人和荳品廠 (已結業)

每次去鵝頸橋都一定會幫襯哩間豆腐舖！由我細細個食到中學開嘅人和荳品廠！一個人食飯唔知食咩好，哩度嘅炒麵配魚肉豆腐就啱啱好。炒麵一碟$16，係細隻嘅碟上面堆到高一高，配料比平時炒麵多 - 肥肥嘅芽菜同埋厚厚嘅豆皮，因為係專做豆製類產品，豆皮都好濃豆味。另一個招牌就係魚肉豆腐！廚房冇停過手咁煎，一份有四塊，飽滿嘅豆腐配一小塊魚肉，同炒麵一樣$16。令平淡嘅豆腐昇華嘅配料就係我最愛嘅豆瓣醬。少少辣味同蒜頭香令豆腐更加好味。豆瓣醬亦可以加到炒麵一齊食，鍾意嘅話可以一樽樽咁買返屋企。下次唔食正餐，試試佢嘅豆漿同豆腐花再同大家分享

據說呢間店都有d歷史今日終於坐低試下睇下個餐牌，樣樣野都吸引只可惜食飽飯，只可食少少甜野兩人點咗兩碗豆腐花嘩，入口即溶好似食風咁會唔會太滑仲有紅糖，豆腐花嘅好朋友，我食完可能無咗三份一🙈🙈呢到有埋糖水，隨客人喜歡自己加

豆類製品是一種非常有營養價值的食物，而且也可以做出各種不同的食品，尢以豆漿或豆腐花是我的至愛。經常遊逛銅鑼灣都會心思思去人和食碗豆腐花或飲杯豆漿來滿足下自己的心癮，最愛那裏的熱豆腐花，非常嫩滑可口，又唔會太稀。那裏的煎醸豆腐亦吾錯，不過略嫌魚肉少了一點，但每天銷路好好，亦有很多客人外賣回家做餸。間中也會食豆卜炒麵，可以特別order多豆卜，都幾唔錯，有時下午不想吃太多，一碗豆腐花+1個炒麵已經可以當午餐，三十元有找，經濟實惠。

週末打發時間去銅鑼灣，行經鵝頸橋，見到這間人和豆品店，都真是幾多人喔！天乾物燥，最好食下糖水滋潤下~豆腐花最好熱食，口感順滑，有種溫暖暖入心中。這間豆製品仲有豉油炒麵，幾乎每一桌都會點。炒麵裡面仲有豆卜干，豆芽，麵條乾身，有嚼勁，豆卜都不錯。食炒麵一定要落豆芽，麵條乾配上豆芽水潤多汁，最夾最好食！朋友叫咗凍豆漿，我就覺得麻麻，無咩味，始終熱豆漿配油條最好(但是這間無油條噶哈）座位不算多，勝在輪轉快，所以唔洗排隊。環境就是好傳統的卡座，不過墻身有烏鎮小橋流水的風景，幾好睇

傳統豆品食店，已經食左近十年啦～～🙌🏼🙌🏼🙌🏼一入門口就見到伙記煎緊魚肉釀豆腐，望落好吸引😍舖頭係懷舊式裝修，有好幾張卡位。我自己最鍾意佢既原味豆腐花，超嫩超滑，無得頂👍🏼今時今日真係唔容易搵到啲咁高質既豆腐花☺️❤️超級推介🥇遇上天氣凍既時候，我鍾意食佢既薑汁豆腐花，暖下胃，俱下寒氣。佢既薑汁真係好夠薑架🙈唔係個個受得住😛仲有佢既魚肉煎豆腐都係好出名架！！魚肉釀得好好，唔會好易一分為二，而且一樣都係好好味💕

🥛📸#tagnshare連鎖店篇……………………《由細食到大🥛人和荳品專門店》👱🏻‍♀️肥妹由細食到大，多數1個人諗唔到食咩，就會衝入去🏃🏼‍♀️💨💨不過唔知係咪我個人大左，舊魚肉細左，不過豆腐大小無變😂😂豆腐幾香，外脆內軟🤗豆漿都有豆味另外有一間豆品廠，肥妹試左下次再介紹下*..……………………👧🏻肥妹小編.........................👇🏻地址👇🏻人和荳品廠灣仔堅拿道西15號

今日同朋友行銅鑼灣嘅時候，朋友提出去食我哋好鍾意嘅豆腐花，大家不約而同地都話去鵝頸橋間“人和”。一來無咁多人，坐都坐得舒服啲，二來豆腐花感覺大碗過另一間銅鑼灣分店。入到去，例牌叫咗一凍一熱豆腐花($12×2)，再加碟炒麵$16，加埋都只係$40，真係抵食。總結：暫時係我哋係香港食過咁多間覺得最滑嘅豆腐花，炒麵亦都好好食。至於店員嘅服務態度，感覺就一般般，見到佢哋對拉喼嘅遊客就比較差少少，可能店內空間位比較少，而店面環境衛生都算可以。

