云手工火鍋店

營業中

休息中

打邊爐最緊要夠地踎先夠地道，但好多朋友話尖沙咀瑞生酒店入面嘅火鍋店嘅出品好出色，所以決定去試下佢😍火焰三椰雞鍋 $328呢個湯底即席煲出嚟，由炒料到滾起，全程直擊，先炒雞，再用椰皇椰青椰奶滾成，仲會玩火添，超香椰子味，唔會好油，一開始淨係飲湯都飲咗三碗，正😊美國安格斯牛肉（中） $268啲雪花勁靚，食落非常軟熟，牛味都好勁，同埋份量都好多，兩個人食啱啱好👍🏻自家製黑松露蟹肉餃 $68呢個必點，皮薄餡靚，黑松露味好突出手打芝心牛丸 $52呢款要小心焫親個嘴，一咬開就爆哂啲芝士出嚟，牛味好濃，同芝士夾埋一齊又真係幾得意手打蝦丸 $48食落爽口彈牙，蝦味極重，因為呢款蝦丸真係有蝦係入面㗎🤭自家製炸魚皮 $68真係食得出係自家製，唔係買貨，特別香脆👍🏻佢哋仲有Vɪᴘ房，入面有卡拉Oᴋ唱，一班人包房玩仲正，當然有低消喇，有興趣嘅朋友可以打去餐廳研究吓😌

今次同屋企人揀咗嚟呢間喺瑞生酒店裏面嘅火鍋店，環境幾好，坐得幾舒服，食物都幾高質。火焰三椰雞鍋$328店員先將雞件用牛油爆香，然後用火槍一把火將雞件燒一燒，再用上椰皇同埋椰青水將雞件煮熟，湯煲好後店員仲細心幫我哋將油撇走。湯好清甜，椰子嘅香氣加上雞嘅鮮甜好好飲。雞件都幾嫩，滑得嚟肉質都幾爽。老友鬼鬼$78即係油炸鬼釀黑膠，炸得油炸鬼好香脆，裏面嘅黑膠爽口，食嘅時候沾上泰式甜辣醬好味。美國安格斯牛肉（中）$268一拎上枱已經見到牛嘅雪花好靚，我哋每片牛肉淥大概8秒左右，食起上嚟肉質嫩，一啲渣都冇，好淋滑，牛味幾香。鮮蝦雲吞 $48半份雲吞勁真材實料，裏面蝦肉好大隻，而且新鮮爽口，海蝦味仲好濃，勁正。鳳城水餃 $48 半份鳳城水餃裏面主要係蝦肉同埋一啲木耳絲，蝦同樣爽口，增添左一啲木耳絲嘅爽脆口感。手打黑松露墨魚丸 $52半份手打墨魚丸幾爽，增添左黑松露嘅香氣。手打鹹蛋黃蝦丸 $52半份鹹蛋黃蝦丸第一次食，幾特別，咬開有一啲沙沙嘅鹹蛋黃，如果可以做到流心嘅感覺更加好。手打芝心牛丸 $52半份牛肉丸爽彈，加埋裏面流心Creamy嘅芝士，味道好夾，幾好味。手打蝦滑 $52半份蝦滑幾爽，食得出用

開喺酒店入面，好有格調，裝潢好有氣派😍 除咗普通位置，仲有幾間VIP房，私隱度極高！有大中細房，大房夠坐12人，仲有得唱K，啱曬一大班人一邊食一邊唱～🎶今次我哋4個人就坐細VIP房，好舒適！呢到嘅有唔同火鍋，配料選擇都非常多，叫到一枱都係食到飽都勁抵～🔥火焰三椰雞鍋（必叫✨）店員先用牛油炒熱雞，然後落酒再點火炒香🔥 記得打卡！✨ 鍋入面有椰子肉同海底椰，再倒入新鮮即開椰青同椰皇水🥥。最後落埋椰漿雞湯煲滾🔥 煲緊已經聞到勁香，呢個湯底完全冇得輸，一開始淨飲湯都飲咗2碗🤤！店員仲會細心片走鍋油，服務一流！✨🔥自家製黃金炸魚皮（必叫✨）好香鹹蛋味，魚皮又炸得夠脆！🔥竹庶茅根清潤解渴，火鍋必備！🔥西班牙黑毛豬份量十足，淥幾下就食得～🔥香煎鵝肝墨魚丸、手打鹹蛋蛋蝦丸手打丸好彈，有驚喜🔥黑松露蟹肉餃（必叫！✨）一定要叫，極推介💫 有滿滿嘅菇碎同蟹肉碎，黑松露味好出，勁好食！🔥台灣寬粉寬粉索哂個湯底好入味好食，好滑好好食𓆝𓆟𓆜𓆞𓆝𓆟𓆜🍴 云手工火鍋店📍尖沙咀加連威老道20號瑞生尖沙咀酒店3樓——————————————————

