享樂餐室

營業中

休息中

其實元朗圖書館都幾好坐㗎，有時同阿女坐足一日，坐到肚餓就會喺附近搵嘢食，今次我哋搵到一間新開嘅茶餐廳，睇落好似平平無奇，但原來內有乾坤。享樂餐室 (元朗) 📍地址：元朗金輝徑2號金安閣地下A-B號舖🍝 乾炒叉燒意粉 $63豐富的叉燒肉片，意粉都幾彈，重點食落唔油膩。價格合理，份量也很足夠，自己炒又真係好難炒到咁有鑊氣。🥪 常餐包一個麵和多士煎蛋 $47一份常餐，裡面包含了一碗麵和多士煎蛋。這個懷舊薑汁鮮豬潤麵真係特別，豬膶很爽口，濃郁的薑汁成個面甜甜地，常餐又點少得多士同煎蛋呢，成個餐好飽啊。隔咗兩日，我哋又嚟到呢度食下午茶，，今次又有新驚喜。🍗 生炸雞髀配薯條 $39雞肉外皮酥脆，內裡嫩滑多汁，搭配著香脆的薯條，雖然好邪惡，但係好好食喎。無論咩年紀都鍾意食炸雞髀❤️🥪 公司三文治 $40這個三文治裡面夾滿了各種新鮮的食材，炒蛋好厚身，成個三文治都好厚身。而且價格也非常合理，食完真係會飽肚，而且營養又豐富。#享樂餐室 #美食之旅 #元朗 #食評 #意粉 #叉燒 #麵食 #雞肉 #三文治 #舒適溫馨 #物超所值 #回味無窮 #美味享受 #香脆薯條 #營養豐富

><好耐冇食公司三文治等到下午茶時間先食飯 公司三文治(40)一層夾咗芝士火腿蕃茄另一層係生菜厚蛋午餐肉砌得工整唔鬆散 每啖都好滿足特餐(50)香煎豬扒配煎蛋火腿+ 花生醬厚多士估唔到係荷包蛋 拮穿之後蛋黃緩緩流出跟餐碗米線都幾大碗干炒牛河炒得乾身 河粉唔太油膩配料芝麻洋蔥韮黃芽菜有齊晒 夠香口紅豆冰/鹹檸七 跟餐特飲(+9)><><><><><><><><><><><><享樂餐室元朗金輝徑2號金安閣地下A-B號舖

假日多數都係去下茶餐廳簡簡單單食下嘢。呢間餐廳午市套餐選擇都幾多，揀咗薯仔炆排骨飯。排骨炆得好入味，肉質結實多汁，搭配薯仔，薯仔外皮少少煎香，加上有草菇，醬汁夠香濃，撈飯一流！薑汁牛肉米粉，牛肉份量充足，煮至剛熟，牛肉肉質都好嫩滑。有清新薑汁味。配上炒滑蛋和午餐肉，滑蛋炒得剛好。加埋份奶醬多，多士香脆，好味😋茶餐廳必食菠蘿油，外皮酥脆，內裡鬆軟，牛油剛好融化其中，唔錯呀餐飲點咗奶茶，都夠香，凍利賓納都唔錯

·享樂餐室｜元朗平時夜晚係附近食打冷食得多今日附近有野要做搵左依間餐廳試試😋環境夠闊落 座位之間唔會太迫我地食個陣已經係下午茶時段蔥油雞扒撈丁雞扒煎得香脆可口平時食既蔥油都偏咸今次味道唔會話太咸 剛剛好生炒雞絲飯🐥炒飯炒到好乾身 粒粒分明又充滿哂蛋絲既味道配上滿滿既雞肉絲 味道一流😋😋西多士四邊炸到超級香口每一啖都係 花生醬既味道 西多士配牛油 再自己加既蜜糖係最佳下午茶既組合😍紅豆鴛鴦杯底充滿大量既紅豆蓉配上茶餐廳既茶底 咖啡味濃郁 有機會再試下佢地其他菜式😍

享樂餐室係港式茶餐廳，新開張架！住元朗既我梗係要幫襯下，發現餐廳食物質素、水準都👍🏻 餐室位於元朗金輝徑食街果頭。係咪一間好食嘅茶餐廳？識食睇佢啲辣椒油就知道👀餐廳朝早7點就開門早餐七點到11點半，午餐11點半、下午茶就兩點開始！仲有全日常餐既可以選擇😃常餐·薑汁豬膶麵豬潤 配滑蛋腸仔 奶醬厚多士呢個餐就特別啲，豬膶煮得啱啱好、夠滑，豬膶湯鮮甜！仲可以配厚多士😋出色，我相信呢度菜會成為呢間店嘅招牌菜👍🏻而且呢到啲辣椒油好得，辣椒子加豆瓣醬連油煮粒粒分明、有辣味！早餐標配👍🏻午餐·印尼炒飯呢度啲炒嘢好有鑊氣，飯粒分明、炒飯香口！🍳太陽蛋煎得靚，蛋黃鮮橙色，而且份量大而且足料，入邊嘅配料都好豐富！一份可以夠兩個人食下午茶·公司三文治🥪入面夾左7款食物配料：有煎午餐肉、蕃茄、雞蛋、火腿、芝士同生菜，厚身大份，食材新鮮好味🤤鍾意食公司三文治嘅要揀呢個！下午茶·🍗炸髀薯條🍟用新鮮油炸，雞髀炸得金黃外皮酥脆，薯條係粗薯條、炸得啱啱好，上面散滿咗椒鹽調味，薯條外面脆口入面有軟身嘅薯仔肉👍🏻係好食嘅薯條❤️店舖新開張，質素有目共睹，已經有唔少元朗嘅街坊幫襯👍🏻享樂餐室 (元朗)📍元朗金輝徑2號金安閣地下