五嫂石磨腸粉

營業中

休息中

好難得去深水埗，特登去返五嫂幫襯佢嘅腸粉。今次叫左豬潤腸，味道好特別呀，本身仲諗緊會唔會好粉，陣味好怪，但係又唔會噃，豬膶彈彈地牙得嚟，粉粉地，好好味，仲有佢個汁，我真係好鐘意個汁嘅味！

Google完睇到d文章報導介紹，今日第一次去食呢間嘢，一去到有兩個店員，一個負責打雜，一個負責整腸粉，我同打雜個落完單，打雜話咗俾整腸粉果個聽我嗌咩，點知整腸粉條友又問我食乜，我一時唔為意遲答咗幾秒，條友居然勁臭寸咁話“Diu!好似啞咁”。。。😨我見佢d職員紋晒身唯有忍佢，食食下留意到佢對所有客人都係咁臭寸，老老實實，我都好多年未見過有鋪頭對d客咁寸😑至於食物方面，普普通通街邊水平，唔明網上d文點解吹得咁勁，可能係買返嚟嘅打手文，衛生方面亦係好差，地方迫又近後巷，個臭寸職員隻手收完錢又整腸粉，無限loop🤢總結：如果你想食盒腸粉都要俾人寸到上心口，咁歡迎你去😊總之我呢世人唔會再去呢間嘢🤗

以前去深水埗買完電話卡/充電線/記憶卡等林林總總的電子用品，都會順便吃完個午餐或下午茶才乘車已去。舊日的我去開都是合益泰，但是都幾年啦，悶悶地又不想多吃，即時網尋深水埗好推介，結果就揀了那間人氣皺皮腸粉。價錢相當抵玩，那我便選了$18，經典的雞蛋腸粉（自從在澳門吃過後便瘋狂愛上）。真的很薄很滑，不知知否邊吃邊望住那磨機即製著米漿，那米香像似挺濃的，加上雞蛋及蔥花，多了一份風味；最愛是那自家製醬油汁，色重而不鹹，香而味道豐富，把滑溜腸粉浸沒在醬汁中不需怕過濃過鹹，味道剛好惹味。總體價錢由$13-$25，一盒份量，感覺頗足，有機會下次要試另一人氣的豬膶腸！

今日要去深水埗做啲野一出地鐵站見到依間腸粉店又見肚餓 就買左個雞蛋瘦肉碎腸食 同一杯豆漿一落order 佢就即刻落手煮 夠曬新鮮腸粉皮好滑好薄 同平時酒樓嘅有明顯分別落埋佢嘅自製醬料 更加lam lam 脷^_^

附加返圖片，附加返圖片，附加返圖片，附加返圖片，附加返圖片，附加返圖片，附加返圖片，附加返圖片，附加返圖片，附加返圖片，附加返圖片，附加返圖片，附加返圖片，附加返圖片，附加返圖片，附加返圖片

以前細個陪呀爸呀媽返大陸，食過一種腸粉成餅野咁，味道好好味。到而家大個，忽然間諗起，就好想食，喺香港搵左好多間都搵唔到果種口感同味道。前排喺網上搵深水埗美食，見有呢間腸粉舖，有d興趣想試。隔左半個月，終於有籍口嚟開深水埗，終於試到喇，完全冇失望 唔好嚴地方環境爭d，因為都係呢頭食完，轉頭就走。我地叫左個「雞蛋腸」同「叉燒腸」，等左一陣就有得食，新鮮整出嚟，即叫即做。 嘩..諗唔到比想像中好味，好滑、好香，個汁好好味！食完好想再叫多個，不過比男友阻止左。雖然同我搵嘅腸粉個口感好似，但係呢間嘅腸粉，我覺得更加好味，個汁陣味似鮑魚汁，哈哈，講起都好想再食，等我再下次返嚟幫襯呀！

成日經過，但始終無冷氣，又要企係街等，佢即叫即整，所以一直未有幫襯。今次見天氮唔太熱 又即管等下啦!見佢價錢尚算可以接受，其實可以再平少少。叫左個蜜汁叉燒腸。佢跟埋個自家制醬汁嘅。講真個醬汁好普通，但唔落又唔得，會覺得乾，叉腸一定要濕濕地食先好。個腸粉都算滑，個腸粉係皺皮好處係好吸汁，可惜個汁無乜驚喜，普通啦，叉燒可以再蜜汁D，但個叉燒份量係適中嘅。總結價錢合理，都值得試嘅，如再平D或加錢有飲品會好D。走時，先見到有最愛嘅菜脯腸，下次再試吧！

有次經過深水埗買野，無意間經過呢間五嫂石磨腸粉，見係香港少見即整既石磨腸粉又餓餓地就幫襯叫碟試下，就係呢一試 之後再黎食左幾次，屋企人間中就會話想去深水埗食腸粉，即係呢間五嫂石磨腸粉，深水埗仲有另一間五嫂石磨腸粉，但始終覺得企位呢間師傅整得比較好食。叫完腸粉隔離鋪都係五嫂石磨腸粉既，有得買野飲同有台比客人企係到或企係到食腸粉。叫左兩碟豬肉腸粉，腸粉皮薄得來實淨唔會易斷開好似霉左咁。口感滑身唔"鞋"口，腸粉豉油汁岩我口味唔會太咸仲有叫左碟雞蛋瘦肉腸，雞蛋蒸熟左始終會有點"鞋" 口，不過加左雞蛋會更香同飽肚感d。

