亞萊泰 (T Town North)

營業中

休息中

冇左晚市堂食，唯有叫下外賣食啦！見到呢間位於T Towns既泰菜餐廳外賣有7折，就試下啦！無骨海南雞（半隻）味道OK，幾滑，份量都幾多，外賣都有俾齊3種醬汁，可以一試😋無骨豬手呢個我個人就覺得d皮都幾淋既煮得，不過友人就話d肉煮得比較硬啦，味道一般啦，可以唔試🤔泰式鮮蝦金邊粉唔知係咪外賣關係啦，呢個金邊粉冇咩鑊氣，同埋得個甜字，唔夠野味，正係食到蕃茄醬既味🤫蝦都有幾隻既，但係到底加兩條生既韭菜係做咩呢😂總結而言，十分普通啦，可試可唔試。

食盡天水圍之泰國菜：亞萊泰————————————————天水圍嘅t town商場最近其實都新開左多好多唔同嘅嘢食， 今次食嘅呢間就係亞萊泰，店舖環境寬敞，裝修都幾靚😄無骨海南雞飯，今次佢俾嘅位都非常嫩滑，而且每一嚿都係有肉有皮， 配埋啲醬汁同薑黃飯一齊食，好快就會食曬成個飯😋 佢跟嗰碗湯都唔錯㗎無骨豬手飯又係值得推介， 豬手肉質夠淋，唔會好難咬開，仲有啲汁都好好味！附上lunch menu兩張💭 Overall comment:呢間泰國菜普遍味道都好味， 價錢相宜唔會太貴，而且份量足，啱曬三五知己嚟食飯傾計🤗 lunch仲要冇加一服務費㗎🤪🍽食物: 6/10🌌環境: 6/10👔服務: 6/10🎖CP值: 7/10

天水圍泰國嘢嘅選擇唔多, 呢一間質素非常之唔錯 而且幾穩定 同一個餸食幾次都冇太大嘅分別. 不過服務就真係麻麻地要有心理準備 lol每次食泰國嘢都一定會叫冬陰功, 因為最顯真章. 依間嘅冬陰功調味調得唔錯而且可以揀配魚片,份量仲唔少. 另一個優點係下面有蠟燭heat着保溫 冬天食暖粒粒每次都一定會叫嘅菠蘿海鮮炒飯. 第一個好評嘅定係肉鬆份量非常足又有腰果提鮮～個飯炒得唔錯 有鑊氣粒粒金黃色 海鮮份量就正常個豬頸肉都非常之唔錯有窿邊效果 撈飯一流飲品泰國奶茶同青檸梳打正正常常

今日早左放中午,見無咩人即刻行入去.坐低拿拿林叫野食.可能因為暫時未有好多人,上菜都好快..不用15分鐘食物就來到.海南雞飯，雞幾滑但醬汁麻麻好味，雞份量都夠食.個柚子沙律幾好,味道清新,好多汁.我最鍾意就係呢個.菠蘿炒飯就一般般,正正常常,無咩特別.但午餐黎講,整體都可以.

不錯的下午茶，也不貴。人也不多，地方大，坐位闊落但看到桌底地下有垃圾，清潔不足有待改善。1。馬來咖啡豬扒飯 2。青咖啡雞扒飯 (吃辣推薦)Remark : 現在做緊優惠，海南雞飯配豬手，有冬瓜湯及熱飲，只66蚊，抵食。

本人祗不過想食個簡單嘅飯啫，嘩啲態度差到冇人有，poker face， 清潔時間寫到五點半都唔開，淨係見啲人喺入面傾偈， 跟住我周圍行吓，行咗一陣都係唔開 ，我入去問五點半係咪開咗啦， 啲人先放慌張張招呼， 先攞開個清潔牌 ， 完全 冇人講唔好意思，冇態度，跟住 我 坐低 落order，嘩個女人肥嘅，.poker face，講嘢 冇 態度，好似同佢乞丐食咁，轉頭落完單， 我聽到佢劈餐牌嘅聲音，太差喇，啲咁嘅服務態度好唔掂囉， 唔通我落order太少， 大佬呀五點半呀食咩呢你估真係食晚餐咩， 梗係 嗌個簡單嘅嘢食啦，呢間嘢依家咁嘅服務態度真係好唔掂囉， 所以我決定走人去第二度 食。 本人之前有喺呢間餐廳食過幾次晚餐都感覺唔錯，不過唔知點解依家變成咁。 總結嚟講呢就係我入去阻住佢哋傾計，真係唔好意思呀，阻住你哋傾計，你哋唔係做生意囉!!

呢間嘅早餐同晚餐我都經常食，早餐幾抵食，大碗好味又算平，晚餐就有更多選擇同埋好豐富，其中最推薦係咖哩海中寶。一上臺好震撼，有唔同海鮮，而且可以將麵包撕開一塊塊，點住咖喱嚟食，好滋味！

夜晚買外賣 嗌左4樣野 三百幾蚊 等10分鐘有得拎。拎到返屋企先發現落錯單，原本係叫馬沙文牛腩，點知入左海南雞，下次比錢個時真係要對單。今次每樣野食都一般般，唔算特別好食。個$118海中寶係最期待既一樣，有炸魚柳、八爪魚仔、蝦，係幾足料，但味道偏甜，唔鍾意。法包唔脆有點韌，比想像中有落差。少少失望。個冬陰宮花膠魚片鍋飯見特價$78就試下，材料仲有菇同酸菜，味道唔夠香，唔知係咪香料不足，食落無其他泰式餐廳食過既好味。咖哩蟹肉鍋同樣偏甜，同海中寶味道相似，配蒜蓉包都係普通，唔係咁喜歡。海南雞係落錯單既，皮都幾滑，不過無雞味。配個泰式酸辣汁 算係OK。整體 覺得比預期差，所有餐點都麻麻，唔會再想食。之前食過呢間既其他野食外賣，印象明明係幾唔錯架，有些疑惑。