尖沙咀B1出口行約3分鐘👍👍非常方便。新發現「云手工火鍋」係粵式火鍋店，使用時令食材製作高級火鍋及刺身，養生湯底適合一家大細，最緊要係湯底冇味精🤗。馬上約咗幾個朋友放工相聚食火鍋👏👏✅醬料：九宮格醬料比客人自己撈，選擇足夠的。✅湯底：火焰三椰雞鍋💕鍋內有半隻雞、椰子肉、海底椰及紅蘿蔔。店員會幫手炒熱雞件落酒點火炒香雞再倒入新鮮的椰青、椰皇雞湯、而熬製出鮮甜嘅湯底。啲湯真係好鮮甜，好好味👍👍👍👍👍✅火鍋配料：選擇非常之多👍👍我們當天選擇了：西班牙黑毛豬、香煎鵝肝墨魚丸、鮮蝦雲吞、招牌韭菜餃、手打黑松露墨魚丸、手打鹹蛋黃蝦丸、自家製黃金炸魚皮黑松露蟹肉餃、野菌拼盤、台灣寬粉、竹蔗茅根水。總括：呢間云手工火鍋，食材新鮮，食得放心😀店員招呼周到👍👍地方寬闊。一大班朋友，還可以訂VIP房，卡拉OK房，私隱度極高。推薦👍👍👍👍👍

呢間火鍋店就係The One斜對面，屬中高價位，食材、環境同服務質素都好好。餐廳入面座位寬敞，燈光柔和，裝修幾有氣派，盡夜晚顯高級感。仲有幾間VIP房，私隱度幾高。另外職員都會好細心幫你留意住啲火候同埋幫你過濾走啲火鍋上面嘅油脂。🔥火焰三椰雞鍋 $328呢個湯底真係超級正，除咗有雞同埋椰子之外，仲加入一個椰青水、一個椰皇水同雞湯，店員喺你面前加嘅，一開始仲落嗰啲酒炒隻雞，再噴埋火焰真係有啲驚喜（掛住望唔記得咗影低），咁樣就變成新鮮嘅椰子雞湯，超清甜！！雖然價錢有點貴，但個鍋冇得挑剔，雞肉嫩滑湯底鮮甜。🦑手打黑松露墨魚丸（半份）$52半分有四粒，好濃嘅黑松露味，同墨魚丸超夾。墨魚丸嘅口感好彈牙，仲食到墨魚粒。好食到要encore多份。🍤手打蝦滑 $98個擺盤好精緻，蝦滑好新鮮而且都好彈牙。🥟自家製黑松露蟹肉餃（半份）$68極推介，一定要點呀！先講個餃皮好薄，而入面包咗滿滿嘅菇同蟹碎，重點呢個餃的黑松露味比黑松露墨魚丸更出味🤩🤩。呢款我都係encore咗多份😚。🦀鱈場蟹棒$68蟹棒鮮甜，煮十幾秒就已經食得。🥬皇帝菜$48問咗店員原來係有機皇帝菜嚟，唔怪之得食落超爽口。🍜稻庭烏冬$48

📍#云.手工火鍋尖沙咀存在着多元美食匯集區，火煱店屬於一個大眾常去的餐廳，因為可以點選不同美食，又可以邊食邊談天的享受。今次帶大家去食嘅就係尖沙咀出名嘅火鍋店，佢嘅位置位於尖沙咀中心點，交通非常方便。🥢火焰三椰雞鍋 $328店員首先會用乾鍋形式炒香雞肉、椰子肉和紅蘿蔔，待炒到半熟時就會加入料酒，用火槍點燃後聞到陣陣酒香。最後會倒入新鮮嘅椰子汁做湯底，店員會幫我地隔走湯面上油份，一鍋充滿椰香味又有雞湯濃郁嘅味道，喝下是十分暖心，清甜。🥢招牌牛肉拼盤 $398拼盤入面有本地手切牛，安格斯牛肉，牛心椗，牛舌，牛胸爽，牛柳粒，非常多選擇，加上餐廳特別嘅擺盤，打卡一流。牛肉在湯底游走數十秒，就可享用。🥢自家黑松露蟹肉餃 $68本人非常喜愛餃子，每一次去不同餐廳都會點，今次餃令人喜出望外，黑松露配上蟹肉，十分有趣，沒有違和感，非常好味😋🍹竹蔗茅根 $68打邊爐必備涼茶，材料十足😍——————————————- 📍 云手工火鍋店 (尖沙咀)🏠 尖沙咀加連威老道20號瑞生尖沙咀酒店3樓#hkfoodstep#hkfoodstep尖沙咀#hkfoodstep 火鍋 #hkfood #hkfoodie #

