二家姐正宗原味麻辣火鍋

營業中

休息中

又同班老死相約食飯，好耐無打麻辣邊爐，見呢間有咁多特式配料，加上係好喜歡嘅麻辣火鍋，貪新鮮就試一試佢。一入到去，佢原來分左兩間舖，我訂左位，佢就叫我去對面坐，咁啱落完大雨，好在行過去唔洗濕身。坐低左，好大冷氣，可能諗住打邊爐啲人會好熱掛，揀左好多野食下，但飲品方面比較遜色，都係得啲罐裝樽裝飲品，如果有啲自家制飲品會加分。因為有一個朋友唔係好食得辣，我地揀左清湯同麻辣小辣湯底，但清湯都有味，仲幾好味，相反個小辣一啲都唔辣，藥材味重，但好淡味，要點豉油辣椒蒜蓉先有味係可以一試，多人食會抵啲，人均唔算貴。但飲品同湯底嘅進步空間仲有不少。

近十年最難食的打邊爐餐廳！價錢不平的手切本地牛肉，有筋，無牛肉味！羊人無羊人肉！最難食係個人氣小湯餃，餃皮超硬，肉汁腥臭一食即吐！還有主打重慶麻辣火鍋湯底，無味無重慶麻辣的辣香，而且辣到苦！總結是想食麻辣的朋友一定會好失望，反而清湯皮蛋芫荽湯底還可以，皮蛋好食。豬紅質素幾好。點了賴尿蝦墨魚滑，買相很有驚喜，食一口口感很硬，墨魚滑很滑但很硬，賴尿蝦無賴尿蝦味！但最奇怪是火鍋的醬油沒有味道。而且價錢很貴，性價比很底。失望！

此店裝潢主要以古代圖畫牆紙，配上仿古時客棧貼紙的枱櫈，假裝竹製的碟，變得甚有特色。麻辣湯底沒聞香味，可能小辣缘故，可取之處是不太油膩也不會太鹹，吃得輕鬆。本地牛肉不錯，有嚼勁而不硬，適合愛偏瘦人士。黑柏葉爽脆，事前處理適宜，薄身煮3秒。鵝血少見，軟綿有彈性，口感似台灣當地鴨血，惟味道較淡。豬黃喉新鮮爽脆不硬。豬紅新鮮，不結實，有「紅」味。韮菜餃一般，韮菜和豬肉的味道中多了一種香料味，感覺不太搭配。2人光顧，點餐如下：麻辣鴛鴦鍋 - 小辣 + 藥材本地牛肉（中）黑柏葉No.1鵝血豬黃喉豬紅韭菜餃時菜鮮淮山各式汽水烏龍茶山楂甘草茶醬油每位 x2加一後，合共HK$1,701。

天氣涼涼地 最啱就係打邊爐打邊爐嚟講又以麻辣火鍋最適合冬天食今次就俾朋友揀去邊間開餐佢揀完一輪 俾左呢間我地睇咦 正宗麻辣火鍋 好似有啲料到即刻訂位先唔知係咪疫情關係 都唔係幾多人成晚加埋我地得3枱都好 坐開啲 安全啲湯底我哋揀咗鴛鴦鍋外面麻辣 中間藥膳清湯個麻辣 真係唔講得笑 又麻又香食到中段頂唔住撈起左啲底料清湯嗰度幾好 有啲藥材香味打邊爐最重要係牛 呢間嘅牛幾好但份量唔算多 餐肉炸得好香口 一上枱我地忍唔住 每人2件食鬼晒唯有再叫多碟打邊爐用好好味 索左少少麻辣湯仲正雞子超大粒 隻雞係勁野😂😂仲有比較少見嘅牛骨髓其他野就比較一般不過整體嚟講都唔錯 愛辣之人可以一戰

有次經過渡船街見到門面裝修好特別就即管入去試一試點知試完仲一食難忘繼台灣嘅麻辣火鍋呢度簡直可以媲美好正宗所有打邊爐配料都誤打誤撞出奇地好味湯底好正叫左鴛鴦鍋中間係藥膳湯底越滾越有味必食推介手切牛是必須花雕豬腦瀨尿蝦墨魚滑鬼馬滑炸鬼是日帶子鮮甜

