亞參雞飯 (利舞臺廣場)

營業中

休息中

我要推介下亞參海南雞飯呢間餐廳！佢哋嘅海南雞飯味道非常正宗，雞肉嫩滑又多汁，飯粒粒分明，又香口得嚟唔死鹹，食落真係一流。除咗食物吸引，服務態度好好，店員親切有禮貌，令人食得好舒服。每次我經過都總係見到好多街坊都係熟客，日日都人流不絕，呢個都反映出佢哋嘅嘢食同服務係受到街坊認同，有機會去到附近嘅話，都會再幫襯。

難得黎到一間東南亞餐廳決定一嘗海南雞飯 海南雞飯非常嫩滑 配合餐廳提供的特色醬汁 令海南雞飯有多重層次和變化 而且油飯十分美味 並且餐廳員工服務態度也非常良好 環境座位也非常舒適日後若再有機會會嘗試其他菜式

今日行開銅鑼灣，肚餓搵地方醫肚，聽朋友講asam雞飯幾好味，一於去試吓，叫咗招牌海南雞飯，啲雞肉好嫩滑，油飯都唔錯，碗雞湯正到飲晒👍 最鍾意佢哋杯馬來奶茶，既香濃又滑，啲服務員態度都幾好，非常有禮貌同埋有笑容👍

今晚去咗利舞臺UNIQLO之後，出邊勁大雨，就諗住留返利舞臺商場食晚飯。見到平時中環去開嗰間亞參喺利舞臺，就入去食啦。佢哋最出名係去骨海南雞飯，小食就叫咗春卷同扎肉。個椰青超級勁大。第二出名就係豬手飯，今日略嫌太多肥膏。小食春卷同扎肉啲味道就好木，好似食緊麵粉咁。好鍾意個椰青，非常之大同好甜。但衛生環境就超級麻麻，周圍都係污漬。Service 就好好啦，佢哋唔記得咗上小食。提一提佢哋，就即刻跟進。❤️

咖央多士$25 一份但黎到見到咁樣真係覺得被呃錢多士1開4，只有一塊牛油放中間每件只有極少牛油， 一細個角落可見連佔麵包2分1都無如果唔係見到麵包有啲令令地反光更加唔覺有咖央嘅存在食落去當然亦一啲味都無強烈建議千萬不要點多士

啲雞冇以前咁好食，雞皮多過啲雞肉，啲汁又少，食物質素冇以前咁好，叫外賣等足你15分鐘，食物質素差咗之餘，叫外賣啲所謂環保餐具仲要轉嫁俾顧客收取$1，話係政府規定，仲點幫襯？

收工時間冇乜嘢食，又想搵一間穩穩陣陣加錢唔貴嘅，呢間不二之選，去到冇乜人仲可以揀位坐，海南雞肉夠嫩滑又入味又夠多啖啖肉，係覺得個飯太過油，價錢都仍然係咁抵食，碟菜就唔掂喇，六成都係菜梗又苦

由開張段時間去食，一直到依家，可以見到食物嘅質素係不斷下降。由開張時碗雞粉係多粉多雞，之後開始份量參差；雞皮多過雞肉，到依家粉同肉都冇，淨係得個碗。雞湯偏遊，腸胃唔受得好易肚痛。其他嘅喇沙或者飯，味道都係一般，感覺唔值八/九十幾蚊。小食尚可，但係份量唔多，味道可接受。 飲品一律重甜。其實如果覺得個下午茶餐做唔掂不如加價，總好過減份量，依家連食嘅意欲都冇。

我發覺阿參雞嘅質素好參差。一向都好喜歡吃佢嘅海南雞飯，油飯 香口， 汁又好味。 有時候雞肉比較肥， 都可以忍受。 今日去食， 完全唔得， 夾出嚟嘅雞皮加肥膏， 竟然多過雞肉， 我食完都唔飽，唔知自己食咗啲乜。 用接近100蚊嘅價錢， 換來大碟肥膏及雞皮，感覺像被欺騙了。希望餐廳可以檢討，改善雞嘅來貨， 否則唔會再幫襯。