好耐冇同婆婆食飯，平日同佢通常食酒樓中菜，今日想一齊食d特別d。聽朋友介紹尖沙咀呢間火鍋店唔錯，一於黎試吓。黎到餐廳，座位舒適不錯，店員服務不錯。火焰三椰雞鍋$328我地叫咗個清潤滋補湯底。店員為我地用牛油爆香雞件、椰子及紅蘿蔔，然後加酒點火，火焰效果打卡一流。之後加入一個椰青水同椰皇水再倒入清湯煮滾。即刻試返碗湯然後先開始火鍋，個湯清甜到不得了。老友鬼鬼$78火鍋正式開始前，食返個小食，呢個油炸鬼炸得超脆又香口，釀入蝦膠，蘸上泰式酸辣醬，好惹味。美國安格斯牛肉（中）$268 牛肉色澤好靚，雪花分佈均勻。入口腍滑，油香四溢。我地4個人食點了中size,每人大概有5片。手打蝦滑$98真材實料，口感爽口彈牙。手打芝心牛肉丸（半份）$52手打牛肉丸爽彈，芝士流心，好味。手打黑松露墨魚丸（半份）$52黑松露香氣幾重，有墨魚粒粒在裏面，口感不錯。手打咸蛋黃蝦丸（半份）$52爽口蝦丸裏面包住粒漏油起沙咸蛋粒，甘香邪惡。鮮蝦雲吞（半份）$48每粒雲吞裏面都有兩隻巨型海蝦，勁爽口，冇油膩感。鳳城水餃（半份）$48同雲吞一様爽口，加入了木耳等配料，口感更豐富。皇帝菜$48食得肉類多，要食返啲菜，皇帝菜新

店員會先用牛油爆炒香雞件，再加酒去點火再炒，好岩打卡，然後加入椰皇水、椰青，同自家製椰雞湯，湯水有椰子肉，海底椰，椰子肉，紅蘿蔔等等，啲湯滾起左，店員貼心地幫手隔走啲油，先飲湯再食雞，雞仲係好嫩滑，份量亦剛好。黑松露蟹肉餃子充滿菇香，再加上黑松露既香氣同蟹肉既鮮甜，好味，真心要試😍黑牛栢葉切得好工整，淥一下好快就可以食，口感爽脆。咸蛋黃蝦丸 半份有得嗌半份好貼心，岩曬2人組合，咸蛋黃唔太濃味，但蝦丸就好彈牙，有口感。綜合蔬菜籃食咗咁多肉，叫反個菜平衡一下，入面有唔同嘅菜，兩人各有所好，都食得好滿足。荔枝梳打好清新，好夾食火鍋。

位於尖沙咀地段瑞生酒店上有間隱世手工火鍋，全手工養生湯底，適合養生既大家，湯底無味精😝🥥火焰生椰雞鍋 $328店員會先幫手炒雞，炒到兩邊變黃色，之後落酒再炒再點火🔥超香😂😂之後再倒成個新鮮椰皇同椰青水，最後放埋椰雞湯底，蓋上鍋蓋煲佢幾分鐘，店員會幫你隔咗層雞油然後叫大家先飲湯，超清甜😜🦙紐西蘭羊肉片 $138羊肉卷唔會有太大陣羊羶味道🦑手打黑松露墨魚丸（半份） $52濃香黑松露手打丸，口感彈牙🦐手打蝦丸（半份）$48可以見到有整隻蝦，煮熟後呈現蝦肉鮮紅，食到蝦肉的鮮甜可口，爽口彈牙🥟鮮蝦雲吞（半份） $48薄薄既雲吞皮包住脹卜卜既蝦肉同豬肉，肉質鮮嫩，口感豐富🐷黃沙豬膶 $68比普通豬膶特別嫩而乾淨，口感更加爽脆，每塊既豬膶都有光澤，非常新鮮芋絲 $38岩哂用黎索哂湯底精華，每舊都有椰子雞既湯汁😚🥬皇帝菜 $48唔多餐廳有皇帝菜，可以食肉前先食菜，唔會吸哂d油😋💡整體來說，全手工火鍋，價格合理，食材新鮮，如果多人食仲可以安排VIP房，私隱度相當高😚📍 云手工火鍋店 (尖沙咀)🗺️ 尖沙咀加連威老道20號瑞生尖沙咀酒店3樓

