京都大酒樓

得知屋企附近「京都大酒樓」推出了一蚊菜式做招來, 趁住颱風假就同丫媽去酒樓食個晚飯。酒樓環境開揚, 座位唔算好迫。酒樓除了推出「一蚊」自選菜式, 仲有海鮮套餐同埋各款小炒。【脆皮飛天雞】HK$1原本對一蚊貨式不抱期望, 估唔到竟然係全晚最驚喜嘅一個菜式! 原燒隻雞棟篤企已經非常吸晴, 酒樓提供手套自行撕出肉食。燒雞燒至金黃帶點油光, 雞皮酥脆, 撕開雞肉, 豐富肉汁、黃油𣊬間傾瀉, 絕對可以用肉嫩多汁去形容! 雖然細隻, 不過都幾厚肉, 兩個人share食, 定必滿足。【上湯西澳龍蝦伊面】HK$328原隻開邊龍蝦盡顯份量, 上湯茨汁鮮甜美味, 伊面份量多, 盡吸湯汁精華, 不過龍蝦肉質偏林, 唔係爽彈果種口感。【豉油王煎焗海生蝦】HK$108（例）海蝦表面平均有鹹甜豉油汁醬包住, 部份蝦肉質爽彈, 配上汁醬一齊食, 鹹甜惹味。酒樓仲有好幾款中式甜品供選擇, 味道唔錯, 唔會太甜。【桂花糕】HK$28味道清甜, 散發淡淡桂花清新香氣。【椰汁紅豆糕】HK$28椰汁味突出, 夾集嘅紅豆口感綿密。…查看更多

看到「京都大酒樓」晚飯有三款$1優惠任楝，又有$238美味海鮮組合，就吸引我們開飯啦！脆皮飛天雞$1~我的剪刀徐徐而下，雞皮隨即發出咯咯的脆響聲，肉汁、黃油如瀑布般傾瀉，香氣衝擊整個空間，實在很難抵擋誘惑的美味，飛天雞是雞項仔，雖然細細隻，但勝在肉質嫩滑。美味海鮮組合：金銀蒜粉絲蒸元貝~元貝鮮甜爽口，金銀蒜粉絲是錦上添花，粉絲吸收蒜香和元貝鮮甜，宛若妺仔變小姐。豉椒炒蟶子~豉椒味道是不錯，但蟶子炒得略為過火少許，不夠嫩滑，所以不能夠滿分！椒鹽鮮魷球~香口惹味、外脆內軟，是很受歡迎的小菜。蝦子乾燒伊麵~份量頗多，味道挺好不油膩。自家豆腐花~滑滑捋捋的豆腐花，營養豐富又有清熱、潤燥的功效，是免費奉客甜品，很正！人均消費$198，好食又抵食啦！…查看更多

黃大仙嘅京都大酒樓主打港式海鮮、酒家菜，最近仲有超抵優惠，最啱食海鮮同飲下啤。今日就同爸爸嚟食個晚飯。海鮮自選組合 $238 性價比超高！ - 清蒸花尾斑仔：魚肉滑溜、鮮甜無泥味，蒸得啱啱好，保留原汁原味，豉油提鮮，肉質細嫩。 - 豉椒炒聖子（4隻）：聖子大隻爽口，豉椒味香濃惹味，炒得夠鑊氣，完全唔腥，啖啖鮮甜。飛天雞 $1（特優） 限量優惠只需$1！飛天雞皮脆肉嫩，雞味香濃，燒得外脆內多汁，送啤酒一流，必點之選！海鮮雜菜粉絲煲 多款海鮮同時令雜菜同菌菇，粉絲一齊燜煮，粉絲吸晒海鮮精華，口感滑溜，蝦，魷魚等都新鮮彈牙，配埋雜菜非常惹味暖胃。大閘蟹 時令限定，大閘蟹蒸起原汁原味，蟹肉鮮甜。藍妹啤酒 冰凍清爽，配海鮮同飛天雞最啱！…查看更多

📍京都大酒樓😍黃大仙高質素酒家👍🏻～加拿大龍蝦配上湯伊麵😍好耐冇食過咁正嘅龍蝦❤️非常大隻多肉之餘🤪仲要勁新鮮😘伊麵都超大份😘上湯整得好好👍🏻～清蒸花尾斑仔❤️新鮮又香滑嘅斑😛肉質細嫩😘都算幾大條👍🏻蒸魚豉油亦都調配得好好😎～蒜蓉粉絲蒸元貝😍四大隻元貝😛新鮮爽口😘配上蒜蓉粉絲食味道一流啊👍🏻～1蚊飛天雞😍竟然一蚊就食到一隻雞❤️仲要勁高質😘外皮酥脆🤪內裏肉質嫩滑😍生熟程度啱啱好👍🏻～嘢食高質❤️店員服務態度好😘環境闊落企理😎下次一定再嚟食呀👍🏻📍京都大酒樓 (黃大仙)黃大仙龍翔道110號豪苑商場2樓1A-B號舖…查看更多

京都大酒樓（黃大仙）京都大酒樓位於黃大仙，入面環境幾舒服，燈光唔會太刺眼，仲有一啲優雅嘅裝潢。服務員都好有禮貌，幫你點餐時會主動建議，好貼心。涼瓜鮮斑頭腩煲 $128涼瓜斑頭腩煲好惹味！涼瓜切得薄薄地，咬落去超爽脆。鮮斑頭腩新鮮，肉質滑嫩。醬汁濃郁，鮮味十足，真係可以配多碗白飯，食到停唔到口！蒜蓉蒸開邊本灣龍蝦（半隻）($76)半隻龍蝦無得輸，好新鮮，蒸得啱啱好，肉質超鮮甜彈牙。開邊設計一眼就見到肥美嘅肉，淋上特製醬油，味道一流。蛇羹 $68蛇羹湯底濃郁，味道香醇。蛇肉肉質滑嫩，冇咩腥味，反而有一種獨特嘅鮮味。羹入面仲有多種配料，例如冬菇、瑤柱，增添咗口感同味道。湯底用咗多種藥材熬製，好滋補。海鮮自選組合 $238呢個海鮮組合幾抵，選擇多。 C豉汁汁蒸大鱔：大鱔肉質超鮮，肉質彈牙又滑，豉汁味香，調味非常好。 D蒜容粉絲蒸元貝（4隻）：元貝大大粒，肉質鮮甜彈牙。蒜香粉絲搭埋好味，多左一種香氣。白飯 $16白飯米粒分明，搭埋啲好味嘅餸，真係無得輸。…查看更多