京香餃 (福華大廈)

營業中

休息中

餃子係我最鍾意食嘅Comfort Food❤️有種溫暖家庭既感覺今日嚟到呢間餐廳主打手工山東餃子👍🏻 同時仲有唔少京式小菜可以一試🏮 一試果然感受得到味道用心製作🫶🏻係預製菜氾濫嘅年代中難得感受到一份溫度🩷⭐️ 京蔥牛肉水餃 🐮⭐️ 三鮮水餃 ☘️比起港式水餃嘅薄皮唔同山東水餃比較豐富同飽滿🥟食得出手工做嘅麵皮韌性🤍 京蔥牛肉肉汁濃郁爆餡好滋味🥩 三鮮水餃配上蝦肉同韭黃鮮味十足🤩⭐️ 川燒蝦球 🦐蝦球新鮮肉質好爽口🧡 配上川燒醬汁口味不會單調😚辣香麻全集一身味蕾好豐富呢⭐️ 宮保雞丁 🍗酸酸辣辣嘅雞丁充滿鑊氣好岩送飯🌶️ 口感豐富得黎辣度恰到好處🔥⭐️ 山東手撕雞 🐔道地嘅手撕雞充滿香氣帶絲絲既麻油香🧂 配上青瓜開胃又清爽🥒⭐️ 時令高力 🍩高力豆沙炸得鬆軟但唔油膩好講究技巧🥸加上綿密既豆沙餡係我童年既回憶呢🫘⭐️ 自家製山楂茶 🍇⭐️ 自家製鮮磨豆漿 🥛飲品都係自家整嘅好有誠意🥹 豆漿豆味濃郁山楂茶甜度適中好解膩😜

從網上得悉天后有一家餃子店，頗有名氣，今天特來嚐嚐正宗山東風味。餐廳裝修白色主調，簡潔清雅。門前廣告牌有“山東燒羊肉”，非常吸引。“雙拼水餃”水餃是這裏的招牌菜式之一，當然不能錯過。有多種餡料的餃子可供選擇，還可以雙拼。我點了“北京羊肉”和“京香韭菜鮮肉”兩款。餃子大大隻，雖然北方水餃餃皮比較厚身，但餡料豐富而且份量多，用上每日手打新鮮肉，配上韭菜、白菜、蔥等配料，加上調味得宜，在口中爆汁，十分可口。“山東羊肉搶湯麵”一大碗，羊肉片不少，完全無羶味，湯底滲透羊肉精華，是濃濃的羊肉湯，非常滋味。“山東燒羊肉”外皮香脆可口，肉質嫩滑無比，而且由多種香料調味，味道口感豐富，讓人一試難忘。山東名菜，是必食之選👍👍。“山東涼伴海帶絲”山東出產的海帶，淡淡的鹹鮮味，沒有一般海帶的腥味，口感也不錯。“豆沙鍋餅”新鮮即炸，特別脆口，豆沙餡料充足，外脆內軟，令人吃不停口。飲品：自家製“山楂茶”、“豆漿”豆漿用黃豆浸泡一晚再即磨，豆味濃郁清香，是功夫製成品，我一滴也不放過😍😋。山渣茶也用山渣泡成，無添加，夠天然。這裏的食物製作認真，能夠食出廚師的心機，而且真材實料，高性價比👍，约埋朋友下次再來吃其他菜式😋

