伽倻韓國餐廳 (已結業)

一入去坐底叫極人黎落單都冇人應叫左幾次先有人理叫左lunch set炆牛肋骨煲價錢同份量都算成正比好味另外叫左辣豆腐煲得幾舊豆腐同極細小既碎白蘿白都要成$88有點不值最後收銀既女人態度極差因為坐近收銀位聽到佢鬧客收錢時仲全程黑面語氣又差食完背脊骨落

星期六兩個人食午餐，選擇十多款。服務需要大大改善，落單叫了差不多五次先有人埋嚟，仲要呆樣冇笑容，同佢點完之後先知佢聽唔明，要講英文。再叫多次之後又冇乜反應。唔會添茶，茶水只係室溫。BBQ啲肉(豬肉)調味好，紫菜湯太鹹，伴菜好味但生菜 kimchi 太少。問可唔可以加多小小生菜就話要另叫加錢（一碟豬肉份量大慨兩個拳頭咁多，但生菜份量只有3至4塊）。什錦石鍋飯嘅菜尚可，飯太硬，份量尚可。甜品唔差(芒果刨冰加雲尼拿雪糕)，有少少荔枝味，芒果都幾甜。叫咗兩個set lunch總數係大慨$290，價錢尚可。

幾年前由於尖咀附近工作由舊同事推介下去呢間海運Kaya，以前午餐也時常幫襯，相隔一年，噚日約咗朋友於尖咀頃合作，專程預早些到Kaya食個晏，點知…先唔講食物質素差咗好多，D服務食到成肚氣😤，我到餐廳兩點左右避開繁忙時間，帶位的巳無乜禮貌，我被帶到坐近門口及茶水位，那裡侍應人來人往以為容易叫人，點知等了好耐先落到單，叫完餐五六個行來行去也唔酙茶，等隔離位有人落單，先叫到酙茶，重要來個晦氣黑面對着我，茶是凍的，來了個人蔘鷄湯餐，冇料11又而無味，失晒水準，都算了!見佢來餐要需時，趁佢同隔離枱上菜後，叫埋個餐飲啦!個傳菜員係個大媽型亞洲人，我就話「唔該，上埋個餐飲!」佢已經黑面皺眉，當我話要「熱檸茶」時，佢竟然皺晒眉大叫“What?!”..然後我說Hot Lemon Tea! 佢好唔耐煩咁重覆一次Hot Lemon Tea?我答Yes! …嘩!而家乜事？落order叫嘢食要受氣？妳一係衫上掛個牌話唔識廣東話服務員，或者索性門口寫住English speaking only, 或者只用韓語吖笨!😤

友人早前到過此店食，覺得幾正宗和有質素，見到Groupon$498 二人餐，就嚷著要食，而且平時經過多數要等位，所以一早打黎book左先。注:另要補加一$50。店內環境舒適，地方寬敞，燈光柔和，幾有空間感。前菜有波菜、芽菜、泡菜、薯仔，薯仔做得最出名，味道甜甜的，帶糖，外層綿密，中間又好扎實，要再encore。附注:前菜最多加兩個。另韓式素菜沙律一齊上，有D特色，salad係用韓式sauce。而泡菜有分兩種，前菜和長型，長型的味道較辣。飲品可點汽水、檸檬茶，lemon tea ok。炒粉絲都唔hea，有波菜、蘿蔔絲、洋蔥、冬菇、肉絲，味道不俗。辣豆腐海鮮窩湯材料豐富，有流心雞蛋、蝦、蜆、蠔、豆腐，湯都幾濃味，比較辣，幾地道。肉盤兩碟特級LA牛仔骨真係幾好味，肉質鮮嫩，而且很入味。個烤爐抽煙厲害，完全唔覺油煙。烤豬肉都係醃好的，薄片得黎好快熟。用菜來包住烤豬肉、泡菜和其他配料食係韓國人的習慣，入鄉隨俗係應該的，食材不用再調味已經非常美味，健康又唔熱氣。白米飯內有也有點心思，混合了小米來煮，米飯蠻有嚼頭。精緻的水果拼盤，有西瓜和橙，黎到呢度先覺得優惠券值價。價錢黎講，個set唔算特別抵，提

假期只要等5分鐘有枱，還可以。首先，韓式前菜有2碟好少泡菜，荳芽，菠菜同極甜蘿白。要等差不多半小時先上，已經好肚餓。原本叫左海鮮鍋，等左好耐，點知上左步隊鍋，同佢理論幾句，個侍應只不斷話係我錯。算！唯有焗食價值$420元的步隊鍋，我本身都鐘意步隊鍋，冇所謂。但個鍋份量唔多，入面連年糕都冇，豬腩肉仲要碎上。所以，比2碗白飯整飽你。環境方面，一坐底，張台好笠，張紙係皺的。一間定位高級收呢個價錢既餐廳，食唔飽，環境服務差！

