享樂烘焙

之前知道呢喥有堂食嘅享樂，但上次我同老公嚟到呢頭時，選擇幫趁花班茶社先（食評係2025年9月4日提交嘅呢篇：https://www.openrice.com/zh/hongkong/review/%E7%AC%AC267%E7%AF%87%E9%A6%96%E8%A9%95-y-%E5%91%A2%E7%AF%87%E5%AF%AB%E9%A3%B2%E5%93%81-e6179286），之後都有入嚟睇吓，由於呢間舖唔細，所以呢間嘅麵包種類超多，而堂食除咗有麵包外，都有意粉，咁記住先，有機會就嚟食。到30-9-2025（Tue），同老公繼續放假，就約喺呢頭返工嘅男友人NT，俾手信佢，咁就可以乘機嚟食。我哋嚟到時都只有一個堂食客人，首先坐低，然後睇menu，決定要：4. $43.00嘅梔子花綠茶我想要熱嘅但冇，咁照要啦。睇見都幾多冰，味道清新舒服，唔錯，但真係太多冰，所以好快淡晒。建議如果客人問有冇熱，就算照俾凍，都可以靈活地減少啲冰甚至走冰。4分3. $42.00嘅熱焙茶latte睇唔出個拉花係咩嚟，飲落唔熱，而味道好平衡。5分1. $68.00嘅大蝦酪梨貝果三文治呢個算幾快到，貝果烘到外脆內煙韌，個醬充滿香草味，而酪梨即係牛油果，其他食材嘅口感同味道都正常。5分2. $108.00，每日限定嘅本店主角，法式貝果呢個等好耐至到，用鐵板上，表面有焦糖，切落去，同樣係外脆內煙韌，開頭食到有蛋汁嘅貝果時，口感軟綿似蛋糕但當然冇咁鬆軟，味道都唔錯，但食到入面就只係麵包，我至知道呢個其實係麵包，感覺唔同咗，變得冇咁好食。不過個貝果一直都keep住熱，然後食凍雪糕，感覺係唔錯。3.5分環境：都好闊落舒適。價錢：定價有啲太高。…查看更多

最近見佢喺荔枝角開咗分店，網上亦都好多人講佢嘅西多士，咁啱經過就試咗佢嘅酥皮蛋撻同雪糕西多士，蛋撻十分之有驚喜，外面嘅皮十分之脆食落去發出「咔嚓」嘅聲音，佢鬆脆到啲皮跌晒落個紙袋附近，入邊嘅蛋漿更加係出色，蛋嘅香味超級濃郁，上面嘅焦糖唔苦，但又會帶少少甜，同蛋香味形成一個香口嘅配搭，酥皮同蛋一啖食落，會令人幸福感滿滿，但比較失望嘅係呢個西多士，雖然佢切起嚟熱辣辣，但係佢嘅焦糖味卻非常之苦，以為佢個皮會好脆，但係結果好軟熟，麵包體一般，雪糕嘅味道感覺係劣質雪糕，並沒有網上講嘢冷熱交融，只有苦味同味道偏假嘅雪糕，感覺享樂烘焙只有bagel同蛋撻比較出色，建議唔需要試西多士…查看更多

Tried the black sesame tart. The black sesame flavor was rich, and the pastry was wonderfully flaky, with a hint of mochi texture. The coffee was also a pleasant surprise, pairing perfectly with the tart.試咗黑芝麻撻。黑芝麻味濃郁，酥皮非常鬆化，仲帶有少少麻糬，口感一流！第一次試杯咖啡亦有驚喜，搭配得恰到好處。…查看更多

🍽️食物方面： 🍨法式Bagel💲108飽肚嘅甜品 齋食有啲寡 🥑煙燻鮭魚酪梨酸種💲88味道OK但偏硬🥯煙燻鮭魚bagel💲72好脆 男仔食唔夠飽見沙律幾大份 多人食📷打卡方面：bagel牆同凳🔈環境方面： 堂食有幾張枱 1點後要等位食物要等耐少少 買住包等💬其他資訊：享樂烘焙 📍荔枝角瓊林街83號地下G03及04號舖…查看更多

平時食開佢嘅個裝包覺得好好食嘅，見到佢開Cafe，重要有「French Bagel」食，以我自己鍾意食French Toast嘅人嚟講，就盡快嚟試啦French Toast一嚟到賣相好靚！問題係用刀切落去嗰下，幾乎切唔開！Bagel個皮本身已經係韌，再加埋個焦糖面「防禦力」更加高，切落去嗰下幾乎要壓扁晒個包先切得入，或者建議有把牛扒刀會好切啲切開完，見到啲麵包位都無浸到幾多蛋汁。我個人就預期，你叫得「西多/french toast」，都係浸滿蛋，做到個質地好柔軟、好濕潤先係好嘅French Toast。呢個咁乾，極其量只能叫焦糖Bagel拼雪糕。另外，個Ricotta Parma Ham Open Toast又係一樣，賣相100分，但⋯⋯嗰塊包寫到明用酸種包，咁你間舖本身賣包，我就對你啲包高期望啲。酸種包多士，我認為要個面輕輕有煎/焗香，中間層食到又濕潤又軟糯，食到陣酸種包香味就Perfect。但佢係又乾又硬，可能係切得太薄啦，一焗就無晒水份。（灣仔、金鐘有兩間B字頭嘅麵包主題Cafe，啲酸種包好食好多）食物唔好食，重要每人最低消費一杯嘢飲，埋單兩個人，無加一都要$275蚊，一定唔會有下次。Btw，梔子花綠茶好香，幾好飲。但略嫌太細杯，要$43杯，都係唔會再幫襯。個期望落差在於，平時見佢老細成日出Post又話啲食物試多好耐，研究咗好多次，好用心做⋯⋯然後先推出，點知原來係咁伏。…查看更多