亞萊泰 (T Town North)

營業中

休息中

T Town 食早餐去亞萊泰因為早餐供應到11:30am，當brunch 食。早餐時段好多人，要排隊拿票，一去到食完早餐的午市時間，明顯人流少了好多。早餐$33，有麵有腸蛋，多士及熱飲，不是貴！而且麵好有誠意，有蔬菜，之後無的，有進步喎！味道就正正常常無特別可言。

由於晚上無堂食，宜家外賣自取六五折覺得好抵，於是夜晚試三樣野。預先打左電話去叫外賣，去到唔洗等~豬頸肉$68，配個甜甜酸酸微辣既醬汁，係好夾！個醬真係一流，少少似魚露，塊塊肉都好厚實，好重炭燒香味，份量都好多下，有十幾舊，好食！無骨豬手$68，好滑好軟、入味，不過偏淡少少。而且都好大舊，好滿足。底下配有些菜墊底。鮮蝦炒金邊粉$68，有四舊大蝦、花生碎、豆乾、芽菜、蛋碎、韭菜、好似仲有少少洋蔥，甜酸既炒粉好開胃，係好味既！三樣野都係$68，都幾滿意，不過最高分我認為係炭燒豬頸肉！點醬食送飯無得彈~~外賣加盒，折左總共$207三樣野，抵食既！有下次呀~而且打去叫外賣，接聽既個位員工好好禮貌，把聲好溫柔同有耐性。

左諗右諗才都唔知食乜好，星期日周圍都好多人，兩個口淡淡想食刺激味蕾嘅泰菜，咁啱通過「亞萊泰」，又見到有啲優惠，就揀咗佢！座位寬敞，夠多卡位，感覺親切！我同我老公分別炭燒泰式豬頸肉、馬拉盞炒通菜、泰式鮮蝦金邊粉同泰式鮮青檸明爐烏頭。店員好細心問我哋碟烏頭要唔要少辣？本人唔食得太辣，就揀咗少辣！馬拉盞炒通菜呢款菜式雖然普通，但要炒到每條通菜入哂味，仲要唔係好鹹，並唔係間間泰國餐廳能夠做到，佢炒到入味之餘，仲要啲菜夠爽👍🏻炭燒泰式豬頸肉啲肉唔夠乾加硬，咬落都有好多肉汁，配埋泰式魚露汁，夠哂風味😋泰式鮮蝦金邊粉～食就前當然要唧啲青檸汁先，帶少少酸加清香，而且呢碟金邊粉炒出嚟有光澤，但食落又唔會好油，炒到條條分明！仲有四隻大蝦🍤正🥢泰式鮮青檸明爐烏頭適逢做緊優惠，$78就可以食到成條，但星期六，日要加$10！份量十足，配上泰式冬蔭公湯汁，惹味夠香！美中不足就係魚鱗太多，如果去鱗乾淨啲，食落都會方便啲！最後忍唔住叫咗杯泰式奶茶同椰汁珍多冰，泰式奶茶如果甜多少少就好啦！而椰汁珍多冰都算Ok,多椰奶！

放假屋企人想食泰菜，就揀左呢間，見到價錢合理咁就試吓。講咗最嚴重嘅問題先，我唔記得呢碟野個名叫乜，但係佢for客人生食嘅生菜上面，竟然有發泡膠粒同死蚊螆。 好彩食前有望一望，竟然有發泡膠粒。隻蚊螆有翼有腳。本身係叫咗呢一碟，佢for客人用生菜包肉丸。呢個係我嗌嘅飯，味道唔差嘅，但係見到發泡膠粒同蚊螆，真係驚d食材無洗乾淨。最後埋單，佢有幫我取消返果碟有發泡膠粒同死蚊螆嘅菜。不過我幾肯定唔會再幫襯。講完衛生，可以講吓服務方面：一開頭侍應落錯單，咁佢有幫我改返單，都係小問題。發現侍應落錯單之後，就有兩碟唔屬於我地嘅野落左枱，因為落完單下一秒就有野食到，我地都覺得好奇怪。同傳菜嘅侍應講左聲，佢無拎返走果兩碟餸，任由個兩碟餸繼續放係我地張枱。我地不斷搵人黎收返，點知佢收返之後直接將碟餸俾返隔離枱...雖然碟餸唔係我食，但係感覺上都好唔衛生，尤其是而家疫情好嚴重，放完喺我張枱再俾返其他人食，其他人又介唔介意呢？

