五匠六釜

營業中

休息中

家人難得返港放暑假，當然要帶佢到Airside逛一圈，順理成章喺商場食個晚餐😋上次試過呢間中餐廳，雖然用餐體驗不算非常好，座位多又同鄰桌隔太近，但勝在味道不錯，價錢份量亦好合理，同家人黎用餐非常合適。——————————🔸北京填鴨（半隻）$168再訪既主因就係呢道菜，只要仔細觀察，就會發現基本上每桌都會點填鴨🦆半隻鴨只要$168，確實不是每間餐廳都做到。鴨皮香而不膩，鴨肉紮實不肥，配摩摩皮、京蔥、青瓜及甜麵醬同食，好有層次。🔹四川擔擔麵 $52驚喜之選🍜湯底濃厚不膩，花生粒粒令整體更香更有口感，麵條滑身掛湯，完全不軟爛。以這個價錢食到這個質素，無得輸✌️🔸糖醋里脊 $89調味酸甜有致，醬汁帶椒香，里脊外脆內軟，同樣好有水準，如果肉量可以更多就更滿足了。

airside 食物款式超級多的上海菜座位多 不過唔太闊落裝修簡潔光猛見到新推出了好流行的鴨屎香檸檬茶✨砂窩雲吞雞（半隻）$148大大個砂窩上枱😎附上刀叉方便切開雞件雞的肉質好軟腍✨麻婆豆腐（2辣）$70豆腐好滑溜 見到有粒粒豆豉有好輕微的香辣 都幾惹味撈飯一流👍🏻✨鴨屎香檸檬茶$28有個人喜好選擇我自己就揀左少甜同少冰比一般檸檬茶更香 都幾正👍🏻✨脆炸鮮奶$32烤到金黃色 一夾就知脆卜卜外脆內軟 入面啲鮮奶綿滑✨白飯 $12

📝QR code 落單：🥢北京填鴨半隻 $168半隻嚟講都幾抵食 兩個人嘅話都好豐富 鴨皮香脆 肉唔肥 油脂唔算多 唔會好油膩 配埋醬料 青瓜 京蔥一齊食 清新爽口 性價比都算高👍🏻🥢蔥爆羊肉 $98份量多 香口惹味 羊肉唔會太羶 調味偏濃 非常適合伴白飯一齊食🤭🥤鴨屎香手打檸檬茶 $28餐廳推介 時下好興嘅鴨屎香檸檬茶 連呢到都有得飲 茶味幾濃 冇少甜情況下 飲落都唔算甜 不錯💛整體餐廳理境好闊落 樓底高 冷氣夠 只係略嫌枱同枱之間近咗少少 但絕對係可以encore嘅餐廳🙌🏻

呢間裝修一般，餐枱之間隔離好近安排入坐的情況混亂，一次過叫幾個號碼，然後遲d拎飛既可以入先😇叫左4 樣野，兩樣正常，兩樣係劣食1. 蔥油海蜇見到個樣已經唔開胃，呢個啲海蜇又粗又長，好似完全冇處理過咁調味十分之酸，完全冇蔥油味，蘿蔔絲勁多2. 餃子麵個麵除左蛋水味外，完全食唔到其他麵。麵份量係好多，但係好普通既蛋麵。韭菜餃子無韭菜味，得怪味，個皮偏厚。3. 炸鮮奶 + 片皮鴨算係比較正常系airside 300+ 既晚餐，本身有一定期望。但咁既食物質素同環境，呢間一試無回頭。PS 聽到隔離枱都話好難食🤮

平時經過見到好多人響門口等，以為好popular. 18:22攞飛，之後下一張就到我。點知到我個number 時，門口有個好冇禮貌嘅女人不斷問：齊人未？齊人未？ 我表示還欠一人，不過已經在途中。 由於佢係限時90分鐘，咁我咪同佢講，你咪由入座開始計，我們自己叫野食先。其實冇影響佢做生意，我唔明點解堅持要齊人，我們只欠一人，其實都已過半數，更何況3人枱和4人枱根本是一樣的。 門口女人唔比我地入，咁唯有繼續等，眼見遲來的人一直入座，差唔多已滿座。家人於18:44已到齊，但19:08才能入座點菜。食物一般。如果要限時90分鐘仲要等40分鐘先有得食。咁祝你生意興隆啦。

