京都一の傳

聖誕節前夕 同朋友諗住去海港城血拼 行之前梗係搵個地方醫醫肚先😋最後揀左呢間 我記得我幾年前食過 但佢出名係西京燒 正正常常既但朋友今次竟然推介佢既壽喜燒咁我地最後叫左 壽喜燒鍋定食 同埋吉列黑豚定食首先上菜係壽喜燒定食。成個set 好豐富 有兩碟前菜 一碟漬物 茶碗蒸 佢兩塊牛肉已經預先煮好放係鍋裡面 望落去半生熟 配有生雞蛋 相比起日山 搵人係你面前煮 煮完即刻食。（雖然食過日山真心冇想像同YouTuber 推介咁好食） 所以個刻心諗肯定冇咁好食啦但放入口之後 我推返我既諗法。 佢牛肉肉質柔軟重牛味 厚薄適中 （有d餐廳牛肉勁薄 食完好似食左陣風咁） 點完生雞蛋食。簡直冇得輸真心 lunch set 呢個價錢 係日山lunch set 既一半（開始覺得 日山貴左個一倍價錢係用黎出人工😝 你去過就知我講咩）唔講個吉列豚定食啦。因為我相信同好多出面專門食吉列既日式餐廳質素一樣 唔食都冇咩損失既

🇯🇵 海港城 Shabu Shabu 🍲當日週末去海港城行街，行到攰想去附近食嘢，求其揀咗呢間日本餐廳試吓。但無book位，要坐出面，建議想食既話都係預先訂定位好啲。✨山岸特製 黃金出汁鹿兒島和牛涮涮鍋 🐮🥩🍲 $428和牛肉味濃，天氣凍冰冰，烚吓烚吓即刻暖笠笠。☺️✨ 季節鮮魚 🐟 $188呢個係和牛涮涮鍋追加的，侍應話可以當刺身同烚落涮涮鍋度食，我鍾意熟食多啲，比較鮮甜。✨ 燒鰻魚串 🐟🍢🍻鰻魚上面加左啲海鹽、燒得幾香口。🏠 京都一の傳📍 尖沙咀廣東道5號海港城海洋中心4樓402號舖☎️ 31014981

呢日約咗好耐冇見嘅同學仔食飯，佢話想食日本嘢，所以我哋就book咗京都，我哋大約中午一點準時到。同學仔叫咗個雜錦刺身茶漬丼定食套餐而我就叫咗個藏味噌漬銀鱈魚定食套餐。首先有一個前菜，味道正正常常一般啦。雜錦刺身定食，同學仔話魚生好新鮮，食完仲可以加茶泡飯，茶碗漬味道都唔錯。我嗰款係味噌銀鱈魚定食套餐，銀鱈魚味道又香又滑，配上飯好開胃我最喜歡就係個蟹肉茶碗蒸，有好濃郁蟹肉味配上香滑蒸蛋超級美味。最後仲有一個甜品，味道煙靭香甜，好食食完真係好滿足。

京都一の傳🎎🎏🐣有日約咗個朋友仔諗住揾間有feel嘅日本餐廳坐低，傾吓計食吓好西，搵搵下就發現咗呢一間日本餐廳🥹環境相對上真係幾舒服，真係去咗日本旅行咁，但係食物方面嘅性價比就無想像中咁高🤦🏻‍♀️🍲韓式黑豚泡菜鍋 $178一打開個餐牌，因為本身我食唔到牛同生冷野，餐牌入邊嘅選擇可以話少咗大半😭 咁呢個煲如果要同韓國餐廳比，佢就會偏清淡少少，啲豬都係得幾塊😂仲要無其他配料加，就咁食一個煲係一定唔會夠飽。佢入邊會有四大舊豆腐，無中式嗰啲咁重豆味，我朋友就非常鍾意呢隻豆腐，夠滑夠嫩。🍗鹽燒雞頸肉配青瓜醋 $38呢個有驚喜！之前一直食開都係豬頸肉未試過食雞頸肉，啲肉都算嫩、味道亦夠味，但最令我驚喜嘅係個青瓜醋，即刻變得勁有胃口🥹🌱汁燒大蔥雞肉 $68個汁好好味！佢燒到雞皮同埋大蔥嘅外皮都係脆卜卜，所以咬落去個口感幾好，而且大蔥索飽晒個醬汁，咬落去嗰刻係好juicy😝但係如果呢個價錢，真係會覺得係水平範圍內。🫘汁燒口揚豆腐 $28上枱嗰陣嚇親😂就係得嗰兩舊，食嗰刻會覺得係個汁救全家😅🍵鰻魚茶漬飯 $108鰻魚都燒得幾脆，但如果最後都係要倒茶食的話都係會淋哂。個茶變淡味，要撈埋啲鰻魚先叫做吊到到少

今日兩大一路入去，被告知最低消費人頭set，幾歲嘅小朋友都焗你叫個set. 中午餐牌又沒單點小食試問人哋幾歲人仔點食得落你個set。你系預備叫人打包定掉咗去。生意唔係咁做。唔係比唔起但真心覺得不友善。出街食左幾十年都係第一次起身走人。絕對唔會去………………………………………………………………………………..

