京都一の傳

一個月前系尖沙咀京都一の傳我同我老公分別食左個特上海膽金槍魚蓉刺身飯定食同三文魚親子刺身飯定食太好食，念念不忘於是今日早早訂好枱，點知道去到原來改左餐牌😭已經取消曬，其他定食亦都加價大約20%-25%價錢相當貴。吉列和牛定食（HKD 428）：和牛質素相當高，牛肉脂肪分布均衡，外脆內嫩，非常唔錯。吉列豚肉定食（HKD 258）：豬扒炸的好脆，但系食兩舊就已經好膩，味道都好好，只不過咁價錢相對比較普通。特上刺身定食（HKD 438）：各款刺身都新鮮鮮甜，但系無咩變樣特別出眾，比較普通，相對來講唔太抵食。Kids Menu（HKD 118）：兒童餐只有一款，帶小朋友一定要食，兩個三文魚飯團，有Ｄ腥，我女唔食，就系食左兩件蛋同兩粒章魚小丸子，呢個兒童餐真系相當唔值。整體上食物質數都OK，但系唔抵食，不過我有Coupon減400，價錢都可以接受。

如題， 用coupon必食， 特別係你coupon唔多， 可能 兩張， 咁呢間就岩你。我係lunch一個人去， 竟然都係等， 不過都等左around20分鐘到就有位。講番食物先因為得一張coupon, 所以就冇叫到和牛同刺身定食，最後叫左個銀雪魚定食。我記得上年食銀雪魚定食都有三舊刺身，但今年竟然得番d魚仔同蔡葵，差咁遠既，即刻有d失望。前菜食左佢d沙律同個茶碗蒸， 茶碗蒸都唔差， 正常水準。 仲有d魚仔同蔡葵， 都幾好食， 但當然唔會夠刺身好食囉。之後就真係食個銀雪魚， 又有驚喜幾好食喎， 煎到條魚好香，條魚又好有味，好中意食，另外都煎到魚皮好脆， 同魚肉之間果層脂肪一齊食真係好正，好香。 條魚一定要趁熱食， 凍左就冇咁好食。埋單好似二百到，都抵，不過不失啦。仍然會棒場。

第一次食， 第一個印象， 員工好有禮貌， 老實建議份量（提示你加大食物）吉烈A4和牛（加大）： 肉質鮮嫩， 多汁， 但凍左； 如果學出面有熱石上碟， 會更好A4和牛鍋： 鰹魚湯底好鮮甜，店員會好細心幫你落d 野菜和配料， 留返和牛你自己落。。 佢建議滾30秒， 更我地試左， 攤開黎落， 15秒就夠熟和滑， 和牛無根好肥美， 好食小船壽司： 吞拿魚腩： 多油， 入口即溶牡丹蝦+海膽： 海膽份量很多， 亦新鮮甜品：紅豆抺茶雪糕批： 紅豆好食，唔係死甜， 而且抺茶雪糕似Haagendgz 但再澀d, 好味

⚠️警世⚠️如果無coupon/任何折扣 ，呢間餐廳🍴請敬而遠之🤣-佢嘅性價比絕對低，但勝在用料新鮮，賣相服務亦對板，只係份量少、價錢又進取，最可惜係wine list d 酒好行貨，普通料收你三、四倍價錢，有啲水魚感覺。-講返嘢食😎🔸鹿兒島A5和牛涮涮鍋(~$450)🔺追加烏冬一個（ $38 ）有專人幫你擺啲蔬菜落個煲，算唔算加分見仁見智，蔬菜🥬鮮甜，每樣大約4件，牛肉有6片，真係食得出係高級牛肉🥩，油花靚、油脂豐富，香氣撲鼻，一人三片少少唔夠喉。🔸海膽小船壽司（ $258 ）上枱嗰陣呆咗🤯比想像中細好多，不過紫菜勁脆、海膽好新鮮，又creamy,嚿飯🍙嘅醋比例都做得好，算係咁啦🫂(淚🥲）🔸日式炸雞（$108）呢個竟然最抵食，都有6至7件，大大件，外脆內軟，皮藝多肉汁，面頭嘅蔥同紫蘇葉加咗酸酸甜甜嘅醬汁，中和炸雞嘅肥膩。🔸suntory premium生啤（ $50）冇乜特別，勝在夠凍。