在上水總站搭巴士，總站落，好方便T Town 勁多嘢食，連街市多嘢食。消費力强，有酒舖，不過我無時間入去睇。也有賣長者產品的樂康軒，因附近有專為長者的公屋細細佬食過早餐和下午茶唔錯三人食二人餐，豬手好大份，但無辣醬點解腩肉是燒肉，變了香港式香港式味道無加一我食完等巴士，才記起餐送甜品。我打番去問，是送椰汁官燕，我當然衝上去拎番回家食，是有燕窩，好多也細粒，好過無啦。椰汁唔太甜，不錯隔離居酒人山人海等位，我想試

點左個香茅豬扒配白飯，豬扒份量飽肚，味道香口，凍檸茶係經典茶記味，價錢相宜，大約$50；金邊粉唔錯，朋友話太淡味但我喜歡；生蝦一般，$98好似得6隻定7隻，可試試；印度薄餅可以，但無跟咖哩汁，有點奇怪。有卡位，同兩個朋友邊食邊傾，坐位舒適。上菜頗快，叫左4-5道菜，十分鐘內到第一碟，香港速度。$200以上可比VISA/MASTER，但好似無得比八達通。一個人午市去食記得帶現金。如果我屋企附近有，應該會成日去食。餐具少少污糟，可接受。

難得去天水圍食飯啊😝抗疫期間少左人出街食多左位見佢額外有折就入去食所有野食都以量取勝🦐大頭蝦冬陰功湯味道濃郁, 配料充足🐷鐵板無骨豬手星期一至五$58 好抵食配上特色醬汁, 肉質好冧Size來說大隻到可以當飯食,推薦給喜歡吃肉的朋友🥭芒果白糯米飯芒果夠大夠甜甜, 飯嘅口感軟糯,係我全晚最愛🔥辣椒膏炒蜆比想像中大隻的蜆, 辣椒膏十分惹味最後竟然俾我遇上飲品買一送一🥤叫左泰式奶茶同奇亞籽涼粉冰飲得出係有誠意嘅2個人食完上面已經飽到行唔到

T-town舊名頌富，是天水圍另一較大型商場，引入的餐廳酒樓有別於傳統連鎖店，偶爾有一些質素高而價錢親民的食店，亞萊泰算是其中一間。餐廳除了單點菜式，還有二人、四人套餐，更優惠更划算。四人套餐包括沙律、湯、兩主食、蔬菜、粉麵飯及甜品，足夠飽肚。金柚子沙律泰國金柚子肉身飽滿，水份足，柚子鮮甜可口，拌酸甜汁，清爽爽利味酸甜，開胃前菜。大頭蝦冬蔭湯湯底香料及海鮮菌類配料足，味道香濃微辣。香矛味道較重，大蝦爽口彈牙，菇類質感爽脆，整體不錯。鐵板泰式鹵水無骨豬手豬皮柔軟彈牙，皮及豬肉中間夾帶煙韌膠質，豬肉肉質結實爽口彈牙，肉味濃郁，鹵水汁豐富滲透豬手內，非常入味。花膠蟹肉海鮮粉絲煲蟹肉拆成肉絲，蟹味濃郁鮮味，花膠爽脆富膠質。粉絲彈牙有韌性，炒至乾爽香口。飛天炒通菜通菜咬下爽脆入味，通菜與醬汁相融還保留爽脆鮮甜口感，惹味非常。泰式生蝦炒金邊粉正常味道，沒有太大驚喜。泰式甜品拼盤芒果糯米飯泰國芒果甜中帶微酸，芒果肉厚多汁，配上鮮椰奶糯米飯，入口香潤怡人。泰式特飲整體來講，環境及食物均不錯水準，街坊無飯時可試。