朋友生日，一行13人去食二家姐，本身book咗間房最低消費$2800，但係其實根本唔夠13個人坐，郁吓隻手都頂住晒，明明有房空出嚟問吓佢可唔可以轉，佢就話如果轉房要$5000消費，咁已經好冇癮喇，我都算！每次入嚟放低D嘢食都要行開先比到個位佢上菜，都唔緊要！講真嘢食其實都可以嘅，我啲朋友話啲牛肉好好食㗎，不過服務質素真係要負80分，首先又一話唔轉$5000嗰間房就已經黑面，落嘢食係咁漏單，明明冇客上菜都好慢，最好笑係1點趕我地走扮滅蟲，其實因為得返我哋一台客，全場佢得一個員工喺度等我哋走，所以求其噏扮晒滅蟲，book 果陣明明話3點先閂門！最後食左$5300，食物質素OK！員工服務完全唔OK！每人都要四舊幾水，其實都有好多其他選擇。

每個人都有一鋪麻辣癮我就係其中一個今日就去到佐敦食一個麻辣邊爐裝修非常有風味 地方寬敞重頭戲 紅卜卜嘅麻辣火鍋非常傳統川味麻辣 有非常多嘅香料同紅油淨係聞都聞到一股麻辣味當然要落大量麻油再加蒜蓉每樣餸都係有悉心擺盆。不是隨隨便便質素都十分之好打邊爐一定要叫可以吸晒湯汁嘅餸例如芋絲 放落去之後食到麻辣嘅味道又配以爽口的口感 打邊爐一定要叫午餐肉放咗落去煮一陣就會食到麻辣燙鍋嘅香味肥瘦均勻 肉質都比較嫩滑大家都可以試吓叫呢個牛肉嚟食魚皮餃都好入味超大條嘅蟹棒抵食之選

本人最鍾意烚下烚下🥢,尤其是吃麻辣火鍋.....諗起都流口水🤤！今次去咗”二家姐重慶火鍋”食，因為知道呢度多𠮩𠹌嘢💥,多內臟食材(鮮味）又處理得好好！🍲試吓湯底先，麻同辣恰到好處🤞🏾⋯⋯因為如果太多辣椒味，D甘草、八角就冇定企！豬腦🐷🧠～本身好鍾意食豬腦的質感，加入花雕🥃更香味更濃！鵝腸🦢更加是必食，大條、乾淨、夠新鮮！💡主食必吃紅薯粉🍜，Q彈而且好滑，唔好再食公仔麵la!

醬料係以上 每位20蚊 , 麻油可以輕度解辣, 呢個要特別注意!先講鍋底啦, 麻辣味係十足, 可以話係主打湯底, 基本上非常入味, 尤其烏東個D 吸汁力強個D 煮完會勁入味唔洗再調味.中間係藥湯, 2種湯底, 但係中間既湯底 煮唔到太多野,有個唯一既問題係中間湯底太難熟傳熱唔夠強!麻辣滾晒好耐中間都未滾..主打推薦係秘制麻辣牛, 本身麻辣湯已經好入味, 加上本身既秘制辣, 中意食辣既人士千奇唔好錯過,肉感十分軟, 滑牛口感, 口感同味道都十分出色, 最重要係份量唔太少 而且價錢不貴 都係80左右.我個陣想叫2碟.都係特色野, 小湯包, 其實同小籠包有D似, 分別係皮呢到會比較硬身, 入面d湯就無咁易穿出來,湯汁基本上味道差不多, 內肉都係差不多,份量算多, 價錢不貴! 抵食, 好小可打邊爐有湯包食!放完麻辣湯後, 成隻包變上晒色入晒味, 連埋湯飲超正, 美國肥牛, 今次無叫到特別既肥牛了, 因為食太多angus 和牛之類了, 轉下口味, 轉左叫滑牛,其實肥牛貴得黎份量未必多, 質素黎講滑牛都唔錯, 所以肥牛其實真係未必一定要叫!