餐廳於日本京都已有 91 年歷史，是日本西京燒市場銷量最高的老店，餐廳裝潢有日本特色，環境氣氛很好，座位舒適，適合約會或多人聚會🤗價錢偏中至高，份量足夠飽，食物質素偏低 較失望，人均消費$400以上，性價比低☹️☹️溫馨提示：晚上較多人，請提早預約🙆🏻‍♀️💖═ ═ ═ ═ ═ ═ ═ ═京都一の傳 Kyoto Ichinoden📍 九龍尖沙咀廣東道5號海港城海洋中心4樓402號舖📍 Shop 402, 4/F, Ocean Centre, 5 Canton Road, Tsim Sha Tsui, Kowloon═ ═ ═ ═ ═ ═ ═ ═💖💖💖食評💖💖💖🐠特上海膽蔥吞拿魚蓉刺身飯 ($388)✨推薦！飯粒圓渾 夠味，配上嫩滑的魚蓉同海膽一流，味道剛好，好吃！😋👍🏻🐟蒲燒鰻魚 Grilled Eel in KABAYAKI Style ($128)✨鰻魚較薄身同乾身，多細骨，醬汁好味🐮和牛飯團 ($108)✨不推薦，很普通，味道很淡👎🏻🥩鹽燒厚切牛舌 Salt-Grilled Ox Tongue ($78)✨味道不錯，肉質不錯，但偏韌🍳出汁蛋卷 Japanese Style Omett

吃過晚飯，意猶未盡，藉著年中清假特意走來吃午餐，因為套餐價比較相宜，而且在 OpenRice 訂座更有8折優惠。  熊本A4和牛丼贅沢御膳 $298這一份定食，可以一次過嚐到熊本A4和牛及鱈魚西京燒兩款名物，只不過是$298，相比我早前晚市散點吃省一半。 日本定食總是整整齊齊，大碟小碟的，看到已經感到豐富，垂涎欲滴！視線自然先向和牛看，粉嫩色澤沾上醬油，矚目的生雞蛋，配合芝麻、紫菜及青蔥。 估得到的香嫩，極度柔軟的和牛肉片入口軟棉棉，味蕾多麼滿意！ 藏味噌漬．銀鱈魚散點一份$258，現在份量也許不到一半，但調味相同，正好淺嚐，而且散點沒有配上米飯。 蟹肉生菜配上酸汁，健康稱職的開胃沙律。 刺身兩款四片不過不失。 玉子燒香滑味甜，我喜歡。 還有一個豆沙大福餅。   吉列黑豚定食 $208同伴的選擇是吉列黑豚定食，配菜有別但同樣豐富，包括前菜、湯、燉蛋、生蛋、秋葵粒及甜點。黑豚肉酥香軟嫩對比明顯，脆而不膩，肉質肥美，取價$208物有所值。 增送蛋卷甜點，忌廉幼滑，內藏水果，好吃。 室內佈置簡約溫馨，正是日式風格。 

話說因為有海港城美食券，所以決定試吓呢間名店😄以往路經總會見到大排長龍，估計應該都係好食嘅舖頭，至可以吸引咁多人願意花時間排隊😅星期四晚上約7點半，無需等位即可入座😄都算好彩🤔呢間舖頭係完全冇任何套餐，只可以按餐牌上單點，因為份量相對少，所以價錢都有啲貴😅雖然價錢相對貴，但係質素亦都非常好，所以成日都話食好西係要付出代價嘅，而今次用埋美食券，真心覺得非常抵😂齋睇啲用具，都覺得賞心悅目燒海膽年糕（$88）海膽鮮甜好味，不過年糕燒完有啲硬😅熊本A4和牛鹽燒（$348）侍應建議3成熟，生生地反而食到好香嘅牛肉味，而且配合傍邊嗰啲唔同嘅醬料，有唔同嘅香味，值得試👍🏻👍🏻👍🏻藏味噌漬．銀鱈魚（$258）呢個又係必食推介，西京燒銀鱈魚由香葉包住，魚吸收左香葉嘅味道，去除油膩感覺，加上銀鱈魚口感嫩滑，真係會食唔停口，一定要食.藏味噌漬．豚肉（$138）就係因為呢個香葉包住可以帶出嘅好香味，最後加左呢個豚肉，豚肉經過燒烤將多餘嘅有分迫咗出嚟，而香葉亦都吸左啲油膩，所以整體係好好食😋