明白現今做餐飲難訂枱時冇留意90分鐘及齊人先放枱辛苦一日成餐飯趕頭趕命食物質素其實唔差但坐底十分鐘經己飛齊九成餐點落枱未夠鐘就放定賬單係枱迫你走太急趕食完餐飯胃痛咗成晚

九龍東近年最受歡迎嘅商場啟德Airside 一定榜上有名，我哋放假行下新商場睇戲🍿，睇完戲係附近見到一間食北京填鴨嘅餐廳好多人排隊，所以都唔執輸。📍啟德 Airside 五匠六釜我哋食咗：🌟北京填鴨（半隻）💰168北京填鴨半隻💰168價錢合理，味道都唔錯。我鐘意隻鴨偏瘦小小，我個人唔鐘意太肥，鴨皮脆身，兩個人清晒。北京填鴨既皮都算多，我記得20塊，如果皮與皮之間有野隔住更好，唔會痴住。配菜有京蔥同青瓜，如果有埋哈密瓜🍈仲正，個醬都幾杰身好濃，醬有畫龍點睛嘅效果。🌟四川擔擔麵💰52加底+💰4四川擔擔麵個湯底好濃，花生🥜都多，加左底超大碗。我見隔離枱冇加底個量都多。係高級商場加埋咁靚裝修同環境先💰52真心平。🌟脆炸鮮奶💰32脆炸鮮奶好有驚喜，外面個皮好脆，入面嘅奶好鬆軟，入口即化。唔怪得咁多人食啦。🌟鴨屎香檸檬🍋茶💰28檸檬茶正常，有檸檬既果香，冇苦澀味。2人茶位💰10蚊總結：餐廳環境好舒服，有一邊靠窗可以望到街景，食物價錢都算幾合理，食物平均質素都幾好。職員有禮貌，係安排入坐有小小混亂，上菜有時攪亂左。

Airside 靚裝親民京川菜館 Airside 係一個好新嘅商場 今日得閒同朋友過嚟行吓 喺6樓發現咗一個食酸菜魚嘅餐廳 地方好大 新裝亮麗 冷氣有啲凍🤣 佢都有幾款特飲 主打鴨鴨屎香手打檸檬茶 最近有啲咳 所以冇試😉 酸菜魚$198新鮮鱸魚片 都有好多片😉 仲有粉條 娃娃菜 芽菜 當然唔少得鹹酸菜啦 味道條配得啱啱好 我哋揀咗小辣 正😋 白菜豬肉$48餡料飽滿爆汁 好新鮮👍 四川擔擔麵$52每條麵都掛晒汁 超正 呢個價錢認真抵食🤣 四川糍粑$24呢個糍粑好正宗 最正係可以四條四條咁叫 小人食都唔擔心食唔晒😍 整體嚟講 地點方便 坐得舒服 價錢親民 好多嘢想再試 😍😍 🎈五匠六釜 (九龍城)九龍城啟德協調道2號AIRSIDE 6樓L602號舖

啟德AIRSIDE嘅抵食中菜，呢間餐廳人流都幾多，食物質素唔錯，價錢親民，性價比高。 酸菜魚用新鮮鱸魚炮製，魚肉鮮甜嫩滑，份量多。酸菜同辣椒比例都唔錯，亦加入粉絲、雲耳等做襯托。 酸辣土豆絲每次見到都會點嘅菜式！香口得嚟唔油膩，唔會太辣同太酸搶咗薯仔嘅味道。 螞蟻上樹傳統川菜，肉碎沾喺粉絲上面就好似螞蟻上樹咁，好夠鑊氣，炒得夠乾身，粉絲煙靭，肉碎彈牙，鹹香微辣送飯一流。 檸檬益力多香水檸檬味道突出，加落益力多度酸酸甜甜好fresh好解膩。