點解會食呢……其實係去隔離睇完中醫等煲中藥，所以要等一個鐘。四圍行致留意到呢間舖頭。呀！食中藥前要吾好空肚喎，咁要食少少野致得 食碗豆腐花都好喎……下午五點左右嘅時間都吾少人幫襯，地方乾乾淨淨咁。坐低叫咗兩樣野試下……嘩！……好滑呀！好滑呀！好滑呀！重要嘅野要講三次！我叫咗 薑汁豆腐花加碟 釀豆腐。啲薑汁都幾足，好香，食落肚即暖晒！個釀豆腐都正正常常嘅，豆味就吾係好覺，可能我落得多醬汁啦……haha係冇期待下試過又覺得有驚喜喎！

冬天總覺得吃傳統中式甜品較西式甜品合適，因為䁔胃又養顏補身。而人和荳品就是其中一家我喜愛的老字號小店！另一個愛冬天光顧人和荳品的原因是小店冷氣不足、夏天汗水混和油煙總覺得吃得不自在。相比銅鑼灣渣甸街那一家，自覺灣仔店較大，卡位座比較多，較舒適。看看餐牌，多年來價錢合理，尚有多項食品維持十六至二十元，相當抵食！這天在眾多款豆腐花之中選了杏仁豆腐花！ 它是在豆腐花面上，加上一層薄薄杏仁茶/糊。杏仁糊很香滑、完全沒有吃到一丁點攪拌不均勻的粒粒加上豆腐幼滑之餘，每一啖都有黃豆味糖水還可以，沒有偏甜的情況

一直都知有這間舖的存在，但從沒光顧過，今晚約咗人食飯未夠鐘，經過這裡，見到門口的餐牌，望望飲杯豆漿都好喎……我一向鍾意飲椰汁，而椰汁店賣的往往都是冰凍，我有時不想飲太多凍嘢，又，好飲的椰汁不是度度有，見呢間出名的豆品店有：熱椰汁豆漿，於是入去試試……入到去坐下，有點不好意思只叫一杯飲品（早知在門外買便算）便坐下，店員問我熱椰汁豆漿要幾熱，我要了暖暖的，快快飲完便比錢走人。我第一次飲椰汁配豆漿，覺得幾好飲，兩種有益的飲品配合很不錯，淨飲椰汁可能會好飽好漏，但加了豆漿似中和了又不太甜……雖然我只幫襯了12元，但店員都好有禮貌，我最不喜歡白鴿眼，用幫襯咗幾錢去睇人的店舖……

人和荳品廠老字號食店，雖聞其名，但還是第一次光顧。老店裝潢跟中式粥麵店差不多，店子沒多少空間，座位都很擠逼，伙計會催速點餐，亦會極速清理桌面，務求加快人流，也不讓你在店內hea。因為是以豆品馳名，餐牌也沒有花巧菜式，簡單快上的豆漿、豆腐花、豆腐等為主。因為下午茶時間，速點了豆漿(無糖)和釀豆腐，沒有下糖的豆漿，入口細滑，豆味香濃，100%無添加。釀豆腐即點即製，熱騰騰奉上。釀的魚肉比想像中細小，可能避免掩蓋主角—豆腐 吧!豆腐做到軟滑口感，但不會一夾即散，難怪速食之下仍有大量捧場客

香港已經好少此類地道食店，兼係銅鑼灣，豆腐花仲賣十幾蚊，今年已經係2017啦，價錢完全無得投訴。相信店主亦係重視$以外既野先繼續營業，否則其他業務肯定更賺錢。味道都唔差。支持。

lunch time同事提議食飯後豆腐花，由於好耐無食過加上天氣仲有啲涼，梗係應承啦！人和荳品廠顧名思義係食荳品，店內賣嘅嘢就係豆腐，豆花，豆漿之類，好似仲有炒麵之類嘅食物賣。是日叫左熱豆花外賣，可以走糖水。豆花拎到返公司仲熱，個豆花好滑，有糖水都夠甜，唔使加黃糖都夠哂甜。以價錢黎講，呢度一啲都唔平，$12碗，但以質素黎講，$12完全值得。

細細個成日嚟食依間店，主打豆腐食品。難得今日係銅鑼灣行完街有啲攰，就喺度食個小食歇歇腳。舖頭細細，但算多位。座位好狹窄，好彩我隻腳生得短，如果對腳長啲，其實都坐得幾辛苦。我叫咗份魚肉煎豆腐同埋一杯熱豆漿 。由於人流多、回轉多，所以廚房嘅叔叔不停係度煎豆腐。一碟四件，碟野上枱時係熱騰騰。雖然味道不及當年，而魚肉亦相對少咗，但加埋佢特定嘅李x記蒸魚豉油，成份魚肉釀煎豆腐嘅鮮味又出咗黎啊 。杯熱豆漿唔算太甜，幾好飲。

家姐介紹，去左鵝頸橋附近既舊式豆腐花甜品台食糖水。裝修係old style,類似茶餐廳格局。冇期望既情況下，豆腐花(嗌左熱既，原味)令我十分驚喜勁滑呀!!係目前食過最滑既。索價12蚊，抵到爛。最後買左20碗外賣請晒我同事食有好嘢係值得分享~~