京香餃, 位於天后清風街, 這一帶系搵食好地方, 有中西食肆多間. 朋友介紹此店 糸山東餃子專門店, 有我們喜歡食的新鮮手製餃子. 食堂左方牆壁, 張貼大幅彩圖佈置, 介紹松子魚, 砂窩雲吞雞, 堂上食客有中外人仕, 右方牆壁, 掛了手繪漫畫, 介紹中華美食.....餃子, 越吃越香.看看餐牌, 原來此店家自製７款不同餡料的水餃, 還有北方小菜:  雞/魚/豬/牛/羊,   也有麵,  飯, 甜品.....開始點菜了, 完全無難度, 飲品我們點山楂茶(熱), 豆漿(凍) 店員察覺我們是新顧客, 她很善意提點:  凍山楂茶, 熱豆漿比較更好.  果然 熱豆漿, 感覺豆味香濃.   凍山楂茶 味道甘甜, 清熱潤喉, 正啊!    多謝介紹.醉雞, 酒味香濃, 伴有杞子. 雞肉嫰滑, 少骨, 酒香濃郁正宗上海風味.山東燒羊肉, 配醬汁, 份量足賣相不錐.  燒羊肉, 外層燒得皮薄香脆, 吾油膩, 已除去羊羶味, 肉質稔滑, 帶少少軟骨.  沾上自製醬汁 , 非常好食, 真糸招牌菜.  生煎鍋貼, 一客４件. 煎得香口, 唔油膩.鍋貼外皮煎至金黃色, 脆口又有點咬口, 內餡豐富, 豬肉伴上韭菜

京香餃以北方餃子作為主打，餃子當然是招牌菜，有數款餃子選擇。西洋菜鮮肉餃10隻都只是$62，餃子大隻飽滿，菜比例較肉為多，比較健康，欣賞他們的餃子皮仍然堅持用人手搓製。小籠包上枱熱辣辣，內邊充滿肉汁。醉雞的皮下脂肪不多，雞皮爽口，雞肉嫩滑，充滿酒香，浸得入味。雪菜肉絲炒年糕大大碟，年糕軟糯，雪菜沒有炒到變黃，仍有爽口感。餐廳另外有多款中菜小炒供應，價錢合理。還要讚一下餐廳的食物熱度十足，每樣食物上枱都是熱辣辣的

今日同朋友去到天后晚飯，解鎖了山東餃子北方味道，每道菜都充滿驚喜，而且仲係街坊價錢。山東手撕雞雞肉爽滑，蒜蓉加芫荽蔥，香氣撲鼻，拌咗爽脆拍青瓜，開胃首選。 三鮮水餃（10隻）山東水餃嘅特色，皮厚有口感，手工擀皮煙韌有麵香，咬開爆出爽甜蝦仁、豬肉同韭黃的汁。鍋貼（4隻）超巨型嘅生煎鍋貼，金黃脆底睇得又食得，大白菜豬肉餡料，肉餡juicy到咬開要小心爆汁。 北京羊肉水餃麵羊肉餃無羶味，配彈牙麵，暖胃又飽足。糖醋魚塊魚塊外皮炸到酥脆，裹滿甜酸醬汁仲保持肉質嫩滑，仲有蕃茄，菠蘿，青椒同洋蔥，好惹味。熱豆漿豆味香濃，暖笠笠完美收尾。

京香餃主打北方麵食，有多款經典嘅滬菜，最特別係佢哋嘅手工餃子，一向都好受街坊喜歡!我今日就同朋友嚟食lunch，叫咗佢哋嘅出名小菜:🍜上海粗炒- 鑊氣足，麵條粗韌有嚼勁，口感吾算油膩，但味道濃郁，好適合重口味嘅朋友!🍜山東羊肉搶湯麵- 羊肉片嫩而不羶，麵吸曬D湯後食更鮮味。最啱冬天食，夠暖身寒冷天首選!🍲砂鍋雲吞雞煲- 驚喜之作！湯底金黃鮮甜，雞肉軟嫩，雲吞皮又薄餡又多!🫓鮮肉小籠包（4隻）- 小籠包皮薄湯汁又多，肉餡扎實，熱辣辣食最正!🥟生煎鍋貼- 鍋貼皮底煎得好脆口又香，肉汁鎖得住，肉餡又足又鮮味!正!呢度嘅小籠包同鍋貼性價比好高，餐廳環境好有住家嘅感覺，人情味濃!最適合家人一齊聚餐!