朋友介紹韓國餐廳 我們沒有選擇套餐 因朋友而在這裏試過 所以我們選擇單點 叫了一個 海鮮 煎 餅 一個燉牛肋骨 一個辣豆腐海鮮湯 份量十分足夠海鮮煎餅 十分鬆脆 但內裏 水份仍然很多 可能開粉多了一些吧！牛肋骨燉得十分鬆軟 入口非常 的林，但湯汁較甜 用來送飯也不錯辣豆腐海鮮湯 不過不失很多人說 小菜 問店員 添食 多數都說沒有，但我們今次很好彩地 問他 竟然給我們， 一個小驚喜 。 整體食物 質素不錯 ， 價錢算是中上以上 ，但是 服務真的一般， 希望仍有改善空間.

喺出邊行過見到入邊冇咩人 但係幾香所以行咗入去 點知中晒服😱😱😱 嘢食麻麻 個牛肉炒粉絲好鹹 豆腐鍋好少豆腐 另外豆醬鍋有味精味 服務麻麻 free wifi 用唔到 小菜$48 得個兩舊 要加嘅話每碟＄10 🙄🙄🙄🙄🙄🙄🙄🙄🙄🙄🙄 得環境OK D 同埋勉強食得飽 全部人都好唔開心覺得生命冇晒希望 一定唔會再嚟食 本來係happy Friday變咗絕望Friday 見到隔離枱嘅韓國人都食到頭零零 🙄 性價比極低😌😌😌

伽倻韓國餐廳 Shop G07, G/F., Ocean Teminal, Harbour City, 17 Canton Road, Tsim Sha Tsui 辛苦工作，食午餐也希望慰勞一下自己。 英文名Kaya, 我仲以為是星馬菜或，原來是韓國。餐廳坐得很舒服，右邊有尖沙咀海景，這些在價錢上都反映了的了。Lunch set 是150元，燒牛仔骨。 食韓餐配菜重要的。這一間則比較少，但牛仔骨軟硬剛剛好，味道上佳。所以貴少許，份量少些也可以啦，我們食環境！

AdHoc試了這家於海港城的韓國餐廳。友人選了在這裡飯聚，正合最愛吃韓國菜的我心意！今次也推薦3度菜式！海鮮煎餅~ 餅皮不油不厚不膩。。。香脆且海鮮夠鮮味！ 不用沾附上的醬油也夠好味！部隊鍋~ 湯底香濃微辛辣，特別午餐肉超好味！配上不可少的韓國即食麵。。滿足！燒大蝦~ 蝦肉本夠肥美，自己略燒已經好鮮味！配上無敵靚海景。。開心的飯局！ 🤗

今日lunch time去，唔係好多人，一行二人坐低左啦，望下個餐牌，都唸左好耐唔知食咩，最後都係點左個$450嘅海鮮熱窩湯麵。首先就係前菜啦，都好豐富下，有泡菜，大豆芽，蘿蔔等等，都好好味，另外個熱窩呀靚靚韓仔就幫我地落左調味啦。之後材料就到啦，有兩隻大蝦，其它都係青口，蝦仔，菇同娃娃菜，而ｄ麵就大大碟，都幾期待，水滾後韓仔幫我放晒落去，佢話4分鐘左右就食得啦。掂，熄火。試一下，ｄ韓國麵非常彈牙，直頭係我期待果隻麵質，而ｄ湯佢又落左少少辣，好香，而份量都好充足，兩個人都會夠食，最後我地兩個就咩料都食晒啦！最後埋單$450再加一，lunch黎講雖然貴左ｄ，但係試下都ok呀！

這次的尖沙咀, 來了一家我之前沒去過的LCX韓國餐廳, 一向知道價格是頗貴的. 但同事不太喜歡另一家樓上的新派韓菜, 乘這個機會來試一下這裡. 餐廳的環境整潔, 光猛, 印象不錯. LUNCH SET的價格由$68~$150, 豐儉由人. 但較多的SET價格在$90-$110之間. 跟其他韓國菜館的前菜相比, 這裡的明顯地較精緻及份量小, 泡菜及甜薯相當好吃. 附送的湯也頗清甜. 辣泡菜炒飯是很普通的菜式, 有時在非韓菜館也吃的到. 這裡炒出來的橙紅色, 顏色已相當吸引. 拿起一口炒飯, 泡菜汁包著炒飯, 所以炒飯的口感比廣東式炒飯濕潤, 入口的微辣相當誘人不停口地吃. 沒想到簡單的炒飯有驚喜, 不錯.  一行三人點的都是較便宜的套餐, 每人平均消費約$80, 有附送飲品, 於旅遊區來說其實不算貴. 較糟糕的是服務, 坐下後沒店員主動倒茶, 加上結帳的時間偏久, 明顯地服務的店員並不足夠. 