今日跟一個四川的客人見面順道帶他吃重慶火鍋就來到了佐敦的二家姐重慶火鍋一入到內街見到對面店舖一梗一樣原來是分店菜單款式選擇很多，都很特別與一般港式麻辣火鍋的菜式不太一樣客戶想吃麻辣鍋.所以點了鴛鴦鍋.🥢重慶麻辣鴛鴦鍋 $1️⃣2️⃣8️⃣中間係藥膳清湯麻辣湯底很麻很香.愛辣一定要點藥膳湯底中的中藥很足.湯底愈煲愈濃香👍🏻 喝了很多啖也不會口渴.沒有哋精👍🏻💛豬肚 $3️⃣8️⃣非常推介這一款！十分爽脆！新鮮！❤️因為其他店的豬肚都沒有這種爽口的感覺🥢豬粉腸（本地）$5️⃣8️⃣客戶很喜歡，表示很新鮮，很粉，味道不重💛瀨尿蝦墨丸 $8️⃣8️⃣瀨尿蝦拆殼帶同墨魚塊十分新鮮及彈牙💕💛脆炸響玲（即炸） $3️⃣8️⃣可能即炸關係，那種油香口感跟平常吃的不一樣🥢雪花肥牛 $6️⃣8️⃣脂肪與牛肉分佈各佔一半🌝🥢海帶 $2️⃣8️⃣客戶很喜歡的海帶但客戶表示失望，因為不是海帶結🥢萵荀 $3️⃣8️⃣香港不常見，火鍋有萵筍整個好開心💕💛脆皮炸肥腸 $68 即炸，皮十分香脆愛吃豬大腸的都一定會很滿足，份量很足！吃完會有點飽，不要吃太多❤️P.S.食物用料質素都很高,很新鮮❤️❤️❤️

同事對尼間二家姐讚不絕口，經常見佢將食物相放face book , 每次睇到都流晒口水，今日放假，於是相約為食姊妹去試吓位於佐敦渡船街最多食肆的其中一條街，大大個招牌好容易搵，門口玻璃貼滿介紹，內裏裝修有特色，牆壁壁畫充滿中國風先點中辣的麻辣湯底，至於中間的清湯可選擇芫荽皮蛋或藥膳，先喝一口藥膳湯，唔好睇佢好似開水般，飲落好香藥膳同咸淡度非常適中，望住這個紅紅的麻辣湯底已感覺味蕾發麻，中辣椒已吃得人頭皮發麻，不過這就是吃辣的過癮之處，嗜辣的人可以叫大辣，一解辣癮餐牌上食物種類頗多，點了一些比較特別的款式，陣皮魚蛋，陳皮魚蛋的好味之處就是比起一般魚肉魚蛋來得爽口彈牙，加上麻辣的味道，好味到停不了口瀨尿蝦墨口，必食推介，墨魚丸不單爽口彈牙，一咬落去鮮香的墨魚味充滿口腔繼而是鮮甜的瀨尿蝦味，二者夾得天衣無縫，墨丸內滿是小粒墨魚丸增加口感，唔點黎食簡直是損失豆皮，長長的豆皮要淥耐一點淋身一點再進食會更加惹味見餐牌上寫著必食的回味豬肉腸，一碟有六條，咬落帶點咸香，肉質口感不錯，不會過淋或過硬

早排見天氣涼左，就想打邊爐🤤🤤🤤好耐無食麻辣火鍋，於是就決定黎二家姐呢到食🤤一入內就見到滿佈中國式的畫作，幾有味道好快已經比店內既麻辣火鍋味道所吸引。黎得當然係食麻辣湯底啦，揀左小辣，好啱自己口味，湯底材料好足，麻辣度適中，唔會有一種好搶口好唔舒服既應覺叫左個牛胸爽，真係好食，放落去大約廿秒已經食得，食落口好有咬口好爽，呢個無叫錯👍🏻本地手切肥牛，好新鮮，都係10秒到食得，口感嫩滑無根，唔錯鵝腸真係好肥美，真係一流，入口爽彈，無好難咬開，正珊瑚蚌比想像中好食同大件，有驚喜。唔似一般火鍋酒樓貨色。吸收晒麻辣湯味道令珊瑚蚌更出色。鬼馬油炸鬼好香口，食落香脆，蝦滑配油炸鬼的確唔錯，如果配泰式辣醬就更好😂😂整體係一餐唔錯的麻辣火鍋，價錢中上，可以一試