第一次點餐（一人份）全部都好差塊鱈魚$168/2，嚡十十⋯我整得好食過佢拖羅容海膽壽司$188/6，海膽又唔新鮮，拖羅鼻屎咁大嚿螢光魷魚$68特價，件件都勁多渣，吐多過吞

每一樣都令人失望，有coupon去食都覺得唔值嗰個價錢1. 海膽金䱽魚蓉飯 388 魚肉賣相好似塊肉餅咁，中間一大塊冰，三百幾蚊未融雪，換過第二碗都仲係有雪，啲魚仲要有腥味，可以食嘅只係得海膽2. 鹽燒A4和牛 428舊牛本身冇問題，但上到枱已經凍哂，食和牛最忌係凍嘅，完全食唔到牛脂香味，寧願比平啲去食燒肉檔3. 海膽年糕 88紫菜同年糕嘅組合非常奇怪，本身係咸嘅，燒過嘅年糕仲要有苦味，相當突出，但海膽係可以食嘅，我哋淨係食咗件海膽4. 出汁鰻魚蛋卷 7899.99%似蛋皮包著蒸水蛋，鰻魚冇咩突出嘅地方有少少腥，我不如喺屋企自己蒸水蛋好過overall ,對間嘢期望太大，點知超級伏，連元氣都比唔上

中午接完女放學，唔知道食乜好，搵到幾張海港城100蚊Coupon，我老公突然話想食之前去日本金倉魚海膽飯，立刻上Openrice搵到京都一の傳，中午食飯時間我地又無訂位，開始話要等45分鐘，最後15分鐘就有位啦。我地一家3口本來打算叫2個定食，原來要計人頭，小朋友都要叫一份定食，最後我老公要特上海膽金倉魚蓉刺身飯定食388，相比日本感覺上海膽少左Ｄ，其他份量差唔多魚一Ｄ都唔腥，海膽品質高，對得起個價錢。我要左一個三文魚親子刺身飯定食198，我個人好怕腥唔中意食魚，個三文魚一Ｄ都唔腥，魚子我女好鐘意基本上她是曬，我女要左個兒童餐98，兒童餐只有一種無其他選擇。兒童餐系炸雞，不過不失，無咩特別。買單774蚊再減300 Coupon最後474蚊感覺上好低。

用海港城coupon去京都食lunch，真係好抵～想唔駛排隊的話，就可以好似我地咁1點45先去食啦！雜錦天婦羅定食定食有前菜，茶碗蒸，漬物，沙律，麵豉湯，淨係食哂呢幾樣野都已經飽左一大半天婦羅有魚，蝦，蕃薯，茄子，南瓜，全部都炸得好好食，尤其係個魚，真係無得輸A4和牛壽喜燒定食和牛又香又滑，睇落以為會好生，但個鍋真係夠哂熱，一陣啲牛就熟哂，配上生蛋一齊食，真係好正不過要提一提，唔知點解啲沙律菜雖然新鮮但係好苦，希望下次去食個陣唔會咁啦！