被OpenRice 內琳廊滿目的定食照片吸引， 打算到這裏一試和牛定食。但原來晚飯是沒有定食的。所以惟有散叫。叫了一個軟殼蟹沙律$148.8。味道好， 軟殼蟹是即炸的， 上枱還熱辣辣4 種剌身盛合$ 488。四款剌身都不錯， 本身不喜歡白身魚的我都能接受以上兩道都十分合意， 之後的一道便出事了： 什錦海鮮鍋$ 746（ 黃金出汁湯加野菜盛合$ 178+ 什錦海鮮盛合$568）， 在沒有拍到餐牌中的照片， 忘記海鮮鍋在餐牌中的價錢， 只記得是七百多元。（發票是分開兩個價錢收的， 總數就是$746。）餐牌中沒能看清楚什菜和配菜量。心想$700 多的鍋物， 應該有一定的份量和質素吧！所以就叫了一試。餐牌中有6-7 款湯底可以選擇。我們選了黃金湯底。所謂的黃金湯底是什麼呢？ 就是在看似清湯的水裏即場由店員用木魚加到湯裏煮出味。所以湯底就是木魚湯然後店員會為我們放入野菜， 放入的次序嗎？ 是沒有的， 主要就是一併放下去囉， 放了耐煮的什菜之後， 店員就叮囑我們自行把不耐煮的菜待湯底煮開了再煮5 秒。煮完菜， 吃了， 我們猶豫店員會像在日本一樣再回來為我們加入其他配料， 把食物安排得吸引嗎？ 答

Waiter 極之不友善，冇禮貌，雖然食物質素唔錯，上菜非常快，好似快餐咁快。想試了這間餐廳好耐，以前好像比較多人，我們不想等所以沒有試過。星期日見到這間餐廳比較清閑，不用等，所以我們就試吓。入座時，waiter沒有禮貌地提醒我們小朋友也要叫一個餐，然後就放下兒童餐牌。其實我們我們也打算叫了一個成人的午餐給小朋友，所以餐廳也不應該擔心。餐廳好像不太歡迎小朋友，見到小朋友就黑面。我們在餐廳食咗一個半小時左右，感覺waiter 好像嫌我們坐得耐，阻住他們做生意。雖然他們食物質素好，但係來這餐廳食飯遇到這樣的服務態度，以後不會再來。

平日接近兩點嚟到，唔使等位嘅 （不過我個friend 都有book到😂）menu入面好多款set lunch都好吸引，不過似乎都係A4和牛最吸引我哋🤣A4和牛燒到大約五成 （冇特別問我哋想要幾成），個口感同油份都係正到爆，再食啖飯，真係冇得輸！其他配菜同蒸蛋都唔錯👍🏼我自己其實好鍾意食壽喜燒，但係唔知點解通常喺香港食到嘅都係呢種一大鍋湯嘅壽喜燒。呢鍋其實係好食嘅 （咁梗係啦話晒係A4和牛喎）只不過我自己都係鍾意少啲湯個汁燶好多嘅嗰種壽喜燒。整體嚟講我非常滿意個lunch，當然俾得呢個價錢要有返呢個質素先得，所以性價比嚟講唔算好高，不過味道就真係唔錯！呢餐飯有個小插曲，話說其實呢餐飯係我個friend請我食生日飯，佢喺book位嘅時候已經講咗話甜品想寫happy birthday 同埋我個名，後來打嚟confirm Booking嘅時候我個friend忙冇聽到電話，結果最後到出席嘅時候話甜品冇得寫字，因為要預先準備，所以我喺服務上扣咗少少分，雖然我個friend冇複佢哋電話係唔啱，咁但係一開始就講咗嘅時候咁我覺得作為呢啲級數嘅餐廳唔應該assume唔要，而係準備咗先。Anyway，除咗呢

星期五，二人晚飯。首先清酒選擇不多，平酒貴賣，選定了支連好小小的純米大吟釀720ml五分鐘後先話冇貨，只好選擇支300ml。海膽年糕，海膽新鮮，但放在熱騰騰的年糕上，冇了鮮味。燒豚肉燒牛舌燒和牛，食材尚可，賣相比味道佳，但不至於好睇唔好食。想食刺身，但只有三種set，居酒屋竟然冇à la carte，最終放棄。想叫鍋物，但係張台仲細過茶餐廳，結果都係放棄咗。埋單千二不貴，可惜浪費了一個晚飯quota😝