外賣等成30分鐘，廚房只處理堂食及外賣平台，我買成隻海南雞要斬，所以一路都唔處理，外買單如果你叫海南雞飯出單9分鐘已經可以取外賣，㕑房因應自己喜好而決定出歺先後決定，要幫襯只係可以叫斬好咗嘅雞我強烈建議不幫襯

星期日黎食晚餐唔洗等位我地係比餐牌既炒蜆、烤魚吸引黎食點知原來餐牌上所有海鮮都冇最後四個人一人叫左一個餐海南雞飯最好食雞多過飯喇沙米線非常濃米線略為少左啲啲但料係多既咖哩豬扒飯又係餸多過飯所以食到尾會剩左半碟豬扒如果飯多返少少會更好三樣主食都不錯飲品兩杯特飲都太濃太酸喇重手左熱飲美綠就細杯得過份小食好一般唔多介紹整體黎講都好食既但希望餐廳控制份量分面會有所改善

其實都唔係第一次嚟清貨，但就係每次食完都想encore🤤。🪑環境偏向南洋風味，位與位之間有一定嘅空間，唔會太迫夾，整體尚算舒適。🍽️亞參無骨海南雞飯 ($91)雞肉嘅部分，真係無得輸，嫩滑得嚟又保留咗雞肉嘅原味，每一啖都好滋味。佢哋用嘅係三黃雞，用雞骨熬成嘅湯浸煮，令到雞肉更加鮮美。雞湯亦尚算香甜，可以補充雞肉嘅味道。🍚油飯用咗金鳳米，同雞湯煨煮，米粒吸滿咗湯汁，每一啖都飽含雞湯嘅香味，幾惹味，即使係油飯都唔會太油膩。🥃馬來拉茶味道香濃，有種去咗東南亞嘅感覺，適合搭配海南雞飯食。總括嚟講，亞參無骨海南雞飯喺味道同質素上都好出色，如果鍾意嘗試新口味嘅海南雞飯，呢間絕對係一個入門好選擇。

唔算好餓，所以同朋友叫咗一個主食，再加$27多兩個小食share咁。肉骨茶胡椒味重，一字骨大概有5、6件，唔洗牙力，d肉都甩到出嚟，幾淋。朋友唔食得辣所以冇落醬料中間嘅辣椒，但左邊嘅汁都幾辣下。右邊甜醬油點骨送飯唔錯。其中一樣小食 豬肉棒，唔dry，唔點佢個沙茶醬都ok。咖央多就食得多，但南洋包就第一次食，幾有趣。 包底微甜，上面有dd甜嘅醬同椰絲，但唔會話好甜。 原本仲諗住個牛油溶都唔溶唔係好得wo，不過食落原來佢係半溶狀態，唔錯。

首先我想批評佢嘅服務，我下午茶時間去食，好多人排隊，明明我得一個人，唔知點解要俾咗後面兩個人嘅入去先😳之後佢問完我得一個人，但係又俾咗後面排隊嘅一個人入去先，安排十分混亂。仲要入到去一路都冇人拎餐牌同埋落單張二維碼都冇開俾我，要我叫佢先知冇開，唔係應該一入坐就應該開單先架咩🙁之後杯嘢飲又嚟錯😞食物方面，我嗌嘅係咖喱豬扒撈麵，有四年豬扒，其中有三件都係好柴好乾，另外嗰一塊係正常嘅🤯我貪佢平$48下午茶先嚟食，真係唔會有下次😤

去開銅鑼灣Muji就喺利舞臺呢邊食嘢，當時要排隊，等咗15分鐘先至入座。自助下單，冇乜服務可言，但係上菜態度都唔係好得，黑口黑面咁。個海南雞飯仲要唔平，記得好似90幾蚊，見佢話自己可能係最好食嘅海南雞飯就試吓。油飯太乾、同埋冇乜雞油味。例湯冇咩特別。個雞賣相十分一般，但係味道其實唔錯嘅，冇乜冰鮮味，啲肉都嫩滑。但係呢個價錢呢個服務態度，真係唔係好想嚟多一次。屋企人叫咗個喇沙，超多紫洋蔥，係我唔鍾意嘅味道。