，火車頭完全冇越式風味，個湯底嘅味道就係似落咗鹽嘅滾水咁，海南雞可以接受，但啲飯係好乾身嘅。炒貴刁及雞扒亦唔好食，全晚最正常就係碟馬拉盞炒通菜。最厲害嘅就係連杯嘢飲都唔好飲👍🏻泰國嘢唔似泰國嘢，越南嘢唔似越南嘢，呢間食店真心伏，下次請我都唔會去食，完全冇心煮嘢！…查看更多
馬拉盞干炒牛河份量十足,包熱飲好彩叫左杯熱o茶,解油解辣…查看更多
但係唔講唔知其實商場周圍都有好多特別既餐廳, 小編食過京瑞廣場不下6，7間食肆，其實每一間都超乎我期望，呢間都唔例外，晚巿套餐基本上一律258，無加一，鍾意佢夠多選擇，而唔係好多餐廳套餐啲食物都係啲無咩新意，最緊要煮得快又唔貴既野，夾住你要買佢套餐。小編覺得佢個套餐幾合理，有湯有飯有菜有肉，有兩種小食，有飲品有甜品，258兩個人就算最後唔好食都夠晒好滿足蒽油皮蛋子薑沙律🌟🌟🌟🌟小清新前菜，幾特別，係溏心皮蛋。食左幾個，覺得係蒽油皮蛋要夾住一細舊子薑一齊食，就夠晒層次喇。子薑都唔會辣。椰子杞子雞湯🌟🌟🌟🌟所有野除左炒飯即叫即上好快，可能真係咁啱都係唔使煮，雞湯好清甜，啲雞腳都煲得夠耐，食落不費功夫。只係我覺得湯可以再翻熱多少少。但我同女友都覺得好飲。沙嗲雞肉串燒🌟🌟🌟🌟算幾好食，同埋真係有串燒到微燶既感覺，已經好過好多有賣所謂串燒既食肆，炭唔炭火我就食唔出，不過肉質係實既有串燒感覺，有4串就幾好。有食過旺角其他真係好好食既串燒，所以就俾唔到咁高分喇，不過我相信廚師係有誠意既。馬拉盞通菜🌟🌟🌟小編覺得我呢次炒得唔夠熟，通菜有啲位重有啲硬，同埋一樣起菜黎講，即刻馬拉盞咁油既餸，上菜都無啲炒小菜既餐廳咁熱（因為其實油份係包住啲餸可以好有效保溫既），所以香味唔係咁重，不過唔算鹹，食得晒整碟。泰式蝦醬海鮮炒飯🌟🌟🌟🌟（無影相）似係用左頭抽炒咁好醬油味既，定係蝦醬既色就唔知，調味啱啱好，有一隻青口兩隻蝦好似，食得出唔會梅，青口食得出濃既青口味，我覺得主菜黎講都有啲驚喜。叫左兩杯送既特飲，好似係桂圓茶同青檸薏米水，熱飲，鍾意佢兩杯都唔落糖，健康野飲我都覺得應該由食客自己加糖，而我就無落糖既。薏米夠稔免費甜品係類似紫米露既野！以為得兩件泰式糕點就算，我喺一間酒店餐廳飲過呢種，不過唔太肯定係咩黎，但總之幾好飲又比較少飲到:):)放工黎享受下我覺得價錢吸引，無咩壓力，會再試其他野
…查看更多
週末想買外賣回家煲劇邊食邊睇，揸車經過石門見到呢間東南亞美食小店。心血來潮點咗三個晚餐：印尼炒飯、泰式去骨海南雞飯、泰式蝦球炒金邊粉⋯⋯返屋企溫度仲啱啱好暖，印尼炒飯老秋味香濃、雞肉串燒香滑，泰式去骨海南雞飯雞香嫩滑、雞有雞味、黃薑飯金香軟滑，泰式蝦球炒金邊粉蝦球爽口鮮甜、金邊粉濕度適中有口感、微辣刺激味蕾⋯⋯份量十足、包熱飲，上外賣APP訂購更有折扣優惠。如果佢沙田友想要東南亞美食，呢間可以首選！…查看更多