尖沙咀呢間手工火鍋，地方都幾大，仲有獨立VIP房可以唱K🦀火焰沙白蟹鍋 $328-先將新鮮沙白及蟹再加入芹菜炒香 倒入烈酒再點火形成火焰震撼效果 香味撲鼻之後就會加入湯底煮滾 湯底滾起就可以飲用-湯底有種鮮甜味帶少許酒香 味道清得嚟都有鮮味🧀手打芝心牛丸 $52-牛丸內層有流心軟芝士 牛丸結合新鮮及絞肉打成 🐂新鮮黑栢葉 $98-栢葉較一般處理過的白色栢葉較為有咬口 韌度較高富彈性🔔自家製紫菜響鈴 $88-鬆化響鈴內層包裹香味突出的紫菜 入口唔油膩 浸湯1秒仍能保持脆口 吸收哂湯底精華🥬雜菜拼盤 $88-雜菜盤特色就係每款都可以試少少 整體菜的新鮮程度幾高 夠嫩🍸酸梅湯 $68-酸梅湯甜度適中 唔會飲到強烈糖水味 酸梅味道唔錯總括嚟講，味道唔錯，可以一試

火焰三椰雞煲🐔（$328）鍋底本身跟咗半隻雞，幾塊紅蘿蔔同埋少許椰子肉👍🏻上嚟嗰陣店員會用牛油炒香啲雞，之後落酒點火🤣場面10分壯觀👍🏻湯底方面好有心，會用原個椰子、椰皇同埋椰奶整成嘅湯，一次過加落個煲度。個湯底煮到最後真係超濃郁，好鮮甜😋😋而雞本身都幾鮮嫩，冇雪藏味~紐西蘭羊肉片🐑（$138）羊肉有小小羊騷味（有冇人同我一樣覺得有少少先好食🤣)唔厚唔薄，食落啱啱好!!風沙粟米🌽（$78）粟米似係採用咗避風塘嘅炒法，所以外皮鹹鹹地，原本粟米應該係煮過嚟🤔手打黑松露墨魚丸（$52）黑松露味唔算重，但係食得出真係手打！墨魚丸入面仲有啲墨魚喺度◔.̮◔ 手打鹹蛋黃蝦丸（$52）呢個幾好食，好推薦！蝦丸非常彈牙，中間嘅鹹蛋黃係爆汁嘅，仲有啲沙沙地嘅口感😋皇帝菜（$48）皇帝菜配打邊爐是常識吧，正常發揮唔會老！整體嚟講，呢間火鍋店位置算係幾方便，不過入口有啲隱蔽😹上到去啲位都幾闊落，見到有房仔，如果人多嘅話book埋一間房打邊爐都幾正！唔想食放題邊爐，有時間限制嘅話，有Budget都可以去呢間試吓～

呢間火鍋店就係The One附近，行中高價路線，食料當然都有返咁上下質素餐廳入面座位寬敞，仲有幾間VIP房，私隱度幾高✨火焰三椰雞鍋 呢個湯底真係好正👍🏻正宗新鮮嘅椰子雞湯，超清甜‼️我飲左3碗，好滋補唔熱氣～店員會先用牛油煎煎啲雞，再落酒炒香裡面有椰子肉同海底椰，加入新鮮椰青、椰皇水同雞湯鍋有有半隻雞，好味嫩滑～雖然價錢少貴，但好滿意呢個鍋♥火鍋配料選擇好多，我哋嗌左牛肉拼盤、黑松露墨魚丸、黑松露蟹肉餃、蜂巢豆腐、手打蝦滑、皇帝菜、金菇、蛋餃～✨自家製黑松露蟹肉餃有驚喜‼️極推介，一定要叫餃皮好薄，而入面包咗滿滿嘅菇碎同蟹肉碎，真材實料個黑松露味好出，好好味👍🏻👍🏻✨ 手打黑松露墨魚丸半份丸得四粒，墨魚丸食落去彈牙，有淡淡嘅黑松露味好味😋👍🏻✨牛肉拼盤可以一次過試6款牛嘅部位（本地牛肉、 安格斯牛、牛胸爽、牛心椗、牛舌、牛柳粒）推薦本地牛肉同安格斯❗️兩款都係有少少咬口，牛肉味好香，煮完仍然保持肉汁✨避風塘雞軟骨雞軟骨炸到好酥脆，辣辣地勁開胃🤤✨ 火鍋醬料上碟好精緻，九宮格調味盤俾客人自己撈有生蒜、炸蒜、芫荽、蔥粒、辣椒粒、芝麻醬、沙嗲醬、沙茶醬同秘製辣油～

