應服務態度有待改善，店內有3名女侍應，其中1名（頭髮長度較另外2名長少少，沒戴眼鏡）態度很差。怪不得看到有其他食評話服務態度趕客，餐廳人客不算多，不太忙，但態度亦甘差？理由在那？或是本身說話唔氣是呼呼喝喝類型？（仲好似聽到佢叫廚房既細佬幫佢打卡，不過細佬無理佢叫佢自己打番卡）

今日去開APM 攞野 所以就決定喺APM食埋個lunch 甘見到但馬屋好似幾吸引於是就食佢。甘我同女朋友就叫左日本產黑無黃牛午市放題套餐$189，有加一。而我哋分別要咗千夜鍋同埋美肌鍋鍋，價錢方面就覺得不過不失 唔算好貴。佢係一人一個鍋，出面有啲丸同菜可以俾大家夾，有嘢飲攞，攞料理醬料同雪糕。已牛肉豬肉就可以同服務員攞！因為喺限聚令之下所以坐得都舒服，佢食物質素唔錯，牛肉同豬肉都食得過😋不過湯底方面就覺得有d淡味 似開水甘🤭不過總括依然都唔錯，行開食lunch 又想打邊爐可以食le間日式火鍋！

我地18點57分入座！野飲野食品種少冇咩選擇！環境各方面算幾衛生乾淨新鮮！7點幾就話埋單。。你話埋單甘埋咗張單先啦！埋完張單我也有俾小費啊！冇幾耐8點就問我個煲要唔要話要收！我個煲野仲煲緊野嘎菜都未落！然後8點11分就話夠鐘要收！我想問你地係唔係做唔起90分鐘?你地出邊又冇人排隊！食度成肚氣！

對我來說, 日式牛肉涮涮鍋就是以前中學時代吃任食火鍋, 簡單直接吃得飽, 而且不用想太多, 在沒有武漢肺炎前是我頹食之選, 坊間吃牛肉涮涮鍋的連鎖店中, 我個人對但馬屋最有好感, 除了因為在觀塘的分店距離我家最近外, 其牛肉質素, 特別是用上日式和牛, 但只需二百元內的Lunch Set, 其肉質及雲石度比相似價錢, 但只用澳洲和牛的來得吸引. 更重要是, 這裡更強調一人一鍋, 在無論有沒有疫情的時間, 也是一個更衞生而又更有自由度的處理方式.

收工約好友飯聚，星期日6時多商場都很多人，餐廳居然唔使排隊，進場前探熱，入門是取食物區，後面係開放式廚房，見到師傅不停切肉，餐廳其實不大，幸好淺木傢具沒有太大壓迫感，雖然桌子間都幾迫，若兩組2人坐四人枱會有隔板分隔，比較有私隱，枱面有嵌入式電磁爐，每人一個木盆出外取火鍋配料，一人一鍋有5種湯底，我選了千夜鍋（鰹魚湯）用小鐵鍋上，牛肉我們選（$309）日本和牛及北海道夢之大地豚放題，火鍋配料選擇都很多，一個個大碗都保持乾淨，攞完第一轉配料枱面已放好小鐵鍋湯底及第一轉的牛肉片及豚肉片（木碟上）首先牛肉夠薄，肥瘦比例平衡，牛肉味夠，加肉店員好快回應，而且加單的牛肉水準不會下降，好均真，豚肉片都夠香（不過得90分鐘及睇住胃容量，梗係食牛肉啦）鰹魚湯不會搶過牛味！配菜我喜歡有點新意嘅萵苣及蟲草花！朋友就極喜歡羽衣甘藍菜（我就覺得粗糙）飲品是自取的，罐裝有減肥汽水（食放題飲減肥汽水係安慰自己🤣）我怕啲氣泡頂住胃唔舒服，所以飲熱茶，茶包有綠茶同玄米茶，電熱水壺長備熱水，不錯！甜品是名牌雪糕🍦，雖然有4款口味（雲呢拿、咖啡、士多啤梨、藍莓）我哋6點幾進場時，士多啤梨同雲呢拿只剩下好少量，基本上是得返桶

今日落咗去食午餐啲姐姐服務好好我哋要咗第二級一家三口食得好開心，我好少寫食評但今次真係要讚，食一個鐘頭性價比超高，星期日三個人食埋單都係300頭，下次會落去試到最高品質，真係感覺超正

之前也有在這裏吃黑毛和牛火鍋放題，計埋今次第五次了，今次算是最失望的一次，之前和牛入口融化有肉味，品質算中上，但今次的和牛不知道是什麼原因有點硬，和之前的賣相差別很大，好明顯肉嘅質素下降，還有服務上遇到不愉快，我知道夠鐘交枱了我準備執拾行裝時，還在後邊不斷催我交枱，但當時店舖內比較冷清很多吉枱還要催我交枱，令我感到有點不快。

🍙等待時間：約平日十二點到達，有小量人排隊，但大量位，因為十二點先開🤣共三個人！🍔室內環境：室內設潢以木為主色，有設計風格，佳。🍰服務質素：為自助為主，侍應態度可以🔺用餐簡評：今日平日中午，心血來潮想同朋友打邊爐，於是就來左但馬屋啦，我地選左90mins$169放題，我真心好失望，佢既澳洲牛完全唔掂，外表明明睇落唔差，但一放入湯，牛肉即時縮起一粒粒，食落完全冇牛味，更何況美味呢！？而佢既豬肉仲好食過牛。🔹總括來講：我地係refill豬肉但冇refill過牛囉

新年後開工諗住同同事食餐豐富d嘅，諗起好諗無去過lunch打邊爐，去APM間但馬屋幫襯下先。去到今日唔算多人，好快有位。咦? 望下個餐牌，原來加咗成20蚊價之後89, 已經變咗109喇，加埋一加咗好多呢~不過一場嚟到照食啦！但我哋五個人無五個鍋，得四個鍋...照收5人錢呢度其實食物一向算新鮮，肉類係靚嘅，仲有haagen-dazs雪糕食，不過今次無對上食好工嘅夏威夷果仁味。同埋d員工可能太忙，有部分都幾黑面同埋60分鐘其實好趕，同夠鐘前15分鐘會同你講cut單喇，同要你快快手埋單。之前89我覺得好ok, 109嚟講唔係差嘅，但之前吸引好多。