呢排都嚟過幾次，發覺啲下午茶餐幾好味😋 今次又嚟，順便留下食評💻泰式豬扒湯河，個人喜好，我一定要走芽菜，仲要加好多好多青檸魚露，夠晒開胃。豬扒肉質鮮嫩，並沒有煎到好乾身，湯底有點像雞湯/豬骨湯，比較清，不太濃，吃後不致太口渴。還配上少許炸蒜，作點綴。可能是下午茶關係，海南雞飯切左近雞翼位置，肉不太多，比較多骨。上次午餐時叫的海南雞飯，就切脾位，當然，價錢也比較貴一點😌串燒豬肉味道一流，醃料好入味，肉質夠淋，加上傳統沙嗲醬，超正。反而，串燒雞肉，比較乾身，有點失色。最失望的應該是「西多士」，同奶醬多無分別，仲要收30幾蚊，西多士沒有傳統的厚度，難道泰式西多士是這樣的嗎？！ 下次一定唔會叫😡

我很喜歡吃泰菜，可惜天水圍的泰菜餐廳寥寥可數，T Town這間泰國餐廳自開張以來，我不時光顧，今天又和媽媽一起吃了頓令人滿意的午餐我點了春卷雞扒撈檬，醬汁酸酸非常開胃！春卷好味，內裏用粉絲為餡，加上不同香料，充滿東南亞風情，媽媽亦讚不絕口！雞扒煎得香脆入味，相信事先醃了一段時間，沒有雪藏味，值得加分媽媽點了滷水豬手拼海南雞飯，豬手很稔，入味非常；海南雞亦充滿雞味，配上三種調味料各有千秋～喜歡這裏的柯華田，沖得很夠味，落足粉，亦加了淡奶

亞萊泰依間野價錢就一般水平啦，但如果計埋佢個食物水平就完全唔得，唔可以食用。最近去左食，叫左1條特價泰式鳥頭、菠蘿炒飯、生菜包同黃咖哩蟹肉蒜蓉包。首先講條鳥頭，得個酸字同青檸味，冇咩特色，d鱗又未清好，98蚊都俾多，完全唔好食。第2生菜包，d肉好多都係肥豬肉，同埋味道偏酸，好難食。第3黃咖哩蟹肉蒜蓉包，個蟹肉份量都ok，但蒜蓉包基本冇咩蒜蓉，只係一塊普通焗過既多士，咁就收138蚊，真係呃錢。第4樣菠蘿炒飯味道正常，算係4樣野比較正常個樣。唯一比較可取係依間野唔收加一，但都係一次無回頭。2個字難食。味道:2環境:3.5態度:5 性價比:4總分: 14.5評級: E+(極度惡劣)

I like the breakfast and dinner here. Usually for breakfast, I will have an instant noodles with Tom Yum, along with a fried egg, sausages, toast and a hot drink. This set cost less than forty dollars. Dinner offer set meals and they usually have better prices. I like the curry crabs and seafood there. Their salad is a must-try as well. The decorations inside the restaurant is special and pretty. They even got a single room for you to have personal gathering so that you can have a room all by yo

天水圍好少可有泰國餐廳，呢間一開張果陣大排長龍，依家靜番好多。我地食左兩樣野，菠蘿海鮮炒飯同埋鮮魷沙律。個炒飯份量幾多，面頭有蝦同魷魚、肉鬆、青豆等等，味道偏甜，炒得唔係好香。魷魚沙律好多西芹，有小小渣，都係不過不失。

喺正屋企樓下，平時晚餐都好抵食，例如：$6x有條泰式明爐魚。而家仲有個外賣雙拼晚餐，對於正常胃口嘅人份量剛剛好。$68有一款飯（有泰國豬手/海南雞/咖哩牛腩）一款小食（有青木瓜沙律/酸辣鳯瓜/串燒），仲有湯同飲品吖！我前後食咗三日，第一次食$68雙拼餐。侍應姐姐唔記得俾支泰式奶茶俾我！第二次再叫一個$68雙拼餐，再點一個咖哩蟹肉配蒜蓉包。蒜蓉包真係靈魂所在，好香好脆口。不過咖哩係屬於唔辣，愛好食辣及椰香嘅朋友請跳過這道菜。第三次叫了兩份餐，青木瓜沙律雖然唔算好足料，但味道係冇影響，一樣有家鄉味。你見我餐餐都叫海南雞及酸辣鳳瓜，就知道更係好食先至餐餐有份喇！唯一要彈一定就係嗰隻海南雞醬，好難食，成唚跌打酒咁。。。。

天水圍比較少有泰國餐廳 另外一間又屬於貴嘅 味道方面都唔錯架 冬陰功味道好接近泰國 仲有兩隻大蝦添 仲有串燒都幾好食 個汁好好味 另外小食併盤都好抵食啊 不過咁多味菜 我最中意馬拉盞通菜 都真心好好食 有機會來天水圍既朋友 可以試試啦