上次來五嫂，好多客人，好滑，好好食，今日再去五嫂，一個人都無，個磨吾開，雖然即刻整，但個碎肉菜脯腸好吾得，腸粉好”鞋”,D肉吾滑無肉味，菜脯無味吾爽，陷料太小啦，個汁奇奇怪怪，酸酸地，又太多，好似腸粉系海度潛水。地方比以前污糟，睇清楚其實太開放同太近後巷啦，吾衛生，雪櫃打開門無冷氣。現在太多石磨腸粉店啦，仲開到大大間，而且價錢仲比較便宜，甚至有位坐，五嫂真系要想辦法大改進啊。真系太大退步，真系超失望。

經過深水埗就諗起想食皺皮腸粉，五嫂係想食list 1st。咁岩行過唔好錯過。味道整體幾好，粟米腸粉帶d甜，腸粉本身小小煙韌同埋都爽口，唔會食到粉/糊口感。腸粉除左蔥中加左1/3碗嘅汁，食落似好淡嘅豉油加麻油，增加左個香味，個人食開淡味覺得唔錯，如果中意濃味店家都有甜豆豉提供，再自己撒d白芝麻，正! 要讚嘅係調味料位都整齊乾淨，唔會豉油汁芝麻四圍飛，樽身同樽口都落到手。唯一美中不足係一路食d粟米一路跌，無辦法一次過食到腸粉同粟米=.=最後係一次過連汁同淨嘅粟米一齊倒落口。都係個句，好彩d汁唔鹹。要留意嘅係呢間鋪係無坐位嘅，同埋係巷同巷之間，店家有提供風扇但如果好似今日33度高溫真係要認真思考下人生。再唔係，買完入mtr(閘外)食可能中嘆。

又到深水埗覓食時間這次吃一間位於深水埗鴨寮街附近的腸粉店#五嫂石磨腸粉腸粉在香港有三種不同款式1. 豬腸粉是只有白色的腸粉皮加甜醬醬油芝麻麻醬等是香港的特色小吃可以是早餐吃或下午茶吃大多數香港人都加燒賣魚蛋吃2. 有餡的腸粉主要在茶樓吃到有叉燒腸、牛肉腸、蝦腸現在在特別的料如豬肝、玉米豬肉等加醬油吃的3. 蝦米腸就是像豬腸粉的但裡面有蝦米葱等配料用煎的非常香口五嫂腸粉用石磨磨粉漿皮薄又很滑今天點了芫莤牛肉腸粉雖然牛肉沒有很多但是很滑嫩裡面有滿滿的喼汁跟牛肉非常搭店員介紹6-8都好吃下次可以試試玉米豬肉碎和豬肝腸粉

體到飲食男女介紹，專登過黎試order 左個豬潤腸粉，等緊腸粉嘎時候聞到陣陣酸臭味，再體到磨腸粉漿嘎石磨就甘擺係條後巷，環境令我失望等左幾分鐘終於有得食腸粉一夾就爛，又薄無米香味，無米香嘎變味腸粉以後都唔會信飲食男女介紹嘎美食

睇完D報導話好食，仲話大排長龍，尋日行過順便一試，食咗個葱花腸，真係覺得好難食，完全唔合格啊，冇米味，唔知自己食梗乜，D粉質地差，口感好怪，個豉油汁稀到不得了...總之中伏，唔會再幫襯。

D腸粉薄過A4紙一夾就爛失敗，食落去無口感失敗，D豉油汁不知所謂失敗中嘅失敗，連正常蒸皺皮腸粉嘅水準都無我都唔知新假期點解可以推薦佢，食過一次以後唔會再食佢！！0分

三日假期都無咩休息就要返工，累到一個點，唯一假期裡面開心就係食好西，最後一日假期我同男友就過左去深水埗搵食，其中一樣就係食皺皮腸粉！☆☆☆☆☆我地叫左一份雞蛋豬肉碎腸粉 ᴴᴷ$20 + 🥚ᴴᴷ$3 + 🐷肉ᴴᴷ$3 = ᴴᴷ$26 等既過程可以見到師傅仔即叫即製既製作過程，好快就有得食啦！溫馨提示：呢間分店係只可以係旁邊立食，係附近既另一間分店就有少量座位。☆☆☆☆☆小驚喜：我地攞左盒腸粉準備影相時，店小哥突然走過黎，👋🏻攞住一盒腸粉話呢個先係➕左蛋同埋肉，咁我地就想俾返攞左個盒佢，但佢就話唔使，仲講左d嘢但太嘈聽唔到😂，跟住佢就衝衝忙忙返鋪頭，因為已經有條長人龍排緊隊 。☆☆☆☆☆依家講下腸粉先，普通版既腸粉肉同埋蛋份量其實已經唔少，肉蛋分佈均勻，仲有少少蔥花，增加香味，腸粉幾薄幾滑，口感有少少煙韌，豉油鹹度剛好 。☆☆☆☆☆升級版既腸粉滿足感更大，因為🥚同埋🐷肉都多左 。😋😋☆☆☆☆☆老實講我係珠海食過更好味既皺皮腸粉，不過呢間係我係香港試過比較接近大陸味道既一間，價錢又相宜。同埋支持香港有人情味既小店，一定會再encore。加油 😎😎！