佢哋嘅湯底都係真材實料，無味精，超鮮甜！勁推介火焰三椰雞鍋🐔平時出面火鍋湯底都係整好上枱，今次佢哋係係我哋面前整🙉半隻鮮雞上枱後連椰肉先爆香，之後再加酒點火燒一燒，最後加埋椰子水、椰青水、椰汁雞湯😍大滾後店員再幫我哋隔油，就完成飲得喇✅超鮮甜，好好飲！我哋每人都飲左兩大碗🤣雞肉都好嫩好好味💓食火鍋點少得食牛肉❤️美國安格斯牛肉好正啊！厚薄適中、油脂分布均匀🤤正正🫶🏻招牌韭菜餃都唔錯👍🏻皮薄餡多，唔會好多肥肉～蔬菜拼盤好新鮮，有齊幾款時令菜🥬🥰

一連365日都可以打邊爐 打邊爐最重要嘅就係要有靚肉✌🏼✌🏼✌🏼有靚肉，加啲菜加啲配料，已經係最好嘅配搭🤌🏼😌😌呢度有唔同款嘅特色湯底，我哋叫咗火焰三椰雞煲🔥火焰就梗係有火啦🫨🫨侍應首先炒香啲香雞件，然後加入料理酒後點火～ 火焰紅紅，好有氣氛同埋視覺效果，打卡一流！ 跟住就開始落埋啲椰青、椰皇、椰子🥥，椰林樹影，聞到都覺得好香🥳湯底飲落口好滋潤好清甜啲雞件就軟滑，係新鮮嘅雞之後叫咗美國安格斯牛肉，牛肉嘅紋理非常清晰，紅色白色非常鮮艷，仲要好大碟🤠🐮喺清甜嘅湯底入邊煮一陣就食得，幼嫩中帶少許咬口，牛肉味道香濃🐄之後叫咗大大粒鮮蝦雲吞，好彈牙爽口食咗咁多肉，叫返啲娃娃菜叫埋汽水零系可樂、雪碧，大大個肚咁走☺️☺️🙈

💥辛苦揾來志在食‼️所以每星期都會周圍揾好嘢食～早日就去咗尖沙咀🔥 #云手工火鍋 🔥嘆個高質港式火鍋！餐廳裝修融合中西元素，舒適雅緻，設有卡位及5間獨立VIP房，約親友及三五知己都咁適合～呢度嘅食材同樣新鮮、優質、選擇多，包括多款手工火鍋湯底、自家製配料、惹味小食、刺身、海鮮、肉類、丸類、餃類、時蔬等⋯⋯每款都令人有驚喜，流晒口水～🔥 #火焰椰子雞鍋 $328簡直係一個表演，店員先用牛油炒香雞件，緊接點出耀眼火焰，令人忍唔住拍片影相，之後再加入三椰：椰青、椰皇、椰子雞湯，咁足料，唔怪得個湯又香濃又清甜滋潤啦！加上D雞肉都好嫩滑，實在係必叫推介呀～🥩 #招牌牛柳粒 $168牛香濃郁，油香滿滿，入口肥美肉嫩。🥟 #自家製牛肉小湯包 $68小湯包裡面有滿滿嘅牛肉及肉汁，一咬爆湯，肉嫩鮮甜。🥟 #招牌韭菜餃 $48韭菜餃餡料飽滿，韭菜味唔重，連唔食韭菜嘅老公都讚有料到！🦑 #香煎鵝肝墨魚丸 $68🦐 #手打蝦丸 $48自家手打，肉丸緊實、鲜嫩、彈牙，墨魚丸一咬爆汁，散出鵝肝香氣，食完一粒接一粒！我地細食，食唔到好多，下次要約多D朋友嚟食多D款式先‼️