補寫食評用餐日期：2022年2月6日 星期日壬寅虎年大年初六：SundayFamily day 活動：買手機網上訂貨，到海港城提貨，手機搬資料需時約２小時，找個地方吃午餐，邊吃邊等，我姊建議吃日本料理，舉手贊成！Walk in Ichinoden，點了４份定食：#特上天婦羅丼定食：我吃這個，豐富：大蝦、海鰻、南瓜、蕃薯、茄子、冬菇、天婦羅蛋 (這個是驚喜！)，滿足！#藏味噌漬銀鱈魚定食：媽媽吃這個，銀鱈魚小小１塊，是４個定食定價最高但份量最少的。#吉列黑豚定食：厚切黑豚，外脆內嫩，好味！#角切雜錦刺身飯定食：賣相一般，味道不錯！

呢間餐廳食咗兩次😋第一次係有海港城嘅購物券咁就諗住平日搵間餐廳食晚飯冇咁多人就揀咗呢間佢喺無印良品嗰一層 有戶外座位 我哋揀咗坐裏面有一種小店嘅感覺前菜係一個三文魚子海膽杯外型真係好靚好啱影相😍裏面有少少番薯蓉甜甜地撈埋一齊食估唔到都幾夾！呢個真係推薦大家試吓炸豬扒個皮炸得唔錯 內裏肉質有少少老 不過都可以接受 和牛涮涮鍋同牛肉火山燒都有試過 我會推薦前者肉質好味好多 煮完啲雜菜個湯都好鮮甜煮烏冬都好食㗎！

比舖面既和風日式🎎🎏裝修吸引左去試好貼心♥️有提供一次性發大既厚身濕紙巾職員都好留意跟進客人既需要～🎎海膽葱吞拿魚飯$358比較淡味，海膽同吞拿魚都唔太出味，吞拿魚無油香味。呢個價錢失望😕🎎燒海膽年糕$88 4件海膽正常，味道都係有點偏淡。個人覺得海膽同燒年糕唔夾，年糕因為燒過有少少焦味，食落麻麻地🎎鰻魚出汁蛋卷 $88 6件唔錯👍有蛋香味🥚熱辣辣食，咬落去有鰻魚汁流出黎🎎汁燒日本魷魚🦑$158燒汁味比較淡，魷魚大隻既，但口感唔係好新鮮彈牙🎎軟殼蟹天婦羅配辣味他他醬🦀$118無軟殼蟹既香味，而且有d細隻。個醬唔辣，味道幾好❣總括黎講，呢間舖既食物我同朋友都覺得係比較淡味。味道都普通，唔出色😛有d失望，價錢貴，但食物質素不相乎呢d價錢可以有更多選擇❗ 而且menu好多壽司都停售，選擇好少😅

之前食過依間的午餐覺得都仲算不錯，2/3百蚊就有一個定食，見到咁靚咁多野食其實真心覺得還不錯諗住同屋企人星期六好好食餐晚餐，入到去人客不算太多，環境都舒適。 但對食物方面就十分失望打開menu 絕大多數的飯類面類都貼住「暫時不提供」，一心入嚟諗住同屋企人試下和牛同煎銀鱈魚，見到價錢同lunch set一樣，但原來係單點嘅價錢，姐係同lunch set一樣價但晚餐你淨係得條魚食 當你食過lunch知咩價同有咩野食你就唔會叫得落佢晚餐嘅價錢。 唔緊要，晚餐當然係會貴啲，我接受。我地諗住叫個和牛涮涮鍋，見相有前菜又有飯，$4百幾蚊我覺得都值吖。點知再問下侍應先知$4百幾蚊都係唔跟飯，飯要另加$38屋企老人家冇啖飯唔得，咁我地見成日食飯咪加個$38烏冬。。。一嚟到我真係笑咗出聲，價錢$38嘅烏冬只有普通飯碗的一半。我地覺得你咁大間鋪又整到高高級級咁，點解要做到咁肉酸我唔係唔肯比貴啲食，但$4百幾蚊飯都冇碗都算，我加錢要個烏冬，你比得半碗飯碗嘅份量，其實真係好醜我地想叫多個魚生飯又話賣哂冇飯，我知你高級餐廳可以用海港城coupon已經係大恩大德，但做到咁真係唔會再有回頭客。 就連坐低果杯熱茶都冇