這間位於天后的【京香餃】，主打傳統的北京餃子，每日用了新鮮的手打豬肉做餡料，餃子皮比較厚，沿用了北方餃子的特色。晚市除了單點外，還有多款套餐供應，價錢貼地且份量十足。京香韭菜鮮肉水餃一咬開水餃爆汁，韭菜味香濃，豬肉餡料新鮮，不會有豬騷味。鮮肉小籠包小籠包又是充滿湯汁，十分鮮味。醉雞雞件皮下脂肪不多，陣陣酒香，十分入味，而且雞肉嫩滑雞皮爽口。蒜炒時菜炒菜心有鑊氣，而且炒至翠綠爽脆。上海粗炒有椰菜、肉絲等配料，粗炒調味剛好，十分爽口。脆炸爆漿紅糖糍粑糍粑外脆內煙韌，中間紅糖流出，甜而不膩。熱豆漿更是必飲，十分香濃。

京香餃主打正宗山東菜，餃子餡料是用新鮮豬肉每日用人手打，因為餃餡包得比較多, 餃子比較大隻, 所以餃皮比較厚，否則煮的時候餃子皮會弄破，這就是正宗山東餃子的特色。餃子固然是京香餃的招牌菜，惹味的中菜小炒亦是拿手小菜。京香韭菜鮮肉水餃：10隻餃子大隻夠份量，用清水煮熟，毋須加湯，餃子饀料以韭菜伴入豬肉，吃起來肉汁豐富有口感，啖啖真材實料。小籠包四隻：外皮包住嘅豬肉饀肉汁豐盈，每一籠小籠包都是現點現蒸，保留了小籠包最應有的新鮮與美味。生煎鍋貼好大隻，鍋貼外皮煎至金黃色, 香脆可口, 豬肉內餡新鮮飽滿，鮮味十足。即炸豬扒擔擔麵：豬扒炸至金黃色，香脆有口感，擔擔麵的湯底十分香濃，淡淡的花生香再加上點點的辣油，吃上去十分惹味！麵條同樣爽滑彈牙。上海粗炒是一道經典上海家常菜，以粗麵、豬肉、蔬菜等食材炒制而成。粗麵口感彈牙，豬肉鮮嫩，蔬菜清脆，搭配醬油、蠔油等調味料調味，風味濃郁，讓人回味無窮！時令高力豆沙的豆沙口感軟滑，綿密香甜。豆沙鍋餅色澤金黃、外脆內軟、甜而不膩。鮮磨豆漿熱：每日新鮮現磨，豆味香濃，甜度啱啱好。熱鴛鴦味道香濃，入口順滑。

星期五既夜晚黎到天后覓食，發現呢間餐廳坐無虛席，坐低見到好多一家大細，扶老攜幼黎食飯，好溫馨既一間館子！🥰價錢好相宜，份量亦比預期中大份好多，好岩夜晚想食清清地又想慳錢既過黎食！🥟水餃叫左雙拼水餃，分別係北京羊肉水餃同山東白菜豬肉水餃。兩款都係標準既山東餃子，大大粒皮又豐滿，帶有麵粉香。餃子同廣東人食開個種薄皮大餡差好遠。我個人就唔太欣賞好似麵包咁厚身既皮🫣，但朋友仔鍾意佢夠煙韌口感一流！羊肉餃好爆汁，用上大蒜同京蔥，辟走羊蔥味同令鮮味更特出。白菜豬肉水餃都唔錯，菜肉比例平均，無臭豬味，再加上爽脆既白菜，已經好有咬口。兩款既餡料都好豐富，又有預先用醬油調味，食既時候唔洗點醋已經好夠味！🥢蔥爆牛肉感覺似係屋企會炒到出黎，鑊氣無一般中菜館咁猛烈，不過味道都可以接受！牛肉先用鬆肉粉醃過，再同洋蔥京蔥一齊爆香，牛肉沾滿蔥既香氣，餸飯一流。不得不提洋蔥炒得好脆口好惹味，忍唔住係咁食🧅🥢火腿炒津白津白係冬天當造既蔬菜，所以決定嗌合時既食材！好大碟好多津白🫶🏻津白味道清甜，帶少少甘味，再加上中華火腿一齊炒，鹹鮮既火腿配埋津白令人回憶起家的感覺！📍京香餃 天后清風街2號福華大廈地下A號舖