以前行開muji 都會見到呢間餐廳滿座 星期日嚟到附近見到冇乜人唔使等位就入嚟lunch🫢結果都幾失望🥲餐廳以京都為名 走中價路線 裝修係幾靚 一坐低都有啲期待😂入咗時receptionist 同我哋講限時一個鐘 平時一般餐廳都係90分鐘 一個鐘我孤陋寡聞第一次聽 但都冇人 點解要限時🫣同老公分別叫咗兩個set 我叫銀鱈魚定食 超級快上餐 麵豉湯唔熱🫣蒸蛋都只係暖。銀鱈魚好細件🥹亦都冇想像中咁好食唔知係唔係好多人用coupon嘅關係 佢哋個set都細咗 連甜品都無埋🥹🫣整體只係覺得食物正常 但真係未至於好食 同一般日式居酒屋分別唔大🤷🏻‍♀️但人哋個價錢講緊平一半 服務有機會仲好啲添🤦🏻‍♀️我哋用咗coupon都覺得好唔抵🙄🫥浪費咗京都之名🫠

位於海港城嘅日本料理餐廳，Lunch time經常爆滿，一定要book位。今次試咗佢哋嘅lunch set - 特上雜錦天婦羅定食、A4和牛壽喜燒。特上雜錦天婦羅定食有超大條既星鰻、蝦、流心蛋、冬菇、茄子、番薯、南瓜，種類多，非常豐富，份量好多，炸漿薄，炸得香脆，夠熱。星鰻係我嘅最愛，啖啖肉。另外流心蛋一切開就有大量蛋漿，用嚟拌飯岩哂。A4和牛壽喜燒和牛質素高質，咬落去有少許溶化感覺，牛味濃，切得薄，一放入鍋好快熟，加埋生蛋再拌飯食很香。

有海港城飲食coupon，就諗住去試下啲平時唔捨得食既餐廳。行過門口，見到有海膽，又有和牛，就即刻揀咗佢。一入去就見到一個日本園藝，整體氣氛幾好，但燈光偏暗。餐牌上很多食物都停售，仲要係想試下既菜式，最後只能點一個涮涮鍋和兩個小食。和牛涮涮鍋店員會幫忙將蔬菜配料放進鍋內，配料色彩豐富，味道鮮甜，但份量偏少。和牛油花均衡，入口即溶鰻魚出汁蛋卷蛋卷幾好食，不過食唔到鰻魚既味道。燒海膽年糕海膽好好味，配埋年糕，口感都幾得意。不過燒年糕本身完全冇味，面頭有海膽都OK，食到底部or邊位，就冇味，唔想食落去。總括黎講，食材高質，味道都ok，但係唔算非常好，有d失望。性價比一般，以依個價位，可以有更多更好既選擇。

家姐有海港城coupon所以請食飯😆試咗呢間京都一の伝，環境唔錯，食物整體上都算幾好，不過冇乜特別好驚艷，價錢偏貴同埋份量細，不過都唔意外😆 覺得海港城啲嘢通常都係咁上下，唔會太差但係又唔會特別好，環境同地點取勝囉。有埋coupon都可以接受。我哋吉列和牛同埋和牛燒都加咗$100增量版，佢話+100會多50%，但係份量都係好細😂但係質素同味道係唔錯。整體上來講唔差嘅，中規中矩。服務都幾好，如果有coupon都可以嚟食吓，如果唔係其實出邊有好多選擇，唔會特別想encore. Rating : 7/10 Around $500pp

每次行過都覺得裝修好日式，好想試下。今日終於試到啦。餐廳內偏暗，座位闊落。用餐時間90分鐘，Lunch有套餐，選擇都多，但價錢唔平。今日試左個A4和牛壽喜燒定食（$368）。定食會跟個沙律，有三個小菜，青豆、脆瓜同牛蒡。再跟一個茶碗蒸，味道幾好，同面鼓湯。而壽喜燒湯就偏甜，必須送飯食。牛就3成熟，浸落壽喜燒都會熟，再沾d蛋汁，牛肉好滑，但偏肥。壽喜燒入面仲有中等粗度粉絲、洋蔥同菇。不過套餐無跟野食，侍應會keep住幫你斟茶，所以唔叫野飲都無問題。

鹿兒島吉列和牛 ～外層吉列炸粉又薄又脆，咬落去肉質既口感又軟又嫩，肉味濃郁，啲油脂慢慢係個口入面滲出🫦千其唔好睇小佢細細舊 外皮酥脆之餘仲食落油脂好足 都幾好濟 (👅2個女仔食)推介：🐷🐷🐷🐷中船壽司～香蔥吞拿魚蓉魚蓉切得細細粒又夠新鮮 再加埋蔥花既點綴 真係啖啖新鮮 快活過神仙 (👅不過性價比就有啲低啦）推介：🐷🐷中船壽司～蟹肉．海膽海膽creamy又鮮甜，再加埋蟹肉既相伴，就真係winwin鮮🤪🤪推介：🐷🐷🐷鹽燒牛舌厚切牛舌，燒到四邊燶燶地，咬落去又唔韌，啲汁泌出黎，正啊～推介：🐷🐷🐷總括黎講，環境同一般日本餐廳都大同小異，職員服務都好好，有coupon係手真係不妨一試