伍仔記

營業中

休息中

一向都好鍾意去大埔墟街市買海鮮，單係海鮮檔已經有60幾檔，海鮮種類燇繁多，價錢又平，選擇又多，有啲檔口仲專賣埋啲了能嘅海鮮，真係每次去到逛街市都目不暇給，總有豐富收獲。今晚就約左一班好友聚餐，地點都係要啲就腳嘅地方啦，呢個街市臨近大埔墟站，有朋友嚟過伍仔記後都話好食又抵食，仲可以自攜海鮮上嚟加工添。由於朋友都鍾意食海鮮，星期六下午5點幾已經嚟到街市掃靚貨，見到有咁大隻黃金蜆就買左2斤、16隻大聖子、2斤中size瀨尿蝦、奄仔蟹4隻、琵琶蝦4隻，加埋都係$720。再攞上去伍仔記先，問左5樣嘢加工費都係$300，抵唔抵就見仁見智啦。咁去得人地檔口食就當然要試下人地手勢啦，除左加工海鮮外，呢度仲有出名嘅招牌旦家雞。旦家雞無影相，但隻雞真係好滑，唔肥兼好有雞味(廢話吧) 油鹽水煮黃金蜆，唔駛講啲蜆一定新鮮啦，岩岩街市精挑細選買返嚟，新鮮蜆唔駛落薑唔駛胡椒，只係用了啲蔥嘅香味和大頭菜嘅咸味，就能突顯蜆嘅鮮甜味道，蜆肉飽滿多汁。呢碟 豉椒炒蟶子真係炒得幾出色，豉椒味好惹味又唔會太搶，蟶子肉爽滑又嫩口，最重要係洗得乾淨無沙。蟶子就算買返屋企自己都未必能夠有把握煮得好食，帶嚟加工就真係乾手淨腳

一年前同朋友黎食，叫左五六樣餸大部份都ok !今日有朋友生日所以黎食，點知叫左八樣餸，再叫左幾枝啤酒，餸黎到樣樣都上碟唔好睇，好似好求奇，同埋野食都唔夠熱咁，味道差了很多。雞味怪怪的，最後是吃剩了1／5，份量不算太多，價錢算貴左少少。我想沒有下次了……

今日一大班人大概九點去左伍仔記, 因為book左位，所以一去到就有位。員工服務態度好好，食得好開心。 我地叫左西檸雞，紅燒班腩煲，金菇肥牛煲，粟米斑塊，炸大腸，芥末墨魚丸，蝦仁炒蛋，蠔餅....最深刻係西檸雞，酸酸甜甜又唔太漏好開胃，而且份量好足，仲有我最鍾意既紅燒班腩煲，班腩又入味而且咬落去唔太硬，好有口感。 食到好飽埋單每人都係$67，成班人去真係好扺食！ 下次會再黎試其他小菜！

朋友介紹來這裡吃晚飯叫了豉油皇老虎蝦蝦肉鮮甜蝦頭蝦膏炸到脆卜卜，可以連殼一齊食豉椒炒聖子，肉質好爽口彈牙，豉椒味濃，惹味可口果皮蒸鮑魚， 鮑魚好大隻好果皮味襯托得鮑魚更加鮮甜花雕蛋白蒸蟹，蛋白在口裡能感受到蟹的鮮甜味蟹肉鮮甜無比， 肉質亦多蒸石立蒸得也是幾好，條魚算滑，肉唔鞋，好食價錢唔係太貴，服務都幾親切，我下次都會再光顧的

1. 冷盤中以涼瓜最下心機, 最好味道, 甘中帶苦, 好吃    生腸及鱔片相對稍遜, 素鮑片不可以說做得好了.2. 日本芥辣墨魚丸蘸沙律醬, 彈牙可口, 二等好食, 足以給讚好3. 鮑汁日本雞腳, 做得出色, 連花生都細緻到粒粒腍口入味, 出色    總括說, 相當唔錯, 飯堂之選

