五福園

營業中

休息中

新開既餐廳，同朋友入去食下正唔正，午飯時間，人流非常多小店冷氣足夠，怕熱既我對於餐廳夠唔夠冷氣係非常重要😂由於未食過就問下職員有咩推薦🤔店員推薦我地叫2個套餐，腸粉扁肉湯加餃子扁肉湯。佢地話餃子係自家制，用新鮮材料做既我同朋友都嚇一跳，原來扁肉湯即係細餃子湯，勁多料好多隻”餃子”，齋食依個都飽左6成餃子同樣用料多，有成10隻大大粒，大食既人都會飽依家勁興既石磨腸粉，佢無好像另一間石磨腸粉咁個皮勁易爛，又勁透明咁，依間係夾到既，幾特別，未食過雞蛋同生菜腸粉我地仲叫左個罐罐麵，同樣份量好多，湯底用紅棗同d葯材煲，入面勁多料，牛腩淋，份量多仲有幾粒貢丸，真心抵食！當茶餐廳食個lunch 都40幾元又食到好悶時，不仿試下依度，48元咁大既份量同質素，真心幾好！

身為深水埗舊街坊回來一定要搵新野食，今次嚟到北河街的「五福園」，呢間食店是主打餃子的，見到有專人包餃子，保證新鮮出品，自家炮製。嚟到梗係要點一碗上海如意餛飩，用上湯浸上粒粒餛飩，水餃皮滑不厚，餡料夠新鮮，食到鮮肉味。叫一個幹撈水餃，走湯上的水餃，餃子一樣咁香滑，餡料是韭菜豬肉，好香口，我比較喜歡。點上非常惹味嘅辣椒醬，令味道再更增添層次感。扁肉湯也是浸湯的，一口一粒，細細粒，而且肉味比較濃。蜜汁叉燒腸粉，腸粉漿用石磨的，即叫即煎，加上叉燒好香口，點上秘製豉油，味道不錯。

今日去深水埗買少少野，見到呢間新開的「五福園」。位置尚算方便由深水埗站，A2出口直行1分鐘就到。環境光猛乾淨，望落價錢ok，於是就去試下。..【莆田古法扁肉】包法似雲吞，用的是豬肉餡。特別之處是，餡料份量剛好，size 恰到好處不會太大，皮也很滑溜，一口剛好吃到一隻。過癮。一碗大約有15隻左右，基本上我食一碗就飽了。..【秘製牛腩面】牛腩炆得入味。原本係想轉米線的，但是沒有，店員介紹原來的「麵」也很好食，是自家製造的。食落似手打拉麵的感覺。加$5有杯大豆漿。..【山藥枸杞家雞炖湯】非常足料，有好幾塊雞件。有淡淡的山藥味，飲得出是老火湯的火候。..【石磨腸粉-蜜汁叉燒腸粉】一碟有四大條腸粉，兩條是叉燒，兩條是蔬菜。這個石腸粉帶點粗糙的口感，又有點煙韌，不錯。