-瘦編以前以為天水圍好少野食，最近慢慢發掘下，發現原來都好多野食同好多野行，其中T Town都係一個唔錯嘅選擇。📍-今次為大家介紹T Town嘅一間泰國菜「亞萊泰」，以雅緻泰式時尚設計的亞萊泰，地方闊落，座位之間沒有壓迫感，舒適悠閒，在這裡享用美食好舒服。餐牌裡選擇款式多，頭盤、海鮮、肉類、咖哩、飯麵、蔬菜、沙律、紙卷、湯類、甜品等，款款吸引，別具特色。主菜叫左個泰式菠蘿炒飯($105)，次次諗唔到食乜就叫佢，再配埋個芒果椰汁青咖喱雞($88)，有埋好嘢味又開胃嘅汁送飯，一流。🇹🇭-配菜就揀左少少辣馬拉盞炒通菜($68)由蔥、蒜、蝦米炒製而成既馬拉盞，咸香帶辣，炒得好均勻，每條菜都沾上了馬拉盞醬汁。仲有好大份好抵食嘅炭燒泰式豬頸肉($88)同泰國鮮椰青($39)，清甜椰香味，冰冰凍凍，清爽解膩。最近餐廳仲做緊外賣自取65折，大家都可以支持下。😋-味道評分▶️🌕🌕🌕🌕🌑 (4) 抵食評分▶️🌕🌕🌕🌕🌑 (4) 回購評分▶️🌕🌕🌕🌕🌑 (4) -➡️ 亞萊泰 (天水圍)📍 天水圍天華路33號T Town北翼N211號舖-

今日喺屋企樓下搵食諗起之前經過過ge呢間店午餐menu d 選擇好似不錯的決定黎試試佢我叫嘅係泰農香矛雞扒配香米飯第一啖試咗個咖哩汁先嘩 好好食汁入邊有啲薯仔薯仔都蚊到軟晒 索哂d 汁好入味咖喱汁唔會話辣食落口好有椰香味用嚟撈飯一流淨係個汁配飯我已經可以食晒雞扒啲皮都脆但肉質又唔會話好乾整得好好我friend 吃的是海南雞加豬手飯佢話海南雞係冇乜特別所以我就冇試了個豬手佢就大讚咁無辦法啦即係叫我食下豬手嘅啫食咗一舊又真係幾軟身但我都係會揀返我嘅咖喱飯🤩🤩.我揀咗飲凍奶茶原本以為泰式餐廳會係泰式奶茶😂但侍應姐姐話泰式奶茶要夜晚先有下次晚市黎食先咁.

同fd去左頌富食lunch 第一次食呢間野 其實頌富裝修左都有好幾年 但我好耐無黎 連有咩食都唔知我哋被安排坐近門口位所以內部係咩樣都冇望清楚 但睇得岀裝修上都有啲心意呢個時勢都廢事行嚟行去我叫咗一個無骨豬手配海南雞油飯我係一個愛米之人 當然試左啖飯先濕濕地唔會太乾身 亦唔會太油 香口豬手唔會油膩 但肉質唔算好淋 未有入口即溶嘅感覺雞肉不過不失 海南雞着重嘅係個醬料 都係不過不失 未算話令你難忘要讚嘅係 講明無骨 真係做到無骨平時喺餐廳食 話無骨嘅嘢 點都會有少少骨吉你個口😂😂😂問個姐姐奶茶係泰式奶茶定港式佢話泰式奶茶要夜晚先有真係唔知點解😨😨😨食泰國餐 重點梗係杯奶茶啦 美中不足餐廳姐姐話而家抗疫時期 所以有八五折優惠