這一篇真實分享, 是我的姐夫提供，他希望透過這平台，向大家分享這次難忘體驗......      星期六隨緣入了位於大埔墟街市熟食中心，見到了伍仔記 較為多人，於是迎難而上，就選取伍仔記坐下，餸菜令人喜出望外。      最令人食指大動的就是那半隻雞，雖外表平凡，像無任何醬汁，但入口令人驚喜，因為雞味十足，不需任何薑蓉，也令人欣賞不已。      然而，最令我印象深刻是員工誠實態度。在我晚飯後，遺漏了一部Samsung手機在枱上，大約在一小時後才發覺，於是立即致伍仔記，我獲得了最佳的答案："幫你keep起，嚟攞番啦！" 因為任何失主聽到這回應，除了感激和讚賞之外，再想不到任何言詞。手機價值數千元事小，內藏資料事大。謝謝伍仔記所有員工、謝謝老闆，謝謝伍仔記。撇開我這次經歷，就算以食物質素而言，伍仔記也是值得一去再去的食肆。認真！

沒有華麗裝修的大埔墟街市及熟食中心，內裡餐廳供應的食物質素頗高。兩年前，冰曾撰文介紹內裡其中一所食肆；兩年後，冰再有機會於周末到大埔墟一趟，也就毫不猶疑的選擇熟食中心為晚餐地點。冰和男友先在裡內逛一圈，最後選定伍仔記。兩人點了三客小菜及一碗粥，份量看來不多，但足以令食量不大的二人飽得沒法吃糖水。三道小菜中，冰大力推介避風塘茄子腰果。茄子切得非常薄，兩片茄子中間釀有魚肉，再經避風塘配料一炒，香氣無與倫比，亦充份呈現香脆口感，令冰一試難忘。另一可口之選是西檸雞。西檸雞的汁不太多，能食到酸甜味，但不會掩蓋雞的香脆。雞件切得頗細碎，不單方便和同檯親友分享，亦令雞件可多黏炸漿，更突顯其香脆。唯炸漿略嫌過厚，特別是體積較大的雞件，令口感偏硬。最後出場的是蒜蓉茄子蒸吊片。茄子蒸得挺透切，質感頗稔，配以蒸魚豉油進食，味道清甜。吊片彈牙，味道稍咸，配白飯白粥進食則一流。這頓晚餐約$150，可說是抵食之選。

今日同老公去完馬鞍山睇心型沙灘, 好可惜睇唔到, 唔知係咪潮漲呢~之後我地返大埔墟食晚飯因為返到去都8點了, 都唔洗等位就有得坐~我地叫左三個送加一支啤酒海味雜菜煲--有我最愛既魷魚 同有好多菜 好鮮甜 魚香茄子煲--送飯一流, 真係好香, 不過就小左d 沙拉骨--沙律醬好好味呀, 又係送飯一流 兩個人份量夠哂, 好飽好滿足其實有好多野都想試下, 始終都係大排檔小菜風味最正~

八點幾打完羽毛球落樓下食晚飯，大排檔已唔多食客，所以大把位，4個人叫左5個菜2支嘉士伯!打完波飲番啖酒真爽!點左菜大約5分鐘開始上菜!枝竹火腩煲，枝竹軟淋淋入味，火腩都算多! 蠔仔餅好乾，完全無蛋香，得厚厚硬硬既粉漿，蠔仔細粒數量不多! 掛住食南乳燒鱔食食下先記得影相，外層炸時已沾左南乳，送到時一陣南乳香，仲跟左一小碟南乳醬，燒鱔仲要幾新鮮!金銀蛋白菜仔，白菜仔鮮甜唔錯! 最後係海味什菜煲，有魷魚鬚，蝦乾仔，豆腐卜同什菜，魷魚鬚整到剛剛熟，好嫩好味道，湯底唔知係咩，不過配什菜後什菜好似更鮮甜，正!

今晚幾位朋友仔同我都有份出賽 After 5 win bar 9-balls competition 2012，梗係要食飽先上陣啦 ﹗球手們食飽飽就出發到 After 5 作賽喇 ﹗祝大家表現出色 ﹗9-balls competition 2012 ﹗招牌伍仔記冷盤，必食啦 ﹗有苦瓜、生腸、白鱔及齋鮑魚。上次食白鱔腍劈劈，今次終於做出水準來喇，非常脆口彈牙又鮮味 ﹗苦瓜到現時我都只食伍仔記，由細到大我都唔食苦瓜架 ﹗依度既苦瓜甘甜，沒半點苦味，又爽又脆又多汁，越食越想食，好味道 ﹗生腸彈牙嫩滑，齋鮑就大路正常啦。招牌口水雞，肥瘦適中，肉質鮮嫩 ﹗配上炸蒜、辣椒、花椒同吃好香口，味道微辣帶微痲又唔油膩，好味道。果皮蒸泥鯭，食店樓下就係街巿魚檔喇，游上活魚都特別新鮮 ﹗魚味濃、肉質嫩滑勁鮮甜，好食到不得了 ﹗海鮮最緊要新鮮，點煮都好好食 ﹗炸咸豬手，好奇試試啦。食落完完全全係骨膠原，膠口嚥靭，不過唔多食到有肉喎，無咩肉食，味道都唔錯。醬皇一字骨，甜甜地又啖啖肉，正呀 ﹗似京都骨、似了能骨，又似紅燒排骨。魚湯浸菜芯，都係其中一樣招牌菜，但今次點解無湯既，乾爭爭，唔記得左加湯？我夾中條菜芯係凍