就好似標題所指，今日來到天后試呢間京香餃，本來睇到好多剪紙又話好食又話驚喜，與朋友試了九菜拼白菜，及白菜拼京香牛肉。咬了一口，係多肉汁既，但餡料肉同菜比例，係肉佔9成半，菜只得半成，食10隻覺得自己食了一個完整肉餅既份量，而皮就好厚，厚到要咬開唔食。另外叫了醉雞，味道過淡，比較好吃係糍粑。今餐頗為失望。

-當天想要吃餃子，於是決定前往附近這一家餐廳-當天點了幾道菜，其中包括：水餃、擔擔麵。-擔擔麵：最快上桌的菜。湯過於水，沒有一般擔擔麵為杰，味道也不夠辣，表現不出擔擔麵說要有的香，因此將希望寄託在水餃上。-水餃：當水餃端上桌後，外觀已經無法理喻，猶如是小籠包一樣。一口咬下，餃子皮厚如防彈衣，而餃子裡面也缺乏肉汁，大失所望。-另外還有點雞絲涼麵，但是都是一般餐廳水準之下，雞絲涼麵太乾以及不夠醬汁導致麵缺少味道。-總括而言，這家餐廳不值得一吃。

中午食得太飽，晚餐想食少啲， 就揀咗藜呢度食碗雪菜肉絲麵， honey就點咗豉椒肉片菜飯。 坐低就有店員送上熱茶， 雪菜面同菜飯都好快送到，雪菜面好大碗， 雪菜同肉絲都多， 而且好熱， 加啲香醋提鮮，都幾好味，而且價錢好平， 只係50蚊一碗，仲唔使加一 ，雪菜好香，肉絲就冇乜味， 麵湯的調味偏淡，感覺幾健康 。 豉椒肉片飯都好香口， 但菜飯唔夠熱， 希望可以改善下。 餐廳的牆上掛滿畫， 原來呢度係餃子出名，有唔同餡料嘅餃子， 見到隔離枱啲餃子好大隻， 都幾吸引 ，下次一定要試下。

啲餃爆汁，真係超級好食五星評價就一百分：Evaluation gives five-star ratings ©️ Friendly:友善★★★★☆©️Service:服務★★★★☆©️Quality:品質★★★★★©️Feeling:感覺★★★★★好食要讚賞

做完運動又唔想食甘多野近近地去附近食個簡單晚餐算😛呢間小店無咩特別裝修但好有家庭式feel😌(っ◔◡◔)っ ♥ 京香韭菜鮮肉水餃♥店家推介之一餃子係即叫即煮睇落去平平無奇但每一粒餃子都好飽滿起初諗住試一粒無點醋嘅但發現唔點醋仲好味韭菜味好香，而且好嫩口如果平時想簡單食一餐，不妨考慮呢間小店😉

記得中學嘅時候成日去食呢間京香餃，本店而家已經搬咗去西環，唔啱發現原來天后都開咗分店。同店員傾開，先知原來呢間係老闆個女開嘅。裝修風格都比本店新穎，牆上面掛住好多幅關於餃子嘅畫。今次叫番我平時最鍾意食嘅羊肉搶湯麵。食落味道大致上本店嘅出品差不多，湯底濃郁，有好香嘅羊肉味，但就冇羊騷味，如果鍾意食羊騷味嘅朋友就唔係好啱你啦。羊肉份量都唔少，紹菜亦都好鮮甜，拉麵比較稔，但同湯底好夾。衞生方面，枱面間中有啲好細隻嘅飛蟲，希望店家多多留意同改善。