休點

呢排喺九龍灣工作，一直尋尋覓覓搵唔少餐廳醫肚，最近撞手神搵左呢間休點 B.L.T. Habitat 試下，又覺得唔差。吉烈炸雞扒配拉麵賣相好似一般，唔算大件，但啲炸漿薄得來亦keep住個脆度，都OK唔錯，雞扒啲肉質都唔差算滑嫩既，拉麵份量都足夠，爽口既，配上蟹柳，湯底唔濃唔淡，不過不失。凍奶茶奶茶茶味夠濃，奶味適中，唔差既。環境舒服，地方闊落，感覺悠閒，地點可能就有D格涉，不過主要都係附近返工既人上來幫襯或者relax下嘆個早餐或tea下，忙裡偷閑又有另一番享受。.…查看更多

昨日我同朋友經過九龍灣mega box 。搵到呢間餐廳BLT, 就一齊去試下，食lunch. 好有驚喜。吉列豬扒好脆好嫩滑。熱辣辣！脆卜卜！飯又好味！強烈推薦。朋友就食黑椒汁牛扒，又厚又juicy. 香噴噴。野食好新鮮！是日套餐湯：蓮藕排骨魷魚🦑中湯。一飲就知足料新鮮煲。岩晒鍾意飲湯，又冇湯水的我。🤣🤣咖啡☕️都唔錯，好食！上餐都快手。田園feel裝修，d服務員親切！環境乾淨。下次去九龍灣，一定再去食…查看更多

今日又黎左BLT食LUNCH！雖然佢地每日嘅午餐好多選擇，但我自己幾乎次次嚟都係食佢地嘅扒餐，因為大件夾抵食又好食！只係要７０幾蚊嘅價錢就可以食到大份牛扒餐，仲會轉款，例如今日竟然有牛仔骨餐！須知道牛仔骨依樣野，自己會急凍肉果Ｄ都唔平！出面Ｄ西餐廳真係唔係常有供應。個餐的主菜黎到，有勁多塊，味道幾好，食得幾盡慶。跟餐仲會仲例湯同嘢飲，冷熱飲品同價，加價可以叫特飲，真係抵到爛！！！所以點解次次黎都咁多人！！…查看更多

喺九龍灣返工嘅朋友仔，好多人都知道依間canteen。佢係一間好似飯堂咁嘅形式嘅餐廳，但係就比茶餐廳環境好好多同坐得舒服。每逢lunch嘅時候，都幾多人嚟到食嘢。佢有提供早餐、午餐、下午茶，但係就冇做晚餐。我自己一般嚟食，都係食lunch。佢地供應食嘅午餐有好多選擇，有西式、港式，都會有亞洲野，每一日唔同款，大概每日都有肉類扒類、西式飯中式客飯，或者炒粉麵湯麵都有。我個人覺得佢依度嘅午餐，扒類選擇就非常抵，一般只係需要最多七十幾蚊嘅價錢就可以食得大大嚿牛扒，水準都還可以，同出面一般中下價嘅餐廳其實都差唔多，份量仲多D。好似今日嗌左依個雜菌汁西冷，件扒非常大塊，煎到熱辣辣，有肉汁，係無可避免被少少被疏打粉招呼過。可以跟白飯、意粉薯菜。今日叫左配薯菜，有好多配菜，薯角都係新鮮炸起。除咗主菜之外，跟餐仲會配埋例湯，有中湯同西湯選擇，仲送埋飲嘢飲，冷熱冷熱飲品都係同唔使加錢，可以再加錢揀特色飲品。唔收加一，落樓都係幾十蚊，所以呢度都係我其中一間午餐時間嘅飯堂。…查看更多

落雨天都唔想行咁遠，所以今日黎左公司隔離大廈既休點食午餐。依到座位都幾多，有啲似canteen既感覺，但唔知係咪因該落雨，差唔多坐滿晒人。午餐選擇同一般茶餐廳差唔多，但價錢好似貴左少少。我就叫左泰式冬蔭海鮮湯米粉，58蚊包埋餐湯同飲品，凍飲唔洗加錢。但食物一上枱，個樣同我平時食既冬蔭公好唔同，雖然聞既時候有冬陰公味，但食落同個樣一樣，味道好淡，唔似冬蔭公味，而且好似用左好多水溝到淡晒。海鮮份量都唔多，蝦係雪藏蝦，青口得一隻，而且啲魷魚好細，似係啲頭頭尾尾整埋一齊，反而米粉既份量就好多。成餐最正常就係杯熱好立克，下次落雨天都係要諗下有冇其他選擇。…查看更多