第一次幫襯係 2010 年，朋友大力推介，又見食評唔錯，讚多過彈。但試完後，發現呼聲高、雷聲大雨點小，非常失望。又可能因為叫唔啱招牌菜啦，可以比多次機會，遲啲試多一次啦 ~ 後來發現原來老闆係中學同學石同學喎 ﹗估唔到 ﹗咁當然要再去試真啲啦 ﹗實話實說，第二次都算滿意既 ~今晚相約幾位舊同學一齊黎踩場，順道跟多年無見既石同學問好 ﹗伍仔記冷盤，有齋鮑魚、鱔片、生腸同苦瓜，冷盤夠凍，GOOD ﹗起初見到青色一片片唔知咩黎，咁就試試啦，食落都一樣唔知黎架，味道甘甜，爽口鮮味，朋友仔請係苦瓜黎架 ﹗完全無苦味，其實我係由細到大都唔食苦瓜架 ﹗但依度真係處理得好好食喎。生腸好爽口又嫩渦，齌鮑配豉油青芥辣，辣中帶甜又帶咸，好醒胃。唯一比較差既係白鱔片，味淡而且太腍喇。日本芥辣炸墨魚丸配蛋黃沙律醬，見到墨魚丸顏色好似青青地，但我完全食唔到 washibi 味啊，失望呢。外層夠香脆，墨魚丸不彈牙，鮮味亦不足，普通唔難食，但無吸引之處，sorry。口水雞，我最鐘意就係食雞架喇 ﹗我上 openrice 睇過伍仔記口水雞個汁同雞係分開架喎，而且無炸蒜蓉鋪面添，係咪改左烹調方法呢？一黎大啖咬落隻髀度先，

上次係三家姐有不好的經歷, 今次試下伍仔記.炸香辣豬手 – 1客有10多件, 豬手膠質重, 少少辣, 唔錯唔錯., 送啤酒一流 ~~金銀蛋莧菜 – 都係咁上下, 冇乜特別.冰鎮併盤 – 有鮑片 , 苦瓜, 鱔 , 生腸, 鮑片 甜甜地有少許鮑魚味 , 我平時都唔食苦瓜的, 勉強食左3-4條就算, 鱔-有魚味爽爽地好味道 , 生腸夠爽, 可惜冇醃過的, 一定要點豉油至得.

悶悶地，又無咩胃口，搵個朋友食少少野算喇。呼聲高、雷聲大雨點小。朋友推介，又見食評啲評語都係讚多過彈，但試諣之後真係非常失望，又可能因為叫唔啱佢啲招牌菜啦，可以比多一次機會，遲啲試多一次啦 ~ 服務態度未算殷勤，有待改善﹗魚湯浸菜心，似乎係真正地浸出黎架喎，湯同菜都只係微暖，唔熱、連煙都唔煙吓。味通可以啦，菜心都爽口新鮮既。豪無難度既菜式﹗豉椒炒聖子，唉 ....... 好肯定係炒定，一啲鑊氣都無，只係微暖、完全唔熱、少少煙都無，啲芡汁又濃、琼鬼埋、漿住晒，聖子明顯過熟，一啲都唔嫰口鮮甜，一係因要 Keep 住溫度、一係因為翻熱，所以搞成咁，豪無誠意﹗無 Heart﹗粟米魚肚羹，最正常既一味，熱辣辣，份量夠，味道不錯﹗

我們現在無論大小節日都會去伍仔記，除了扺食之外，最緊要係味道好，用料新鮮。連我老爺都話嚟呢度食真係好過去酒樓。好彩我早咗去搵位，大約7點多去到都差唔多full晒。

奶奶同老爺喺大陸拜完山返嚟費事煮飯，叫埋我同老公一齊去伍仔記食飯，其實我哋去咗好多次o架喇! 不過次次都掛住食唔記得影相，今次終於記得喇!