上星期五約左朋友去尖沙咀，係海港城唔知食咩好，行過見到呢間韓國餐廳好似唔錯，就入去試下啦~~ 間餐廳有韓燒又有韓國主菜，好多選擇。。但我有選擇困難症架。。所以我地決定叫SET，淨係二人SET已經有三個，我地想飲湯所以揀左SET B~~ 個餐有生菜、沙律、泡菜、炒牛肉粉絲、特級肉眼扒、特級牛肋骨、高麗人蔘雞湯、鮮果盆同雪糕~~ 除左餐牌所講嘅食物，仲有好多配菜，豆芽菜、菠菜、薯仔、豆腐，真係未食就成枱都係餸~~配菜大多數都好食嘅~~ 講下主菜先，特級牛肋骨有2大塊，職員係上菜後即場剪開細細塊~~至於肉眼扒呢就一早切好細細件，但都係一整塊咁上，證明無偷工減料~~講真2款都好味，尤其是牛肋骨，可能因為有醬汁所以燒完特別入味！！另外，每人都有三款調味品：醬油、海鹽、辣醬(唔知真名)，我自己就特別鍾意海鹽，因為佢唔會好鹹，仲有黑椒同芝麻，特別香~~ 至於人蔘雞湯係一鍋上嘅，侍應會幫我地分番2份，好貼心！雞肉份量都幾多，而且啖啖肉，煲完湯都唔會太老，唯一不足就係我完全飲唔到人蔘味，亦無見到人蔘嘅蹤影，似清雞湯多D，不過清雞湯都略嫌淡味左D。 至於牛肉粉絲就係一般水平，無特別深刻印象。而生果盆就名過

好肚餓見到奧海城间间排長龍得呢間冇人排於是便衝入去醫肚最緊要快就order左个2人set等左好耐都冇侍應加水比我地，肉來到了但前菜仲未到前菜有4片生菜，芽菜，蜆菜，泡菜，薯仔，salad, 样样少少，冇咩特別。生菜似几乾淨，可用來包肉吃。芽菜爽口加芝麻几香。salad几好味，泡菜好甜，薯仔又碎又甜……豬肉和雞肉都淹得好甜，我唔鍾意食石頭窩飯d配菜好少雪糕拎出來已融左3份2唉！400蚊每人，咁既質素，中伏

韓式炒粉絲，粉絲炒得好入味，加埋d蔥同洋蔥同蛋絲同紅蘿蔔絲，好惹味牛肉同豬肉，牛肉甜甜地，好入味，豬肉就鹹咗小小，但都ok. 沙律就好新鮮，酸酸昧味，不過份量唔係好多，唔多飽

同男友拍拖Lunch去左TST搵食, 因為唔想行同聽老細講KAYA唔錯, 就選擇左食呢間...我地叫左 烤雞肉配凍檸茶, 什錦石頭飯配凍奶茶... 烤雞肉: 一黎到見到雞肉好大份...雞肉甜甜地, 有好少好少薑味, 似係韓陽園個d經濟任食韓燒既味道, 覺得好唔抵 ...不過用黎送飯一流, 食左幾件已啪哂碗飯...當然未食既雞肉就更加甜啦, 食多幾舊已經! 漏到唔想食, 而且味道都好寡...韓燒都話有其他野食...所以食唔哂, 下次都唔會再食, 都唔會再叫... 什錦石頭飯: 都有幾多菜... 不過唔鐘意, 因為唔鐘意石頭飯配翠肉瓜, 好住家味...好灰既一個石頭飯...  餐飲: 無味...兩杯都係, 凍檸茶係檸檬加水, 奶茶係鮮奶加水, 丁點甜味同茶味都無...水吧既人真係好有問題....最後想講佢地既服務都唔係太好, 次次都要叫成3-4次先有人黎...上菜又唔講聲, 係背後攝出黎...其實老細食開CWB晚市, 所以下次都唔會再係呢一間KAYA食...第一次食就令到我咁不滿...