影片
營業時間
今日營業
06:30 - 23:30
星期一至日
06:30 - 23:30
以上資料只供參考, 請與餐廳確認詳情
紅油抄手用上厚皮菜肉餃，只有辣油冇醬油，不知所謂。芋角味淡唔香。肉餅全瘦零口感。其他正常OK。服務態度唔好，有個亞姐完全趕客mode，粗聲粗氣，全場大把吉枱都逼人搭枱！只此一次，唔會再幫襯。
繼續閱讀
8點去到坐底碗都未洗已經係咁催我地叫野食，咁好啦，4個人叫住每人2隻大閘蟹同片皮鴨食住先，頭一兩round大閘蟹都無問題，個片皮鴨去到第二round已經話無哂啲皮，8點30過啲咋喎！咁算，叫左糯米飯，硬到好似泥膠咁，個火鴨生菜包，4個人夠膽死比3塊生菜比我哋。大閘蟹去到第三四round直頭蒸都蒸唔熟，返蒸左一次都係，再叫佢蒸話廚房收哂工蒸唔到？9點咋喎師兄，一早叫左湯同個啲甜點又未到，送既鮑魚同鴨掌好難食。無野好講，請都唔會再去！
繼續閱讀
諗住開開心心食個大閘蟹放題，結果受到極差態度對待。常見嘅茶樓問題…上漏餸，明明我哋嚟先，嗌同一碟片皮鴨，點知人哋快過我哋，咁咪同職員講我哋碟片皮鴨未到，個職員：「👉🏻👉🏻前面片緊啦，到架啦。」，咁都講返我哋嚟先但未到。隔咗陣..片皮鴨嚟啦，頂，一嚟到第二個負責片隻鴨嗰呀姐：「片都要時間架」….瞬間…躁咗，我：「唔係時間問題，係人哋遲過我哋嚟但係上咗先」。呀姐：「講咗一大堆嘢，最黑人憎嗰句係：邊有分先後」。即刻無哂胃口。食物質素：叫咗六隻蟹已經有一隻壞，仲要勁細隻，目測得3兩，無得揀公乸，無咩膏，埋單每人500幾….呢個價錢絕對有更多好嘅餐廳可選擇另外，酒樓係叫完蟹之後提供味極醬油？真心第一次見…好奇怪姜茶係無姜味..真試伏，想試伏可以試下。
繼續閱讀
琴晚食完$888四位嘅蛇羹羊腩煲套餐，瀨哂嘢！18:30落單，20:00堅持唔未有嘢上枱，蛇羹變魚肉碗仔翅，一條蛇肉都揾唔到，嚴格嚟講係少料嘅芡水，當刻想裝一碗去公證行驗明正身，冇乳鴿唔通知聲咗貴妃雞，而個煲仔飯其實係臘味蒸飯，蠔 & 魚係標準 。
繼續閱讀
每年到呢個時候都必須要食一次大閘蟹先滿足，所以今次就左黎呢度食大閘蟹放題坐低望到張落單紙，係有些少失望，選擇真係有D少我同自己講今日重點係食蟹，其他野只係配菜落完頭單隔左陣上左碟鮑魚鵝掌鮑魚似係包裝貨，一般般鵝掌炆得唔夠淋都係一般般跟住就係蛇羹，放題黎講都算合格，始終唔能夠同D 乜乜蛇王比【個人見議加些少川芎落去，成本唔係貴，但係成件事絕對有所昇華】片皮鴨有油香，肉質一D都唔鞋，唔錯皮方面用春卷皮正常既，收你幾舊水任食唔通俾荷葉餅你咩，明既重點大閘蟹當日全部蟹乸，正可能咁岩咁好彩，如果其他人去食唔係蟹乸唔好話我我地3個人最終食左90隻，個量有D大，中間有幾隻死蟹，唔係問題實屬正常，而且一開一望就知蟹品質唔差，放題黎講我俾80分冇滿分既原因係，3款蟹真係冇乜分別，花雕蟹完全冇花雕味，油鹽焗流於表面，個穀咸咸地之外同清蒸冇分別花雕會唔會考慮做成凍蟹呢?蒸完再用上湯花雕浸，保存時間可以比較長，花雕都會更入味更香需要食譜可以問我攞，做左10幾年總廚有我自己既秘製方法食到尾我叫左個湯，我有D後悔，後悔咁遲先叫，已經飽飽地只係飲得一碗個湯真心唔錯糕點方面就一般般啦，桂花糕都可以，椰汁紅豆椰汁唔夠，紅棗糕同薑汁糕唔太OK總結︰選擇比較少，但如果你係只為食大閘蟹，呢度值得你一食，如果你鐘意多選擇咩都試下，咁就去第二間啦最後感想︰我覺得應該加D青菜，上湯又得白灼都得，同埋生果，可以解一解膩，我相信好多人會叫，客人選擇多D，食小D蟹，又幫到你地慳FOODCOST
繼續閱讀
您可能會有興趣的...