五目屋

難得黎到太古廣場返炒散，點都要去附近覓食下嘅（其實係帶唔到飯🥹）。基於我人生路不熟，費時行太遠，又適逢星期日，隔離條街好幾間餐廳都冇開，所以就揀咗呢間日式餐廳去解決我嘅午餐。menu選擇都多嘅，可以係秘製咖喱亦可以係忌廉蘑菇汁配各式食材嘅蛋包飯，丼飯，烏冬都可以。我係忌廉控，所以叫左忌廉蘑菇汁配流心芝士漢堡扒蛋包飯，例湯，沙律，另外加碟唐揚炸雞。忌廉蘑菇汁流心芝士漢堡扒蛋包飯🧀🥚🍚忌廉蘑菇汁嘅菇味都有煮到出黎，醬汁濃稠度適中，最怕水汪汪，同埋稠到撈唔到飯，呢個係剛剛好，蛋皮薄，亦都仲有少少滑蛋嘅質感，漢堡扒就似平常出面嘅來貨，無咩特別，好軟淋，芝士都流心嘅。麵豉湯/ 沙律麵豉湯比想像嘅冇咁鹹，但係湯碗可能因為設計嘅問題，手柄無洗乾淨😥沙律就是正常的切絲沙律，爲我的午餐加添一點素菜😂唐揚炸雞即叫即炸，因爲熱到個嘴😵，皮都唔算好厚，但係雞肉質感唔夠好食，亦有陣味，唔知係雪藏雞定點😅😅不過二三十蚊有5舊雞，仲想要求d咩啊…查看更多

五目屋嘅廣島牡蠣蛋包飯真係幾有新意，今次我揀咗忌廉磨菇汁，感覺同一般日式蛋包飯唔同，有啲西式融合。忌廉汁香滑，撈埋飯同菇一齊食，味道層次多啲，唔會單調。最驚喜係炸蠔，啱啱炸起，外皮超脆，咬落去熱辣辣，入面嘅蠔又夠鮮甜，真係唔錯！日替餐湯就比較普通（麵豉湯），整體嚟講個餐唔算驚為天人，但勝在夠特別，炸蠔值得一試。今次好在weekday嘅lunchtime唔洗等好耐已經有位，值得再去，下次會想試下其他醬汁配搭。…查看更多

餐廳位於Bowtie coffee個邊條街以前都有幾間唔錯既餐廳但最近發現原來執左好多間呢間五目屋反而總生存到🙂‍↔️聽個名都知食日本菜不過唔好期望太高✨廣島牡蠣蛋包飯$72✨Lunch set包一杯熱飲同前菜佢既前菜都唔錯最鐘意食粟米沙津熱飲係熱奶茶個 D至於個餐…我會用茶記質素黎形容佢😅首先D蠔臭臭地一食就知唔新鮮日式咖喱幾好食既不過蛋包飯唔算滑鏊體黎講一般般啦不過咁既價錢都唔會要求太多得閒想食下日式咖喱就黎試下lor~…查看更多

餐牌好多選擇而且好抵食 呢份好似係$5x(?) 除咗雞扒烏冬 仲包咗一碗湯 一碗椰菜沙律， 感覺係幾豐富嘅烏冬質地一般般 唔係好有彈性 又未至於淋曬嘅 另外配菜仲有海帶同雞蛋 其實真係算唔錯但係個雞扒真係唔太掂 雖然呢個價錢都預咗係雪藏雞扒 但係有啲餐廳處理得好啲個味道都好啲。呢個成舊肉都好淋咁樣 唔太新鮮嘅感覺可能嗌返煎嘅雞扒配咖哩飯會好啲掛，見人話佢嘅咖哩好食不過見過價錢咁平本身都冇咩期望，所以冇太大失望，但未必會再試…查看更多

一到lunch time, 蘭杜街就逼爆，間間餐廳門口都有人等緊位。呢間日式小店有丼飯、烏冬、蛋包飯、咖哩飯，任君選擇～😋主食會配日式前菜同埋綠茶或餐湯，前菜係椰菜沙律，餐湯係椰菜蘿蔔湯，清淡而且有好香嘅蘿蔔味～🤩照燒雞扒親子丼 $67照燒雞扒份量比較少，雞皮比較濕，好似冇煎過咁，油脂仲喺塊雞扒度，醃得好入味，偏鹹。飯上面有一層滑蛋，加入咗唔少洋蔥絲。正宗親子丼應該有味醂嘅香味，呢碗親子丼反而有好濃郁嘅照燒汁味，食到底仲有頗多汁。個人不推薦🥲吉列豬扒咖哩蛋包飯 $72吉列豬扒好厚肉，份量好足，冇豬肉嘅臊味，但一嚟到只係暖暖哋，唔係即刻炸嘅。咖哩偏甜口，typical日式咖哩。蛋包飯個蛋好嫩，薄薄一層，啱啱好蓋住個飯，而飯嘅份量好多，啱啱好可以撈曬啲咖哩汁。會話係抵食嘅日本嘢，上蛋包飯嘅速度好快，親子丼反而等咗15-20分鐘，質素普通，期望唔好太高。🤨…查看更多