新界人既食飯版圖已經開埋去天水圍啦～呢日入開黎天水圍，餓得滯，食埋先出番去！咁耐無泰過，入左去 阿萊泰 泰下佢！泰式蒸明爐烏頭泰式烏頭酸酸辣辣帶咸，熱辣辣好滋味！ 用泰式方法蒸煮，配料好多～芫茜、青檸、辣椒、蒜頭等，鳥頭好大條好長，肉質鮮嫩！最近仲做緊優惠價，可算是非常抵食！金柚子沙律金柚常滿呀！柚子肉鋪得滿滿的，配埋特色沙律🥗汁，酸酸甜甜，好開胃！ 仲有花生🥜做配菜，增添口感！泰國鮮椰青食泰菜配椰青是常識吧！ 整個椰青即開即上，括埋入面啲椰青黎食都得😋呢間餐廳菜式做緊特價但不馬虎、仲全日免加一，好食之餘好抵！

唔使考慮阿萊泰！ 原本我諗住打去問有冇外買紙，有個女職員話轉頭whatsapp. send俾我, 之後我等左20分鐘都未收到, 我再打去問佢, 個同事話收咗工send唔到俾我，之後我話叫經理聽，佢好串啲，態度好差，我話如果我唔帶黎問咪等天光？之後又之後我打返去，第兩次先聽，跟住我話搵經理，個經理係遠處話cut 佢線，唔使理佢， 仲要比我聽到！原本都算，之後佢講咗一句 cut 佢線啦！講哂嘈口咁請問咁既態度叫人點叫外賣食？

天水圍，所謂嘅悲情城市係呢幾年已經有好大好大嘅轉變。好多所謂領匯商場大翻身，裝修到美輪美奐，根本就好似一個大型商場一樣。講到投資最重本，我真係覺得頌富商場，即係而家嘅T-town係最好最靚嘅。可能因為首先覺得UNIQLO點解會喺天水圍出現呢，肯定因為呢個商場有一定嘅人流量，所以連鎖集團先會入嚟開舖嘅。今日就試下呢一間泰國菜，見到都有幾間分店㗎，分別喺淘大商場，同埋黃大仙中心。再望下門口，睇下而家疫情下個優惠先。自取外賣有六五折好吸引喎！但係單價平唔平就見仁見智啦。根據人數，可以用優惠價，任揀一款再望埋其他先。。。都仲有四人餐同二人餐㗎望埋最重要嘅一環，我最中意就係飲嘢識計數梗係揀咗條烏頭魚，咁嘅價錢唔算好肥美㗎喇不過冇乜配菜囉。今晚咩菜都話賣晒得返通菜，冇得揀呀加咗個鐵板蠔仔煎蛋，好鬼大份。好好食㗎好似食緊煎潮餅咁呀！粒粒蠔仔都幾大粒，而且份量都好足！今晚埋單免加一

阿萊泰係有幾間分店嘅，今日就揀咗間喺新界西嘅分店試一試。天水圍阿萊泰喺天水圍T-town商場入面，渣車黎仲有泊車優惠。🚙menu仲有特別優惠，最抵食嘅係$68一條烏頭🤩泰式明爐蒸烏頭 🐟 $68 68蚊一條烏頭真係好平😇，廚房無將貨就價俾條細條嘅你，份量其實4個人食都得👍🏻，我哋兩個食到好飽。條魚用泰式方法蒸，落左好多配料，有少少酸得黎又夠咸，非常開胃。👍🏻生菜包 🥬 $88 份量都好多下，起碼整到7-8個生菜包。豬肉碎好入味，咸中帶少少青檸酸🍋，生菜都幾新鮮🥳水準唔錯，唯獨豬肉炒得唔夠香。泰式串燒雞 🐔 $68 燒出黎嘅雞肉都算juicy，肉質唔韌。不過串燒配既醬唔夠花生香，味道都唔錯。泰式鮮蝦金邊粉 $88 蝦都算彈牙，雖然唔係用新鮮蝦，不過廚師都有僻到陣雪藏味，咬落唔會霉。個金邊粉甜同辣味夠平均，好食😋泰式椰汁雞湯 🍲 $88 睇落唔算好大碗，不過好足料😚，好多菇同埋雞肉，雞肉一d都唔韌，非常好食，仲有好香嘅椰香味同埋有少少酸辣。😇飲品叫左一杯芒果乳酸特飲 🍹 $30 有新鮮芒果肉同埋好濃既乳酸味，不過我就覺得甜左少少，下次可以叫少甜。