位於Airside內的這家餐廳:五匠六釜以其獨特的菜品和高品質的口味而聞名。我最近在這裡品嚐了幾道招牌菜，其中包括酸菜魚、麻辣魚皮和蔥爆牛肉。1. 酸菜魚：五匠六釜的酸菜魚絕對不會讓你失望。魚肉好滑，口感絕佳，營造出一種獨特的風味。湯汁濃郁而香氣四溢，讓人回味無窮。這道菜給我留下了深刻的印象，麻辣魚皮：如果你喜歡麻辣風那麼麻辣魚皮絕對是你的首選。這道菜以脆爽的魚皮為基礎，配上辣椒、花椒和其他香料的組合，給人一種辣中帶麻的口感。魚皮的脆度與青瓜𢇁麻辣調味的平衡使這道菜成為一個完美的開胃菜。它的香辣口感讓我回味無窮，不禁一口接一口。如果你是一個辣食愛好者，絕對不能錯過這道美味的餐點。蔥爆牛肉：果然也沒有讓我失望！分量十足，炒得香嫩多汁。蔥的香氣與牛肉的鮮味相得益彰，增添了這道菜的豐富風味。調味料的選擇非常恰到好處，唔會太咸！使這道菜的味道更加均衡。如果你喜歡牛肉並且喜歡蔥的味道，我強烈推薦你品嚐這道美味的蔥爆牛肉。

明明訂左7點半去到但waiter話其實係7點半先幫你拎飛訂左咁多年位第一次聽自己網上平台拎定飛做後備去到又話4個人齊先入得明明網上平台係寫3人咁既服務態度食物幾好食都無用

今日行Airside發現左間出色既中菜餐廳👍🏼唔止味道有驚喜😋CP值仲好高添😌推薦北京填鴨同脆炸鮮奶🥰餐廳環境乾淨光猛👍🏼而且係Pet friendly🐶-🦆北京填鴨(半隻）大份抵食質素高👍🏼鴨肉結實嫩滑🦆肥瘦適中冇多餘嘅脂肪😋皮薄香脆🤤厚薄均勻-🫑青紅椒炒鴨架（半隻）鴨架仲有好多肉👍🏼加埋醬汁去炒另一番風味😋送飯食一流-🍲上湯雲吞粒粒雲吞都多肉餡到脹卜卜😳皮薄餡靚有肉汁添😋上湯亦都十分鮮甜-🍼脆炸鮮奶外層金黃酥脆😋入邊係細滑香濃既牛奶🤤即叫即炸👍🏼味道出色😍私心推薦-📍五匠六釜九龍城啟德協調道2號AIRSIDE 6樓L602號舖

朋友介紹去呢度食「片皮鴨」，可以嗌半隻， 只係$168，其實個份量都好大份，絕對足夠4個人食。因為我哋只係兩個人，所以唔叫得多嘢，另外再叫咗個「砂鍋雲吞雞」，都係嗌半隻，$148。最終有半碟「片皮鴨」要拎走，「砂鍋雲吞雞」都只係食咗一半，飽到叫唔到甜品。下次去可以試吓酸菜魚，我見到都好多人食。呢間都算係Airside入邊人氣比較高嘅餐廳，如果冇訂枱，都要等一陣位。不過就比較迫，二人枱其實根本就唔夠位擺啲食物，食得比較論盡。

放假同小朋友去Airside玩，夜晚就揀咗呢間餐廳食片皮鴨。我哋點咗➖北京填鴨半隻 $168 片皮鴨多肉，麵皮都好足夠，不過略嫌配料青瓜同蔥絲唔係好夠包。➖砂鍋雲吞雞煲半隻 $148超大煲，雲吞好大粒，菜都好多，點咗呢個煲，建議唔需要再另外點蔬菜了。➖秘製牛奔麵 $58牛筋麵同肉都好多，正常味道，兩個人食剛剛好。餐廳都仲有手調特飲，我哋選點鴨屎香手打檸檬茶同檸檬益力多。呢一日星期日，餐廳超級多人等位，我哋六點到已經要排隊，幸好餐廳位置多，都唔使排好耐。

放假到訪𝐀𝐈𝐑𝐒𝐈𝐃𝐄，想吃中菜見這裡有片皮鴨就來試下午𝟑點無需等位，被安排坐窗邊位置，環境不錯呢 ▸ 北京填鴨（半隻）$𝟏𝟔𝟖片皮鴨賣相不錯，份量好夠，而且連肉的都好多呢 皮脆肉嫩，包摩摩皮連京蔥及青瓜條吃不會太油膩整體好有驚喜，難怪基本上每枱都有點呢，推薦.ᐟ▸ 秘製杭州骨 $𝟖𝟖同樣大大份的，肉質好嫩滑濃郁的酸甜醬汁很適合送飯▸ 酸辣湯麵 $𝟓𝟐湯麵份量亦很多，辣度剛好，酸酸辣辣很惹味內有木耳、筍絲等配料令整體口感豐富，不錯