今日行過佐敦同朋友一齊想試下呢區嘅麻辣火鍋，聽講呢間二家姐都幾出名下咁我哋就一於試下啦。咁我哋就揀咗呢一個重慶麻辣鴛鴦鍋， 呢個重慶麻辣鴛鴦鍋其實都幾唔錯， 我講佢麻辣味的而且確非常之辣，絕對有中國四川麻辣嗰種風味。皇帝菜: 皇帝菜我覺得都幾新鮮擺落去清湯火鍋裏面吸收曬火鍋嘅湯底， 菜夾雜著清湯味的確幾有風味。豬紅： 呢個豬紅其實真係好新鮮， 而且佢個個豬紅真係好鮮嫩滑到好似豆腐咁樣認真一流。羊肉捲: 佢呢個羊肉捲啱啱好似砌出嚟咁樣，幾新鮮，放落個麻辣火鍋度，羊肉吸收麻辣味認真唔錯。 而且羊真係幾鮮嫩， 大家可以一試。手工韮菜餃: 細細粒而且用料十足， 應該係佢地自己包的。 餃裏吸收入面啲湯味真係幾麻辣。紅薯粉：呢個粉， 其實一擺落個火鍋度煮，粉漲起上嚟都幾飽肚，同埋佢嗰粉幾彈牙，所以我覺得呢一個粉大家可以試下，食粉之餘順便飲埋佢個麻辣湯底，正!最後我建議大家可以試下呢一間嘅麻辣火鍋真係幾有四川麻辣味。 大家睇下我啲圖其實都見到佢都幾新鮮。

有好一陣子沒有吃麻辣火鍋，天氣還寒涼時就去試試新嘢！到店才發現原來同一條街有兩間分店，有充足座位，店內設計有濃厚的中國風的，值得一讚的是座位間空間充足，不會有與鄰桌同枱食飯的感覺我和友人都是好辣之人，直接點了麻辣鍋湯底。餐廳中的店員都有友善地介紹店內不同的招牌菜，推介幾款我和友人特別喜歡的鬼馬油炸鬼-本來我和友人是想點響鈴的，但是店員極力推介鬼馬油炸鬼，其實是釀了蝦滑的油條，上桌時是立刻炸起的，香口得來由嚐到蝦滑的鮮味，我們都對此讚不絕口另外一度特別的菜式是鵝血，一般坊間麻辣鍋都是提供鴨血，鵝血除了稀有外，對比起鴨血期質感較硬身，因此即使在鍋內烹調較長時間亦不用擔心會有一夾起就散的情況。至於鍋底味道當然是不失水準，我們點了小辣，麻辣味極香濃，可以說是十分正宗的重慶麻辣味，喜辣者一定不會失望

呢個星期突然轉涼，我同男朋友第一時間一定係去食打邊爐，難得男朋友同我一樣都好中意食辣。凍冰冰一坐低就叫左個重慶麻辣鍋，之後先再慢慢揀野食。我地叫左安格斯牛頸脊、珊瑚蚌、豬黃喉、水魷魚、蓮藕片、冰豆腐、萵筍同紅薯粉，食麻辣火鍋一定要叫d索湯既野先夠正，個冰豆腐煮完之後索哂個麻辣湯真係好正😋😋 個紅薯粉都係索湯得黎仲要好有咬口！豬黃喉夠大片夠爽口，個安格斯牛頸脊好淋，唔會鞋口😍😍配埋支啤酒，冬天食多幾餐都唔怕~😂